大快活

营业中

休息中

✨大快活✨返工食下午茶，簡單搵咗大快活。今次點咗香煎豬扒脆豬包配熱咖啡，加埋手機App 免費嘅雪菜肉絲米粉，CP值真係唔錯，糧尾填飽個肚絕對冇問題。香煎豬扒脆豬包+ 熱咖啡($29) ⭐⭐⭐⭐豬扒煎得幾香，肉質尚算嫩滑，配埋脆脆嘅豬仔包，咬落去有口感，係大快活常見嘅穩定水準。熱咖啡唔算特別，純粹解困之用，但熱度足夠，味道中規中矩，搭配呢個價錢都合理。雪菜肉絲米粉（免費App Coupon） ⭐⭐⭐⭐雪菜味夠鮮，唔會過鹹，米粉吸晒湯嘅味道，爽口之餘唔會散。肉絲雖然唔算多，但夠腍身，免費嘅話已經超值，味道完全可以接受。總結：$29 食到豬扒包加熱咖啡，再加埋手機App 免費換領嘅雪菜肉絲米粉，份量夠飽，味道正常偏好。對於返工下午茶想簡單解決，又唔想花多錢嘅話，大快活真係一個穩陣之選。食品評分：⭐⭐⭐⭐（4/5）總體評分：⭐⭐⭐⭐（4/5）簡單平實，糧尾絕對夠用！

平時很少會外出食早餐ABC 今日一早去觀塘創紀之城六期做嘢 電梯上一層 右手邊有一間大快活 正當肚餓 就行過去睇吓有咩食 我真係大鄉里呀 原來大快活的早餐選擇有好多 我目測起碼有十幾款 點了B17 有多士 蕃茄蘑菇炒滑蛋 雪菜肉絲米粉及熱咖啡 我最意外係多士配醬可以有花生醬及菓占 好有意外驚喜

I recently tried a classic Hong Kong-style breakfast of fried rice noodle rolls and pan-fried turnip cake with egg, and it was absolutely delicious. The rice noodle rolls were filled with succulent pork sausages and smothered in a rich soy sauce, while the turnip cake was crispy on the outside and soft and flavorful on the inside.

尋日喺大快活食咗臘腸冬菇雞煲，今日一個人又唔知食咩好，天氣又凍凍哋，就去咗觀塘大快活試另外一款煲仔飯今日叫咗拉絲芝士泡椒雞肉煲仔飯，呢個飯好特別，好有期望。我個煲仔飯有幾塊大雞扒，煎得好香，滿滿既芝士已經好吸引，仲要可以拉埋絲，非常過癮。煲仔飯$49又係超級抵食

伴娘每次有優惠券都會約我食晏真係好今次就到大快活平時伴娘話呢度好少人可能係因為落雨嘅關係買嘢食條龍長都爆炸我不過我冇諗到呢我話走飯佢話走唔到😅😅所以嗌咗小飯咁我望落都真係少咗嘅因為我生酮緊所以一啖都冇食🙈其實本身個餐都抵嘅$45跟住有coupon就減$10$35來講都冇咩挑剔不過佢個擺盤可以好少少不過我想講雖然佢個擺盤麻麻哋但係佢兩塊豬扒都唔錯幾好食D肉唔鞋㗎後尾發現原來伴娘係攞中電嘅coupon佢話選用電子月結單可以儲分換coupon都幾好喎👍🏻

一年可能都食唔到一兩次煲仔飯 今次大快活出左外賣煲仔飯就即刻lunch用手機app買左個試下，首先講價錢，50蚊有找不過唔包野飲；但味道就麻麻地個人覺得落多啲豉油會好食啲

🍙等待時間：雖然點餐有人龍但姐姐非常快手！4分鐘就到我，再等到可以取餐，佳！🍔室內環境：一貫深橙色風格，份外醒神！🍰服務質素：我要俾接近滿分，有人龍但姐姐一個就ko曬，超有效率，而且好有禮貌講早同多謝，就算一般餐廳都冇咩做到！🔺用餐簡評：我今次係叫外賣拿走，叫左芝腿三文治加無糖麥皮配熱奶茶。芝士味道算濃郁，配上火腿，都算正路，亦有簡體加熱，麥皮略厭過烯，奶茶茶味夠重。🔹總括來講：個like俾姐姐，味道就正常。

午餐時段無心水，按著人潮流向，好方便就入左呢間大快活。呢區來講，佢算多位，寛敞好坐又抵食，啱曬長期糧尾的我們。Green monday 學人食素，佢有呢兩個選擇，都係西式的。四十大洋連飲品，今時今日唔知仲可以响邊到搵。我叫左羽衣甘藍汁南瓜雜菜紅米飯，見到個名其實有點迷惘，想像唔到會係點樣，好配服寫菜單的人的創意。不過勇於嘗試一向是小弟的優勢 ，老細周不時都會讚我架。現實是咁的，都幾多唔同顔色.......睇得唔清楚？ zoom 近D......再近DD 其實係健康的烚雜菜，加上紅米白米飯，再淋個青BB的羽衣甘藍汁。雜菜同飯好正常，仲樣樣有D，味道豐富唔會寡。係個汁就怪怪地，幾草青。外表幾嚇人，味道麻，個人覺得可以接受的。特別是它打正健康的旗號，加上價廉又飽肚，環境又ok, 不能要求什麼了。

每朝起身第一件事，緊係要嘆番嗰靚靚早歺啦，如果唔係边有精神去應付啲煩覆嘅工作呀，好彩公司樓下有間大快活，簡直係我嘅公司歺聽。入到去叫咗一個煎双旦配克椒牛扒，加埋杯冰凍嘅可樂，食埋嗰早餐、又係開工嘅時候。

又到3點3，係時候Tea一Tea。由細到大都好鍾意食大快活既下午茶餐，真係好抵食!一杯野飲，一碗米粉，再加個多士都只係$26。星期六通常都係當午餐食，雖然佢份量睇落唔多，但係完全夠哂飽。雪菜肉絲米粉，正正常常既份量，如果男仔可能會唔夠飽。奶醬多士加腸仔，多士都幾硬好難切開，需要用少少力去撕開。而個醬就係煉奶，夠哂甜。而煉奶份量竟然夠我點，岩岩好用哂。食奶醬多士最驚就係唔夠醬。而檸檬水，我就覺得佢比得太多檸檬，不過我拎走檸檬就無事。

又到糧尾為咗慳皮因為下午周圍食個晏都四五十元落樓唯有吾食午餐改食三點三。來到大快活整番個下午茶餐！呢度雞脾餐好低食喔！有好多款不同小食跟...當然亦可跟飲品而我我經常都跟碗仔翅！到取餐時叫櫃跟杯水咁就一餐...下午茶時間唔多人就叫了個鼔油皇雞脾餐。哈哈收銀姐姐仲記得我..問我是否加個白飯...對啊！唔該加白飯一碗啦碗仔翅落足料，獻汁亦沒有槳糊感覺麻油味香，味道剛剛好。冬菇絲同木耳絲爽口。肉絲條條分明唔會一舊舊！鼔油雞脾味道就唔係真係好入味！你見到個肉既色都仲好白下。係塊皮邊會有d色水。但值得一讚係夠滑非常易入口。食哂成碗白飯真的太飽...不過好平，雞脾餐31蚊，白飯7蚊全部都係38蚊咋！好滿足好感動。相信呢幾日都要嚟下午茶...

今日去到觀塘創紀之城六期，唔識路又趕時間，見到大快活，就入去求其食個午餐算數。點咗冬菇肉餅飯，飲熱咖啡$40。見到個餐有三塊豬肉餅，有冬菇混入豬肉裏面香煎，但係賣相醜樣啲，而且比較細塊，見到啲飯嘅份量都係比較少，淋咗豉油汁，仲有少少雜菜。尖就煎得唔錯，外面金黃色。 豬肉餅質感都唔會太淋，味道鹹淡適中， 有啲冬菇餡增加口感。熱咖啡味道還可以，如果可以濃啲就好喇。總結呢個餐味道係唔錯，但係撇除賣相唔靚之外，就係嫌佢太細份，食完唔夠飽。只能夠話佢呢個餐40蚊，畀少啲份量你，還可接受。

又到早餐時間，今早要同朋友仔食早餐傾心事，於是近近地去幚親呢間位於觀塘創紀之城6期一樓的大快活快餐店。叫左個早餐($28.5)，包括有煎雙蛋、厚多士、火腿通粉、熱咖啡。抵食！排隊等左5分鐘就有得食，正！寬趟的卡位好舒服，可以坐响度同朋友仔慢慢嘆傾下心事。煎雙蛋大大份煎得好香口，半生熟，口感也不錯。原多士大大塊好脆口，配上薄薄的牛油味道一流。咖啡熱辣辣，奶滑又夠咖啡味，唔太苦，不加糖也好好飲。而個通粉份量略為偏少，不太淋又不太軟，配上少少濃湯味的湯底味道好夾，唔錯。

早餐時間間餐廳都好多人，又想快快趣食個早餐，於是今日幚親呢間位於觀塘創紀之城6期一樓的大快活快餐店。叫左個吉列猪扒配滑蛋多士早餐，加杯熱咖啡，因為怕唔夠飽，所以再加多個火腿通粉，盛惠$39.5。排隊等左5分鐘就有得食，正！吉列猪扒炸得好脆好juice，滑蛋夠晒滑，多士好脆口。咖啡熱辣辣，奶滑又夠咖啡味，唔太苦，不加糖也好好飲。而個通粉有點淋，口感就一般。總結，想快快趣食完個早餐而又要夠飽，已經100%達到目標。

兩個人在附近等多個朋友我們午餐不久，主要找地方坐下仼朋友主意，我當然去搵位首先取牌原來是一個感應器放在任何一張枱，不用出去取只要食物做好，職員憑感應器就能夠從感應器找到你兩個人都是西多拼蜜糖雞翼餐可能星期日比較人多足足等了十五分鐘兩份餐用了兩個職員一齊出來服務果然有誠意，值得一讚雞翼的確有蜜味，可惜有少少濃已經好好，因為搽了蜜糖燒控制不好容易燒焦西多合標凖炸至金黃色塗少許牛油及煉奶正常好吃即磨咖啡夠熱，芬香棒鼻食完十分滿足