大樹先生的家 (D2 Place TWO)

营业中

休息中

今日帶咗細佬參加爬行大賽，這間餐廳都嚟咗好幾次，兩個小朋友都好鍾意這裏的設施，今次嚟到見到加多左個很幼細的沙池，平時我見到外面的沙池都不會玩，因為感覺好污糟這個沙池很乾爽，而且沒垃圾沒有黐立立的感覺很好！其他設施和玩具也很乾淨，這些都是一般有的，所以都不多說！到入正題就係細佬個爬行比賽，同我們估計一樣他是倒數第一，攞了一個豬肉獎。但好彩細佬運氣好抽到全場大獎！講返啲食物保持到質素，今次叫咗個漢堡包俾家姐食，佢食到舔舔脷，特別係啲薯條，還有叫咗個意大利飯和牛扒都唔錯水準之上。

如果小朋友係八歲樓下極力建議嚟大樹先生的家食飯小朋友又可以一路玩，而且Soft pay比較安全D2 Place嘅玩嘅地方係比較適合年齡細嘅小朋友，而且佢哋嘅嘢食好好食今次去咗人哋生日會，食咗好多西餐同埋甜品，而且佢哋好用心小朋友嘅餐具都可以提供家長又拎少好多嘢🫶🏻🫶🏻

小朋友約埋暑假一齊出去玩，有咩地方好得過小朋友又可以放電，大人可以舒舒服服坐低食飯飲野&傾計！ 所以一早鎖定咗去大樹先生，地點方便，大家都就腳👍🏻兒童餐最新出咗一款小心心三文魚飯團非常fancy，連飯團都係粉紅色。兒童餐已經包♦️餐湯♦️水果♦️甜品♦️氣球是日餐湯係蘑菇湯，甜品係馬卡龍，同生果杯一樣都係色彩繽紛。♦️主菜（四選一） 有照燒雞扒/和風茄汁肉丸/薯餅/煎三文魚兩個小朋友分別揀咗照燒雞扒&和風茄汁肉丸。雞扒煎香，本身都醃得幾好食。和茄汁肉丸，有5粒。全份兒童餐好夠食，佢哋都食唔曬，大人要幫下手。粉紅色飯糰本身係有少少三文魚鬆撈埋，所以甜甜地，好開胃。我地大人揀兩個意粉，可以加錢變套餐~♦️熱內亞夫煙肉意大利粉配北海道帶子意粉唔會有好濃厚嘅醬汁好油膩，眼見綠色嘅我估係青醬加埋煙肉菇同埋蔬菜一齊炒，好味亦都係比較健康嘅選擇👍🏻套餐♦️餐湯♦️沙律♦️飲品♦️朱古力蛋糕（+$38），飲啱揀左紅粉泡泡蜜桃茶，清清甜甜，仲可以加熱水再沖。♦️紅酒燴美國牛肋肉闊蛋麵闊蛋麵幾有蛋香，燴美國牛肋肉做得出色。牛肋肉有牛味得之餘煮到係幾淋身。飲品揀美式咖啡（+$10）沙池好闊又用玻璃間隔，所以食緊嘢都見到小朋友。大

朋友一早book左位帶埋個小小小朋友仲約埋我，先有機會試li間餐廳，又有得食，又有得玩，好正li個兒童餐一見到就比佢吸引左，佢個口係粟米味嫁佢個薯蓉好好味有蟹肉，有黑松露，仲有牛油果，好充料，唔係果d好水嘅薯蓉，超級好食🤤

❤️好耐之前有去過銅鑼灣嘅大樹先生，佢哋兩個都係玩到唔夠喉咁走🩷今次一放學就即刻去咗荔枝角嘅大樹先生，一去到佢哋已經急不及待咁要入去玩瀡滑梯🛝同埋波波池🫧，之後仲要玩埋煮飯仔👩🏻‍🍳同埋超級市場🍎🍊角色扮演🧡我揀左最近好Hit嘅🐹天竺鼠車車造型兒童餐同埋🚗車車造型既蔬菜高湯雞肉燴飯比佢地，一見到有咁得意既嘢食，即刻話唔玩，要食野呀🤩💛而佢哋最鍾意嘅就係呢度嘅沙池，入去之前帶眼罩🥽同埋口罩，防止啲沙入眼同埋嘴，佢哋足足喺沙池入邊玩咗差唔多45分鐘啊💚臨走嗰陣，佢地仲話，下次要再黎過😍

去親子餐廳食飯小朋友最開心，因為有得食又有得玩，大樹先生的家食物同玩樂設施質素一向高👍🏻風格溫馨又清新，仔仔係開放式廚房玩樂區下廚大顯身手🧑🏻‍🍳之後再係沙池放電掘掘掘🤪　咁我哋兩公婆就可以慢慢享用晚餐😋❣️黑松露野菌意式燉飯配北海道帶子❣️香濃黑松露，份量十足，抵食❣️安格斯肉眼牛扒❣️肉質嫩滑兼好Juicy，份量同樣十足，絕對滿足到食肉獸需求❣️兒童餐三文魚心心飯糰❣️全新期間限定兒童餐，粉紅色心心好吸睛，襯埋愛心波波池，小朋友一定鍾意啊！仲有氣球送🎈❣️肉醬貓朵粉❣️係大仔最鍾意嘅餐點，兒童餐有埋水果同甜品，好豐富嫁👏🏻試咗兩款沙冰特飲，蜜桃口味同菠蘿口味都好清，沙冰打得好幼細，好好味👍🏻 以上嘅餐點都可以加錢跟餐，咁就有飲品，沙律同湯，食得好滿足👍🏻

親子餐廳玩樂嘅地方好好玩但佢嘅食物都好好味小朋友嘅兒童餐有交通工具碟唔會太濃味，但係又吸引到小朋友食，有菜有肉有米飯🍚，粟米湯及水果我食咗明太子冷烏冬，烏冬煙韌彈牙。咖啡有拉花同埋都唔錯呢度好啱大人食嘢，小朋友自己玩

我女一歲生日，啊女契媽幫佢係呢度慶祝生日環境乾淨，都值得推介大家帶自己小朋友去玩邊食邊玩，食物都唔錯，有好多款式提供俾大家選擇，依家有小朋友真係要選擇親子餐廳，佢地會多d野玩最低消費價錢已經連埋playhouse玩

Japanese hamster rice is a visually appealing dish , the taste of the dish is largely dependent on the type of toppings used, and some people may not enjoy the curry flavor that is often included. In my case, my baby didn't like the curry, so I ended up finishing the dish myself. The meal itself is also a bit expensive, especially considering that it's often included as part of a larger package that includes access to kids facilities, playgrounds, and sand land. it's worth exploring other dining

唔係講笑，食過咁多間餐廳，呢間係最唔抵而令到我谷氣到要寫負評我想講，真係唔好俾網上d打手推薦呃到，呢間野食物質素同價錢真係超唔相乎，$200幾一個飯，完全唔值，味道係勁普通，完全不是一回事。2大1細普通食個飯，已經接近$700，食又食唔飽，味道又很一般，仲未計入去玩個價錢，真心唔明點解依間野生存到咁耐。遊樂場又唔係大，一眼睇晒，根本唔多野玩奉勸各位父母如果想帶小朋友玩，直接去其他playhouse 好過唔想再有人比依間野呃到

首先講講好既野。地方算好夠大，遊樂設施尚算淨潔，絕對滿足到四歲BB玩既要求。唯一可惜既係我地唔敢俾佢玩沙池果邊因為冇帶到衫同佢換。我地入場俾果一節人唔多，BB自己玩玩下仲識到新朋友仔，多左個伴。野食方便中距中距，畢竟唔係食咩正式西餐呀酒店呀果D，野食完整體都算唔錯架啦。不滿既地方到啦!由於落雨天出邊塞車塞到傻，我遲左少少到。另外三個朋友準時到左，我一到既時候望到Menu有特濃咖啡，但係點餐App到睇唔到所以叫左樓面妹妹過黎叫佢直接幫我落一杯。佢一埋到黎就話App冇就冇架啦。我話唔緊要我照落美式咖啡，但要我特濃。佢又再一句得埋黎話我地冇特濃咖啡。我心裡邊停左一刻諗下我只係要一杯冇溝稀既咖啡都唔得?有美式冇特濃係咩玩法?我求証問佢”你地D咖啡係即沖果D?” 佢又話唔係。我再望一望佢水吧果到部咖啡機。喂! 大哥! 唔係流野黎架喎，唔係capsule機 (Even capsule機都係出特濃先啦)，係專業咖啡機黎架。我同樓面妹妹講你果部機整咩咖啡花款前都係出左果一shot野先既，我就即刻要果shot野咩都唔加你明唔明。佢繼續堅持冇。不過我心諗可能樓面唔識就叫左佢去同水吧果果妹妹講啦。點知!!!

場地人員的服務態度極惡劣，亦極不helpful;另外，食物質素與價錢不相乎，原本與小朋友開心興生最後變都谷鬼氣。建議考慮在此地方慶祝小朋友生日的爸爸媽媽再三考慮。

呢間絕對係親子餐廳高質最佳之選，有兒童餐提供，食完仲可以同小朋友係遊樂場玩👍🏻唔需要額外付費❤️黃咖哩忌廉汁意大利海鮮飯超級濃味😋因為有少少辣，所以唔會覺得好膩❤️南瓜忌廉汁意大利粉配照燒雞扒雖然2個汁好似野，但完全唔同味嘅😆南瓜汁好出唔錯👍🏻❤️兒童餐（小樹南瓜-雞蓉有機蔬菜星星飯配煎魚柳）女女食得津津有味🤭😛見住佢食都覺得好味😆個飯太大碗，其實冇可能食得曬😅所以最後剩番一大半，不過其他野都食曬😄

見到優惠平日玩樂區清潔費$11元，平時是$99，訂座前同入座時都問清楚like post 同tag朋友就可以享有優惠，我仲喺佢面前打開社交平台整，但夠鐘離場時問都無問就送上一張原價收費單，差點碌卡才發現。既然做緊promotion，點解員工唔會主動問下「有冇like我哋個社交平台呀？」先至結算？好取巧！ 坐低又無人黎落單，成班員工堆在廚房傾計，我地三大兩細但枱上的餐具係唔夠數，要自己出去拎。大人最低消費係120，但每樣主食都過200所以一啲都唔平，無做優惠唔會黎。至於兒童玩樂區，見到網上照片覺得呢個play house也很大很靚，來到一眼望哂，小朋友都覺得悶。最大問題係間野想賺到盡而提早趕客！一般playhouse cafe每節時間都留15-30分鐘清潔，佢係無嘅。12-15:00一節，15:00即刻開始另一節，今日14:52就叫大家走話清場，離開時見到15:00個批已經排定隊，即係每節都偷客人時間去預備下一場。咁悶嘅場，提早少少走都唔係咩損失，不過真係覺得呢個係作業態度問題，不會再來也不推介。

第一次去，掃完安心出行針卡無人帶位登記，以為自己隨便揀位置，小朋友揀咗位，但係又見到帶緊位既職員帶去呢個位，比職員啤住，算咁咪搵其他位坐，坐左一陣，都冇人比menu，唯有自己去拎，半個鐘頭後終於有人主動黎問，不過係問我有冇Booking，話我坐左佢地既十人位，又話我冇登記，冇嘢好講。食物一般，不值價位，草莓醬有陣藥味，衛生一般，沙地好多頭髮，最終佢張十人位都係空既，場地假日都冇Full，唯一就係小朋友都玩得開心，不過唔會有下次。