大橋頭 (已結業)

呢間餐廳嘅裝修有種舊式嘅風格,而且有啲台灣夜市嘅裝飾,實在好有親切感~鹽酥雞新鮮炸起好熱好脆,而且調味剛好,好有台式風味。麵條闊身沾滿香甜嘅湯汁,而且麵身Q彈唔會爛爛嘅。相比起鹽酥雞扒,香酥豬扒就稍為失色,因為無咗個脆脆嘅炸粉。但係調味都算唔錯,豬肉唔會太熟而變咗老柴。全餐最大敗筆竟然係杯芋香珍珠奶茶…其實唔係好易整得好味㗎咩?珍珠好味,亦有啲芋頭味,但錯在太多奶。飲到後來啲冰融咗,成杯就奶水一樣…現場見到有唔少檯嘅珍珠奶茶類都剩返半杯無飲…總括而言,嘢食係唔錯嘅,尤其是鹽酥雞扒麵。飲品因為半價所以先試下,但下次都係免了…希望佢哋可以快啲搵到好飲嘅配方~

呢間野都開左大約兩、三個月到，新開張時候得麵食同小量小食選擇，到而家有飯同古早味蛋糕。一次過分享兩次晚市體驗。第一次食麵，第二次試其他野，仲送體毛1️⃣-3️⃣第一次體驗1️⃣大橋頭牛魔王麵$68湯底輕微藥材味，冇牛骨味，牛魔王包有唔入味滷水牛肚、牛丸、牛筋、牛肋條。麵既軟硬適中2️⃣鹽酥排骨特濃蕃茄湯麵$56蕃茄湯一d都唔濃，排骨粉漿厚，粉漿同肉分離，係幾脆。3️⃣外賣古早味蛋糕（原味）體驗價$30，原價$75麵粉過篩未均勻，見到有粉粒，蛋味有但唔濃，所以收$30都仍可接受，而家應該冇左體驗價。利一利申，買既時候唔係新鮮熱辣出爐，應該下午整好左，小編夜晚買，所以凍4️⃣-7️⃣第二次體驗4️⃣藥膳牛筋腩肉燥飯$65今次牛筋腩有番d味，但未到最好食，肉燥就出事，冇乜味，睇圖就應該叫滷肉，肉燥飯同滷肉飯係有分別。食左兩啖仲送一條疑似體毛。5️⃣台式麻醬雞絲撈麵 唔記得幾錢去台灣食麻醬撈麵都知唔會用日式芝麻醬撈，尼度正就用左。味道普普通通6️⃣十全排骨湯 唔記得幾錢藥材味幾重，但個湯就幾甜，落太多南棗搞到太甜。7️⃣椰汁珍珠芋圓 唔記得幾錢 芋圓幾煙韌，但冇咩味，蕃薯同芋頭味，同埋又送多條毛比小編。當遇上第一條毛，冇要求換過碗，因為

見佢新開台灣餐廳，膽粗粗去試吓，點知中哂伏🤮🤮🤢🤢叫咗一份鹽酥雞拌面配珍珠奶茶（正常甜，少冰），鹽酥雞外皮跟肉分離，肥膩，食落去啖啖油。珍珠奶茶更加離譜，完全無味，溝咗唔少水，嗌正常甜但一啲甜味都無，唔知廚房做乜嘢。另外叫咗一份鹽酥排骨湯麵手工麵配果茶。果茶深橙紅色，非常苦澀，淨係飲到一啖。湯麵嘅湯底可以揀藥膳牛肉湯，番茄湯或者麻辣湯。我哋唔食牛所以叫咗個麻辣湯底，點知碗麵到咗，一飲啖湯淨係飲到藥膳味，叫咗個負責人嚟了解，佢就話麻辣湯係藥膳牛肉湯加麻辣醬，但係佢又無係menu寫明麻辣湯含有牛肉成份。我哋建議佢應該要係menu 寫清楚，個負責人仲要反䡈話唔食牛就應該一早同佢哋講。站係顧客立場嚟睇，既然你係menu寫有麻辣湯底可以選擇，就自然會認為三個湯底係獨立嘅個體，而唔係以牛肉湯為基礎再額外加麻辣醬落去就叫一個新嘅麻辣湯底。menu上唔清晰嘅指示可引起嚴重後果，其次顧客建議你哋可以menu到寫番清楚，個負責人就一味話唔識點同我哋解釋，態度又差。總結，四樣食品，無一樣可接受，唔清楚點解食物質素差到咁可以係度開舖。絕對唔會有下一次，伏到爆。

叫左第一個麵，食都未食就見到有頭髮，個負責人同我講應該係牛毛，牛肚d毛，然牛叫我唔好食牛🤣之後轉第2樣野食啦，雞扒麵，食食下見到有條膠（唔記得影相）又叫個負責人，個負人好快手就嚟左攞走左條膠條，然後望左幾眼同我講，應該係麵嘅膠裝袋，即時叫佢取消呢個麵，已經無哂胃口，唔會再有下次

之前剛剛開張試業嗰陣，試過一次覺得唔錯嘅，但今次再嚟覺得麻麻。藥膳牛筋腩台麵 $60 (6/10)湯底係藥膳牛肉湯，藥膳味唔係咁夠，覺得個湯偏鹹（之前嚟食個藥膳又濃又甜）牛腩都有好幾舊，但唔夠腍；牛筋如果多少少會更好。麵條我揀咗新竹米粉，食落比較爽口，唔錯。鹽酥雞扒肉燥拌麵 $58 (6.5/10)雞扒炸得都夠脆，但雞扒鹹咗少少。肉燥方面比較偏向北部、中部食到嘅滷肉飯，豬肉偏肥少少；另外仲有芫荽、滷蛋、雪菜嚟拌麵，撈埋一齊食都尚算唔錯。台灣烤香腸2條 $28 (8.5/10)烤得好香，連埋大蒜一齊食好有台灣嘅味道，正呀😋香芋珍珠奶茶 $28(8/10)香芋好香，味道都幾好飲。黑糖波霸珍珠奶茶 $16 (6.5/10)可能係我叫咗少甜嘅關係，變咗冇乜黑糖嘅味道，似普通嘅珍奶；已經叫咗波霸珍珠，但珍珠都唔係好大粒。

總共響大橋頭幫襯過兩次，冇第三次了。第一次：見好耐冇食過台灣嘢，又見佢咁多人排隊，就響的試業期間去試下。叫左個牛腩湯麵同鹽酥雞蕃茄湯麵加杯珍珠奶茶。麵唔好食，飲品水平之下，鹽酥雞甩皮甩骨同冇味，蕃茄湯冇蕃茄味，湯底欠層次。所以食完一次，就同老婆講冇下次。亦聽到隔離檯講同一樣既野。咁點解有第二次呢？因為見佢menu多左野食，諗住試業完應該水準會有所提升，所以決定俾多次機會。坐低之後好快點左餐，叫咗一飯，一米線，一飲品同一小食。過左一陣，廚房同我地講話飯仲煲緊，要等20分鐘，問我地轉唔轉做麵。但因為真係想有飯落肚，所以寧願等，share住其他野食先。先上菜既係 紫金地瓜QQ球，味道一般所以唔多講。要講既係侍應唔夠醒目冇俾餐具。之後上既係麻油雞米線：味道比上次好左d, 雞都軟嫩，但米線就煮得太耐，同埋湯底都係欠層次。而飲品都比上次好（今次係叫黑糖生薑茶）。食完等左陣，個飯終於到啦。我地叫既係鹽酥雞翼肉燥飯。老婆食左啖，話d飯仲未熟。我試一試，感覺比食意粉既al dente再生少少。本來諗住等左咁耐，算啦食埋佢。但真係食多一兩啖頂唔順，唯有同侍應反映。佢地話不如轉麵食好唔好，我地再重申我地想

滷肉份量小得可憐，仲要淡而無味，汁多過肉，懷疑到底係咪滷肉飯。唔洗講肉嘅質素，肥或瘦之類。成個滷肉香腸飯，芫荽仲多過滷肉，睇住個飯，感覺係食緊香腸芫荽飯。飲品都係一樣無味，溝大量水已經唔出奇，完全唔值呢個價錢。唔係價錢問題，係連基本質素都去唔到。唔值得去試，唔係新餐廳嘅問題，而係對煮食無心機，只會覺得好唔真誠，外表包裝到點樣台灣風味，食完覺得自己煮仲好。唔係盲目去負評，但食完之後真係唔會想再去。去食其他野啦

這店新開無耐 叫任何食品 加配飲品半價用QR code自助下單下單後 唔使3分鐘就出咗個牛肉麵俾我記住只係個牛肉麵我仲叫咗個特濃番茄湯底-鹽酥雞扒米粉 $56。大橋頭牛四寶面 $68 (轉新竹米粉)(藥膳麻辣牛肉湯底 需加$5)食食吓 碗內發現咗張紙即時向員工反映 女員工：係將出單紙嚟嘅 我老公：你肯定係張出單紙？會唔會有問題？女員工：係呀 係將出單紙嚟ga。第一次係反映 第二次係再問員工個反應都係咁 即係唔想換喇算～分已扣 如果開口同你講換都搞到好似我係衰人咁你繼續忙樓面工作吧特濃番茄湯底-鹽酥雞扒米粉 $56‘特濃’蕃茄湯底 如普通蕃茄湯一樣我終於都明點解這個米粉等咗至少15分鐘當時 我坐嘅位置 對住個出餐位廚房出菜 一次過出好幾份嘅鹽酥雞扒夾單 一次過炸幾份雞扒即時有比較 俾我嗰份雞扒好細份 人哋嗰份大份同完整我個份 望落去係係將零碎嘅雞扒條 夾埋做一份個形狀 搞到好似青蛙咁係呀～隔離飯 點都係香啲鹽酥雞扒 無鹽酥粉Menu應該打錯咗叫酥炸雞扒 會比較適合d由於‘特濃’蕃茄湯底 無咩味我要求員工比辣椒油我明明見到有細細甖玻璃樽載着點解要比成枝我😅如果大家有潔癖的話就要留意一下 上

食咗兩次都係食佢番茄湯底個湯底好夠味 襯佢個米粉好好味對我黎講 台灣野最重要係個珍珠奶茶珍珠奶茶啲珍珠夠彈牙 佢奶味比較重 啱我飲但對於鍾意重啲茶味嘅人可能就唔夠茶味台灣腸加埋啲蒜頭好惹味價錢又抵😋😋😋不過佢個水餃有粟米應該寫埋喺餐牌因為我唔食粟米 搞到食唔到個水餃而且選擇較少 如果可以多啲選擇會更好最好有埋滷肉飯同埋擔仔麵咁耐冇去旅行 一食覺得真係有啲台灣味試過另一隻藥膳湯底都好夠味難得粉嶺中心終於有好味嘅台灣嘢食