大師兄銷魂麵舖

营业中

休息中

台灣知名拌麵店「大師兄銷魂麵舖」最近黎左香港太古城🇭🇰啦～以後唔使去台灣都食到啦！☺️👍🏻菜單和台灣的差不多，套餐$88起，銷魂麵可選配清燉或麻辣牛肉湯；牛肉方面可選擇牛五花、牛筋或牛腱；經典套餐可選配配菜麻辣滷豆皮、豆腐或鴨血～ 如果想一次過試晒所有配菜，就一定要試麻辣大滿足！😎咁就可以所有牛肉同配菜都試晒！😏除此之外，全部套餐可另加$28享小食及飲品各一客。🔹麻辣三寶（牛五花、牛筋、牛腱）+銷魂麵，配麻辣鴨血（$118）三款牛肉都好推薦！💕牛五花肥瘦相間，油脂豐富；牛筋炆得軟腍入味；牛腱半筋半肉，腍滑中帶爽脆。🤤🔸麻辣大滿足+銷魂麵大滿足真係好大份！😳豆皮吸晒麻辣湯嘅精華，爽脆又惹味。豆腐係台式古早味豆腐style～最欣賞台灣直送嘅鴨血‼️口感煙韌，原汁原味。☺️加左$28要左份麻辣黃金魚蛋，魚蛋一份有四粒，份量都算合理，唔好對佢有港式辣魚蛋嘅期待，因為佢味道口感都係比較似台式咖喱魚蛋。😂是日冰茶可以二揀一，有茉香綠茶或白桃烏龍，都係由來自台灣的茶葉浸泡而成。鍾意食辣嘅一定要試麻辣牛肉湯～😏本身湯底預設微辣，但都可以按個人喜好加辣或者揀唔辣！加辣嘅話，就會比多碟招牌辣油你！😏麻辣牛肉湯湯

同姪仔搵食，想搵間快靚正，見呢間唔駛排隊，就入左黎食。食物呢度餐牌主要喺分辣同唔辣，我地各樣一個。覺得個撈麵係幾好味幾有咬口，但都有小小辣架，怕辣嘅人可能就要同返店員講聲走辣。一個餐主要有三樣野——麵、湯牛肉、配菜，至於點樣食，就要靠自己睇下檯角果啲好細粒嘅字。如果唔夠眼力睇，其實都可以按自己喜好食，將湯筆落麵又得，將麵筆落湯食又得。服務同今時今日好多鋪頭一樣，明明QR Code自己落單，你冇同店員講過幾多句，水又冇，但都係要比加一服務費。環境檯同檯之間都係好近，靠牆坐的話就可以放野喺長椅。打對面果個就冇椅背，老友記就唔係好啱坐。試一次冇壞，唔好抱好高期望就得，再返黎食就未必啦，因為都覺得唔係好值三位數。

I was told there’s a new Taiwanese beef noodles place in Taikoo☺️and my friend seems to really like this place. I was skeptical at first but I get it why she heart it😋their spicy beef noodles is pretty decent. I love the richness of their beef broth and it match pretty well with the noodles. The quality of the noodles is also pretty impressive, it felt fresh☺️the brisket is also very enjoyable. On the other hand my friend prefer the clear broth cos she can’t do spicy. But her clear broth noodles i

讚-麵質感幾好 爽彈 個豆腐都入味 蘸牛肉既醬汁夠惹味 有啲麻香酸香感 唔錯-好闊落既空間彈-煮牛肉既麻辣湯係辣既 但偏平淡 牛肉實在無諗過係肥牛片果種 -價錢實在唔嘢少 同宜家食碗貴價日本拉麵差唔多

幾年前在台灣吃過，一直覺得下次再去台灣會再吃，結果已經在香港開店了，於是在工作午飯時間過去。掙扎清燉牛肉湯還是麻辣湯，結果都是選擇麻辣湯，不算太辣，如果喜歡吃辣嘅朋友，有加辣的選擇。麻辣牛三寶湯 包括牛筋牛肉片牛腱 $118麵質是我喜歡的硬度，一點點煙靭，而且味道剛好不會太鹹，附送小食，有麻辣鴨血或麻辣豆腐選擇。餐廳亦有即食麵版本可做買回家自己煮，價錢是比一般即食麵稍為貴一點， $98 4包麵。總括而言，跟台灣水準差不多，味道好，會再次幫襯。

太古城 l 台灣過江龍小編每次去台灣必食，第一次去台灣食過就番唔到轉頭。見到佢係香港開左分店就一定要試下。清燉三寶(牛肉片，牛筋，牛腱) + 銷魂麵 $118 6/10麻辣大滿足 (牛肉片，牛筋，牛腱，鴨血，滷豆腐，滷豆皮) + 銷魂麵 $128 6/10 牛筋燉得很腍，牛肉片肉味濃，不過牛腱燉得唔夠腍。清燉肉湯: 清得來肉味香濃，有淡淡藥材味麻辣肉湯: 麻辣湯唔算油，唔算超級濃，都係有淡淡藥材味麻辣鴨血好食，吸湯滷豆腐，滷豆皮正常銷魂麵好香好食，有少少炸蒽，同蒽係面。小食加飲品 +$28招牌老油條 2/10太硬，唔太吸湯，唔太建議 (不過台灣既好好食)冬瓜茶 6/10清清涼涼好舒服，正常冬瓜茶總結: 冇台灣食過咁好食，係香港食覺得驚艷程度唔高。建議大家去台灣食。如果真係好掛住台灣味都可以食下來止痕。但係要強調台灣既真係好好食！有外賣即食麵賣，試過自己煮係同鋪頭既銷魂麵唔同既大師兄銷魂麵舖 (太古)太古太古城道18號太古城中心1樓148號舖

主打拌麵 只係需要揀麻辣湯定清燉湯 同埋唔同牛肉嘅配搭小食唔算好多選擇個湯仲可以免費加 又幾有愛麻辣三寶銷魂麵 $118麻辣湯底又香又麻 唔會去到好辣 都幾好飲拌麵好食耶麵質好彈牙好有咬口 帶少少辣 幾香幾惹味至於肉嘅份量好多 好足料 多到有一刻以為自己食唔晒而且質素都唔錯牛肉片係肥牛 又幾驚喜 點埋個肉汁好好食牛筋炆到好淋 膠質滿滿牛腱有成4-5舊 仲要係厚身嘅😂小食+飲品 +$28小食：老油條飲品：白桃烏龍幾滿足嘅一個lunch

咁岩工作走左去太古城，肚餓想搵野食既時候發現有一間餐廳特別唔同，門口已經有曬排隊既指示，睇真啲應該係有分輪次。見下輪時間都好快到，等左一陣就已經入得去了套餐的選擇非常多，我選擇了麻辣牛筋+牛五花+銷魂麵湯底則是麻辣牛肉湯，味道香辣可口。銷魂麵的口感非常好，搭配湯底，讓每一口都充滿了層次感。特別之處在於他們的乾濕分離食法，店員會提醒你先享用一口「銷魂麵」，再搭配一口牛肉湯，牛肉則可以用特調沾肉醬來吃。飲完想再飲湯可以叫店員續上的，下次一定要試下個清湯。

哩間過江龍未開已經知有幾出名，終於喺香港都食到😆 見到唔洗排隊梗係要試吓啦！✨清燉三寶(牛五花、牛筋、牛腱) +銷魂麵（走辣）+麻辣滷鴨血 $118牛五花肥瘦適中，剛好一層油花一層肉，肉質結實得嚟帶點油筋，牛味濃厚；牛筋有滿滿膠原蛋白，軟嫩Q彈有嚼勁；牛腱肉味香濃，軟硬韌度適中。銷魂麵本身係微辣，我揀咗走辣，麵條煙韌彈牙，本身就帶點鹹香，手工麵條果然係唔同啲👍🏻 鴨血帶少許藥材香味，質感嫩滑，唔會好辣。✨麻辣牛五花+銷魂麵+ 麻辣滷豆皮 $98(另+HK$28 配麻辣黃金魚蛋及凍冬瓜茶）麻辣湯底唔會太辣，帶點點麻香，仲有濃香牛肉味🥩 預設銷魂麵帶少許辣更香口。麻辣滷豆皮吸哂辣汁好惹味。🔸銷魂麵預設係拌麵，大家可以將湯加落去一齊食，湯唔夠嘅話仲可以再加。兩種唔同風味都一樣好食🤤🔍整體感覺：餐廳裝修簡潔，環境都乾淨。食物味道同質素都好高質，性價比都正常，身位港島區嘅朋友以後又多個飯堂可以去🤭

太古城有兩間台灣麵店知道銷魂麵舖新開，而又有我今晚想食嘅牛筋所以即管試吓！.主要分咗麻辣同清湯口味，最低消費每人一個套餐，用QR code落單，堂食需要另外加一.兩個人一個要咗麻辣味三拼（$118），有牛肉、牛筋、牛腱，另一個要咗清燉牛肉牛筋（$108），兩個套餐都會配一個微辣嘅拌麵，同埋一個小食，小食可以揀豆皮，豆腐或者鴨血，我哋再另外再升級咗加$29多個小食同飲品，要咗麻辣魚蛋同埋一杯無糖白桃茶。.落咗單都好快就送到，本身個面侍應都講咗會係微辣嘅，但我冇諗過佢微辣之中都幾辣㗎！！！麻辣湯底係超級麻！！如果食唔慣辣嘅人都真係幾頂唔順呢！就算我自己係鍾意食辣，我都會較為喜歡清燉湯配一個微辣嘅麵就覺得已經足夠呢！.一上枱侍應講解返應該點樣食佢哋呢一個麵，佢哋建議分開食麵同飲個湯，之後亦都可以再加湯，啲肉嗰啲亦都可以點佢一個醬去食，不過我覺得整體都好夠味了幾鍾意佢個牛筋，炆得夠腍！麻辣湯底幾辣，食唔到辣嘅人要三思😂😂男朋友食到出晒汗🥶🥶麻辣魚蛋，下次就唔會專登加錢叫啦，魚蛋質地十分普通，淨係好辣好辣😂😂😂最欣賞係佢個面個質地好彈牙，好有咬口唔會好腍，另外溏心蛋都好食，個面底係有少少辣佢有啲

國慶假期6點左右已經要等位，我哋一行二人被安排坐門口附近位置。職員提醒用餐時間60分鐘，我點了麻辣牛三寶、朋友點了麻辣兩寶加套餐小食，湯底麻冇花椒味、辣亦唔夠過癮，牛三寶嘅牛筋冇味、牛腱偏硬、肥牛更加諧霎霎😵‍💫 麵條囗感一般，最好食係隻滷蛋😅我食完剛放低筷子，拿起杯水飲一啖之際，職員以0.9秒速度收咗我個盤，因為紙巾喺個盤上面，搞到我連抹咀嘅機會都冇，真心有啲嬲，貼錢買難受嘅感覺！我明白出面有客等緊位，但我哋由坐低到食完都唔夠30分鐘，咁嘅趕客行為，加上值食物質素低，一定冇下次😣

又係常見嘅香港餐廳一個鐘用餐. 但今次有啲分別, 話說我一個鐘內用完餐（食麵）, 而地方是屬於鮮芋仙, 咁用完餐咪去鮮芋仙買甜品囉, 一坐低, 呢一間銷魂麵舖就話要求離開, 佢哋職員話呢個地方係鮮芋仙借用, 所以我哋要離開. 但我又喺鮮芋仙買完甜品, 鮮芋仙比我哋坐返低, 真係畀佢哋玩死. 咁我又同佢講, 我甜品買咗食緊你又要我走, 咁我退錢得唔得, 又話唔得. 真係好難捉摸.

前幾日去咗太古城試吓新開張的銷魂麵鋪，叫了招牌牛肉麵，職員很有耐心解說食法，湯和麵分開食佢嘅麵質地非常彈牙，汁不膩不鹹，有令人越食越想食的感覺，牛肉湯也美味濃厚，地方整潔，值得回味，回家後也沒有中味精毒的現象，價錢都係可以接受的範圍，如果要挑骨頭玩毒舌的話，我只能希望店主能在隻蛋加多D功夫，那就完美極了。味道5星星

對呢間台灣過江龍嘅期待值好高，新開冇耐，次次經過都有人排隊，有次星期五晚想食都食唔到 閒日夜晚，見唔多人排，一於試下。店鋪裝修簡約文青，儘管晚市繁忙時段依然堅持一人一檯唔搭檯，感覺不錯叫左最貴嘅餐，入面配料咩都有D，一次過試曬。加左$28 一杯飲品（當天是無糖白桃烏龍）、小食（魚蛋）湯底普通，似牛肉麵湯底，冇咩出彩之處，飲完唔會想refill (可以無限次添加）比較失望。自問好鍾意飲湯，但今次連添飲嘅慾望都冇餸：🍗好大塊嘅牛超級難咬，肉實，唔淋，食得好吃力；牛筋OK，有膠質，正常，但唔係好入味；牛五花： 普通貨色，就係牛五花嘅味，正正常常冇特別之處🥗鴨血： 好食，爽口軟糯並重，唔錯； 豆腐： 好難食，完全唔推薦：（配菜魚蛋：冇台灣特色，亦唔似香港魚蛋，食左1粒唔想再食不過附上嘅辣醬同埋酸醬味道OK，開胃可口🍜麵： 痴埋一舊，食唔到香味，撈唔勻，無可取之處。超級硬+乾，食完胃痛，好差😅咁樣一個餐，連加一 $171， 雖然環境及服務唔錯，但奉勸大家唔好排隊浪費生命、金錢，完全唔值。港島區要食台灣嘢的話，北角鐵花村、西環阿元來了、炮台山九分飽 係比較好嘅選擇

一行三人，兩點半開始排隊，排左差不多廿分鐘，不斷俾後面二人入座，問我們會否考慮迫d坐二人枱，我心諗點食嘢呀，入到後面無晒人（即係人哋一到已有位）。我們卻等了足足25分鐘，投訴後，才拼張枱給我們。店長唔投訴都唔理我們，無表情。麵我喜歡有咬口的，但它的麵比較硬，牛五花很一般，就是普通肥牛，牛筋和牛鍵還ok, 但不夠入味，配汁味道唔夾。清湯還ok, 麻辣湯很淡。如果只吃牛五花，很搵笨。咁都做到過江龍。。。試一次夠