大快活 (晨光大廈)

营业中

休息中

明明餐牌寫出黎個啲都好普通好正常，見到碟野都唔圍意，點知一擺入口，咩黎架，我依啲但求食得飽要求又唔高，都覺得超級難食。唔知幾時開始蒸肉餅飯舊肉變左午餐肉，泰式肉碎變左酸菜雜豆肉粒，九唔搭八，定係廚餘黎？到底邊個諗出黎？我想食個普通飯都要偷換概念，有無攪錯。55蚊要食啲咁難食既飯，我真係寧願俾貴10蚊食大家樂，或者俾少10蚊食附近間餃子，再行返去牛頭角食米線都開心好多。怪唔得晚飯時間，都咁小人流，拜拜

誤食發黑雞胸飯🥲｜📍大快活食咗2啖雞胸之後太懶，唔想切一啖食一啖🫡所以打算一次過切好哂雞胸再食🫣點知切開咗之後發現雞胸係黑色嘅⚰️同店員反映之後店員話朝早有客人都遇到咁嘅情況並聲稱係餐具甩色🤔（呢個我真係唔肯定，有無人可以解答我但呢款餐具係咪真係會甩色）但我本人都有用水浸餐具浸咗一陣😳甩色應該都唔會咁嚴重啊🤔遇到呢個情況，通常都係三個原因：❶雞胸肉唔新鮮❷餐廳照俾其他客人用有人已反映過有問題嘅餐具❸唔止一套餐具甩色老實講呢3個原因都好過分😑🤷🏻‍♀️食完之後屙咗2次🏳️雖然唔肯定關唔關呢餐飯事，但好彩無發現身體有其他大礙

好耐無來這間吃飯，因為附近的大家樂一直都好食好多，但這晚大家樂太滿座，就來大快活試一試吧。來到大把位，任坐唔嬲，大約晚上八點，食物選擇已不多，叫了粟米魚飯，等了很久才有，以為是即炒小菜所以要多點時間吧，但來到的食物是凍的， 仲有種臭味（嬲到忘記拍照），飯是黃的且超硬，完全不能吃，整個餐都有問題，拿出去投訴，未說完職員已叫我換其他食物，無選擇下換了豬排飯。雖然可免費換另一個餐，但不明可以給人客一些臭且凍的食物，好令我費解。總之絕對不會再幫襯。

天氣酷熱，不願走太遠路，唯有在附近吃午餐。快餐店的內部裝修新，環境清潔，走廊寛濶。梅菜蒸肉餅飯33元，可以提出要求多飯或少飯。肉餅又大又厚，內含梅菜，梅菜美味，豬肉肥瘦適中，口感好，味道不太咸。快餐店內有自助水吧，供應冷水和熱水。總結：食物味道正常，價格平宜。

假日黎到觀塘，買到成手野，成身汗所以決定簡間最近最易平民嘅大快活食晚餐，好彩咁啱有人食完霸到張枱，唔使等位，簡左個海陸空雜扒餐同埋經典牛扒鐵板餐，食物等左幾分鐘就有專人送到，唔使點等，牛扒都幾好食，有質素，但係雜扒餐個魚柳就差少少，完全唔脆，好似走左氣咁、整體黎講都算係不過不失，係快捷之選！

上一次係完全冇落鹽嘅韭黃炒蛋，呢一次係有怪味嘅炒蛋同好似石頭咁硬嘅雞扒，完全毀掉一朝嘅心情，唔會再黎食第三次，唔該。一間快餐店，食物品質可以做到咁差真係犀利......

做嘢做到攰攰哋就食個下午茶hea下先！去到大快活叫咗個價值$40蚊嘅下午茶。蜜燒雞脾+西多士+紅豆冰！雞脾ok！幾入味！唔會有雪味同埋唔會唔夠熟！唔差！不過入面係無花生醬😭糖漿係獨立包裝嘅，甜味唔夠香。紅豆冰，正正常常，甜度夠，不過紅豆一般。$40值唔值？就款色嚟講值；味道嚟講合理！P.S. 做開運動嘅男士會唔夠飽🤭

放假自不然唔想在屋企煮早餐，例牌落街搵食，一於近近地去屋企附近的「大快活」啦。望一望餐牌，發覺佢有薄牛扒早餐我都未試過早餐食牛扒，見佢只係$35就決定試一試。其實這個早餐都好豐富㗎，除了有一塊薄牛扒，仲有炒滑蛋、多士和一杯熱飲。薄牛扒味道ok，唔會太韌，不過黑椒汁稍咸了一點。至於炒蛋，我嫌佢唔夠滑...有少許過熟，另外果間「開心快餐店」做得比佢好。牛油多士就正正常常，烘得剛剛好唔會燶晒。熱飲我揀左熱茶走，味道都係合格啦。我覺得「大快活」的奶茶或者茶走，水準都保持得唔錯。

本身想食蕃茄湯通粉, 但去到收銀先知賣哂, 失望之下唯有要個清湯火腿通粉+熱奶茶($23),外賣黎講算出得好快, 唔洗3分鐘已經拎得,火腿通粉都好大碗, 有2片火腿, 但湯比較少, 連通粉都浸唔哂好彩通粉唔會太林, 同埋湯咸咸地, 都算有d味, 淨食通粉都ok,而火腿片有煎香過, 不錯.另外要讚下杯熱奶茶, 快餐店黎講算做得幾好,茶味香濃而且重奶味, 幾滑幾好飲, 唔落糖都ok