大快活

营业中

休息中

朋友拉我去試嗰家餐廳，佢話呢度嘅脆皮燒鵝好出名。入到去，不嬲嘅香味就已經撲鼻而來。第一口嘅燒鵝，皮脆肉嫩，肥瘦適中，簡直正到不得了！肉質鮮美多汁，還帶點微微的甘甜，個人真係好享受。然後，我地又試咗碗手打牛丸湯。牛丸彈牙得嚟唔會太硬，入口鮮滑，喺湯底裏頭略帶一點點辣，啱晒愛辣嘅我！飲湯個刻，感覺温暖哂整個胃。當然，唔少得來個涼瓜牛肉飯，呢個絕對係我嘅”愛”，涼瓜嘅輕苦搭配上嫩滑嘅牛肉，飯上頭淋咗啲汁，一咬落去，香、苦、鮮三味一齊來，舌頭上面好似開咗個party咁激動。最後，點盤煎蛋卷，又甜又滑，仲有雲呢拿味，食完餐收尾正到彈！呢度嘅餐點選擇好豐富，而且每樣嘢都令人食指大動。啱啱好啲味道不會太重，幾適合想食得健康啲嘅食客。香港嘅街頭美食，有時真係簡單就係美。下次再黎，一定要試下佢哋嘅經典奶茶同埋糖水！🍲🥢🍽️

如果朝早返工唔想遲到嘅話，就唔好幫襯油塘呢間喇。經理一定係做哂外賣單先，堂食就慢慢等啦，話知你有幾趕時間都好，睬你都傻！開門又唔係早過人哋，做嘢又慢過人，唔該去觀塘分店睇吓人哋工作效率快你幾多先啦經理！

逢星期六都會同婆婆出去買早餐食，第一時間就會諗到大快活😂因為真係好抵食，而且婆婆有長者咭仲可以減$3😍😍😍佢地個早餐大大份，有碗通粉，有時候唔係太餓，通粉仲可以留下午！我自己好鍾意食吉列豬扒，記得加多啲沙律醬！豬扒大大塊，好抵食！外賣一定叫炒蛋，因為太陽蛋好多時拎到返屋企已經無咗個黃😂炒蛋都好食，又唔多油！吖，仲有塊多士，可以拎包煉奶加牛油食，超邪惡，不過好好食！最後，一定要嘆埋個熱奶茶！😋😋😋

今日同家人去大快活食lunch ，我地都係揀咗义燒泡麵餐，有一碗叉燒湯面🍲、雞髀🍗一隻、同一杯飲品🥤。 雞脾可以揀燒脾or油脾，我哋都揀咗燒脾。燒脾皮脆肉嫩，唔錯😋。 泡麵嘅义燒就少d，不過呢個價錢算係咁啦😆。但係麵略嫌少少鹹。 家人order左可樂，我就order左奶茶，茶香奶滑⋯⋯😉

今日凍冰冰❄️❄️，就揀咗食煲仔飯。 成日經過大快活見到張焦香煲仔飯海報，好似幾吸引咁，就試下啦。我order左2款，1. 窩蛋土魷雞粒銀魚冬菜肉餅煲仔飯，2. 臘腸沙薑雞脾煲仔飯。 由落單起到取飯差唔多等咗20分鐘。要等都唔緊要啦，點知食完發覺中左伏🙄🙄，飯好淋，完全唔似煲仔飯，更加冇飯焦香味👎🏻，d餸都係唔香口嘅。如果你真係要我揀，窩蛋土魷較好少少啦。 今次真係食到嬲嬲😡豬，真係唔想再試囉。 為食妹溫馨提示： 😋如果你連埋嗰煲外賣，可以退返果煲去大快活架。每個煲可以攞一張$6現金劵，下次午餐、飯餐時用。

今日去大快活食lunch，有好多選擇。想食雞脾，所以揀左雞脾🍗雪菜香腸🥖米粉餐😋。想食炸髀，但係只有燒脾和油脾。最後揀左燒脾🍗，皮脆肉嫩，幾好味喔😉，想俾個like杯香滑奶茶☕️。唯一美中不足係米粉比較‘淋’。$41餐經濟實惠抵食呀😆。

#小秘書 呢排又開始咳咳咳，最終忍唔住又去咗搵 #余醫師 把把脈，希望順一順條氣、夜晚瞓得好啲🙃不過見完 #醫師 出嚟先記得自己冇現金，唯有去提款機攞啦。見肚仔有啲餓，咁啱又有間 #大快活 喺附近，就不如食個 #下午茶餐 先走😉 不過已經接近晚飯時間，選擇唔算多，我睇相見個 #即食麵餐 配 #雞翼 外貌都唔錯，就試吓佢啦。都唔知好嬲定好笑，#水吧服務員 真係求其擺個 #麵餅 落碗湯度就比我，唔生唔熟咁好難食🤨 好在隻 #雞翼 比較正常，甜甜地嘅燒烤味👌🏻 而最緊要杯 #奶茶 亦冇令我失望🙃唉！

下午茶我叫左魚蛋撈麵，西多士，蜜糖雞翼，熱檸茶。首先魚蛋撈麵係好食嘅！魚蛋有6粒，全部都大大粒，又彈牙，個沙爹汁吾會好辣，撈咗福字麵好惹味，好入味。西多士吾夠厚身，佢得一層，裏面冇花生醬，所以扣左少少分。蜜糖雞翼都微暖，好夠果，而且好多肉，裹面都好juicy 特別係個皮，少少脆，好好食！另一個餐係黑椒豬扒意粉意粉太乾身，豬扒剪得太碎，得兩塊，個汁又吾係好好食。整體算好！$40以內，有一個下午茶餐，都夠食，又有飲料，所以都合格

今天早上有點趕時間，所以趕緊食個豐富的早餐，於是來到這一間餐廳，餐牌上有很多不同類型的早餐配搭也好新鮮，今天我選擇了燥肉米粉加皮蛋瘦肉粥和我最喜愛的鴛鴦作為我今天的早餐，這個燥肉米粉非常之香，而燥肉本身也比較好送飯的用來配上米粉簡直好味之餘又簡單，而這個皮蛋瘦肉粥，粥軟綿綿，皮蛋瘦肉也很豐富最後加上特濃的鴛鴦，這個早餐太完美。

早排係公司OT到好夜，番到屋企又唔想煮野食，太累了，所以就去左附近既餐廳食個晚餐先回家；最後就點左阿活咖哩雞飯$44，冇包飲品，買完比左錢就會有個電子號碼牌，你放係檯上就有專人送餐比你，呢個服務都唔錯！岩晒懶人之選！店員知道我冇叫飲品，所以就已經比埋杯暖水比我，十分窩心！咖哩香辣都幾有層次，係雞胸肉唔太嫩滑，有少少鞋口，而薯仔又太大舊，有d 硬身，冇索晒d 咖哩汁，飯又偏腍身，配有蔬菜係旁邊，平民化既晚餐總算ok，食完都飽肚！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

今天真是好忙好忙，忙到好夜先去食晚飯，但是天氣又冷冷哋，於是我就想起，系時候去吃個火鍋啦，但是人少又點叫嘢呢，唯有搵依間餐廳，雖然價錢不算貴，但湯底，肥牛，配菜，都配合得好好，不失為人少火鍋之選。

經過油塘大快活，突然想打邊爐，叫咗牛肉火鍋，花膠雞湯底，$70有找唔會有要求，真係好平，估唔到質素唔錯，抵食之餘食物賣相乾淨，感覺好過大家X，加上有感應器唔使自己抬住啲食物，想慳慳地打個邊爐係首選

終於都嚟到週末嘅假期,可以瞓到自然醒,心諗都好耐冇去過大快活食嘢喇,今日就一個人嚟嘆番個下午茶先啦自從杜先生做咗大快活嘅代言人之後,呢度嘅格局都變得比以前較電子化同埋餐單都好似比較新潮咗咁。見到佢哋有海報寫住推介某一種餸菜會低鹽+低脂+低熱量+低膽固醇,感覺上佢哋都開始識得注重客人嘅健康,仲標明係符合世衛建議每日攝取嘅上限,等大家可以食快餐都食得比較安心。但我今日都係揀咗一個邪惡嘅茶餐,去慰勞一下自己過去一星期沉悶嘅工作同埋辛勤嘅運動F03呢個餐有即煎西多士(可選配煉奶或糖膠)加蜜味燒雞翼一隻,包熱飲或者汽水或者低糖凍綠茶,成個餐都只係$31蚊都算好抵食,咁我驚唔夠飽,再加$8.5就可以叫多碗雪菜肉絲米啦。兩間大字頭嘅快餐店我嘅口味都係比較偏愛另一間多啲,因為我始終都係覺得大快活嘅味道係稍微偏咸,奶茶亦比較澀唔夠香滑。

今晚約左朋友去做運動,所以一收工就去食左個飯先,咁就可以去到即時跑步今日就想食得健康D清D,要減下肥先得喇所以就叫左菇汁藜麥雜菜餅,紅米飯,熱檸茶菇汁藜麥雜菜餅食落都有D咬口既,感覺似肉但當然有距離啦,用埋個菇汁食D紅米就會易入口D紅米都唔想太硬既再飲埋杯熱檸茶唔加糖應該夠晒健康啦

一向係大快活早餐既忠粉，今日午餐想食清淡就試下新出既美味素系列。點左南瓜薏米汁雜菜紅米飯配低糖綠茶，賣相尚算吸引，同餐牌上圖片無太大分別，睇落好健康！雜菜同紅米飯比例平均，份量夠食飽！但雜菜種類可多返少少。味道不油不膩，南瓜汁夠清甜，配紅米飯口感清新好開胃。性價比高，有驚喜！本身唔係素食者，對煮法同食材無太大要求。但平民連鎖快餐店推廣素食係值得支持！但暫時餐牌只有兩款揀，希望日後會有更多選擇。好似會定期轉新菜式，日後行過會留意下試埋其他！