大快活 (元朗商業中心)

营业中

休息中

星期六係圖書館坐到兩點幾先覺肚餓一個人就走左去大快活食下午茶點左一個豬扒包+雞翼+熱飲一排無食, 發覺, 豬扒薄左, 細件左雞翼細左價錢無乜大升, 所以唯有將貨就價啦, 我估但以味道來講, 還是不錯的因為見到都好多人食豬扒包

有次去幫襯中式粥+炒麵早餐,碗粥好鹹食幾淡已經忍唔住唔能夠再食落去,炒米粉油多到嚇死人。以後都唔會再去幫襯~

上星期四lunch自己一個人去左元朗呢間大快活，大約十二點半度，入到去，唔錯好多人，只有成大班學生哥幫襯，個度係樓上鋪，可以望到街景，不過唔知點解有少少焗，d通風系統要改善。黎得快餐店，都冇咩特別野好食，加上我個人唔算好大食，所以叫左個28蚊既輕便套餐，有牛角包，薯蓉湯同埋白汁雞皇飯，餐飲有低糖綠茶。等左八分鐘，個餐終於黎，等我食個牛角包先，都ok熱，之後食左白汁雞皇飯，但係d雞肉真係少得可憐，唔可以叫雞肉，只可以叫雞粒，仲要得個兩粒...，白汁又少，真係好「輕便」喎!!之後飲薯蓉湯，嘩，勁咸，真係好咸，頂唔順，我即刻飲杯綠茶，杯綠茶真係好岩飲，因為好似水咁淡，溝左成大半杯冰，不過食得快餐店都預左。28蚊食個餐雖然算平，但係都唔會差成咁，食茶餐廳好過喇!!

大快活d早餐勝在夠豐富抵食，所以我周不時都會同男朋友黎食野ｇａ～不過至從裝修左之後，呢間大快活好似退左步ｗｏｒ～首先一入到去，成陣唔知乜鬼味！好〝縮〞！我嗌左個吉列豬扒餐，塊豬扒竟然係未熟ｇａ～＞．＜而我男朋友塊雞扒，就好鬼細塊！勁唔抵呀～最唔掂就係ｄ冷氣太細喇～食個早餐都食到成身汗咁～睇黎，我地都要搵過第二間餐廳去歎早餐啦～