大快活 (黃大仙中心北館)

营业中

休息中

大快活性價比真係太高了🥹$200唔使就有二份聖誕大餐聖誕大餐有兩份雜扒餐，酥皮忌廉湯，蒜蓉包，朱古力慕絲，飲品 (另外加$4就有肉醬意粉或者粟米肉粒飯)牛扒同豬扒都偏乾同埋薄，不過雞扒仲係好多汁！另外冇諗過有咁大條腸仔🥹仲要係芝士腸呢個餐已經夠三個人食🤣

我在大快活（黃大仙店）食早餐又到早餐時間啦！今早食左烚蛋早餐 $29，有細火腿幼麵、英式多士（加煉奶）配烚蛋（1隻），餐飲係熱阿華田（走糖包）。簡簡單單又有營養，自己減糖👍。

簡單早餐在大快活（黃大仙龍翔道136號黃大仙中心北館2樓N225號舖），我揀了 精選早餐$34，有烚蛋2隻，淨牛油厚多士（加煉奶），細火腿通粉，熱咖啡。熱辣辣的多士加牛油煉奶，再加火腿，好好味；通粉加烚蛋，營養豐富👍👍

大快活最近出的原隻蜜味烤春雞，$42 ，女仔一個人食一隻又太飽，但兩個人又唔夠食，如果係主食嘅話建議返都係每人一隻 。蜜味就唔係好出，反而辣味就偏重少少，但係都可以接受嘅就算唔食辣嘅話。雖然佢冇斬，但係啲骨肉都容易分離，易食方便。總括嚟講都係非常之抵食嘅

我返到黃大仙中心北館食晚餐，最方便快捷的地方，就是去大快活。我點左阿活忌廉粟米肉粒飯 ，配餐湯（節瓜唐排湯）。忌廉粟米夠滑，肉粒是啖啖肉及無骨的，可以說是最快完成食飯時間的餐食，餐湯好好飲！

我今早去左黃大仙北館的大快活食早餐，環境舒適，有個落地玻璃對著黃大仙廟，十分開揚。我點左個輕怡早餐$28，輕怡早餐有火腿配上海幼麵，英式多士配烚蛋，餐飲是熱華田。熱飲加湯麵及多士，好滿足！

食lunch成日幫襯E間大快活上既湯飯都夠熱已經值得加分而最近食左斑蘭系列都唔錯斑蘭系列雞髀少少辣 個雞髀唔會乾而個斑蘭甜品直得出色50幾蚊又有飯有湯有甜品真係唔錯👍🏻

我好鍾意早餐食炒米粉，知道大快活早餐有炒米粉，返工前特登去買外賣呢個餐有肉燥炒米粉仲有三粒燒賣連熱奶茶$30.5，算抵食，肉燥都算多，夠撈哂全部炒米粉一齊食，好惹味，燒賣普通來貨，冇乜特別

果日趕時間 出野食既速度好快 環境都大 衛生正常 唔錯🙌🏻🙌🏻叫左雜扒鐵板燒 有雞扒 牛扒 豬扒同巨大芝士腸😋😋3種扒都有肉質 唔算厚但正常性價比高🥰仲跟餐野飲同埋飯

今日細佬話想食咖哩牛腩飯，叫姐姐落去買，我又順手搭單要1個，因為平時係屋企食lunch真係好難諗食d咩，通常都抄考隔離🤣唔知係咖哩汁太多定係飯盒唔防漏，好似有d汁漏左出尼，所以我用膠袋墊住食，不過我覺得左邊放咖哩右邊放飯好似方便d，依家咁樣放，右手好容易掂到d汁咖哩牛腩飯份量都幾多，飯食唔曬，牛腩都食唔曬，我地剩番既份量應該可以多1個人一齊share，下次可以2盒飯3個人share,今次就留番晚飯食🤔

成日幫襯大快活，快餐店之中佢地既餐比較無味精，健康啲同質素穩定，而員工感覺上都比較開心寬容啲。點了陳皮鴨腿湯飯，鴨腿大細都合理，肉質適中，湯飯既湯好足料，冬瓜好大件同有幾舊，冬菇大件同厚肉👍🏻湯底味道亦好好，唔會過咸或過淡，夏天食真係好岩！跟餐配的例湯係粉葛淡菜扁豆豬肉湯，都係好足料！睇圖都知，有原粒蜜棗，大塊陳皮。雖然豬肉半肥瘦，但唔會好油，不過本身我都鐘意食肥豬肉，所以唔怕～最重要係飲左唔會口渴，証明真係無味精👍🏻附近返工/居民可以多啲幫襯，至少唔使食咁多味精。

大快活的盆菜真係夠晒平，$398六人份量外賣自取, 有鬆軟東坡肉、手工荔芋雞、南乳豬手、魷魚、香菇肉丸、冬菇、豬皮、蘿蔔、西蘭花、紹菜，仲有埋鮑魚仔，每人平均先$66左右。以咁的價錢黎講，都算唔錯，味道都不過不失。過時過節，訂一盆，唔使自己煮咁麻煩！ 小小的建議是平價食材例如︰蘿蔔，可以再加多幾塊，整體成本不影響，但會體面好多！喺網上都可以訂到，自取時出示電郵即可。包裝連埋一個紙箱黎，自取時用車仔拉都得！

今晚同朋友嚟咗大快活度食佢嘅著名扒餐呢個扒餐連埋杯凍綠茶都係56 蚊晚市來講就真係好抵佢個飯上面鋪左啲蕃茄蓉同腸仔片雖然啲飯有啲硬但係味道都尚算OK另外有雞扒豬扒牛扒仲有一條比較大嘅外國腸佢哋連埋一堆椰菜係用鐵板上雖然啲扒嘅質地係普通貨色但係都叫幾抵食又飽肚

早餐為求快趣，方便，平又正，大快活真是最幫到手，最近仲有30元的特價港式早餐，最係打工仔既福音。今日趁番工前有時間，就在公司附近的大快活整個早餐先。多士厚有口感，現在烘烤新鮮，配埋有炒蛋十分豐富。湯粉可配好幾款的麵，今日食既蕃茄湯底腸仔通，好味而且粉量夠！港式奶茶☕️始終是我最愛，早餐整一杯真是精神爽利。大快活好食又好坐，仲要咁平，真是市民大眾打工仔的最愛。我覺得不管本地人或遊客，都應該來試一下呢啲咁正的港式早餐🥣！

午市精選 賣相一般,味道尚好午餐有優惠每日指定款式 $39包飲品一杯這市道,算合理了今次係蜜味金沙骨配香煎豬扒肉燥飯 加一杯低糖凍綠茶賣相就求其上菜,但勝在份量都足夠2件應該炸既金沙骨,肉都多,唔夠脆口,醃得入味豬扒細細件一件,無咩特別,肉燥太少,唔夠撈飯,肉碎黎伴碟有蔬菜什菜一份勝在夠飽,抵食！黃大仙龍翔道136號黃大仙中心北館2樓N225號舖