大快活

营业中

休息中

為了慳多點錢，通常都會等到下午茶時間才吃午餐。今次我點了 Y10 蜜味燒雞脾米粉 配凍低糖綠茶 $31。它的米粉很大碗，味道就普通。湯不稀，不過較重味精。而低糖綠茶不會太苦，味道也可以。不過個人覺得較像紅茶的味道。而它的雞脾，是我想重點介紹。雞脾很易切開，juicy 的肉汁馬上流出。而它下半脾的肉味較濃，較重蜜味。可能因為那兒較小肉，所以會更加容易入味。而雞脾肉不算鞋，雞皮很濃濃的密汁，烤得很好吃。雞脾中間的肉很厚身，比下脾肉鞋一點點。若果整隻雞脾都能夠完全入味，就更加好味了!

今朝又嚟到大快活食早餐，因為尋晚俾哂袋入面啲紙巾胖侶，搞到我今日喺巴士流鼻水都要用手抹，嚟到大快活一放低張飛仔即刻解禁，攞咗托盤上面張紙巾呻鼻涕先，再問姐姐攞多一張抹嘴，點知返埋位嘅時候，發現姐姐竟然貼心地俾足三張，須知道外出用膳就有如置身於戰場，提出攞額外物資呢類事情隨時要俾人軍法處置，姐姐無執行軍法不特止，仲對我咁好，巧滾動啊。

星期四在觀塘區中午找飯吃, 上咗呢間靚裝修嘅大快活嘆返個一個人的午餐,落單唔使五分鍾已經有得攞, 就知道係預先整好的煲仔飯了,臘腸煲仔飯個名好普通但經過店方精心設計改良過後同傳統的肉肉肉版本有幾大出入, 臘腸係只有一條短小精幹的, 雞係一兩件雞胸及一隻雞翅膀碎上, 雞肉沒太重醃味, 冬菇一粒, 淺綠色的應該係萵筍莖切粒味精清淡, 另一些淺啡色粒粒應該係梅菜但唔太咸亦唔太甜, 一清一濃兩種菜用在同一煲飯內,無論是味道/ 顏色對比都是經過計算過的!肉的比例少亦是刻意傳遞出這店的健康為主的訊息, 由於個煲唔太熱即使倒入豉油再蓋上煲蓋焗多五分鐘都只係得少少飯焦, 如果想為食飯焦而柯打呢煲飯的話肯定有點失望, 不過食個飽飯就一定得, 希望餐廳方面設計餐單時候能夠一併諗原本這個餐的上菜溫度? 怎樣才是這度菜的精神? 即使要改革亦應該多方考慮多次試驗才付諸實行, 現在這版本變成係一個保溫飯盒!!材料/味道都ok只是風味不一樣了, 

今日有啲掛住係大快活先有嘅嗰隻脆皮腸，所以就嚟咗大快活食早餐，回望返先發覺原來我一個月之前先上嚟伏過一次熱奶茶咋喎，我完全唔記得咗添，不過今次嗌左個凍奶茶又唔伏喎，夠哂茶味，而個辣醬肉米啲肉碎勁多，多到食哂啲米粉都仲有肉碎啊。雖然大快活嘅感覺硬係比起美心同埋大家樂低一點，不過晨早流流呢個辣醬肉米同埋長一點嘅脆皮腸，相信係要呢度先有。另外不得不提今日換咗一個比上次年長同埋寬闊嘅收銀姐姐，不過佢篤芒嘅速度勁快，同佢個外表完全成反比，令我喺八秒之內已經完成落單，喺每日衝鋒陷陣嘅早晨裏面，抵讚。

又係食厭咗其他早餐嘅時候喇，先至會貢咗上大快活，嗌咗個香辣肉碎雞扒湯米，熱奶茶，個米粉都無乜問題嘅，最乸大鑊係杯奶茶完全無茶味，就好似啲六星膠級酒店嗰啲奶茶咁樣，淡到好似用茶包沖出嚟咁，真係連蘇絲黃都俾你激到着短裙啊。

今日除夕，2015就快過去，公司早收工，所以我就去左創紀之城嘅“大快活”，我叫左個熱狗配紅豆沙，熱狗D麵包烘得好燶，腸仔就细條左D，但雞肉味好重，都幾好食再配埋沙律醬，都算唔錯;另外紅豆沙則煲得好沙，蓮子唔硬，夠火候，ok啦，可以一試

開會同開會之間攝到時間食個快飯，去左公司附近既大快活外賣。午市選擇唔少，最尾揀左咖哩魚柳飯。魚柳都幾大塊喎，有半盒飯咁大！咖哩都幾好味汁好香濃，仲唔會將咖哩汁淋係面，起碼我食到果時魚柳仲係脆既。美中不足係汁太少，唔夠撈飯！$38黎講算係咁啦，加$5有杯凍綠茶，夠哂飽！

放監，唔係放飯先真， 出到來午市已過， tea 都有得食啦， 餓到忘了什麼是餓的盲目感，食tea 比碟頭飯開心，每樣小小多試幾種，個tea 有肉醬拌公仔麵， 烘多士及燒雞翼，再包杯港式奶茶。個蜜糖燒雞翼甜甜地，好有去bbq 架感覺， 塊奶醬多 煉奶同粒粒花生醬分開上， 要搽邊個醬都任由自己，我就兩種都勁加。烘乾了脆身， 下午茶必選平價公仔麵， 彈性同小麥粉香都低幾個層次老實講奶茶幾濃郁好飲

早上時間容許充裕，我一定不讓自己涯麵包，因中午忙得只能公司沖杯麵。早上唔知中午事， 食好d 對自己好d， 肉醬麵粉好味精沒多喝，大大碗也不講究， 追求吃飽而不是吃好。雞扒肥左d,但厚身真係食肉獸架天堂。 炒蛋我習慣夾麵包食， 今次直接吃， 因為麵包我又diy 起來， 自己食的自己做原則， 塗上牛油再灑上白糖，將佢加工成甜司士，更多滋味令人流口水，不得不讚一下自己的創意及手勢。

星期六..要等老公收工..有D肚餓..所以去大快活食咗個下午茶....好好味哦.....碗仔翅.....西多士.....蜜汁燒雞亦~碗仔翅味道岩岩好~蜜汁燒雞亦D味好好.....環境OK .....落地玻璃.........够大....

餓了一個晚上星期六上班的日子為自己打打氣 五天工作下, 沒有人流, 無須排隊和等位 雞蛋,火腿加多士 加熱奶茶 $18.50一貫連鎖快餐店的幣病, 多士唔熱又唔脆, 冷冰冰的樣子 加上牛油也完全不溶 , 所以小女子更愛再加上炒滑蛋同食, 要用餘溫將牛油融化今日的炒蛋明顯牛油味略為重手, 食落有點溜而強大對手”大家樂” 的炒蛋則著帶點香草味, 但無咁滑溜, 兩者可以平衡點更佳 奶茶質素也不及對手強 , 無論香味與濃度也不足

這是一家新開的大快活, 因為新開的關係(開業只有一個月左右), 午飯時間比較容易有位.叫了最基本的焗豬扒飯, 豬扒的厚度比大家樂的薄, 但配料及汁的味度就不同. 這家的味道還可以,很欣賞他們會跟配菜, 今次是甜豆, 份量都有10多條.坐位舒適, 有落地大玻璃, 充滿日光, 環境一流, 空間感十足, 沒有被壓迫的感覺.服務員很有禮貌.午飯又多了一間選擇!