大排檔小炒 (華發大廈)

营业中

休息中

🍽️ 行過銅鑼灣，我心思思想食啲地道味道。正所謂 "食盡天下美食，最掛念嘅還是家鄉嘅鑊氣小炒。" 噹！入到這家大排檔，一坐低就點了老少皆宜嘅三色蒸水蛋，滑得嚟又滑去，豉油㩒上去，簡直夠晒心水。再來嘅豬𦟌浸白菜仔，脆爽白菜仔喺豚肉嗰抹微甜中帶出鮮味，好㨂口。最後，當然要點個招牌嘅拔絲咕嚕肉，啖啖肉上嘅甜蜜醬汁繞樑三日，每一根拔絲都係掛住童年的味道。三道菜兼得味、量、色，玩到個味蕾開心跳嗨塔🥳。食物讚之餘，環境又干淨，坐落大排檔都可以咁享受，真係人生一大樂事。朋友仔，快啲帶埋你哋嘅老友記，點幾盤美味嘅小炒，慶祝下日常啦！💃👌

💠💠大排檔小炒💠💠🅴🅰🆃 🆃🅼🆁 明天去吃指數：4/5🔹拔絲咕嚕肉 $118 糖醋汁酸甜適中完全唔滯，外皮鬆脆透薄，肉質香嫩好易咬，油脂亦分佈均勻唔會太油膩。入口初時酸甜，後段漸漸滲出豬肉焦香，越咬越香，不過肉塊偏大舊，如果你好中意食肉，一定會好滿意依個size😝，同埋佐料方面好難得唔係生洋蔥🧄，甜甜地又唔嗆辣👍🏿🔹蜜薯牛柳粒 $138招牌菜之一，薯仔外脆內鬆化，牛柳粒軟嫩多汁，完全唔會過熟韌到咬唔開！每粒食材都包裹住蜜糖同黑椒汁嘅濃香，勁香口惹味😚🤤🔹回味豉油雞（半隻）$178色澤鮮亮，入口帶股微甜味，餘韻帶點酒香，整體味道有啲似甜甜地嘅醉雞😆，雞肉熟到啱啱好完全唔嚡口，嫩滑入味之餘仲保留到雞味，隻雞去除晒皮下嗰層薄薄嘅凝膠狀脂肪，連埋皮食都冇罪惡感😛 已經係第三次回訪❤️，之前食過嘅乾燒蝦油粉絲煲、欖菜肉碎四季豆、鐵板乾鍋爆腩片都好出色，每次上菜都係熱氣騰騰鑊氣十足🔥。特別一提係平日嘅午市套餐性價比好高，大概$70就食到同晚市份量一樣嘅小菜，包白飯、老火湯同熱飲，非常推薦俾大家🫶🏻

去到呢間餐廳，一股鍋氣撲鼻而來，環境企理得嚟又唔少得大排檔嘅熱鬧。🍳 我一坐低，就揀咗幾樣實惠嘅小菜！金牌臘味粒煲仔飯啦，炆得啱啱好，嗰啲飯焦香口得滯，臘肉同臘腸都香茅茅。食嘅時候口口都係驚喜，質感一流，好過癮！😊緊接著就係拔絲咕嚕肉嚟，我要讚一讚，外皮香脆，肉質入味，又富彈性，拔絲嘅效果搞到成桌人都爭住試。話唔定整碟都係嗰種甜中帶酸嘅鎮店之寶！仲有個大排檔小炒王，食材新鮮得嚟五彩繽紛，個個得閒夜市都揾唔到嘅味道。熱辣辣上桌，韭黃新鮮，魷魚乾彈牙，腰果脆口，一盆菜彊到犀利！幫襯完，真係大飽口福，覺得自己好似賺到某樣嘢！今晚嘅食記，絕對係記心底，高滿意度！🥢 總括嚟講，呢度嘅用心煮出嚟嘅菜，絲絲入扣，分明就係至情至味。如果你想品嚐地道啲嘅大排檔風味，呢間絕對係你嘅必到之選！👌

通常好多時都係中午嚟食，貪佢有飯有湯，仲包一杯熱飲，小菜嘅份量比以前少，試過叫外賣勁少餸，所以都係堂食好d。不過午餐日日唔同，要上佢fb睇咗先。拔絲咕嚕肉必叫item，次次嚟親都會嗌。佢炸得好夠脆，食到最後都唔會淋咗，幾開胃。泰式白切雞雞嘅份量就多好多，泰式醬酸酸地都ok，d雞都夠滑👏喇沙炒蝦球雖然就食唔出咩喇沙味，但係蝦球大舊爽口，調味都ok鮮茄肉崧浸勝瓜個湯底幾清，唔係味精湯，肉崧唔多，真係主要食勝瓜，但勝在個湯清而濃味。

今次係第三次來幫襯晚飯。第一次兩個月前同學生日六個人覺得幾好食嚄氣夠，又冇限時間(可能人多幫襯食貴價嘢海鮮多)，所以一個月前再和朋友兩個人去幫襯。講明 個半鐘头還台冇問題，但係夥計真係好很煩，我朋友遲到大半個鐘头我已經開咗兩支啤酒等佢飲每15分鐘就埋嚟同你講一次記得還台，叫嘢食未。終於忍唔住噴九個夥計，知啦夠鐘咪畀返張枱你囉。結果幫襯咗三個餸小炒皇，豉油雞仲有一樣唔記得。昨天晚上星期五有朋友又話聽過呢間野想去試咪同佢去試囉。六點半入去。朋友遲到十五分鐘又係歷史重演。初初叫咗兩個餸，一個鐵板生腸, 一個砂鍋薑蔥雞,前者份量極之少又鹹, 後者亦都超鹹雞皮厚過我手指屘..最離譜的是七點15分, 叫夥計落單叫第三支支啤酒 (45文一支未計加一，就算買三送一一啲都唔平) 同埋加個小炒皇138文，個夥計竟然話八点鐘要交枱喎你驚你食唔切。我真係即刻發作鏟個夥計，我話我食唔食得切關你杘事。朋友撳住我。上次有個大叔認得我走埋嚟問我 乜事咁勞氣，佢話夥計好心驚你趕時間嗻... 七點55分都未到, 長頭髮, 滿面油光肉毒桿菌類似主場打點的女人, 隊張單埋嚟, 放喺枱面行開埋單602蚊，轉頭我畀錢個大叔連埋上

講到香港特色地道野，一定走唔甩鑊氣十足嘅大排檔小炒。喺舌尖上嘅美味背後，又有幾多個接受到大排檔嘅環境同SERVICE？無接受過MALUD University正統Training嘅您/她，一定要收藏我今日介紹嘅呢間餐廳！ 《 大排檔小炒》位於鵝頸橋附近嘅駱克道，喺入咗鋪嘅升級大排檔：環境 🆙️，服務 🆗️，鑊氣 🈵️。人氣嘅程度晚飯時間基本上喺NO BOOKING NO EATING。今日星期六，我哋兩個人18：15嚟到已經有人企喺門口等緊位，近乎爆場！好在門口有1001張二人枱剩，“師兄！呢度兩位！“，達陣！遲一分鐘就出咗局！ 一共嗌咗3️⃣樣野：〰️〰️〰️🥘 金牌臘味煲仔飯 (例) $168▪️ 煲仔飯，秋風起嘅標配！有圖有真相，潤腸臘腸蝦乾椰菜仔密鋪飯面，足料！店員會趁熱淋上醬油，用剛中帶柔四兩撥千斤嘅手法將飯同配料拌勻。粒粒分明嘅飯粒吸收咗醬香，潤腸臘腸嘅油香同蝦乾嘅鮮香，所有野一啖入口味道平衡得嚟幾惹味！▪️ 飯焦呢？脆得個啱啱好，唔苦唔硬唔刮嘴，GOOD。▪️ 份量夠2~3個人share，$168可以接受。🍜 乾燒蝦油粉絲煲 $138▪️ 上枱渣渣聲，熱辣辣出哂煙💨，聽聲都流緊口水！▪️ 主角粉絲

同男朋友經過入去食晚飯，嗌咗個$680嘅白胡椒蟹。鐘意食蟹嘅我，滿心歡喜與期待，心諗隻蟹$680應該會好好味。點知極度失望，隻蟹唔算好大隻，蟹蓋完全冇蟹膏😭，蟹肉炸到好乾，連啖啖肉嘅蟹鉗都竟然係冇味嘅，真係一d蟹肉味都冇我究竟食梗d咩😫$680加埋一都7百幾蚊食隻咁嘅蟹，可唔可以有返d質素呀唔該。唔怪得依家d人咁鐘意北上食嘢啦，人哋平靚正好味，我哋就又貴又中伏😡我會記住呢間嘢，以後唔會再幫襯

好耐無見舊朋友係時候又聚一聚🎉🎉近來食得太多西餐想轉換口味，又想可以坐埋一齊傾下計。最後友人推薦後揀左大排檔小炒😍😍我地三個人食驚食唔曬唔可以揀太多餸，最後揀左1️⃣拔絲咕嚕肉🥢2️⃣啫啫芥蘭煲3️⃣椒鹽鮮魷4️⃣臘味海味煲仔飯❤️其實一坐底已經聞到隔離枱轉來香噴噴的煲仔餸味道。每道餸都好夠鑊氣，咕嚕肉無骨啖啖肉😊煲仔飯香口仲要有粒粒飯焦，又唔會太燶真心欣賞師父的功力。💪下次再有聚餐一定會再幫襯😋

以前好鍾意食西餐、日本嘢，近年來卻鍾意番大排檔，呢種充滿佬味的港式小炒，一來香港的大排檔已經碩果僅存，二來好鍾意成班friend，一圍枱咁夾餸食飯的氛圍好開心。雖然大排檔越來越少，但不少餐廳都繼續堅持鑊氣十足的港式小菜，營造出「大排檔」風味，就好似呢間位於銅鑼灣的餐廳。乾燒蝦油粉絲煲 $128餐廳 No.1 必食 item！熱騰騰的煲仔上枱時，「滋滋」聲起，好有ASMR的治癒感，即刻把握時機影相，一邊影相，一邊聞到飄飄的香濃蝦味，濃烈到我同朋友都疑惑呢道菜係咪有加入蝦膏呢！煲仔內有蝦、雞蛋、粉絲等等，粉絲吸盡蝦油的油香及鮮美，加上熱辣辣的煲仔，令煲底的粉絲口感變得脆脆哋，尤其出色！拔絲咕嚕肉 $108餐廳門口就有「拔絲咕嚕肉」五隻大字寫在牆上，所以就算你無食過呢間餐廳，都肯定知道呢道菜係大廚推介之一。的而且確，咕嚕肉炸得乾身，以致掛汁力強，加埋「拔絲」效果，又好食又啱影的一道菜。蜜薯牛柳粒 $128經典港式小菜，要讚下牛柳粒大小適中，厚身而不會難以咀嚼，食起來啖啖都有肉汁，好正。如果分量再多啲啲就更好喇！大排檔小炒王 $128配料不外乎都係魷魚、韭菜、腰果、蝦米等，簡單易炒有鑊氣，容易

見呢度係食小炒，又唔使等位，所以試吓，點咗薑蔥生蠔煲，裏面有七隻蠔，都幾大隻，落埋啲大葱啊，大薑，非常之有鑊氣！重點咗一個啫啫滑雞煲，熱辣辣，亦都係非常之夠鑊氣！可以再嚟！Spot this place with a lot of people so we are going to give a try. The oyster clay pot is very hot and tasty. There are seven oysterS. We also ordered a chicken clay pot, which is also delicious!

室內大牌檔唔怕食到成身汗👻咁既天氣想食鑊氣小炒但又怕會好熱? 呢間位於銅鑼灣既餐廳可以比你一邊嘆冷氣一邊享受大牌檔風味🌬🦐乾燒蝦油粉絲煲($128)嘩呢個真係香到不得了，一上枱已經鹹鮮味撲鼻，就知一定好食😳粉絲爽口乾身，仲好索汁，雖然味道偏鹹，但真係啖啖蝦鮮味，勁惹味好好食👍🏻🥬馬拉盞炒時蔬 - 通菜($98)每條通菜都綠油油好爽脆，調味啱啱好唔會鹹，炒得好均勻，每條菜都掛曬汁🍚瑤柱蛋白炒飯($108)預想中既味道，冇咩特別，值得一讚係炒得好乾身，粒粒分明，一啲都唔油膩🐷拔絲咕嚕肉($108)炸得極脆，每粒肉大小適中仲啖啖肉，醬汁做得好好，夠味得嚟仲係酸同甜之間取到平衡，不過可惜冇乜拔絲效果🤣嗌左4樣野再點埋野飲，人均都只係百零蚊，好抵食😮今次因為係同朋友聚餐，就叫左啲較大路同穩陣既菜式，既然質素咁得，下次試下佢地其他撚手小菜先～

我老婆同啲朋友呢喺度食過。我老婆話味道錯，所以我哋今晚去呢度食飯。我哋原本訂咗七個人嘅！但係剩係得六個人，帶位嗰個已經有啲唔開心，同埋唔知係唔係老闆娘定係咩經理（女）嗰啲已經有啲唔係咁高興同埋有少少唔滿意㗎啦，跟住個經理（男）來幫我哋落單態度非常之好，咁我都覺得OK嘅，上菜速度都幾快，啲味道唔差嘅，但係當我地叫買單嘅時候，麻煩就嚟啦！（我哋用餐嘅時間正常係六點至八點）我哋買單嘅時候大約係7:30！有兩位服務員走過來，幫我哋收晒所有碗筷！但係枱面嘅垃圾佢冇收！跟住佢話你可以繼續坐！嗰種感覺係筆墨難以形容！

喺呢間舖頭食過午餐又食過晚餐。午餐價錢真係抵好多。佢每日都會喺社交平台度出post，提供當日午餐餐牌。但係我今日冇特別睇佢午餐餐牌係啲乜嘢就直接去咗喇。我哋兩個人大概12:40去到，未洗等位。今日冇我最鍾意食嘅咕嚕肉。因為朋友唔食牛肉，我哋就嗌咗一個臘味炒飯同埋一個糖醋豬扒。午餐包例湯同埋熱飲。嘢飲我同朋友都揀咗熱檸水。例湯好快就已經嚟到，好甜好足料。臘味炒飯跟住都好快嚟到，好多臘腸同潤腸，好香，炒飯炒得粒粒好乾身。炒飯入面再加左啲翠玉瓜中和返個油膩感。糖醋豬扒都幾多舊下，豬扒好林，有厚度有咬口，糖醋味多調教得好好味。佢午市有印仔卡，，每食一個餐就可以有一個印，食夠12個餐就送一個$69嘅午餐，其實好快就可以儲完一張。

中午同幾個朋友一齊食飯，今日揀咗位於銅鑼灣嘅大排檔小炒店，呢度有7個午餐任你選擇，仲送例湯同熱飲🍅🥬🧅🍅🥬🧅🍅🥬🧅🍅🥬🧅我哋揀咗幾個小炒：🥕 土魷蒸肉餅🥕 菠蘿咕嚕肉🥕 豉汁蒸䱽魚🥕 豉油雞🥕 欖菜炒四季豆🥕魚香茄子煲每一疊份量都好多，魚香茄子同土魷肉餅食飯一流，條鯧魚都好大條，如果煎就更加好味。豉油雞，一上枱嘅時候已經香噴噴。咕嚕肉又夠脆口又唔會太酸，好味。欖菜炒四季豆我至愛，其實好難整得唔好食嘅。

坐位距離太近，大家傾計聲音太吵，坐同一抬吃飯傾計都聽不到。D伙計唔夠貼心，叫蝦，蟹叫都沒有預備毛巾，水，或濕纸巾，到耍求時還非常不情願，雖然,知道是有三個時段，但七点九已摧你埋單，到八点時，堂坐不滿但仍叫你走，多傾十分鐘也不肯，不是請你離開是叫你離開，消费400元一人得咁的招呼是否差了一点。還有明明話消費一千元可以用信用卡，到頭來原來要比現金，又要出去㩒錢，太差了。