大快活

营业中

休息中

最近開始做gym希望可以練好個身型除咗運動 飲食都要注意但係出街食好多時都多油多鹽 蛋白質又唔夠 所以每次出街都好頭痛 唔知揀咩餐廳食好咁啱行過大快活推出咗「食得夠GYM」系列有個餐蘑菇汁雞胸紅米飯+ 凍綠茶一見到餐牌就深深吸引我嘅眼球午市價51蚊 用App有coupon減5蚊超抵食呀！雞胸大大塊 肉質鮮嫩雖然係快餐 但完全冇雪藏味蘑菇汁好香濃 撈飯食一流綠茶係無糖 飲完感覺都健康啲而且飯係紅米 低GI 成個餐夠蛋白質 夠能量 又低糖 低Gi所以真係大隻仔恩物 哈哈原來健康餐都可以咁好食！推薦大家一齊嚟食！

今日同女友係返工前一齊食過個靚靚早餐去開展新一日。以前或者會揀大家樂，但可惜近年大家樂愈黎愈差，相反大快活就做得幾好！😝😋大快活 (大埔)大埔曉運路10號運頭塘邨運頭塘商場地下5號舖味道: ⭐️⭐️⭐️⭐️價錢: 💰💰💰抵食指數: ⭐️⭐️⭐️雞扒炒蛋配多士加火腿通粉 $44基本早餐配套，雞扒唔算肥美，但係夠入味，炒蛋就個人喜好，可以係煎蛋，烚蛋。我自己就最鍾意食炒蛋🍳，因為佢個味係最夠味。多士🍞就好鬆脆配埋個牛油一齊。成件事配搭非常之完美。男士可能食一個餐唔夠佢仲可以額外加個通粉，咁就真係一個Good morning👍🏻❤️😋

又到左節假日食好野既時候啦，就搵間大快活即係便利優質選擇，入場就即刻揀左黑松露炒蛋炸魚脆皮腸+英式多士+熱奶茶， 食多士類要趁熱爽手整上薄薄一層牛油大啖咬先食得出佢既精華好味，炸魚份量剛好配上醬汁味道可口，脆皮腸外片堅韌內裡鬆軟都值得讚賞，跟住落就係食個清淡火腿通粉緩和下，接住就係用味覺欣賞下鮮甜有味既番茄湯仲有彈牙出色既烏冬麵，裡面既雞扒都係要給予特別讚嘆，基本炸雞扒功夫做得好之外，軟硬適唔會癡牙即使浸入番茄湯裡面依然好食更多左些少番茄甜味，其實簡單都可以好滿足架!

一個美好既下午就需要一份下午茶來襯托下，聞說碗大快活既碗仔翅都有相當既水平就揀大埔呢間大快活來證實下聞說是否屬實，以熟練既點餐方式付費取餐就即刻埋位開始享用啦，當然係開口第一啖就要淺嚐下碗仔翅既好味，賣相已經知夠足料，湯頭都好濃郁，不會過濃或過淡,溫度適中，不失所望，睇落平淡無奇既珍寶腸都會令人不禁一口接一口地吃下去，至於雞翼就於我所料皮香肉滑，香噴噴，要一口珍寶腸配合一口蜜糖雞翼來食才有風味，真係簡單好食既一餐。

這天到大快活吃晚飯，看到菜牌上有一欄為美味素，有個素肉碎豆腐紅米飯$41，肉碎為Omn!pork 新豬肉，一向多菜少肉的我當然要試一試。另外加了一個肉燥菜心$9，這餐配有一個蘿蔔粟米豬𦟌湯。怎知那個美味素菜的素肉碎原來是很辣的😪，希望大快活可以留意下，加個標示註明是辣的食物。因不是人人吃到辣的。連紅米飯也浪費了。南瓜豆腐雞柳飯$47，湯加$7這個是老公點的，足料好味湯也不錯，但肉操菜心的份量很少。

在大埔郊遊完後，行到運頭塘附近已經開始肚餓，就到商場內的大快活吃晚餐。我選了南瓜豆腐飯，老公點了鐵板餐，另外加了肉燥油菜及南瓜湯。南瓜蒸得剛好，軟腍得來帶點爽口，而且很足料。菜及湯也好味，鐵板餐香噴噴。

自從上次試過大快活的健康餐，就想以後不煮飯就來大快活吃，今次我又是點了一個清清地的好像叫蔬菜南瓜汁紅米飯，有多種蔬菜如西蘭花🥦丶椰菜花丶南瓜丶蕃茄仔丶紅腰豆及粟米粒，配上美味南瓜汁，紅米又浸得夠軟身

裝修過之後明亮左好多，晚飯過來食人唔多坐得相當舒服，52蚊韓國人參雞煲味道ok。服務態度幾好，聽到收銀員會同顧客講:"你好，今晚食咩呀？"，特別親切。每次送餐的侍應都會提醒左"小心熱"先會放低個餐。有送餐服務，有不錯的服務態度，坐得舒服的環境，食物味道尚可，晚餐都是40-50左右的價位，真係物超所值。特別鍾意呢間。

一直以來，都覺得大家樂的出品比大快活好味得多，不是偏見而是個人觀感。下午茶點了迷你餐蛋即食麵配紅豆冰，完全毫無誠意，即食麵完全無淥過，只是加點湯，放上餐蛋後蓋好就算，最弊是湯底太咸！噢！不是，而是超咸，而且未夠熱，麵底有排浸，就算加杯紅豆冰，紅豆的份量亦是稍少，未吃完已經駡著走。

今日去大快活買外賣食呀。下午茶例排既雞肶凍檸檬可樂，好耐冇食過喇。好失望今日嚟買既時候冇晒炸肶，得番油肶咋。油肶雖然夠入味，但係始終冇炸肶咁香口好味。凍檸檬可樂好夠凍，冰夠檸檬足，檸檬酸味道適中。

是日的早餐, 一樣是選擇在大埔解決了才出發去多勞多不得. 今日一落樓下, 直入商場. 直入大快活...開始要吃連鎖店了, 而且介要係連鎖既快餐店. 說真, 這一個運頭塘/新達小區. 竟然可以容立哂三間快餐店, 可是, 按位置來說, 大快活的位置, 就比其他兩間差好多, 只能做街坊生意而已. 而我, 身為街坊, 為了食, 也join了一班師9同學生哥. 吃早餐.快餐店早餐, 也就是雞扒炒蛋加蘿蔔糕. 這一個炒蛋雞扒蘿蔔糕, 三間店都有同樣的早餐食品供應. 一模一樣, 但應該各有所長. 美心的, 就勝在個汁, 大樂的容後再評. 味道其實大家都差唔多, 大快活的, 就以炒蛋勝出. 滑滑的炒蛋, 帶點牛奶香, 這半熟的炒蛋, 說得上是香滑, 蛋味奶味牛油味濃郁. 雞扒, 質素普通, 沒有煎到乾已經是好好了.....此炒滑蛋餐, 好大機會勝出.

小弟自８月起在運頭塘村附近工作，因此經常會去運頭塘村解決午餐...無奈地，運頭塘村只有三間食肆，而大快活正正係比較似樣的一間，唉～大快活最好食呢都係焗豬扒飯，味道比較好，有ｄ蕃茄汁味之餘豬扒亦較擺得入口，講明呀，係擺得入口，唔係話佢好食呀！另一樣我食過既係咖哩豬扒飯，呢個就真係差ｄ囉，雖然豬扒係炸過，但係由於豬扒本身唔夠肥，製作時無左不少肉汁，塊野感覺好乾，而重點既咖哩汁入口更加唔香，唔似大家樂咁香口同有香辣味，所以都係食唔過...至於最後果ｄ成四十蚊既意大利粉，噢，雖然我有能力俾，不過我一望就知食唔過，我寧可捐左佢都唔會食囉～

大快活今年已經悄悄地加左兩次價! 其實加價唔係問題，但係佢加左價都縮水果下乞人憎囉~lunch time叫左個沙薑雞飯套餐: 佢在餐牌上明明寫住有半隻雞!! 但一攞餐就覺得冇半隻囉! 坐埋位再夾下睇下，明顯就係冇啦!! 好心佢唔足料就唔好大大隻字寫啦!!碗飯又比以前細喎!一食落口d雞冇味，我唔expect有雞味，但佢咸味都冇咁~ 點沙薑汁，d汁勁"傑" 感覺好差!!! 我去街市買10幾蚊個飯盒好好多~btw見到隔離2婆孫食個廣告講到幾咁正既蟹腳意粉，佢地勁話收成40蚊既然比d咁ge人食，一眼望埋去真係勁少蟹腳，賣相核突!!! 大快活遲早都俾大x樂淘態ga la !!!!!!!!!

星期日同阿媽去吃早餐哇支叉好似無洗過咁仲有D 蛋渣之後換過份刀叉仲要好似去飲茶咁洗一次先食太過份了.以後都5食佢

點了個鴨腿湯飯,媽點了鮮蜆意粉.這個鴨腿湯飯比美心的好吃得多,起碼沒有美心的那麼咸,而飯刞是一粒粒的,有點硬.鮮蜆意粉超好吃!好鮮味!