大快活 (沙田廣場)

营业中

休息中

「係咁耐冇食過咕嚕肉，今次終於忍唔住喺大快活落手！你問我點解要選擇快餐店？簡單：平、快、仲有回憶殺。」今餐主角係——菠蘿咕嚕肉。一上枱，第一眼就見到佢經典造型：方方正正嘅炸豬肉粒，外層炸得金黃，唔算特別脆，但勝在有啲咬口，唔係一咬就散開嗰隻。醬汁就係甜甜酸酸嘅標準味，菠蘿幾件夾住豬肉咬落，果香帶甜，勾起小時候放學去食個飯盒嘅記憶。咕嚕肉呢樣嘢，其實唔係求其做得掂，太甜會膩，太酸會刺喉，冇咬口會好似啃魚蛋咁……今次食落去唔係神級，但穩穩陣陣，似係你老竇會話：「唔錯喎，咕嚕肉都仲識整嘅大快活！」最欣賞係醬汁分量適中，唔會搞到成盒飯都變湯飯，飯粒可以保持粒粒分明，有口感唔爛晒。另外個飯盒夠熱，呢樣真係好重要，因為凍咕嚕肉係會令人即時情緒轉差嘅。份量對中午一餐嚟講夠飽肚，唔會話食完仲想去搵麥記買雪糕。整體食完係滿意嘅，唔會令人「Wow」但起碼冇失望。大快活雖然係連鎖店，但有啲味道，真係有人情味。

  有時候走過沙田，總會忍不住在商場繞一圈，然後被大快活的香味吸引住。那天午飯時間，沒特別想吃什麼，卻被那塊熟悉的「菠蘿咕嚕肉」招牌照片吸住眼球。於是，點了一份。  一上桌，經典的紅艷色調令人安心。咕嚕肉炸得剛剛好，外皮微脆不硬，肉質夠嫩，甜酸醬汁分佈均勻，不會「一啖無味，一啖太濃」。配菜中，最搶眼的是菠蘿，居然還是熱辣辣的，帶點酸甜，有種童年回憶的味道。每啖咬下去，都是「熟悉的陌生感」，你知道它是你吃過無數次的那一道，但這次又特別對味。  跟一般茶餐廳的咕嚕肉比，大快活的版本其實不算最豪華，但它勝在穩陣。是那種「唔想諗咁多，就食佢啦」的安心選擇。加埋一碗白飯，飽足感剛好。  這一頓沒有驚喜，卻意外地療癒。可能咕嚕肉對我來說，就是一種「日常中嘅小確幸」。每個人都有幾道菜，是無論幾年後再見都會覺得親切的。菠蘿咕嚕肉，就是其中一道。

那天午飯時間，我經過沙田廣場。人來人往，但腦海突然浮現起童年畫面——放學後，媽媽帶我去快餐店坐下，點一碟熱辣辣的咕嚕肉飯，然後邊吃邊說笑話。多年後，我坐在大快活，點了一碟菠蘿咕嚕肉飯。簡單，卻喚起許多回憶。咕嚕肉炸得剛好，外皮乾身脆口，不會濕淋淋。醬汁是甜中帶酸，不會膩，整體味道夠開胃。菠蘿粒有微微熱度，不是罐頭啲冰冰冷冷，咬落果味清甜，幾有層次。配飯一起吃，適合平日口淡淡的我。雖然不是什麼高級食材、擺盤也沒什麼花巧，但你會感受到，這裡想給你的，就是一碟熟悉的安心。最重要的是，快餐不一定沒有靈魂，只要味道對，心情就會好。吃完那一刻，彷彿重溫了一段孩子時的片段。如果你也想找回一種「很簡單卻很滿足」的感覺，不妨試試。

沙田大快活，下午三點幾，避過午市高峰，節奏慢番好多，唔使同人迫，像極了當年放學衝入快餐店的自己😆😆咕嚕肉端上來時還是熱騰騰的，醬汁晶瑩通透，不會過稠，酸甜味剛好。一件件炸得酥脆的咕嚕肉，外脆內嫩，咬下去還有聲音，但真正令我想寫下這篇食評的，是那幾塊暖暖的菠蘿，不是罐頭的死甜，而是微酸微甜、有果肉纖維感的那種😋😋這份菠蘿咕嚕肉，唔貴，唔誇，唔花巧。但卻叫我想起放學後捧住膠兜，幾個人分一碟快餐，邊食邊笑嘅畫面😚😚原來最經典的港式味道，不是「懷舊」，是「一直存在」

今日去咗沙田做嘢趕時間食lunch 揀左大快活叫左菠蘿咕嚕肉飯＋凍檸茶咕嚕肉外皮較厚，炸得偏硬但仍有肉汁，醬汁偏甜，屬罐頭菠蘿組合整體飽肚感正常，調味穩定。凍檸茶走清爽路線，冰量適中，茶底不苦。作為一個快捷選擇，價格對應品質，屬日常可靠之選📍大快活 (沙田廣場)地址：沙田正街21-27號沙田廣場3樓56號舖

之前喺大快活食咗個下午茶食返最普通嘅經典組合西多士雞髀紅豆冰呢個組合真係一個絕配佢都整得正正常常西多士同埋雞髀炸得不錯而紅豆冰都夠紅豆同味道整體嚟講一個下午茶嚟講佢係冇得輸。

我發現最近幾年大快樂的食物質素下降反而大快活的食物質素慢慢上升進步神速👀🤝🤛我每次點餐比點熱奶茶多奶因為比較滑哈哈你們也可以試試熱奶茶多奶味道很好😉😊😄

我最近到大快活餐廳品嚐了他們的招牌菜式，冬菇滑雞鱆魚肉餅煲仔飯。這道菜給了我一個滿足的用餐體驗。這道煲仔飯看起來非常吸引人。煲仔中擺了冬菇、滑嫩的肉餅和一碗熱騰騰的飯。菜色的香氣扑鼻而來，讓人垂涎欲滴。口感細軟，肉質可接受，與其他配料融合。這道煲仔飯的風味豐富而濃郁，每一口都能感受到不同的層次。每一種食材都保持了原有的特色，同時又相互融合，形成了一個完美的整體味道。整體而言，大快活的冬菇滑雞鱆魚肉餅煲仔飯是一道令人滿意的菜式。味道豐富，而且份量十足，足以滿足飢腸轆轆的胃口。

今次踩入「大快活」，試吓佢哋嘅美食，真係一啖一啖嘅食得出心機。脆皮腸嘅口感嚟講啦，真係爽口得嚟又唔會太肥膩，啖啖肉嘅感覺喺啲肉汁中完美呈現出嚟。轉轉口，一啖啲麵，辣肉醬泡麵就真係夠哂嗆、夠哂勁，仲有種來勁嗰種香味撲鼻而嚟。至於西多士呢，我就話係脆到喺口裏嗲嗲咁，點上啲牛油同鍊奶，哇，味道簡直正到爆燈！咖啡嘅話，簡直係畫龍點睛，一啖咖啡唔單止香濃，仲送上個心型圖案，添點溫馨感，好過癮呀！整體嚟講，是但揀幾樣都唔會失手，滿足晒想吃得好又唔使太貴嘅心願。呢度絕對係食得起又食得香嘅好地方🎉🍗🍞！

颱風過後， 好快又回復正常，冇買30幾蚊斤嘅菜芯， 所以就去附近醫肚，乾手淨腳。 行經大快活， 見到有個宣傳海佈， 叫星，馬，泰盛薈，見啲相好吸引， 全部都係惹味新菜式， 可以叫套餐， 有飯有湯， 最貴都係60蚊， 價錢都算合理， 所以就叫咗嗰星洲咖啡肉排試下。 個例湯味道尚可， 如果味道可以再濃少少就更好， 個咖啡排骨件數都多， 但唔覺有咖啡味，反而係酸酸甜甜， 有啲似濃味版京都骨，因為未响星加坡食過呢個菜式， 所以真係唔知正唔正宗， 總體嚟講， 味道都不錯。

雜扒餐有豬扒，雞扒，牛扒，一條司華力腸，加d配菜，一兜肉醬意粉，食晒麵飽飽地。快餐店質素 ，味道正常，豬扒雞肉無雪味，牛扒就薄咗少少🤏🏻，肉醬意粉份量都幾大兜，重點係鐵板夠熱，淋上黑椒汁會jar jar 聲。

每次都會被大快活裡的銀寶牛油給吸引了！！雖然很多人沒有注意，但我覺得，這個品牌的牛油是真的很好吃，而且價格也稍微高一些大快活會選擇這個品牌就代表真的很用心了點贊！！

大快活最新推出左晚市2人餐，$92可享用2個小菜同白飯，2個小菜分別是咕嚕肉同清沙蘿蔔牛肋肉煲，另配2個白飯同2杯中國茶。先講清湯蘿蔔牛肋肉煲，蘿蔔好諗，算甜，入味，不過有少少渣。牛肋肉一件件易夾唔散，不過呢個好睇分店，上一次食一夾起好似肉絲咁。而且幾諗唔會好鞋，部位幾好，肥瘦均衡，唔錯。再講咕嚕肉；每嚿肉幾大件，唔係多粉，而係多肉個隻。夠酸夠開胃，正常水準總結呢2個小菜係幾好食，又抵食，岩曬想平平地唔知食咩好嘅人~

今次又係叫左個南瓜淮山汁雞胸紅米飯，先講份量，簡直多到不得了，平時叫加飯，今次唔洗！雞胸唔鞋，眾所周知，雞胸一煮到鞋嘅話慘過食樹皮，呢間啲雞胸唔差，幾滑，算係咁多間最好食個間。啲汁一般水準，無咩特別～今次食飯嘅時候係收工時段，不過都唔算太多人，幾好坐

大快活午餐一向質素穩定；南瓜豆卜肉排，南瓜汁味重、瓜質嫩滑，豆卜鬆軟不會硬身、豆卡浸在醬汁上，肉排有很多，但反而硬了一點，掛不上南瓜汁！白飯鬆軟，不會太爛，速食質素不錯！