大戶屋

营业中

休息中

日本知名連鎖定食店“大户屋”在港開業多年，多間分店相繼成立，惟獨鐘情銅鑼灣分店，昨天約了友人在銅鑼灣金朝陽二期五樓的大户屋午膳，由於此店頗受歡迎，我11:45分已提前攞枱。我們坐近靠窗的座位，侍應提醒我們用餐時間是個半鐘，可想而知此店人流不少，我們亦配合地點了兩款定食，分别為燒生薑醬油牛脷和燒花魚定食。燒牛脷是我的至爱，配以冶味的醬汁，燒得香味四溢，恰到好處，優質牛脷嫩滑，爽口不黏牙。燒花魚賣相討好，魚身燒至金黃色，皮脆肉香，配以蘿葡蓉一同進食，非常美味可口。埋單$254，盡享美味的一餐。

今日已經係第二次幫襯，上一次嘅experience 都非常之好，尤其是如果係想食凍烏冬嘅話其實香港嘅選擇係唔多。 今次因為一早已經去攞咗位啦照樣係唔需要等位太耐嘅，如果去得遲可能就要等幾張枱喇。我地用餐完走嘅時候已經見到出面排緊長龍。叫咗一個 蘿蔔蓉煮雞扒鍋定食同埋一個親子丼配凍烏冬 個蘿蔔蓉煮 煮雞扒喎都幾特別，有好香嘅蘿蔔味，雞扒係炸雞扒嚟，但佢就放喺個煲度同蘿蔔煮。 親子丼正常好味，比較特別係凍烏冬。呢間舖頭嘅凍烏冬比較硬身，如果鍾意食硬烏冬嘅話絕對要一試。作為一間連鎖嘅日本料理店，算係質素中上!

今次去左一間坐得舒服既米芝連餐廳食飯 一共嗌左兩個定食- 錵魚定食魚多油脂同埋幾大條 以一個定食離講性價比好高用哩一個價錢可以食到成條魚 吾會太重口味 又好引有魚味 一個人食好full-泡茶炒豬肉定食去日本餐廳食泡菜 你地一定問我咩事 不過真系幾好食 泡菜同半肥瘦肉配合得岩岩好岩哂重口味人士 只系如果比多舊肉就好喇用離送飯一流 好彩有得添飯 吾系我會好想喊不得不提 每個定食都有個燉蛋 味道岩岩好 有雞肉同冬菇系入面 加埋高湯既調味 令人食完想encore

對上一次食 已經係佢未搬之前 坐低睇一睇menu 發現選擇好多 有d雜亂 不過如果一班人食飯多d選擇都係好既 今次揀左食牛脷定食 其實好想食花魚燒 但忽然有d掛住日本既利久 就比次機會佢試試 黎到係有d失望 因為佢同menu 有d唔同 menu 張相係厚切 而黎到居然係薄切 味道係唔錯的 香口 個味噌sauce 都唔錯 不過牛脷都係原味好食

銅鑼灣大戶屋上次在太古城想試，晚上7點排20張枱銅鑼灣有位，地方大我第一次去商場，原來要在登龍街入大份量，好飽，價錢不算貴出名燒肉，我覺得太咸。 茶碗蒸，雞蛋好滑。白飯好大碗，加錢有咸魚仔，我最愛食!下次想食燒魚自家制的豆腐，唔滑

每次weekend嚟都覺得好多人， 今次決定等下位 一出lift 雖然都見到好多人下， 但係原來兩個人就唔需要等太耐， 四五個人嘅table反而要等耐啲， 目測見到多數都係小家庭嚟食我叫咗個三文魚定食 menu上嘅三文魚大舊好多， 上到枱我覺得比較好薄身同埋細件， 113蚊好似有啲貴 ,但係有埋湯燉蛋 , 一大碗飯其實個份量都ok嘅 三文魚煎得幾好食 , 不過都係嗰句啦非常之薄 , 而我覺得個燉蛋做得好滑好好食友人嘅雞扒定食 $105 睇落大份啲， 雞肉好嫩雞皮脆卜卜 有啲似炸子雞嘅感覺 我自己落略嫌鹹咗啲， 不過送埋飯一齊食就剛剛好諗住定食有餐茶 , 但原來係冇㗎 走嘅時候見到隔離枱嘅牛扒定食好大份好似好正 我諗下次返嚟要試下牛扒先

今天的午餐時間已是兩點，我倆選擇坐得較舒適的地方，不約而同想起大戶屋。果然，這個時候來， 不太熱鬧。否則，要排長龍。我們分別點了燒醬油麴牛扒定食$$126及燒花語定食配山芋蓉飯$116+$10整體的味道不錯，十分豐富，平均消費只需要$140。有些定食$100以下，十分經濟。之前也介紹過，我最喜愛吃的是黑醋系列的定食。但由於是炸過的，身體抱恙的我今天便要忍一忍了。另外，這裏的服務也是不錯的，店員也會主動斟茶喔！

由於家父家母都唔太鐘意出街食，話出面唔知用咩料，唯一大户屋係佢地盒主動去食嘅地方，咁就幫襯左十幾年。又咁講，香港宜家想揾個地方百幾蚊一個人，又坐得舒服，又好味，可能真係得佢。琴晚有親戚返黎香港，唔使諗又係大户屋，但又真係食唔嫌😂🌝😂今次叫肥仔餐，佢地有個餐牌係一款飯配冷熱烏冬/喬麥麵，我就叫泡菜煮熟成豬肉飯配凍烏冬。泡菜味岩岩好，豬係名牌貨，肥瘦適中，烏冬夠煙「銀」，烏冬汁多木魚香！白飯先係重點，完全做到日本飯嘅責任！🤣🤣結果就係我一個女子食哂成個餐🥳

之前有朋友帶我來吃過lunch，說是日本人開的餐廳，質素不俗，那次試了招牌燒豬腩肉，非常回味，今天輪到我帶兩位朋友來試其他菜。三個人，一人選了一款：牛肉、鯖魚、牛舌牛肉，燒得幾靚，有微焦，肉質夠腍，配有少少蔬菜及一球幼粒薯仔沙律燒鯖魚，魚頗肥厚，燒完也不會乾，灑上少少鹽調味已經很美味，配有蘿蔔蓉及海帶牛舌(最左手邊，忘了來個close up)，夾起薄薄的一塊，點下芥末醬汁，送進口中，跟燒牛肉的啖啖肉是兩種質感，兩個我都喜歡！值得一提是，這裡的座位闊落，餐桌很大一張，真是坐得舒適，吃得招積！

大戶屋，以前在尖沙咀帝國酒店附近的分店也常常和媽咪到訪，現在亦成為了我和老公來銅鑼灣必到的飯堂！😍😍今天獨自來銅鑼灣處理點事務，便一人前來lunch。很想吃冷蕎麥麵便選擇了迷你三文魚飯配冷蕎麥麵！😋😋可能全都不是熱食，所以等了不一會便上菜。首先把蔥和wasabi 放到soba sauce，然後把蕎麥麵放入。好味👍🏻，麪夠凍，麵質爽口彈牙，又夠煙韌！三文魚飯，不是太不碗，但也有4片三文魚，都幾豐富。飯是醋米飯，把菜沙律佯著一起吃，口感不錯。價錢合理，食物水準高，又是簡單美味的一餐！

今午和家人到銅鑼灣金朝陽二期五樓的大戶屋用膳，以往都有光顧，印象不錯，今次到來等了15分鐘被安排靠窗位置，侍應提醒我們用餐時間是個半鐘，可想此店人流都不少，我們亦合作地很快點了四款定食，分別是燒花魚定食，花魚燒至金黃色，但不過火，沒有乾身和燶味，魚肉新鮮嫩滑，和蘿蔔蓉一同進食，非常可口，燉蛋和麵豉湯都相當不錯、野菜蒸豬肉窩定食有多種新鮮蔬菜和菇類，豬肉半肥瘦，肉香滑不覺肥膩、其餘兩客都是燒生薑醬油牛脷，醬油冶味，牛脷燒得恰到好處，爽口不黏牙，是次午餐合共約$500，都算便宜和美味的一餐。

「大戶屋」一向係行經銅鑼灣，但諗唔到食咩之下嘅必然之選，因為一定唔會令我失望~加上前排去完日本，好想再食日式定食，一於再食大戶屋!「 岡山蠔泡菜鍋定食」包括茶碗蒸蛋，前菜，麵豉湯 ，加十蚊仲可以升級白飯! 泡菜鍋上枱時保持滾熱， 豆腐嫩滑，泡菜香甜微辣，冬天驅寒一流!岡山蠔有四至五隻， 細細隻，蠔味唔重茶碗蒸蛋軟滑，口感似食豆腐花，但充滿蛋香。 「五花腩肉串燒，牛肉串燒」大大條 ，份量足， 肉質油香都十足!「西京燒定食」魚肉份量少，但好食， 鹹鹹地 魚肉爽嫩， 有油份。食完大滿足 !叫做為下次日本之行，先止止痕~

今日同屋企人去銅鑼灣行街，順便試下未食過既日本餐廳我地叫左3個lunch set，分別係雜錦魚生飯、鯖魚定食同埋燒五花腩定食成個set仲有蒸蛋同埋麵豉湯，好抵食雜錦魚生飯既魚生好新鮮燒五花腩好脆好入味！

節日未book枱之選🎄🎁去AIA玩又買左飛睇戲🙈 難預時間就搵間walk in都唔洗等好耐既餐廳☺️-燒生薑醬油牛脷定食 $115一上枱炸炸聲😍超吸引牛脷👅 好彈牙，加埋醬汁👍🏿始終牛比魚濃味，👧🏻食左👦🏻舊牛脷燒魚失色左少少-燒花魚定食 $116食魚最怕骨🙊 但花魚中間成條骨好易起到其他都好大條一定睇到魚肉燒得啱啱好😋 保持嫰滑-定食仲有前菜、面鼓湯同茶碗蒸‼️茶碗蒸超滑😍😍😍😍

好多朋友都係12月生日，想搵間無咁貴但食物質素唔錯嘅餐廳已經難，仲要地點係港島區就更加難! 呢間位於登龍街嘅大戶屋一次過滿足晒倖存者3個願望,野食好食之餘價錢都親民，性價比高。但唯獨可能人手太少，倖存者叫極侍應都無人理，落個餐都搞咗15分鐘登龍街直上樓一開門就見到燈籠寫住大戶屋，裝修偏日式燒魚花定食 $116燒魚乾身，連骨都燒至脆口可以食，魚肉嫩滑。燒魚上塗上一層日式燒烤醬，魚肉充分吸收，配以白飯(可以額外添多碗)同配菜，晚市黎講算高汁熟成五花腩定食 $112脂肪分佈平均，每舊都有入口即溶嘅效果，不過味道偏咸，需要連埋白飯平衡味道串燒有齊牛雞豬三種肉，調味足夠又唔會過分咸，肉質軟軟。由於太好食，倖存者同朋友唔夠3分鐘就食晒成碟