大榮樺

营业中

休息中

大榮樺 - 大埔頗有名氣的平價西餐廳<<天婦羅軟殼蟹忌廉煙肉意粉 🍝 - HK$118>>每次我經過呢間餐廳都大排長龍，第一次買左外賣，今次就去左堂食晚餐⌛️等左30分鐘先有位，等位期間店員會事先為我落單我坐低左成30分鐘先上菜，真係有d耐🥲 金黃色既軟殼蟹天婦羅上面鋪滿脆脆，咬落去外脆內軟咁好好味😋 天婦羅旁邊分別有忌廉煙肉意粉同🍝 雜菜沙律🥗 意粉都算有賣相，扭到成座山咁上唔會一pat 咁上，唔算al dente. 下次我會試下黑毛豬同埋牛柳，因為呢兩款都好快賣晒🥹牛柳係晚市限定⚠️留意番係無得訂位架，想食好野就要預早排隊

我地一家大細晚上5點幾開始排隊等呀等呀都係為左等食紐西蘭牛仔柳同炭燒黑毛豬因為聽朋友講話大埔呢間店好食所以去完大埔龍尾灘游水過來試食一下先之後終於7點左右等到第二轉入去食啦因為實在太多人排隊等 第一轉入唔到去食入到去都要等一下 唔係即刻有得食好彩入之前要落訂食咩先可以入去坐不過落訂左就無得改食物同再加食物啦除非個款食物買曬就可以轉其他喎！我哋就係咁唔好彩要轉其他（想哭）無曬黑毛豬 要改轉西冷牛扒配薯菜今次試左紐西蘭牛仔柳配意粉 呢個真係堅好味呀！食物評分：（5為滿分）試左西冷牛扒配薯菜食物評分：我哋一家大細食到好飽 份量都算大份！下次要再排隊試返炭燒黑毛豬先得啦！

大埔出名野食又抵又平，而今次呢間街坊扒房係一個超唔起眼既商場入面，而且仲要係一個唔起眼既角落，夠晒隱世。雖然唔起眼，但係呢間扒房非常受街坊歡迎，平時lunch time 12點左右已經排晒隊啦🤪今次大概1點黎到等左45分鐘🫠咁多人排隊既原因，係因為佢真係大件夾抵食👍👍大大塊西冷扒午餐時間只係$62，原隻鴨胸亦只需$50，呢個價錢嚟講，牛肉嘅質素正正常常，反而鴨胸配埋個蜜糖芥末醬幾惹味嫁😋😋

喺昌運有一間係角落頭唔係好起眼嘅西餐廳，可能係街坊先會識得佢，因為佢個位比較隱蔽喺走廊嘅最盡頭，亦都算係商場嘅背面，當初我都係朋友介紹先識得嚟但係其實作為平民西餐廳來講，佢算係幾高質，啲牛扒大大塊，而且好厚肉絕對唔係Hea你嘅程度其實我都嚟過食幾次，都幾推薦黑椒汁西冷牛扒飯，意粉其實都唔錯，不過我個人就比較鐘意食飯喇佢都會有少少沙律菜喺度，另外仲有少少車厘茄同埋粟米，食落感覺都幾新鮮嘅全部食晒絕對夠飽啊

大埔人應該都有聽過這家餐廳的大名，繁忙時間要等好久才有位呢，這次幸運地於週末中午來竟然不用等位，所以馬上入座～午市比晚市價錢更抵食，所以不論堂食和外賣都有好多訂單呢！今次叫了兩份午餐精選一開始看上去好像很creamy，而且大榮樺一向是「大件夾抵食」路線，有點擔心太膩吃不完🤣怎料慢慢地也吃完整盤又不覺太膩～烏冬是冷烏冬那種煙韌口感，麵條十分掛汁🤤來大榮樺一定要點扒類！🥩超級大塊！而且西冷牛扒不會過熟或口感太韌，牛扒亦有一定厚度。本身牛扒已經醃得很入味，但亦不會遮蓋了牛肉味✔️基本上我們都沒有加入伴碟的燒汁哈哈😆· 餐飲 熱菜蜜 免費／凍奶茶(少甜少冰) +$3奶茶質素亦不錯呢，是奶味較重的，非常對我口味～

自從大榮樺開店至今，基本上每個月都總要黎食野，計清楚d其實由佢地舊舖均一居開業已經開始食，食左咁多年，食物質素依然咁高，價錢都仲係咁平民，即使有幾好生意都冇大幅加價👍今次黎叫左一個西冷牛排意粉，基本上每日既餐牌都一定有呢個餐😄西冷牛排意粉係我既超級推介，基本上黎10次有9次都係食佢🤣🤣🤣牛排大大塊 (仲要有兩塊 一大一細)，煮得淋之餘，仲好入味，唔使點汁都已經好好味，細食既朋友可能食塊排已經夠飽🤤🤤🤤意粉唔係就咁烚熟就算，佢應該係用牛油同忌廉之類逐份煮出黎，食落濃郁爽口，即使冇餸淨食意粉都好滿足😋😋😋整體而言，成個牛排意粉都相當出色，每次食完都好飽好滿足。其實唔止牛排意粉，其他食品都一樣做到好高水準，可見餐廳對食物質素既重視。最重要係價錢親民，員工態度又好，基本上冇咩野可挑剔💯💯💯

我終於明白點解呢間餐廳成日都有人等位，因份佢嘅餐又大份而且味道又唔錯。晚餐時間叫咗個香煎西冷牛扒意粉，$108，配埋餐湯同埋餐飲，無諗過件西冷牛扒咁大件，牛扒肉質雖然未去到Juicy不過肉味同咬口都唔錯，意粉份量都算多，夠乾身，面頭仲有少少香草，另外有生菜車厘茄粟米粒拌碟，個人而言絕對收貨有餘。

成日聽人講大埔大榮樺未開就有好多人排隊等佢開，最後12點去到等咗成個鐘先有得入去食！等咗咁耐緊係極度期待啦Waiter哥哥都醒，未到我地入已經落咗我地單先！我叫咗最受歡迎既西冷，佢已經同我講要等半個鐘！因為太多人叫！！好彩最後都好似係15分鐘到就有我只可以講佢係價錢買份量而唔係質素，食落同普通茶餐廳差唔多但大份好多，佢係落咗好多粉既肉，食落鬆軟肉味唔重。最失望係薯條竟然唔熱佢煎得香口係唯一可取之處。但排咗成個鐘真係唔值呀！

留意開大埔美食嘅人一定聽過呢一間小店，因為佢受歡迎嘅程度係未開門已經有一條人龍🤣 係大埔昌運中心入邊最具人氣嘅一間餐廳！韓式泡菜意粉配西冷牛扒 $108西冷牛扒好大塊，加上蒜蓉汁搭配，香口得嚟肉質勁鬆軟！泡菜意粉食落去好開胃，而且味道好夾，又幾驚喜喎北海道帆立貝珍寶蠔黑松露忌廉燴飯 $108一共有一隻帆立貝同埋三隻珍寶蠔，粒粒都大大隻，加上放咗芝士去焗，好惹味🤤但黑松露味未算好出，相比之下扒類食物比黑松露忌廉燴飯更吸引總結：呢一間餐廳嘅份量都係偏大嘅，女仔可能會食唔哂一個餐，價錢唔貴相當抵食，所以有好多街坊幫襯。經過我嚟過幾次嘅經驗，一啲受歡迎嘅扒類食物好快就會賣晒，去到就收鋪嘅時段大概只會賣剩menu上兩至三樣食物，真係好受歡迎㗎！所以想試嘅朋友真係要早少少去排隊

一直都好想試呢間餐廳，不過次次都要企門口排一小時隊！而且座位比較窄，舒適度應該一般所以決定叫外賣一試！叫咗牛扒餐同雞扒飯，侍應話都要等45分鐘左右，不過非常好有得拎會打電話俾我哋！咁當然係返屋企等電話啦，住得咁近。大約半小時後就收到電話，都唔係太耐。女朋友叫嘅牛扒加沙律…原來本身已經有少量沙律，另外一盒全盒都係沙律菜！分量大到一田成包沙律菜咁大！好誇張！而且牛扒份量亦都係大嘅，鬆肉粉就一定有，不過已經比其他餐廳少好多，女朋友話係抵食嘅。餐湯份量反而比較少，不過飲得出好多薯仔蓉，有心思之作。雞扒飯都唔錯，不過就冇牛扒咁出色。喺屋企掛住食就冇影相。呢一間係性價比超高嘅餐廳，唯一缺點係要排好耐隊。所以外賣絕對係最佳選擇。

睇食評果陣見D人話晚上6點已經要排隊，之後有D餐仲好快售罄🤔，心諗係咪吹大左咋，好多人6點先岩岩收工咋喎，餐廳會唔會太快爆場?!😮由於信其有不可信其無，但自己到餐廳最快都要6:30，只好叫附近番工既友人幫手拎位先😏。估唔到我去到果陣門口已經有一堆人!! 😲餐廳裝修有D殘舊，地理位置亦唔起眼，外觀上完全似茶餐廳、快餐FEEL，但職員表示佢地唔係茶記，出餐時間要預半個鐘至1個鐘😮，所以門外等候既客人要落左單先。真係好彩叫左友人黎拎位，落埋柯打，黎到可以直接入座外，等左5分鐘左右就上餐，時間真係岩岩好。🤓首先職員送上餐湯，我估應該係椰菜花忌廉湯，湯內有粒粒椰菜花，質地較為稀身，味道唔錯，不過鹹左少少。紐西蘭牛仔柳(5成熟)拼薯菜 $118我見好多人都推介呢個牛柳，既然係人氣之選，當然要試😏。食完行出門口見到餐廳已經寫售罄!!平時出去食牛柳起碼都要$150以上，而且仲要得一細件，但呢度真係好抵，居然呢個價錢有兩大件牛柳，每件都有我半隻手掌咁大塊😯，而且仲要好厚身!!! 牛柳肉質好淋好juicy，一D都唔痴牙唔韌，有落鹽調味，雖然牛味唔重，但以呢個價錢，真係無得挑剔🤤。餐廳連薯菜都比得好慷慨，炸

呢間西餐廳平日喺大埔都好旺場，只要一到6點食晚餐時間，就會有好多人係門口排隊拎飛。多人去都好正常，因為個餐真係好大份！個餐會包個餐湯，如果晏咗去到食，就有機會賣晒啲湯，餐湯係賣完即止，冇就明日請早嫁喇~今次就叫咗份泡菜炒意粉配西冷牛扒！味道相當唔錯！原本泡菜熱食係有機會有陣怪味，但呢個完全冇，而且仲好夾！酸酸甜甜嘅味道，食落去好開胃，西冷牛扒都好多汁，一啲都冇烤乾到！但最後都食唔晒，女生不大食的話，就真係食唔晒，相反以男生嚟講的話，份量就應該啱啱好

又來到我嘅晚市飯堂👍🏻👍🏻本身今日放假諗住喺屋企煮飯仔突然之間睇返起啲相 好想食大榮樺❤️❤️❤️於是嗱嗱臨去排隊之前都講過呢間舖頭係要五點半前就要去到如果唔係好食嘅嘢就會冇晒😆😆😆我5:20去到 已經有四個人喺度排隊5:30即刻入去有位坐今次都係叫炭燒黑毛豬 不過係揀飯另外仲有紐西蘭牛仔柳 5成熟 配薯角👍🏻👍🏻佢哋嘅嘢飲 凍檸茶係最出色👍🏻👍🏻👍🏻好快就食物已經到左😉😉佢哋呢兩頁嘅食物係真係超水準價錢唔貴之餘用材亦都好新鮮😆😆我哋次次都清晒兩碟野😋😋兩個人埋單都係$208 真係好抵食

其實呢個月我已經食咗幾次大榮樺😋😋好似中咗毒咁 啲朋友一問我食乜我就話大榮樺❤️難得今日收早少少所以決定去食去到仲未開門但係已經有人排緊隊今次我叫咗黑毛豬意粉 但係個意粉樂加$20要蕃茄意粉 因為蕃茄意粉酸酸甜甜好好食佢嘅份量啱啱好唔係太多 黑毛豬我已經唔係第一次食 佢嘅肉好滑 份量亦都夠多加埋啲配菜一齊食 真係絕配另外帶咗叫紐西蘭牛仔柳飯 佢啲牛仔柳有成兩件好似食極都唔完咁 配埋佢啲黑椒汁簡直絕配晚市係可以揀幾多成熟 午市就冇得選擇😋😋我想講佢啲凍檸茶真係好好飲 大家可以試吓

今日嚟到大埔大榮樺係食午市午市價錢比起晚市平少少 佢哋舖頭本身開11點今日遲左出門口 去到已經有好多人排隊一執枱就會叫你嗌定野食 所以你一去到就要諗定 😂佢會係甘吹你落單 一人齊就會比你入去本身想食黑毛豬意粉 但係已經賣晒冇得食🥲唯有轉其他食啦 之後我就叫F餐豬肉腸雞扒飯 不過轉左蒜蓉意粉 意粉要加8蚊雞 老公就叫左 C餐 西冷牛扒飯 午市牛扒係無得揀幾成熟 係set好左😉留意返呢間餐廳基本上係我一黎大埔都一定會黎試食物質素好之外 價錢好平 平民之選不過如果你係想同朋友吹水慢慢食就吾好啦 因為好多人排隊 加上餐廳都細 員工都好忙 你都吾好意思坐甘耐 😂推薦度：❤️❤️❤️❤️❤️