大排檔小炒 (華發大廈)

营业中

休息中

香港的大排檔有幾個特色，第一個是人多嘈雜，第二個是鑊氣十足，第三個是氣氛熱鬧，不過香港人都已經習慣了。最近在網上看到，灣仔開了一間大排檔，今晚便來到了。來到的時候大約晚上八點，門口已經排了拾數人，幸好一早用電話訂了位置，不用等位便可入內。店內空間頗大，不過座位和枱數都很多，符合大排檔氣氛熱鬧這個選項。鐵板黑椒龍蝦$498，店員會在客人面前，將黑椒汁淋上鐵板上的龍蝦，即時香氣四溢。龍蝦是採用了南中國海青龍蝦，因此體積不會太大，大約一斤四両。不過青龍蝦的龍蝦肉味道比澳洲的還要濃烈，而且鮮嫩爽口，龍蝦肉充滿了龍蝦每部份，所以就算一斤四両，都足夠兩人享用。豉汁蒸白鱔$208，豉汁味道香濃，白鱔肉爽口彈牙，廚師烹調這個白鱔的時間恰到好處，值得一讚。蒜蓉時菜$88，蒜蓉份量十足，菜心軟硬適中，在這個注重健康的年代，蔬菜是每餐必備的。小食$10

大排檔作為港式風味嘅代表，除咗夠地道同平靚正之外，又點少得鑊氣加持呢？呢間位於銅鑼灣嘅大排檔，餐廳名稱唔花巧，直接以大排檔小炒命名，餐廳設計走懷舊風，而出品除咗小炒之外，餐廳仲自設魚缸，有蟹、龍蝦、瀨尿蝦等海鮮，夠晒新鮮，成為近期銅鑼灣嘅熱門人氣餐廳。鐵板黑椒龍蝦餐廳自設魚缸，但價錢明碼實價，食得非常放心。龍蝦即叫即劏，當然夠晒新鮮。龍蝦在鐵板上煎烤，除咗黑椒嘅香味，仲加多一份焦香感，至於龍蝦肉質鮮甜，爽口彈牙，加上惹味嘅黑椒汁，非常驚喜！蜜椒牛柳粒牛柳粒嘅生熟度啱啱好，肉嫩多汁，淋上秘製嘅蜜椒醬汁，甜甜辣辣，非常惹味！椒鹽豆腐去大排檔食飯，又點少得叫椒鹽類嘅食物呢！椒鹽豆腐炸得非常香口，脆卜卜嘅豆腐上鋪滿椒鹽粉，鹹香味十足，揸到外脆內軟，入邊嘅豆腐非常嫩滑，值得一試！

銅鑼灣頗有名氣的室內大排檔，有多款海鮮和港式經典小炒，平日放工的晚飯時間總會見到有人在排隊，建議大家先預約訂位🦞鐵板黑椒龍蝦龍蝦切件，方便食用不髒手；龍蝦起碼一斤幾，大隻多肉，而且肉質好爽，絕對不霉，夠新鮮！用熱辣辣嘅鐵板上，淋埋黑椒汁，色香味俱全！🥢豉椒炒花甲花甲乾淨沒有沙，選用花甲來炒超級鮮味！洋蔥也炒得軟腍鮮甜🍚一品貴妃炒飯炒飯粒粒分明，夠乾身，而且唔會太油膩；而且份量不少，我們2個人吃就要打包了

火焰鹽焗斗門膏奄蟹 $398呢道菜一上枱已經好有氣勢，店員落少少酒精一點火馬上帶出鹽焗蟹嘅香氣同埋酒香，視覺效果一流😍 蟹身啲蟹膏飽滿，入口濃郁香滑，帶有鹽焗嘅微微鹹香拔絲咕嚕肉 $138咕嚕肉都係鋪頭招牌菜，外層炸得酥脆，表面滿滿酸酸甜甜嘅醬汁，入口外脆內軟，豬肉肥瘦適中，肉質仲保持軟嫩，而且每一舊都都好大件啖啖肉，份量都幾足料魚湯蒜子浸白菜仔 $108白菜仔煮得啱啱好，清綠爽脆，吸收咗魚湯嘅鮮味，非常清甜

這家大排檔，小炒的鑊氣十足，每一道菜都散發著獨特的風味，尤其是晚市時分，食客源源不絕，經常需要提前訂位。鐵板黑椒龍蝦更是這裡的招牌菜式，當店員將黑椒汁淋在鐵板上滋滋作響，香氣四溢，忍唔住流口水🤤。龍蝦肉鮮嫩多汁，黑椒的辛香與海鮮的鮮甜完美結合。另外，拔絲咕嚕肉，酸甜適中外脆糖衣在口中融化，配上鮮嫩肉質，食唔停口；而椒鹽豆腐則是一道不可錯過的素食選擇，外層脆脆的，內裡卻保持了豆腐的細膩，鹹香美味😋最後，臘味炒芥蘭 色香味俱全，香氣撲鼻，臘味的濃郁與清脆的芥蘭相得益彰，讓人食指大動。這些美味菜式無不顯示出店家的用心，讓每一位食客都留下深刻印象。

銅鑼灣必食大檔小炒！唔知有冇人像我一樣，成日都掛住食地道嘅大檔小炒呢？今次就發現咗一間位於銅鑼灣嘅隱藏寶藏——華發大廈地下A號舖嘅大排檔！📍 地址：銅鑼灣駱克道405 - 419號華發大廈地下A號舖🥢 鹽焗奄仔：呢個鹽焗奄仔真係必點！奄仔新鮮肥美，一咬落去，蟹肉嘅鮮甜同鹽焗嘅香味完美融合，連蟹殼都焗得好香脆，完全停唔到口。🍱 金牌煲仔飯：粒粒分明嘅米飯，吸收咗肉嘅精華，底部仲有一層金黃香脆嘅飯焦，每啖都好滿足！🧈 椒鹽豆腐：外脆內軟，表面嘅椒鹽調味剛剛好，香口又唔會太油膩。呢度環境好有煙火氣，價錢亦都好親民，好適合同朋友一齊去聚舊食飯！大家下次去銅鑼灣，一定要試試！

今日晚餐突然想食啲鑊氣小炒就搵到呢間餐廳🌙 非常熱鬧而且菜式選擇唔少🩷仲有唔同嘅海鮮添🤩 風味十足係好地道嘅港式口味而且整體味道唔會好重口味值得一讚呢👍🏻⭐️ 鐵板黑椒龍蝦 🦞果然係佢嘅招牌菜十分有質素🥹 龍蝦肉質爽口用料非常新鮮🌊就咁食已經好鮮甜☺️ 加上鐵板上既黑椒汁🖤 熱辣辣惹味口味又濃郁🌶️⭐️ 拔絲咕嚕肉 🍖咕嚕肉香口得黎又帶酸酸甜甜嘅味道🍍肉質酥脆肥瘦適中🧡 配上拔絲既效果充滿焦糖香🍭⭐️ 三色肉碎蒸水蛋 🍳最後清清地食飯個水蛋🤪蛋香嫩滑有配上鹹蛋同皮蛋嘅鹹鮮🫶🏻家常得黎又有驚喜

来香港一年半，东北老铁在线点评，如果你来广东没吃过：「小炒王/小炒皇」这道菜，我觉得你就算没吃过粤菜（虽然有夸张成分啦）但是不得不说，每家大排档如果不带这道菜我觉得都不正，今天我和朋友在铜锣湾🇭🇰大排档聚餐，又点了这道经典菜，这个味道真的正宗其他菜点了两个：沙嗲芥蘭炒牛肉、鐵板黑椒龍蝦（隻）一菜一肉一海鲜一碗米两个人刚刚好芥兰真的出乎意料的爽脆，朋友说这个菜根怎么都这么好吃😋哈哈哈哈，点了一个贵货，铁板龙虾🦞，浇汁那一瞬间，整个香味扑鼻而来，所有的菜全被我们一扫而空，可以说铜锣湾有这样的干净美味的大排档很难得！

銅鑼灣有鑊氣(大排檔小炒)香港風味，地道情懷。店舖裝潢簡潔，店舖招呼週到，上菜速度快夾妥👍👍❣️鐵板黑椒龍蝦鐵板的滋滋聲增添了用餐氛圍，龍蝦肉質鮮嫩多汁😋😋，彈牙的口感，黑椒香氣樸鼻，微辣與活海鮮的鮮甜完美融合。❣️啫啫雞煲香氣四溢，雞肉鮮嫩多汁，豬肝爽滑，入味十足。熱鍋中的醬汁濃郁。搭配香蔥、蒜粒……等配菜，增添了層次感。❣️椒鹽脆鮮魷薄薄粉漿令外皮金黃酥脆，鮮魷肉質鮮嫩juicy彈牙。鹽香與椒香交織，增添層次感，能搭配啤酒更是絕配

大排檔小炒於銅鑼灣有多年歷史，平日幫襯估吾到都咁多人😳今次就試咗佢兩道招牌菜加一道鐵板菜式🔥味道相當不錯😋朋友之前黎過都話正，今次又食過。✿ 拔絲咕嚕肉拔絲咕嚕肉系呢度招牌菜，咕嚕肉香甜無比，炸得香脆可口，肉質又做到軟稔剛好。拔絲效果當然都做到，菠蘿亦系新鮮菠蘿🍍達至解膩作用。✿ 蜜薯安格斯牛柳粒 冇諗過薯仔都可以咁好食😋🥔甜甜哋，好似落咗麥芽糖，薯仔又夠軟綿～安格斯牛柳粒牛肉軟稔，牛肉味重🐮菜式亦好夠鑊氣🔥✿ 鐵板黑椒龍蝦鐵板龍蝦十分有創意🦞店員呈上後會淋上黑椒汁，龍蝦本身爽口彈牙，鮮嫩多汁，啖啖肉感覺又鮮味😋

鐵板黑椒龍蝦這道菜使用了新鮮的龍蝦，肉質甜美，令人垂涎。當龍蝦在鐵板上煎烤時，黑椒的香氣撲鼻而來，龍蝦肉的彈牙和黑椒的微辣相互襯托，讓人每一口都充滿驚喜，令人一試成主顧。豉椒炒花甲這道菜的花甲選材非常講究，肉質彈牙，鮮甜可口。豉椒的醬汁恰到好處，既不遮蓋花甲的自然風味，也讓整道菜更加開胃。金銀蛋肉碎白菜這道菜的湯底使用了魚湯，讓整體味道更加鮮美。金銀蛋的搭配，使得菜色既有視覺上的吸引力，也帶來了豐富的口感。白菜在湯底的浸潤下，變得更加柔軟，與肉碎相得益彰，令人感到滿足。

間唔中就會掛住大排檔小炒嘅嘢食。今日天氣好凍，好想去食佢嘅金牌煲仔飯同埋海鮮啊。嗱嗱臨趁lunch hour book定今晚嘅枱先。去到餐廳，坐滿晒人，好彩有book位咋！鐵板黑椒龍蝦（$498，約一斤四）：鍾意佢寫到明幾多錢同龍蝦有幾大隻，明碼實價。龍蝦啖啖肉，肉質爽彈。好滿足呀！配埋黑椒汁就更加惹味啦椒鹽脆鮮魷（$158）：我呢碟起碼有大大件既15件，估唔到份量咁多。見佢個表面炸得咁脆本身都驚佢會唔會乾身，但又冇播，入邊都keep到Juicy。金牌臘味粒煲仔飯（$178）：澱粉控嘅我每一次都必點佢哋呢個item。臘味粒又多又惹味。煲仔飯嘅水份控制得啱啱好。每一次我都刮晒所有飯焦嚟食，真係好香口。

千祈唔好去！ 好中符相片唔使作假，望落好似好正，但是食落牙都甩幾隻…白胡椒蟶子係今晚最好食但都over cooked 咗30秒，鞋鞋哋，唔爽。味道唔錯。 脆皮牛腩真係好脆，𠝹口，肉質柴到咬唔斷，廚師好爽手，好大舊，完全咬唔到，麻煩自備剪刀，剪細啲可能可以吞得落。最最最出色係咕嚕肉，拔𢇁，厚皮到5mm以上，（我打包返屋企拆肉證明）. 同行朋友根本咬唔落去，搞唔掂。 高興去但失望兼唔飽離開，我人生第一次寫負評，希望係唯一一次，奉勸冇牙力嘅朋友千祈千祈唔好去攞苦來辛！同職員反應淨係識笑，話啲嘢炸過係咁㗎啦…. 總之，絕對冇下次！！

一家人去食飯，見人多，一坐低已經好快點咗菜，人頭湧湧坐滿人，等預左要等下，但等左一個鐘頭都未上過菜，問侍應係咪漏咗單，無人理我。。。再問第二次係咪漏單，敷衍我人多要等多陣，再等多20分鐘之後，行咗去櫃檯同櫃面講，已經等咗個半鐘，唔會再等，與我所料啦，櫃面嗰條友無跟進，對唔住都冇句，仲即刻大聲講話，我個枱唔需要上菜。。。唔怪得而家人人北上，咁嘅服務，咁嘅價錢，咁嘅態度幾好食都冇用，無下次。。呢世唔會再黎。。

好L 難食，唔明點解咁多人話好食，諗住同個fd 收工食下大排檔，OpenRice 見到呢間野咁多好評應該唔會中伏......點知🤣乃曬野，叫左2個餸，諗住唔夠先叫，但食完己經冇勇氣再叫😂，2個餸係沙拉骨同小炒王，首先小炒王，D魷魚硬到應該可以咬崩隻牙，唔明點解可以咁L 硬，應該用微波爐番叮，係d9菜可以接受，可能當我地9菜咁劏🤣，沙拉骨，d骨多過肉，過醬又比較重口味，同埋上左2碟都可以完全唔熱，真出色，對比上次旺角食女人街食飯公司，真係差天共地，人地都係大排檔，但好食好多lo