大家樂

营业中

休息中

不分早，午，晚，想食乜野，等佢"齊”到一個餐要等十世，服務態度差，無禮貌，恒安邨居民嘅耐性有限,我唔明點解連齊一份餐都咁難，全部野都出齊晒一盆分放响度，希望美心MX會响度開.

$44 我想食湯飯但係得呢個選擇 本來想要鴨腿或者雞腿 不過賣晒 得返呢個冇乜香茅味嘅香茅豬肉雖然佢冇乜香茅味 但係超級鹹 喊到一個地步可以送好多飯 個湯有啲瓜有啲菇OK嘅不過飲晒之後都係覺得好咸...$9加左個上湯娃娃菜。唔係好多不過叫做有啲菜食 都幾好味$50 慢煮南洋咖喱牛腩飯 個名夠晒長 估唔到啲牛又幾好食 係份量少啲囉 嗰啲假呢個味都幾開胃唔係好辣 另外我嗌左Zero佢幫我落咗雪碧 個收銀真係搞唔掂 仲要少少燥底咁嘅丫嬸 最後杯汽水係冇乜汽嘅 不過記得呢間啲汽水每次都係咁差

拎完野比表姐, 落左佢樓下食下午茶, 大家樂係最啱既選擇, 因為唔洗諗要食D咩, 來來去去都係果D款.唔想食燒味又唔想食粉, 就食西多士+雞翼, 跟餐汽水. 其實大家樂既蜜糖雞翼確實唔差, 外表烤得好香, 少少脆, 蜜糖甜甜地又夠惹味, 肉質嫩滑又入味, 祗係比較細隻.西多士半份, 剛炸好上黎好香, 外脆內軟, 內里仲有少少花生醬夾住, 整體唔會太油膩.

今日星期日放假，又唔鍾意跑馬，所以就一個人出去覓食，我最愛high tea,所以就去左大家樂叫左份火腿米通，米通幾爽滑，長長的，有火腿同腸，再配以肉藻份外鲜甜野味

早上的飲食世界，是多姿多采的，可中、可西、可本土派。而我，最愛都是本土派的美食，一早出門，感覺有時間，就會拜會茶餐廳。是日，我的腳步令我在利安邨停下來，為的早餐，雖然都是充滿香港的色彩，但我進入的不是茶餐廳，而是人見人愛的戴家洛 (大家樂)。在大家樂食早餐，身為中國人的我，身為香港人的我，最喜歡食的，都是中國式、香港式的食品，所以，近來的我，總是喜歡在快餐店，食中式早餐，食大大隻糯米雞。本來，我想在自己的 Blog 對比下三間快餐店的糯米雞，但細心對比過後，覺得無論是飯的質感，餡料的配搭 (雞翼、臘腸，肉醬)，同味道，都是一模一樣，令我有點點懷疑，他們是否向同一間食品供應商攞貨。是日的糯米雞，又腍又香，肉醬的那一個咸香味，早已滲透在糯米雞外層的米飯內，令到整個糯米雞的內外都香口，好惹味。配中國茶是好，但在快餐店，配上奶茶，我可以說，是更好。雖是行貨，但好味道，間唔中食下，是不錯的。