大戶屋

营业中

休息中

好多年前食大戶屋嘅時候留下過一個比較差嘅印象，所以近呢三四年,我基本上都冇去食過。今日lunch Time ,同事話去食大戶屋,決定比多一次機會佢。但我真係估唔到,今日食大戶屋同之前嘅質素真係大相逕庭。定食裏面,都有好多款唔同嘅種類揀,牛肉都有唔同嘅部位可以選擇。今日食到嘅牛肉都算係幾軟稔，幾juicy, 牛肉味香濃，居然仲有一種日式燒肉嘅感覺。二日本嘅珍珠米就真係無得輸,每次食完都好想再添飯,要知道我本身唔係一個鍾意食飯嘅人，所以食呢個定食都真係無錯！

前兩日同朋友lunch,簡左係新朝陽既大戶屋，限時個半鐘，叫左兩個定食，一個炸物定食，一個係五花腩，定食有前菜，燉蛋，湯，主菜，飯，味道唔錯環境都幾好，不過炸物定食，炸得太乾，味道一般，豬反而比較好~~

星期五要對自己好啲, 要食好啲! 我哋就揀咗間坐得舒適啲嘅餐廳嚟享受一下個午餐銀鱈魚西京燒定食 $146 ~ 銀鱈魚充滿油香, 肉質嫰滑, 微微醬汁甜, 不錯吃燒生薑醬油牛舌定食 $125 ~ 牛舌火喉控制得唔錯, 肉質煙靭彈牙 , 好有薑汁味味噌醬煮吉列熟成豬扒鍋定食 $117 ~ 豬扒厚實肉質夠嫰 , 洋蔥好有味噌味道, 半熟雞蛋要留意住火喉, 因我掛住影相, 所以滾得過熟咗啲我哋每個餐都加$10轉海藻飯,小魚飯及鮮雞蛋伴飯我食嘅係小魚飯, 都幾多魚仔, 幾香口!

放工同同事輕鬆一下，點左牛舌套餐，有湯有茶碗蒸，白飯轉左紫菜飯牛舌十分惹味，不過本人比較鐘意食厚切牛舌，大戶屋偏薄呢度白飯任裝，最後3個人再點多碗白碗，食完勁滿足

必需先解釋因為9點後去到，所以唔洗等位，晚市呢度係會排隊排到暈。又讕健康，點咗個自家製豆腐淮山蓉冷盤($40)：豆腐有豆味，唔特別滑；淮山蓉無味，是正常的吧；秋葵清爽；納豆，無傳說中嘅嗅味，入口都無乜味，但係佢最健康嘅黏黏物質，我真係覺得有點噁心，撈混蛋黃一齊食，其實唔太感覺到佢嘅存在，但感覺黏黏物質好似一路黐住喺喉嚨，好唔自在。燒魚($96)+($20)定食：好少食呢種魚，還是比較喜歡吞拿魚、三文魚、鯖魚，味道比較似鯖魚，不竟係同科吧，肉質都OK，煎得幾香，但唔少魚鰭骨仔。我自己唔喜歡碟漬物，蒸蛋好滑，湯清淡，飯軟硬適中。味噌醬煮吉列熟成豬扒鍋($97)+($20)定食：上枱時仲好滾，各位食家要小心。唔知點解呢隻味道唔啱我口味，蝦子餅就OK，豬扒脆脆哋，肉質OK。呢個餐配嘅漬物不一樣，我反而喜歡呢碟。定食可以添一碗飯，大食積萬勿錯過。宇治抹茶蕨餅配抹茶布甸芭菲($45)：甜而不膩，紅豆林坺坺，抹茶帶點微微苦澀。

好耐冇食大戶屋呀！以前拍拖好鍾意食康怡嗰間，依家女都大個啦！讀小學啦！最近佢個同學話呢度嘅兒童餐好好食，於是帶佢嚟食一次啦！我最鍾意食呢度嘅Soba，囡囡就揀咗蛋包飯。我食到捧住個肚走，囡囡當然最鍾意玩具同埋啫喱。我仲download左個app，新會員可以免費食泡菜或者一杯野飲，都幾好啊！佢嘅安排都幾好，星期日中午等左一陣位就得啦！雖然滿座又多人，但係服務都唔差，值得下次再光臨。同埋價錢都好實惠，不錯不錯👍🏻

大户屋是我們心目中其中一間食家常飯的「日式飯堂」😍忙了一整天，我們很餓，不約而同想到這裡吃一頓飯。這晚，我們點血鯛魚定食$190及配山芋蓉飯加$10這個價錢有這樣大及美味的魚，我們感到很滿意。味噌醬煮吉列熟成豬柳定食$117加山芋蓉飯$10味噌醬很美味😋端來的時後熱騰騰的我們很喜愛到這裡晚餐，已點過幾款定食，我們都感到滿意，而價格亦合理。另外，這裡的白飯是免費追加的，愛吃日本米飯及有胃口的你必定喜愛。這裡的唯一缺點是要等太久才能入座😅今晚等了半個多小時。

第一次黎大戶屋食lunch, menu其實有好多選擇, 真係花多眼亂, 最黎揀左吉列熟成豬扒定食一個lunch set都包左好多野, 除左有飯之外, 仲有麵豉湯, 蒸蛋, 沙律菜豬扒一黎到仲係熱辣辣, 咬落啖啖肉, 仲有2個汁可以點, 分別有芥辣醬同吉列汁, 如果想簡單d, 仲有檸檬汁可以揀tim我食哂豬扒先開始食番前菜, 個蒸蛋同麵豉湯雖然放左一陣先食, 但都唔會凍哂, 而蒸蛋仲keep到好滑好好味見好多人都叫左豬腩肉, 下次都要試下先得!

今日假期小編同老婆行銅鑼灣，本來諗住去登龍街即係”拉麵街”去食拉麵。點知一轉入街口，老婆就話想食大戶屋啦！大户屋係mid town ，其實成幢野都係食嘢，同埋感覺衛生做得唔錯，係一個開餐嘅好地方。入番正題，今次打開餐牌睇來睇去其實都諗唔到食乜嘢，感覺上好似十年如一日。。最後order咗個熟成蛋吉列豬扒飯定食，定食就一定有漬物，味潧湯同個靚仔(白反)。其實所有野都係好Standard，小編就覺得味道同賣相正正經經，四平八穩既感覺。反正無驚喜，又冇失望。

大戶屋嘅燒鹽麴熟成五花腩定食真係一試難忘！佢哋嘅五花肉燒到好香，好惹味，食落一啲都唔油膩，仲有陣陣炭燒嘅香味。食到咁上下，可以點埋佢個味鹽，有少少花椒味，食到停唔到口！P.S. 佢個set 仲配有味增湯同蒸蛋，性價比幾高!另外，炙燒三文魚丼幾時都係我嘅至愛！佢哋個飯非常足料，三文魚足足有四條，舖滿囇成個飯。三文魚炙燒過之後三文魚油滲透咗落個飯到，每一啖飯都好香，全部食物都好高質素，性價比超高😍

每一次一大班人諗唔到去邊度食lunch嘅時候我都會即刻book定呢間先 因為大家一定有野啱食〰️燒鹽麴熟成五花腩定食〰️呢個係我每次必叫嘅 今次我特登加多隻蛋撈勻落個飯入面 咁個飯就有蛋漿嘅香味啦同埋個飯又會滑d講返呢個餐先佢除咗有五花腩/飯/面豉湯/蒸蛋啊仲有個一小碟前菜 一定夠飽呀五花腩咬落去係真係好軟林林 佢肥美既脂肪同肉既分報係好平均既 食左唔會覺得勁膩 而且佢既五花腩既表面煎到啱啱有少少燶燶地咁 真係好香口呀 細細舊好易入口 所以食晒呢十幾舊絕對無難度呀😬個蒸蛋都冇令我失望 好清甜好滑**我地6個人有5個都係叫呢個五花腩 証明真係好正啦〰️燒花魚定食〰️呢條花魚既分量十足 差唔多係原條魚上 所以好抵食架 而且燒完之後既魚肉都唔會乾同埋鞋 仲保留到少少鮮嫰嘅感覺

我點了牛肉盒子定食，牛肉質素不過不失，但是性價比高，重點是煮得淋，不硬，而且入味👍🏼。伴菜有驚喜喔，不只是裝飾，新鮮爽口，配上日式沙律汁，我喜歡，全部伴菜食曬。值得一提，飯是日本米煮成的整個定食份量剛剛好，定食配有茶碗蒸, 面鼓湯, 和醃菜。醃菜也很好吃，拍得住日本水準，我一點不剩的全部K. O . 朋友點了雞肉定食，雞肉份量多，伴菜份量也多，細食的朋友食唔曬。總括而言，值得再食，可是上菜時間長，趕時間的我們食得好趕。

今天來到登龍街食午餐，阿囡話要去「大戶屋」，喜歡食佢嘅燒肉套餐，所以我們又再到拜訪這間日本餐廳。我選擇了只有星期一至五才有的迷你飯套餐。套餐包括一碗飯及一個烏冬或蕎麥麵，而且還有一碟小酸菜。我選擇了滑蛋燒雞飯和熱烏冬。燒雞只有三嚿，但講明迷你就差不多了，而對我來說已經足夠。雞肉和滑蛋都好嫩滑，而且雞件沒有雞皮。雖說迷你，但吃完碗飯已經飽左一大半。烏冬熱辣辣，烏冬質感好有嚼口而且好滑口，好好食。湯底唔會太醎。酸菜略嫌唔夠酸。這個迷你套餐其實size唔算迷你，如果兩個唔係太大食的女孩子其實可以一個套餐兩個食應該都可以。我食完成個餐之後，簡直「超飽」，而價錢只需＄80真係好抵食。

2人冇得book位 walk-in 星期五等了數分鐘 好快有 可能未夠7點好D 環境舒服乾淨 叫左個五花腩 呢個幾好食 幾香 個薯蓉幾好味叫左個炸豬扒 第一口已滿口油 真是好油 口腔一股油味 D椰菜絲嘅汁好似係蒜味 唔啱口味 建議汁另上會更好 呢個真是非常失望 服務要讚 佢地好快手 見佢地條team又落力 問佢地點入會 雖然忙但佢地都好有禮貌耐性説明 個後生載眼鏡女仔 有D Green 但是佢好有禮又有笑容 值得讚下佢！泡菜麻麻地 不過大戶屋炸豬排咁差有D意料之外 炸嘢D油唔夠熱 炸出黎如飲油

本身訂左位 接待嗰位女士話 我三位要齊入座 咁我咪企喺門口 點知隔左一分鐘有另一位客人五位未齊人佢比佢入座話可食到8點 我就覺得怪 於是上前問點解我唔可以入座呢 佢答我 我地本身兩位改三位 所以要齊人先入得 跟住佢話 你而家要入都冇所謂 但食到6:45 咁我話ok而家入 之後佢勁大聲同啲同事講 如果佢真係兩位 我會掉佢枱 嗰下我忍住冇講粗口鬧佢 我同朋友講左事發經過決定唔喺喱間垃圾服務餐廳食飯 我成世人未試過去一間餐廳啲人嘅態度咁差 就算去大排檔茶餐廳都唔會咁衰 極度唔鼓勵任何人再去大戶屋食飯 幾好食都冇用