影片
更多
2021-12-02
66 浏览
总共响大桥头帮衬过两次，冇第三次了。第一次：见好耐冇食过台湾嘢，又见佢咁多人排队，就响的试业期间去试下。叫左个牛腩汤面同盐酥鸡蕃茄汤面加杯珍珠奶茶。面唔好食，饮品水平之下，盐酥鸡甩皮甩骨同冇味，蕃茄汤冇蕃茄味，汤底欠层次。所以食完一次，就同老婆讲冇下次。亦听到隔离台讲同一样既野。咁点解有第二次呢？因为见佢menu多左野食，谂住试业完应该水准会有所提升，所以决定俾多次机会。坐低之后好快点左餐，叫咗一饭，一米线，一饮品同一小食。过左一阵，厨房同我地讲话饭仲煲紧，要等20分钟，问我地转唔转做面。但因为真系想有饭落肚，所以宁愿等，share住其他野食先。先上菜既系 紫金地瓜QQ球，味道一般所以唔多讲。要讲既系侍应唔够醒目冇俾餐具。之后上既系麻油鸡米线：味道比上次好左d, 鸡都软嫩，但米线就煮得太耐，同埋汤底都系欠层次。而饮品都比上次好（今次系叫黑糖生姜茶）。食完等左阵，个饭终于到啦。我地叫既系盐酥鸡翼肉燥饭。老婆食左啖，话d饭仲未熟。我试一试，感觉比食意粉既al dente再生少少。本来谂住等左咁耐，算啦食埋佢。但真系食多一两啖顶唔顺，唯有同侍应反映。佢地话不如转面食好唔好，我地再重申我地想
第一次：见好耐冇食过台湾嘢，又见佢咁多人排队，就响的试业期间去试下。叫左个牛腩汤面同盐酥鸡蕃茄汤面加杯珍珠奶茶。面唔好食，饮品水平之下，盐酥鸡甩皮甩骨同冇味，蕃茄汤冇蕃茄味，汤底欠层次。所以食完一次，就同老婆讲冇下次。亦听到隔离台讲同一样既野。
咁点解有第二次呢？因为见佢menu多左野食，谂住试业完应该水准会有所提升，所以决定俾多次机会。
坐低之后好快点左餐，叫咗一饭，一米线，一饮品同一小食。过左一阵，厨房同我地讲话饭仲煲紧，要等20分钟，问我地转唔转做面。但因为真系想有饭落肚，所以宁愿等，share住其他野食先。
先上菜既系 紫金地瓜QQ球，味道一般所以唔多讲。要讲既系侍应唔够醒目冇俾餐具。
之后上既系麻油鸡米线：味道比上次好左d, 鸡都软嫩，但米线就煮得太耐，同埋汤底都系欠层次。而饮品都比上次好（今次系叫黑糖生姜茶）。
食完等左阵，个饭终于到啦。我地叫既系盐酥鸡翼肉燥饭。老婆食左啖，话d饭仲未熟。我试一试，感觉比食意粉既al dente再生少少。本来谂住等左咁耐，算啦食埋佢。但真系食多一两啖顶唔顺，唯有同侍应反映。佢地话不如转面食好唔好，我地再重申我地想食饭。最终佢地派人出去买左份白饭。
呢个位，赞一赞厨房先，因为佢地重新炸过d鸡翼俾我地，所以买完饭重新上菜时，所有野系热既。但上菜时，again, 侍应又唔够醒目，冇俾匙羹我地。而问佢地后亦只俾得一只匙羹，唔细心留意我地系share所有野（呢一刻我已唔想再去问佢拎第二只羹啦）。
成个饭既味道系ok既，鸡翼炸得靓同都够味（系唔明点解d芫茜唔切细d)。
Overall, 食物系有进步返少少既，但服务真系差，唔留意食客既基本需要，而食物性价比亦有d贵。同尖沙咀食既价差唔多（但服务同味道都差好多）。
张贴
