大快活

营业中

休息中

自己本身係呢一頭返工，諗唔到食咩嘅時候就會過嚟呢一度叫叫佢嘅午餐去食，連鎖嘅餐廳都係各樣款式嘅食物都會有，但係呢一間嘅話呢我都記定有啲唔同嘅選擇嘅。個選擇呢我就會食肉醬意粉啦，因為呢個肉醬係非常之多，而且非常之濃郁嘅，加埋佢嘅意粉，煮得唔會話太硬，亦都唔會話太腍，嗰個質地係啱啱好嘅，但係要真係要講嘅話，我覺得佢個面質可以再粗少少，咁應該會令到成件事再昇華一啲，真係好好食，我經常都係叫呢一個。有時呢見到佢仲有一個邪惡啲嘅，就係肉醬意粉配炸雞髀，嘩，其實真係好邪惡，但係搵一日我一定會試吓。

最鍾意淨係食大快活嘅唔落味精系列，夠晒健康好味呀！佢哋最好食，就係菠蘿咕嚕肉飯好耐冇食，原來都加咗價唔少 $48依家加多個老火湯要加$10都幾貴不過咕嚕肉都真係幾大份全部都係肉

沙角邨食晚市06:11分買外賣, 返沙角邨屋企,D飯熱辣辣....D咕嚕肉凍...外賣盒凍嫁...晚市岩岩開始無理由會凍...點解可以做成咁都得...應該炸完等咗好久又返鑊又唔熱...,打電去店又飛留言...激死...以後唔駛幫襯

話說今日甘啱係沙田沙角商場返工，對面就係大快活，對住左成日，比佢門口張海報吸引到，焦香煲仔飯，仲可以+6，連埋個煲羅返屋企食😋，岩曬我因為疫情吾想係街食嘢嘅人，收工前拉拉聲落Order-蠟腸鼓汁排骨煲仔飯,其實每一次食煲仔飯都係食呢個，執完野去拎岩岩好，個盒都包得幾靚，幾方便拎，番到屋企嗱嗱臨即刻打開，稔住食，噢，搞錯曬，完全唔係想要果樣嘢，見到又唔似雞又唔似肉餅，總之一定唔係排骨，成日屋都無人鐘意食雞😖，即刻打電話去沙角大快活反映，接電話係位陳小姐，第一次對食店反映係無推卸責任，立刻話送個啱嘅過嚟比我，可惜我唔係住附近，不停比解決方法我，問我幾時再去沙角，其實我間吾中先去一次，跟住話幫我問下樓下大快活有冇，5分鐘內復我，無耐就打來，問我邊度取方便，話佢穩人搭的士送過嚟，我喔喔喔，未反應過來已經收咗線，大概20分鐘左右，佢同事就打來話已經到咗巴士站，叫我落去取，其實我已經呆曬，O晒嘴，完全估唔到佢可以做到咁，其實佢哋都係打一份工，我打電話返去又係個陳小姐接，我問佢有冇手機支付寶俾返的士錢佢哋，係咁話唔使，搞到我都唔係幾舒服，佢話好明白客人食唔到想食嘅嘢嗰種心情，唔係為乜嘢，就係為咗客人

紅米飯是大快活集團推出的特別套餐，有素食的、也有茄汁豬扒和南瓜汁雞胸紅米飯選擇，加配飲品，红米口感不太硬，素食則菇類無味，豬扒反而有驚喜，質感不錯，但配菜不多，整體尚算合格，红米豬扒個人較喜歡😋

下午茶來到大快活吃下午茶，這裏服務很好，排隊取食物見有人點了燒雞翼餐的燒雞翼賣相差可以換番隻。環境好地方較大冷氣夠座位很多、坐耐D傾都可以。下午茶餐的香草燒雞腿味道與口感不錯、西炒飯份量成個午餐的份量所以吃到好飽味道可以，較早前來過吃早餐炸魚柳味道很好、通心粉可以，下午茶的沙律餐有亮點新鮮、味美，午餐的汁燒雞胸肉配紅米飯口感與質量不俗。熱狗沙律餐比較味美，薯仔、蘋果與椰果沙律新鮮而且用玻璃器皿載著賣相吸引，價錢不高抵食。這次下午茶物價與食品不錯，下次應會再來吃！

今晚食左個菠蘿咕嚕肉飯，我好喜歡食酸酸甜甜的餸，特別夏天，太乾燥，無胃口，於是點左呢個菠蘿咕嚕肉飯加老火湯滋潤下，切成粒狀的菠蘿好甜，炸過的咕嚕肉外表好脆，裡面嘅肉算滑嘅，俾酸酸甜甜的醬包住，好開胃，加埋碗老火湯，今餐就完美啦

快餐都有正扒食，喜歡炒底豬扒飯，一定要食大快活豬扒後厚，濃濃的茄汁鎖住豬扒的肉汁，最正系距的飯系蛋碎炒底，超級無敵好味，每次我都係食曬個飯再慢慢歎香滑的豬扒，豬扒D肉好滑，小小鹹鹹地，非常松軟有口感

今晚叫左個魚香茄子滑雞飯，跟個蓮藕豬肉湯。一食個滑雞，食落好像石頭甘，又乾又鞋烚烚，係我向依間大快活差不多一星期食幾晚暫時最難食嘅一個餐，食落真係好像隔夜餸甘，好失望。d茄子又乾又硬。ps,我寫個食評岀黎，係唔想有人好像我甘食左有種給錢食隔夜飯嘅感覺。

天氣開始涼涼地，見有一人打邊爐就食下 個湯底有微微嘅胡椒香，有咸酸菜，令成個湯底好野味。水煮好就半肥瘦肥牛，因選胡底牛肉食落唔會有雪味，一口氣食哂八安士牛肉。再放丸同水餃。水餃饀係爭豬肉食落無咩特别。扎肉d肉幾實，唔錯。最後食菜同米線，整體黎講唔錯。

今晚叫左個香芹藕雞塊飯加個掌瓜香菇豬爭湯。等左十分鐘倒，即叫即做幾好。個餸用左水瓜同籃瓜代替左香芹仲有蓮藕同四五件雞件。有兩件好像木耳食落酸酸甜甜幾開胃，d藕片夠爽夠薄好入味。水瓜淋淋地配合個汁有d蝦膏嘅味道好食，不過油嘅份量就多左d。個飯好鬆軟水分足夠，個飯好食，特别開胃。個湯夠熱，有陳皮，豬肉同合掌瓜。個湯味道清甜。以四十幾元一個晚飯有依個味道好满意

好耐無飲紅豆冰，就叫依個餐。原来依家叫西多士，已經唔係給糖漿而是媡奶。我很喜歡媡奶嘅味道，因為小時稚兒園每逢星期三都有熱媡奶飲，是一個美好嘅回憶。個紅豆冰好多紅豆起沙夠淋，又唔會過甜，加上今日天气突然熱返，飲杯冷飲簡直涼透心，我平時唔係真係甘鐘意飲冷野，不過食飯就真係飲唔到熱，一句講哂，爽。而個西多就反而有些乾同硬，加左牛油再加媡奶食落都乾真真又唔熱，唔好食牙

今日食义燒燒鴨飯，生菜，例湯。個生菜今日都幾多，係恰菜加豉油，清爽新鮮好味。個湯係瓜湯，註明無味精的。不過今次就幾油，味道咸咸地。食主菜燒鴨，食落都幾有肉，不過唔太滑，鴨皮都算香口較肥身，食左一片就無再食。义燒有义燒汁食落乾口，今日個餸好一般。

今日七月十四，自己一個食晚飯，向我唔知食咩嘅時候，諗起大快活無味精餸甘就去食下啦。叫左個菠蘿咕噜肉，加個蓮藕綠豆豬骨湯，等左十五分鐘先有得食。第一時間食下個咕噜肉，外脆内軟，啖啖肉，好食牙。個咕噜汁就甜左小小，連d配菜三色椒都好鲜甜。湯嘅蓮藕好爽，仲有條魷魚絲tim。p.s.我食左依個晚飯我對大快活真係完全改觀哂，又平又有質数

晚餐食物的款式 ~ 不變的姑娘餐牌照舊。先講吓咖哩豬扒飯，咖哩味選擇不辣但咖哩味濃郁很少普通茶餐廳可以做到，而且薯仔大大件，比以前進步咗很多，豬扒份量也足夠。咖哩牛腩也相當美味，無乜可挑剔的地方。鐵板雞扒餐沒有驚喜反而失望了點兒，雖然雞扒和大香腸棒大大件，但鐵板雞扒餐一出一點煙也沒有莫講話〝沙沙聲〞，而且味道只是一般的。這裡燒汁炸雞脾飯，炸雞脾味道OK不油膩。早餐來講，炒蛋白好味，其餘普通。服務OK，現在服務員拎餐過來不過只限晚餐。