大渣哥茶記 (已結業)

經常企門口 帶位男職員 態度非常惡劣 完全係趕客 成班同事比佢鬧 唔知點解比錢食飯要受氣已經唔係第一次 中午食飯 要趕做幾輪 可以理解齊人先比入座 趨你落單 未食完 都會盡快收晒啲野 趕你走 盡快交枱 中午用餐時間唔會有一個鐘 全都可以理解公司在附近 作為常客 沒有要求有好待遇 但都沒需要受氣 同佢閙過都費事 人品問題帶位男職員 唔知係咪老闆 或者王親國戚總之 待人基本尊重都唔識成班同事話 食到一肚火 就算食物可以 都唔會再幫襯同事嬲到 話叫晒啲喺呢頭做野嘅朋友 唔好幫襯 實在 絕不是意氣用事 係忍無可忍

今日經過九龍灣渣哥，見門口冇人排隊直入搵位，點知有個男伙計拍我右手，問我做乜嘢。入得去緊係食飯啦，唔道入嚟問候你媽媽？我咪答佢食嘢囉。點知佢話出面有人排緊隊，仲話下張枱俾我。你估只有喱間茶餐廳嗎，D伙計咁樣既服務態度，仲等你嗎？立即轉身去上邊第二間，永不再幫襯

咖啡又酸又苦仲要帶一陣鹹味 從未試過咁難飲的咖啡冇下次 職員態度差！投訴仲要覺得係客人的問題 仲要成班職員係度笑話第一次聽到有客話咖啡有鹹味！我要求換奶茶 一個女的係就話 梗係唔得啦！你飲過嘅點換！ 我的天🤦🏻‍♀️唔通我換左你會比其他客飲咩！到最後有一個男職員 最後過來幫我哋換左奶茶。個女的還在話客人話難飲到嘔哦。難道難飲唔比投訴？

三文治餡沒有魚味又沒有疍味，難以形容，只有微微美奶茲味。咖啡概苦带酸，估計是預先冲定一煲然後長時間放在電熱爐上保温導至這味道。服務員態度一般。怪得知旁邊其士商業中心M記那麽多人幫襯。

大渣哥茶記地點：九龍灣常悦道21號The Eastmark地鋪電話:25551996每次行開九龍灣BB展😊，行到肚餓🤤就黎大渣哥茶記食野！因為份量係超多☺️☺️而且味道都唔錯👍所以係一個不錯的選擇！今次叫左黑沙嗲牛肉通粉，配火腿炒蛋，牛油方包，轉烘底加2蚊，轉凍飲就再加多5蚊。味道唔錯！份量一如既往多！另一個就係叫咗椒鹽豬扒飯，豬扒大大件，仲大過隻手掌🥰食完真係好滿足😌總括而言，大渣哥茶記發揮正常👍

喺附近做完嘢，決定試吓聞名而久嘅大渣哥。入去坐低睇餐牌，選擇都算多，最後我叫咗個下午茶餐，乾炒牛河，再加杯凍奶茶，咁就要六十蚊，其實以一個工業區嘅價錢嚟講真係唔算平，不過杯奶茶比普通茶餐廳大杯，碟乾炒牛河份量亦唔少，而且好有鑊氣，味道唔錯，都算值回票價！另外樓面都幾闊落，但座位設計就麻麻，排到有啲密質質，繁忙時間應該要同隔籬位膊頭掂膊頭，不過好彩我下午茶時間去，唔算多人。總結而言如果下次經過都會再試！

📍大渣哥茶記🇭🇰 九龍灣常悅道21號The Eastmark地舖九龍灣除咗商場以外都好多野食今次去咗大渣哥茶記佢個英文名好搞笑🤣🤣雖然佢價錢貴過一般茶記但係佢份量係超多！一個女子係食唔曬嘅😋 XO醬叉燒蔥花滑蛋飯 $69 (午餐價)叉燒份量唔多但係滑蛋幾滑 配XO醬 好惹味😋 肉碎魚香茄子炆米 $75超級有獲氣!! 茄子好新鮮 好紫色米粉濕濕的 好味👍🏼👍🏼另外想讚一讚佢個茶底 飲左檸茶 好濃👍🏼👍🏼

員工態度極差，唔想做生意快d執左佢，入去簡直係貼錢買難受。 比一般茶仔貴，六七十蚊，但要你15分鐘食完就走，普通茶仔都唔會催你催得咁過份。 重點係難食，唔明點解d人會排隊，黃店唔黃店，野食冇質素唔好盲撐。 冇下次！

因為去九龍灣工作，所以順便去大渣哥食個lunch，之前未食過，不過久仰大名所以先揀佢。食左個栗米魚塊飯，不過不失。但係杯熱奶茶好出事，奶茶係一間港式茶餐廳既靈魂，沖得唔好飲，食品質素亦有限。而我係奶茶狂迷，首先奶茶太多奶，其次係D茶煲得唔夠熱，但最失敗竟然係搵一個透明膠杯去裝熱奶茶，而冇用到保溫好D既瓷杯，搞到杯熱奶茶唔使三分鐘已經凍晒，難以想像如果冬天，杯熱奶茶會變成點。本來想同餐廳反映，不過都放棄，因為睇其他食客既食評，都估到負責人唔會理會。

夜晚打算振興消費，所出去食晚飯，行過見到大渣哥就入去幫襯下。夜晚人唔多，見到到處有座位，自自然然自己埋位。立即受到男店員大聲加埋惡劣態度質問： 你地幾位！？內心已經不是味兒，坐低後，問聲有無洗手間姐，女收銀: 呢到無呀！！去第二度！Ok，好，食餐飯姐，唔會同你+妳嘈。食物質素極度一般。埋單時，某某明星大駕光臨，火爆女收銀立即變身親善大使，招呼明星。。原來作為食客，都要俾人分高低。大家如果覺得生活壓力不足，強烈建議大家幫襯下，勁過澳牛！

未想過九龍灣區茶記，收47蚊一個早餐，可以咁難食。餐肉麵早餐，得一塊淥熟的午餐肉，又漲又淋又漿的公仔麵，煎雙蛋係熱嘅，但油淋淋，正常D得牛油方包 ; 求其一間餐廳嘅水準，淨係講塊牛油方包，帶酸味嘅凍奶茶，冰就多，都好都飲唔落，盞浪費 ; 咁樣收你47蚊。我喺葵涌區某茶記食同樣嘅早餐只係收27蚊，水準仲好過佢少少，起碼D麵係大光麵好食少少，餐肉都起碼有2片。D員工服務態度又差，時運高睇你唔倒嗰隻。唉，有人請客都唔會再去。

平日lunch 大渣哥門口都一排長龍但今日見無人排就食佢啦！干炒豬扒意 $76Like佢有加芝麻，香！意粉值得一讚，唔會淋，硬身有得咬干炒一般都會好油，呢碟意粉油嘅程度可接受豬扒就一般，有啲位乾身偏鞋但豬扒都有6-7大舊算係對得住個價整碟意粉唔算咸最喜歡個意粉同埋加芝麻賣相當然係茶記質素啦*店員效率高，不過會送錯食物🫣

朝早去開九龍灣去左渣哥度食早餐 都有吾少人幫襯 份三文治一上枱都幾震撼 記住要叫烘底本身以為呢個combination係普通 但食落又幾夾喎 個調味岩岩好吾會過重味 幾抵食

呢間茶餐廳又貴又唔好食，仲要態度差，叫嘢食明明幾個人冇野做係度吹水，仲要睇到你叫佢，個個都好似好忙睇你唔到咁，唔應你，帶位果個仲差，叫你未有位，係出面等唔好行入黎，最緊要佢係黑口黑面😤。跟住叫左凍檸茶$27一杯，茶係冇味淡到近乎水，只得小小檸檬味，好難飲。食左個葱油雞扒飯$72，成個飯得一匙羹仔葱油，葱油係ok，雞扒都係一般，乾乾地冇肉汁，完全唔好食，成個飯得兩隻煎蛋係最好食。仲要淨係收現金，真係咩年代呀！！真係冇下次。

野食貴，質素為麻麻，一個口水雞飯連埋野飲收75蚊，但食落去差過啲四十幾五十蚊既茶餐廳，直接啲講就係啲飯唔值呢個價錢。但最差係啲員工既服務態度，一時間睇唔清楚啲餐具放左係邊個位，見到枱面有啲膠餐具認住攞黎用，就即時比個女員工大聲串：個啲細佬仔用嫁你係咪想表演下用膠叉食飯阿？ Fine係我自己無睇清楚，但洗唔洗用咁差既語氣同態度先，好聲好氣咁講番唔得既？比錢食飯重要受氣，對顧客連基本尊重都無，你食埋我個份。