大快活

营业中

休息中

經理一邊夾食物一邊自己喺度食烚蛋，隻手摸過口罩又處理食物，唔該唔好俾人見到喇。座位油淋淋，餐具長年污跡。長者食客霸位霸成個早上，其他人返工返學冇位逼住轉外賣。其它分店唔係咁樣。

🍽️我叫咗大快活嘅扒餐～有豬、牛、雞扒、粗肉腸🥩🥩仲有餐包、湯、熱檸檬茶👈🏻✨扒方面，唔會好高調味 幾好幾好，同埋呢三塊扒唔算厚切～而個肉腸裡面有芝士🧀

買個外賣lunch真係勁快手😂😂買完幾分鐘就有👍🏻👍🏻買鐘意食健康餐 雞胸飯個雞胸無雪櫃味又唔會好硬🥰🥰不錯arr👍🏻👍🏻👍🏻👍🏻👍🏻👍🏻

條魚唔鹹, 其實冇咩味, 冇汁略為有啲乾,配埋花生同魚仔乾就乾上加乾, 加上比呢個小食(?) 好奇怪, 仲難食過D佢平時配嘅烚菜, 飯的話可以選擇班蘭椰漿飯或紅米飯, 今次簡左紅米飯,上面少少地醬等你唔洗食得咁慘...成個飯最好食係個醬。

早排寒流襲港，得返10度左右，經朋友介紹試左外賣既煲仔飯，無諗過可以成個煲拎走咁，拎到返屋企食既時候，個煲仲係熱既🔥🔥🔥🔥🔥打開既時候個飯仲有煙既😉😉😉😉😉跟飯既甜豉油同佢本身係店鋪有得取既甜豉油係唔同味道既😝😝😝😝😝$50幾蚊有飯有野飲，個煲食完還返仲會比$8coupon下次食飯用（注意返：coupon 要係店中點餐先可以扣錢啊）整體飯香有飯焦，第一次食有少少驚喜，一向都覺得大快活都係快餐為主，但煲仔飯確實令我有想回味既☺️☺️☺️☺️☺️

食物味道是可以，職員也是友善的，但衛生有待改善。衛生改善：1. 用具：杯 - 我用了兩隻杯，放熱水的杯有條唔知咩痴住；放熱檸水的白色杯則有好多似奶茶咖啡的漬，痴笠笠。2. 職員衛生意識 - 我在用餐時，職員用掃把在我旁邊掃地，建議於客人用餐時清潔改用吸塵紙 或 用地拖，不要用掃把，這樣會把塵埃掃起。

天氣開始涼爽，有點涼意時就最岩打邊爐，取下暖打邊爐仲可以同朋友吹耐啲水今日決定去大快活食過一人一鍋打邊爐先 火鍋湯底有兩款揀，鐘意清淡既可獎揀冬瓜湯底，鐘意濃味刺激啲既就可以揀酸菜湯底套餐內有肥牛，肥牛質數以呢個價錢黎睇，其實算唔錯！菜盆組合都好出色，有生菜南瓜🎃芝士腸肉丸餃子等等幾多樣化，好過自己喺屋企整！有烏東同公仔麵揀我揀咗烏東，好彈牙，好好味😋加埋果麵食，好飽肚，出街打邊爐🍲乾手淨腳推介！

今期大快活有新款lunch set,當然要試試佢炸豬排 配烏冬豬排肥瘦岩岩好，唔干，都算有汁，再配埋佢既燒汁，烏冬算正常，但油多左d,可以再清d,因為炸豬排都好油膩，如果烏冬可以清d 都perfect match la但價錢低，都唔能夠要求太多

大快活 窩蛋土魷雞粒蝦乾肉餅煲仔飯 畀個名嘅長度都吸左, 一個煲仔飯有五樣配料, 平時頂多都係食窩蛋土魷肉餅煲仔飯, 仲要唔貴, 堂食$49, 外賣畀多$6就可以拎埋個煲走, 食完還返個煲又可以拎返$6, 呢個安排食到原汁原味之餘又環保, 抵讚!畀勁多飯, 唔大食的話, 真係可以二人一煲, 不過做唔到煲仔飯神髓. 佢雖然都有飯焦, 但啲飯餸入唔到香味, 只係普通土魷蒸肉餅飯咁, 無煲仔飯收水效果, 口感偏濕, 所以個煲只有視覺效果, 對味道無加分. 我堂食, 窩蛋放得太耐, 變全熟蛋, 肉餅偏淋欠咬口感.🤓結論:如果附近本身無啖好食, 轉下口味食呢個OK, 五十蚊熱辣辣夠大份, 但絕對唔好為食煲仔飯而黎.💯分數: 3.4 out of 7

近排想食火鍋，見大快活一人一鍋都係59蚊，於是就去試下。款色得一種，就係肥牛加啲配料，湯就有兩款可以揀：蕃茄排骨湯或者冬蔭工湯。甘我同朋友就一人一款湯底試下。麵可以揀烏冬或者出前一丁，出前一丁就加幾蚊。我們怕肥所以都係揀烏冬。成個份量都幾飽，個烏冬幾大個，肥牛質素就緊係麻麻地，太多脂肪，而且有啲韌。配菜有幾粒丸，一條腸仔，一舊水餃同魚腐之類嘅野，同埋有啲菜。個烏冬質素可以，無酸味，而且都幾有咬口。59蚊可以食個火爐甘我就真係零投訴。個蕃茄湯好濃，而且有排骨係入面，打到最後濃到變左似茄膏甘，用黎撈個烏冬都幾好味。

《美味素》自從食素之後，基本上都冇去過大家樂，大快活。因為個menu除咗下午茶嗰西多之外，個menu係100%唔啱素食人士。若干年後，有一晚唔知道應該食乜好。我真心係身痕行入大快活睇下有咩改變，竟然比我見到餐牌上面有一行「美味素」😱😱😱竟然大快活有素食？雖然選擇唔多果一晚只係得一個素麻婆豆腐飯(用新豬肉OmniPork), 所以我決定試一試。環境⭐️⭐️大快活環境，完。價格⭐️⭐️⭐️⭐️$41 碟頭飯+飲品。抵👍🏻 食物⭐️⭐️⭐️⭐️唔知係咪因為我好肚餓，但成啲飯真係好好味。今次係第一次我覺得新豬肉配搭得好好，個醬汁又唔會太重味。再配合埋個糙米飯👍🏻👍🏻👍🏻食到最尾我食到刮碟😆😆😆 如果我再見到一定會再食🤝我問過職員佢話每日嘅菜式都唔一樣視乎有乜嘢材料。所以如果想試呢一個麻婆豆腐飯真係要碰一碰運氣🙏🏽不過之後去過幾次都冇素食。睇嚟食素都係要碰運氣😖

平時如果有其他嘢食都唔會選擇大快活，見到都唔想食呀但係喺何文田廣場真係咩選擇都冇被迫食咗兩日大快活，叫咗個健康飯啦咩豆腐肉碎紅米飯，原來係麻辣嘅，搞到我食都食唔到仲搞到胃痛！希望大快活可以寫到明係麻辣。但係又無寫明。第二日食咗個粟米肉粒飯諗住實冇死喇，點知啲粟米汁又勁多，飯又好少好少肉粒不過啲啲，味道係幾好嘅。不過真係唔夠食，而且啲飯仲越買越貴😩如果何文田可以多啲唔同種類嘅小店食肆就好評分 5.5

［有惊喜］本身對大快活，沒太大的感覺，只是經常......路過此點。但今日友人話想試下個火鍋，於是抱住個隨便食心態入去......點知，晚上有送餐服務，所以點完餐黎，可以坐定定甘食。菜同肉類都算新鮮2個女仔食，點一個鍋，加多少少配菜絕對夠食而且真是便靚正抵食

何文田廣場本來只是一個小小的商場，自從領匯進駐，不少連鎖餐廳在何廣開設，大快活是其中一間。一開始的水準不錯，價廉物美，之後一直加價，昨天打算到大快活完成晚餐，我點的是龍蝦汁魚柳意粉(34)，餐牌尚算吸引，等待的時間也很短。拿到座位上，意粉沒味道，一定要伴汁，醬汁還不錯，不過太少了，最後的意粉要乾吃。魚柳根本不是魚柳，只是沾醬的炸魚，皮全部都冷掉了，濕的炸魚怎麼可能會好吃。西蘭花硬了點不過還可以接受。朋友叫了一個炒蛋，還等了十分鐘!蛋沒有蛋味，只有那些汁有一點，大失敗.......買滿85今次有一個布丁有布丁不夠甜，食很久才有一點甜味，麵包不好吃， 菠蘿太酸，雖然是免費都有一點水準好嗎?

上個月有一天全家去何文田大快活吃晚餐,我叫了一個煎帶魚炒翠肉瓜, 翠肉瓜得薄薄幾片(可能賣晒), 用了薯仔代替, 但是帶魚,翠肉瓜,薯仔煎到又黑又焦, 我開始還不太好意思換, 但一吃薯仔, 里面黑的, 有異味, 火滾, 這樣的東西也給顧客吃, 拿去換了其他餐. 我太太說她叫的意粉也不好吃, 我個仔說他的牛扒餐也很難吃. 還有每次吃扒餐, 薯條得幾條, 伴菜,薯條放在好熱的鐵板上, 吃的時候又黑又焦,不能吃, 薯條好硬好硬, 我想是早上或前晚炸的. 你們的例湯也不能喝, 水一樣, 但里面好多油. 好難喝, 我見過有人把湯退回柜台,說不要了.不好喝. 大快活用黑色碗, 不干浄也看不見 這樣下去, 以后去的人會越來越少, 我也不會花錢買難受. 大快活公司要反省下了.