大快活

营业中

休息中

返工經過呢頭呢度食嘢似乎冇咩選擇咁就食咗大快活。雖然大快活係連鎖快餐店，不過都能夠保持到各分店嘅質素。 呢個係門口，由於呢間餐廳位於公屋村，所以就算食飯時段都未必會好多人。基本上都唔使等位，坐都坐得幾舒服同埋唔會太嘈。相信大快活定時定候都會推廣唔同嘅新產品，今期應該係做白咖喱嘅推廣，不過今次冇試，睇吓有冇下次啦😂今次純粹食咗粟米肉粒飯（$39）至少都熱辣辣，同埋佢會有西蘭花成為配菜。比都市人可以出街食都食到蔬菜

四個人唔知食咩好，上網訂個盆菜食下，398六人份量，仲送紅豆沙，ok抵，咁試下😅。其實富山村舖租應該好平，唔係好明點解個舖都咁迫，排隊買飛同攞野食嘅人企埋一齊，出入囗又喺附近，樓底又矮🤦‍♀️，呢間舖要應付富山村，瓊山苑，瓊麗苑，瓊軒苑……仲未計新麗……真心好生意。攞到返屋企，打開個樣都幾靚😚，heat返熱，好貼心💕，原來煲底有個隔，唔會咁昜黐底👍。豬皮同蘿蔔都幾入味，豬手好稔，西蘭花個樣都幾靚，無變黃，鮑魚就麻麻，整體性價比算高👍，不過我地4個人食啱啱好，其實唔覺得係6人份量。

每逢星期四，#小秘書 都要出去做Aqua Aerobics ，所以呢日都唔例外。一早同媽咪講咗唔返去食飯， 點知又有阻滯，巨我唯有早啲返屋企。醒起媽咪可能冇為我安排餸菜，咁就走過去 #大快活 買個 #咖喱牛腩飯 外賣，同爸爸媽媽一齊分享。$51嘅外買飯盒，啲牛腩少到不得了，為咗等佢哋食多啲，我都唔敢夾餸，齋係撈啲咖喱汁都算😉 好在味道都唔錯，好送飯😅 不過門口收銀個姐姐仔就脾氣大左啲，講嘢比較粗魯啲，臨出門口比佢向經理嘅咆哮而嚇親🤣

支竹魚腩煲 $52一家人食晚飯，呢個支竹魚腩煲要讚一讚!好大份，支竹夠淋好入味， 魚腩冇乜骨好香!豉椒蒸排骨飯$44 包野飲排骨就唔掂，煮得太耐排骨好淋🤢而且得嗰幾粒肉，份量少。不過包杯野飲。杯熱奶茶救返佢。

大快活最近做緊特價茶餐, 之前呢個餐淨係配1珍寶腸， 而家新出咗可以揀春捲同或者3件炸雞塊 ，雞件大大塊炸得香口幾抵食。 另外食茶餐可以加錢要多個上海粗麵/米粉大大碗只係7蚊 ，唔太餓可以加碗仔翅只係$8.5 ，兩個人其實share呢個餐，埋單34蚊，抵到爛!

第一次光顧呢間大快活，好有驚喜,講緊既唔係食物係上上下下既店員，個個都超有禮貌，自問係個有要求既食客既我(例如:咖啡要多奶，多士要燶啲)通常會遇到店員black face 或 敷衍, 但呢間舖既店員令我覺得我係一個受尊重既消費者(雖然個早餐30蚊有找),更令到一個從來唔會寫食評及沒有文采既我有感而發。

平日多數都係度買外賣下午茶今日同屋企人黎打邊爐，阿姐服務依然好好，有家庭式餐館既溫馨感覺不過大快活管理層真係好刻薄，賣檸樂竟然只肯俾一片檸檬！雖然係加錢換啫，但都唔駛咁呀，呢杯檸檬可樂都收我$5㗎！ 算啦，回歸味道。火煱自己落，最緊要都係要料靚！肥牛同豚肉都算ok，對得住呢個價錢。反而今次係配料菜出事，其中d粟米竟然係臭既…… 大快活入貨真係好差！同阿姐講完，佢換過盆冇粟米既俾我(費事又出事啦)，仲好好禮貌咁say sorry，仲送咗2隻餃子俾我哋！咁好禮貌，係大快活做，浪費哂！ 食完成個火鍋，味道ok，不過希望番屋企唔會肚痛啦！