大快活 (淘大商場3期)

营业中

休息中

一早起身見肚仔餓，快快手手拖埋爺爺落淘大搵食，難得爺爺開金口，要吃大快活的滑蛋，小妹當然唯命是從。滑蛋雞扒配多士，多士只是暖身，但勝在夠厚；小妹先將多士的外層全部吃掉，然後將滑蛋放到包心上，變成蛋治，大口大口的吃掉，小妹認為這種食法，既能吃到多士脆脆的外層，又能同時享受軟軟的包心和炒蛋，比起將蛋和多士分開吃更加美味。主角滑蛋真的不錯！蛋香很重，炒得嫩滑又不乾身，值得推介。至於雞扒，不過不失吧，只是油太多，小妹不是太習慣。爺爺要的滑蛋牛扒，牛扒甚薄，看上去不太吸引。P.S. 本來小妹還加了一個雪菜米, 誰料到樓下買了報紙後，竟發現爺爺已經把整碗米粉幹掉!!

2008/7/9晚見報紙廣告用「XX賞」積分揀「點都唔落味精系列」可換同系列指定湯款一盅或灼菜一碟。入去問收銀員原來菜只得獨沽一味生菜! 結果男朋友吃我原先揀的蝦米茶樹菇蒸雞飯(HK$27)而我另揀魚香茄子飯(HK$23)，亦讓男朋友勁罵湯不好味、雞塊少兼無味，更懷疑是否雞肉...幸連飯計算的話，男朋友勉強飽肚。反而魚香茄子飯尚可，茄子算多，肉碎適量，餸汁配合得宜；但以差不多價錢來說，質素則不能與茶餐廳相比。試完今次，應該會隔一段長時間先考慮再光顧了。

味道同紅燒豆腐一樣豆腐 冬菇 肉絲索晒D汁 好入味 送飯唔錯但係如果豆腐再多D就好啦 因為我勁鍾意食豆腐不過 唔知係咪我既問題 食完之後 我好口渴呀...........

芝士汁幾香唔會太溜但有陣洋蔥味扣番分意粉係凍0既　好彩Ｄ汁熱　可以撈一撈敗筆就係雞　粉太厚而且硬　唔多掂ＯＶＥＲＡＬＬ　唔會再叫

四月十九日(六)老婆前排佢都講話好耐無食過雞肶，加上睇完食評後話都想返黎尼度食野，於是就過左黎尼度食午餐。今日三號風球兼落雨，未夠兩點去到發覺坐唔滿人，仲有幾張枱揀，於是揀左個卡位坐。由於已經很左麥記打底，所以只叫左以下:油雞脾+紅荳冰($17)x2+雪菜肉絲麵($5)+碎腩麵($5)油雞脾紅荳冰依然keep到水準，豉油味適中，熱辣辣，肉質嫩滑，Good! 紅荳冰亦依然好味~雪菜肉絲麵大快活下午茶比大家樂優勝個人認為係尼碗麵度，麵係上海麵黎，唔係半個福麵，料亦比大家樂多。尼碗其實係老婆既，我無食到haha。碎腩麵$5都可以食到牛腩算係唔錯，辣辣地都幾香幾好味，牛腩算淋，可能細粒關係，但同湯底同麵配搭起上黎係唔錯。本來以為打風小D人，點知一到兩點突然多左一堆人黎，排隊等攞野食都排食十幾人，好彩員工上野食速度都算快，亦好快攞到野食。走既時候都幾大雨，要等到細小小先行番去淘大一期果邊，因為大風都幾驚險下，如果有d唔使淋雨既通道可以通返去一期就VERY GOOD喇!

四月十五日(二)今早突然有AGENT打黎話下晝去九龍灣見工，於是下晝三點幾就去左九龍灣，因為時間太趕，LUNCH只係食左個碗麵。見見完工都只係五點未到，於是就行左去淘大間大快活度食番隻油雞肶+紅荳冰。尼間大快活我同老婆之前星期六放工成日黎食下午茶，果時係MEGA BOX行一陣有免費車到出面馬路，真係非常方便，而且每次都幾滿意。今次無車搭但好在見工地方近MTR，行過黎都好快到達~油雞肶+紅荳冰唔好以為油雞肶係好普通既野，間間都差唔多。其實快餐店質素都幾參差下，好似我樓下間美心D油肶有時可以好鞋，有時好正常，叫瀬粉既又會無咁好食，總之就唔係間間都水準咁穩定。尼度黎過好多次都有水準，所以覺得係一間唔錯既大快活黎! 今次水準亦正常，雞皮豉油味適中，雞肉幾滑，不錯! 紅荳冰則是較淋紅荳的一種，非常合我口味!環境方面尼間大快活亦比較開揚，有窗景，比一般商場密封式的店好不小!

去到魚柳已經賣曬咁就唯有食牛扒啦炒蛋依然好好味但係牛扒超硬本來味道都幾好但係淋上面既汁就真係唔多掂希望下次食到魚柳啦

唔好食得一塊薯仔重要極硬雞已經唔敢要求有雞味但係都唔洗咁硬下哇而且重帶有酸味Ｄ汁太咸搞到豆卜索哂Ｄ汁之後都變得好咸

上海排骨味道幾好甜甜地因為多肥膏所以都幾滑(好食過太家樂)菜飯就太油

咕嚕肉食個陣已經唔熱但係都幾脆不過D粉太厚啦飯就冇咩好講不過不失咁啦

三個字冇下次完全冇魚0既感覺全部係粉你話粉厚都算但係完全食唔出有魚0既存在

之前黎九龍灣補習..又肚餓廢事番到東涌先食..就地解決..女友想食火禍..但大家樂又多人上左去大快活..入到去叫左個肥牛蕃茄湯底既火禍..肥牛出奇地少..幾片而已..蕃茄湯底只係放兩片蕃茄就話蕃茄湯底..過份左d wo?!蕃茄湯底如普通沸水咁..差!味道中下..冇咩特別..

我成日都黎買吉列豬扒蛋做早餐, 好過其他同類快餐店, 不過實在加價加得太快喇~ 我就黎追佢唔切喇~~同埋大快活的即磨咖啡真的價廉物美

看見大快活大力宣傳它的秘製蕃茄醬就姑且試一試$27一個焗豬扒飯加$10一個海撒沙律先說沙律有生菜有煙肉上面還有一條芝士餅乾單看面相已經吸引混在一起吃感覺清新但沙律醬用的是白汁相信用千島醬會更配而且份量也略少!至於焗豬扒飯要等10分鐘左右但新鮮焗也值得好大一塊的豬扒差不多有兩隻手掌蕃茄醬充滿蕃茄應有的鮮味不會被調味料蓋\過而且酸酸的不過甜配上用蛋炒過的飯實在很對我胃口那塊豬扒就真的又粗糙又沒有鮮味對我來說可有可無也不是重點那個蕃茄醬的確令人很開胃!

原本去快餐店都冇乜expectation但係今次有d驚喜首先款式配搭極多岩哂我呢D乜都想試少少既人叫左個美國炒蛋早餐有炒旦+魚柳+咖啡加多個雪菜肉絲米先講多士係英式果隻,幾厚幾脆!我中2食包連皮所以好滿意魚柳麻麻夠熱但係就唔夠脆,亦都散散地炒旦滑得黎有旦汁,唔會過熟同鞋!咖啡好飲,咖啡味好夠已經超過快餐店水準!最驚喜係雪菜肉絲米以為加3蚊唔方會有好野...點知好多雪菜同肉絲!米線唔會好稔又唔係好硬,有口感!$22食到一個有heart既早餐好滿意!下次會再去!