大樹先生的家 (皇室堡)

营业中

休息中

今日同朋友聚會，朋友們帶住兩個BB，所以我哋決定揀一間比較家庭式，小朋友friendly的餐廳😉呢度有個超大地方俾小朋友玩，不過我哋嗰啲仲係小BB🤣所以無享用到，希望下次有機會再嚟！♦️安格斯肉眼牛扒配燒肉汁 $328塊扒佢係煎得有啲over，所以都有啲靭…唔係好對得住佢嗰$328推‼️👍🏻西班牙風海鮮飯（3人份） $588佢呢個西班牙海鮮飯係好味㗎😋飯嘅調味同軟硬程度啱啱好👍🏻飯上面嘅海鮮擺得好靚，而海鮮佢都不吝嗇地俾咗好多，有青口、魷魚、大蝦、扇貝等…呢個如果多人去，係值得嗌架😌♦️嫩炙瑞士雞翼 $88雞翼共6隻，大小適中，不過呢道小食…撇開佢前面「嫩炙」兩個字唔理，我哋完全食唔到瑞士汁味🤣哈哈！你真係要完全唔好理佢個名😆♦️黑松露薯條🍟啱啱炸起嘅薯條話係正，不過佢個醬係要改良下，太甜同無乜黑松露味，小失望推️ ‼️👍🏻唐揚魷魚圈配蛋黃醬呢個正，真係好好味❤️炸得啱啱好，個炸醬唔會太厚，配埋蛋黃醬，完美👍🏻環境係舒適，坐得都舒適，枱面有個藤籃，入邊擺晒大人同小朋友嘅餐具，紙巾同小朋友嘅圍兜，Very good！👍🏻不過員工工作態度係俾人感覺比較hea🫣除左送餐，你係基本上好難揾到人理你！

一入到嚟餐廳登記，接客戴眼鏡嗰個態度已經唔好，咁我就問多一句，我買咗套票咁係咪可以依家用？因為怕買咗依家唔講等陣冇得用，諗住問清楚先，佢就佢就好燥底咁講「唔好急！等陣同事幫你！你坐低先！」坐低咗一陣，已經聞到有大浸臭味，類似冷氣嗰浸霉味，本身已經好想走，唉~都算啦，見自己買咗套票份上同仔仔又真係想玩就忍下啦~另外，呢間親子餐廳舉手係唔會有人show你，企喺前面戴眼鏡職員同另一個女職員就好專心傾偈，好似見到都當睇唔到你舉手咁，淨係得後面嘅職員見到你舉手會過嚟serve。咁到埋單見到張單冇減返套票嗰個價錢，咁我就同職員講 我買咗套票但係點解個價錢都係冇減到嘅？咁戴眼鏡個職員就一輪嘴講話，你依家係有冇買到先？收套票錢嗰個唔係我哋，而係團購公司，我哋其實唔負責呢個套票？？？？？我聽完真係？？？？心諗我買完套票，我仲要畀多次清潔費？咁我買套票嚟做咩？？？？咁因為真係唔係好明，咁我就叫我老公問問其他職員，佢地話己經扣咗啦，你睇下面應付金額就得架啦，一句簡單明瞭，唔明戴眼鏡個職員點解要帶我哋遊花園😂建議呢間餐廳要培訓吓員工啲情緒，我哋俾得錢入嚟玩，唔係想受氣，仲要你哋本身啲嘢都唔算平🙏🏻🙏🏻

今次喺Cocomelon 主題，所以我帶2歲小朋友一齊嚟，我想同大家講，嚟呢間餐廳用膳，單拖湊小朋友都無問題👍🏻雖然我喺中咗抽獎（豁免小朋友清潔費、同埋送一份pancake）但喺份Pancake一啲都唔馬虎，直頭影相打咭一流！💖又靚，味道又好，值得一讚！我另外再叫咗一份芝士培根安格斯牛肉漢堡🍔（跟餐湯，加凍檸茶）賣相幾靚，好吸引小朋友😃店員好好禮貌，會耐心解釋各項收費，另外我唔知原來個食物喺套餐，包含飲品、沙律🥗/餐湯，店員都有提我點埋order，無「則則博」👍🏻最緊要嚟到玩嘅地方，換鞋區有消毒噴霧、濕紙巾、乾紙巾俾各位使用，而啲玩具都收拾得好企理，波波池同「沙池」都OK，仲有好多其他玩具玩啱晒小朋友放電！最後值得一讚：餐廳有提供即棄圍裙同尿片（我自己有自備，沒使用佢，見到都覺得好貼心）

銅鑼灣分店飄流平衡水床同可可瓜瓜釣魚池！好啱鍾意水元素嘅小朋友👏🏻周圍都有Cocomelon同JJ卡通公仔，見到都覺得好開心啊！😝特設幼兒區，未識行BB都有嘢玩！ 當日我哋叫咗一個聖誕套餐食，有 #大蝦沙律 🦐、#小食雞翼 🍗、 #牛扒藜麥飯 🥩、#Cocomelon漢堡 🍔、 #兒童餐聖誕老人 🎅同 #Cocomelon浴缸pancake甜品 🛁 份量都好大份，好好味😋唔會好鹹，適合小朋友～ 呢度仲有得搞主題生日派對㗎，一定好好氣氛

今日帶小朋友來到餐廳用膳。有一位金髮帶眼鏡女職員，在維持遊樂場整潔時，態度極為惡劣，會發小朋友皮氣，該名員工在收拾玩具時大力向小朋友掉玩具，離開後跟小朋友了解才知道小朋友被該名員工玩具擲中。該員工對小朋友既沒有耐性，也沒有愛心，將工作脾氣發洩在小朋友身上。極為不專業。危害小朋友安全。原本認為貴餐廳是可以給小朋友安全玩樂的地方但如果員工唔專業控制唔到自己嘅情緒及脾氣會影響環境嘅安全請貴餐廳檢討員配置，慎重選擇員工。不建議前往。Poor experience!Not recommended.

剛剛同小朋友上左去，先唔好講佢哋嘅員工黑口黑面，態度差，我叫左個lunch，喺等嘢食期間就同Bb 去佢哋個樂園玩住先等嘢食，玩左一陣諗住開餐點知一望有隻曱甴BB喺上面爬行，搞到我當堂唔敢食，其實我想講大人都好啲，而家係講緊一間親子餐廳衛生問題真係好緊要！真係唔會再去

放假帶BB過嚟呢度食嘢同埋喺餐廳裏面嘅遊樂場玩，我覺得呢度好方便，要啊因為可以醫飽肚仔再出去玩，而且大樹先生嘅食物質素真的很好。今次我哋試咗蕃茄肉丸意粉，意粉嘅醬汁整得好好食，小朋友都忍唔住食咗兩碗意粉，表示很好吃。雜菌黑松露意大利飯，黑松露嘅香氣令到意大利飯好惹味！小食拼盤，小食拼盤有忌廉薯餅、滷水雞翼、炸魷魚圈，我好鍾意食呢一個小食拼盤，每樣小食都整得好好食呀！除餐附送湯及沙律🥗食到飽一飽

🎈親子餐廳的鼻祖 大樹先生的家我又來了🎉7歲以下的小朋友都能進去玩💰收費7歲或以上小孩及成人低消：平日 HKD120假日 HKD1500-6歲清潔費：（清潔費不折抵消費）平日HKD99假日 HKD139★*”`’*-.,_,.-*’`”*-.,_☆,.-*`’`*-.,_,.-*`’`*★-.,_ 🍴食物方面 🌕🌕🌕🌕🌕📝點餐🐟【烤柚子三文魚佐葡萄黑醋醬HKD 238】超級好吃那上面的柚子煎得又脆又酸甜加上魚肉一起吃太滋味🐏【香烤羊扒孜然風味HKD 298】雖然我個人不喜歡吃羊但煎羊扒真的一絕🍳煎得剛剛好又香又嫩🍝【海鮮蟹籽忌廉汁意大利粉 HKD 228】兒子最愛芝士意大利粉好吃不解釋🥗【黑毛豬火腿伴田園菜沙律 HKD 178】★*”`’*-.,_,.-*’`”*-.,_☆,.-*`’`*-.,_,.-*`’`*★-.,_ 🌈設施方面 🌕🌕🌕🌑🌑【洗手間】洗手間裡面有個換尿片桌尿片濕紙巾要和店員拿【空氣清新機】最新 Dyson HEPA Big+Quiet Formaldehyde以先進過濾及氣流技術全日全方位為中心帶來潔淨空氣★*”`’*-.,_,.-*’`”*-.,_☆,.-*`’

投票第二日小朋友唔使返學，唯有帶小朋友來大樹。因為來大樹可以解放雙手，舒舒服服坐低，飲下咖啡，食下野，傾下偈。話係3點結束，其實平日坐耐啲都冇人趕。遊戲區足夠大，小朋友可以係粉紅波波池「自由暢泳」，再去玩下木粒，煮下飯仔。。。甚至釣魚🤣🤣宜家仲有聖誕cosplay！正🧑‍🎄杯咖啡好香滑，拉花係聖誕樹靚靚🎄食物都好有水準，價錢雖不便宜，但成人免入場費，計返落來係抵嘅👍🏻服務員服務有禮，餐具盒入面仲有一次性圍兜尿片，認真少見！

一去到沒人理啦，服務態度都好差，個凳又污糟，叫佐好幾次都唔理嘅，淨係覺得自己好巴閉，無嘢做就係度玩手機，遊戲區嘅波波池都好污糟，都有嘢食係度，都無人去清潔，總體覺得唔建議去，都唔知會有人話好嘅都唔係好想評分，最低淨係1，無得唔填

之前都黎過幾次大樹先生，都正正常常，今次黎員工服務同環境清潔都差左好多👎🏻👎🏻真係忍唔住要寫負評！一入去坐底，地下勁污糟，勁多意粉向地下，好似無清潔過就俾人坐咁，之後換左枱叫完嘢食，食到咁上下唸住同小朋友出去玩，臨出去之前突登同左個女員工講，我地未食完，唔好收走我地啲嘢，之後玩完返黎，先發現成枱啲嘢食收走哂！我先生已經好不滿，但我地都無出聲，唸住算啦，點知發現小朋友個水樽原本放枱面都唔見埋！！我地就問啲職員，啲職員一句話唔知就算，仲要果日唔多客，附近都係得一兩枱客都出左去玩，唔係你地員工唔小心收左唔通人地偷咩，一早講左唔好收我地啲食物你地又收走哂！一句唔好意思都無！態度又唔好，求求其其入廚房望兩眼就出黎話無人收過！食到一吐氣！以後都唔會黎！都唔推薦其他家庭黎！！

今日係學校既畢業典禮，完左之後約左幾個家長一齊食飯大人每位最低消費$120，7歲以下只需要收$98清潔費，用餐當日小童清潔費仲有買一送一添煙肉意大利粉配帶子 - 聞落好香煙肉味，食落唔會太重口味，帶子幾彈牙蔬菜高湯雞肉燴飯 - 比小朋友食既兒童餐，佢地都好鍾意，我試左一啖，個飯有好強既草青味，應該係d瓜菜😂我就麻麻地，小朋友鍾意就好，揀左配三文魚，煎得好香口，小朋友都食晒安格斯肉眼牛扒配燒肉汁 - 叫左7成熟，黎到岩岩好，份量算大，食落有肉汁，唔會好韌，配菜有小量蔬菜同薯角，薯角炸得脆，加分！蕃茄乾肉丸車厘茄意大利粉 - 意粉酸酸地好開胃，好岩比小朋友食，肉丸調味適中，食落唔會淋啤啤日本黑豚豬架配燒菠蘿 - 豚肉架夠大份，燒得好香，燒菠蘿酸酸甜甜，好特別既配搭，但又幾好，食完咁多肉可以消滯青蘋果鳳梨沙冰、水蜜桃荔枝沙冰兩杯都好飲，唔會過甜

Very nice place, it is good for your children to play in the playing area if they are under 7 years old! Your son or girl would be happy.

天竺鼠車車的第一輯，好像比較簡單，有教育意義得來也沒有那麼科幻。第二場近期上映，看來橋段也不算特別複雜，不過科幻成份亦多，因此看來不給第一輯那麼吸引。如果你冇細路，純粹食飯，又或是陪朋友去，當然感覺有輕微昂貴。這次有天竺鼠車車主題，我也挺膠的，拿了家中買給嬰兒的小玩具放在食物旁拍照看到餐牌上面的選項，到來吃海鮮好像有點格格不入，而且小朋友又「顧住反」，通常都好趕時間，因此就放棄了海鮮拼盤以及鋸牛扒這兩個選擇，於是隨便點了個山葵北海道蟹柳燉飯。這種燉飯比較像意式的意大利粉Rissoto，飯粒在汁液裏面煮，不算太過軟林的飯粒，汁液又夠多，吃得挺為滿足的。除了蟹柳其他就有些似萵筍又似青瓜又似蘆筍的食品，因為不吃得蘆筍，於是我都沒有吃，只吃了蟹柳絲以及山葵燉飯，起碼它多汁不至於空口吃白飯。不過好像妻子這種吃少少山葵都會覺得非常攻鼻的人，這個山葵應該不適合，因為山葵味道挺為香濃，可說是一邊吃一邊感受到刺激，不過我覺得味道挺不錯。據說牛奶咖啡都要加$25 ，就咁散叫都要$65，當然又是將玩耍的收費轉了到飲品上。因為牛奶咖啡的確沒有什麼特別，雖然賣相看起來上來挺吸引，不過喝一兩口就感覺沒有特別。另外

人生第一次去親子餐廳🤭今次要陪fd啲小朋友去玩～所以就揀咗去銅鑼灣嘅大樹先生的家🌳本身係想去荔枝角嘅分店 但咁啱撞正休息就去咗銅鑼灣講咗食物先🫢沙律🥗 - 主菜+$58就有餐湯、沙律同$38以下飲品 沙律都幾新鮮 仲有蟹子tim 不過食落冇乜大特別熱內亞風煙肉意大利粉配北海道帶子$198- 食落唔會太油 帶子都好大粒 不過就唔係好食到啲煙肉 但係都幾好食橄欖油蘆筍意瓜意大利粉 $168- 一樣好夠乾身唔油膩 啲蘆筍青瓜都好爽口 唔會好淋 天竺鼠車車餐 $168- 實物都超得意 咖哩好香 南瓜餅都幾脆 仲有水果杯 好啱小朋友食～薯條🍟$68- 好脆好大條 都幾大份 冇話好特別 不過係好食😋元氣滿分現打菠蘿蘋果汁 $78- 因為多過$38就要補返差價 酸酸甜甜咁 唔會話好多渣 我就幾鍾意飲🤭至於依度俾小朋友玩嘅空間非常之大 有個大型波波池 入邊有好多天竺鼠車車嘅巨型公仔亦都有個沙池 不過唔使擔心小朋友玩到成身沙因為佢嘅沙係一粒粒正方形嘅膠粒 模擬沙池 仲有小型賽車場同好多其他玩具 小朋友會玩到唔想走🤣想帶小朋友去玩嘅，真係好推薦呢度～講真一開始預係俾小朋友玩 對啲嘢食冇太大期望 所以都算有