大渣哥茶記 (已結業)

係附近做野 但一直都的唔起心肝試因為覺得價錢貴 又食茶記野 好唔抵今日終於試左 試一次就夠 如果要食黃既 附近仲有2間簡 仲好食d又性價比高d光榮平d 一樣茶記野 一冰廳好食 性價比高試左個黑牛米粉 多士炒蛋 $58 真係比較貴牛肉得好少 又碎 米粉質素ok 我鍾意既～沙嗲唔係好濃味 但好深色 元朗果隻沙嗲仲好食超多炒蛋唔香 食左一半放棄熱奶茶 普通 唔滑 唔香 鞋口既 ，又係一半放棄服務態度奇差 雖則茶記唔會expect 有服務同禮貌好但呢度可算真係做得十分地道 同地痞茶記無異特別有2位男職員 態度禮貌都特別唔好 咬住香口膠整體一般 同唔會值$58 反到office 仲肚痾

一入到餐廳，剛坐低即刻問你食咩。差唔多食到尾，野都未飲就叫你幫幫手比下輪d人。食個晏都趕頭趕命，係甘比人chur，價錢又唔係平。打工仔出黎食個晏想抖下氣就唔好黎呢間食。企門口個高佬又冇禮貌，趕客甘。做生意做到甘，食完一肚氣！

九龍灣人氣熱門茶記焗豬🐷大渣哥茶記 📍九龍灣常悅道21號The Eastmark地舖➰最近見到有報導話大渣哥嘅焗豬係九龍灣必食名物之一，所以特登就嚟會一會佢。✥鮮茄鳳梨/菠蘿焗豬扒飯 💲72 ⭐️4.2/5⭐️豬扒飯即叫即焗，落單至上枱大概等咗20分鐘，焗豬上枱見到色澤呈橙紅，芝士焗至微焦，賣相相當唔錯。豬扒有一塊，並非厚切，咬落有口感，味道不過不失，配料用上新鮮菠蘿甜酸度適中，炒飯底配上偏甜嘅茄汁底撈埋芝士令層次更豐富更容易清碟，整體份量滿足，但味道係預期之內，未算太有驚喜。➿➿➿#大渣哥茶記 #九龍灣美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#焗豬扒飯#焗豬關注組

今日(26-2-2023 Sun)晏晝,同老公帶爸爸去零碳天地由耆康智舉辦嘅活動,我哋嚟到時都就喺tea time,咁食啲嘢先,於是嚟呢間,嚟到時,啱啱有卡位,坐低睇menu,睇完後發覺有原來成人最低消費係每位一 份套餐,爸爸其實腸胃唔太舒服,食唔到一份套餐,但坐低咗,就唯有照叫三份.我哋要咗:1. $58.00嘅常餐要鮮牛肉米,有丹麥多士,火腿炒蛋,要熱檸茶.鮮牛肉米同熱檸茶我冇試.炒蛋好嫩滑juicy;薄火腿同丹麥多士都正常冇問題.味道:3.67分3. $45.00嘅幻彩詠西多有原味,朱古力醬同士多啤梨醬揀,我揀咗朱古力醬,要熱檸水.顏色好靚,西多士厚,同係最original有花生醬嘅,而成個唔太甜,OK 嘅.味道:5分熱檸水就有啲澀.味道:2分2. $49.00嘅美帝肉醬熱狗,要熱檸水肉醬味道原本OK正常,但裡面竟然有炸菜,雖然唔算好辣,但我覺得唔須要.味道:3分價錢:明白可以有最低消費,但如果要成人每位一份套餐就覺得太貴,因為有時有啲人未必想食咁多嘢,但可能攰同陪親友食,建議最低消費改為一個特定金額.抵食係2.5分上次食評係2021年9月7日刊登嘅呢篇:https://www.

吞Pop下午茶餐(奉送熱飲)******************************同朋友三個都住九龍灣想搵個地方傾下偈所以黎大渣哥食個tea下午茶時間餐廳冇乜人 座位任揀睇睇餐牌覺得以熱狗同西多來講價錢偏貴但係下午茶又唔想食飯麵於是都係嗌咗呢兩款***🥢美帝肉醬熱狗 $49味道一般 肉醬太漏 食完覺得好濟***🥢幻彩詠西多(原味) $49🥢幻彩詠西多(士多啤梨醬) $49西多始終都係原味最好食加士多啤梨醬有少少太甜嘅感覺

九龍灣尼間大渣哥次次放午飯時間都好多人，門口會排哂一條長長既諗，今日見竟然唔洗點等就決定行入去一探究竟。首先，佢個餐牌真係超級多野食，多到都有選擇困難症，唔知揀咩好。最尾決定同同事share, 一個炒飯，一個羅宋湯常餐咁既野，試下d基本野先，之後有機會再慢慢試其他。個常餐不過不失啦，係特別在有danish toast, 整得好香脆好好味，要讚。之後再試個炒飯，個份量大到可以夠得食三餐，炒得好香又足料，都幾抵食家。

三年前開店時嘅人氣令我曾經心郁郁想趁墟嚟排個幾鐘食個常餐😌不過理智教我等佢嘅人氣過咗先至嚟輕鬆入座試吓佢keep唔keep到質素都未遲😊大家盛讚嘅<<黑牛黑麵>>($58)係常餐系列，全日供應!黑牛就係收嗲鮮牛肉! 佢個menu真係打「收嗲」㗎!唔係typo! 佢成個menu啲名都係咁fun😆.個沙嗲牛真係好黑~真係好濃味又有好多花生粒!啲牛肉醃得好入味👍🏻不過沙嗲味都蓋過晒牛味lu~而且我唔鍾意佢係凍嘅🥶想整番佢熱啲…就唯有浸佢落啲湯度! 但啲味就會俾湯沖淡🫠金黃色嘅丹麥多士搽滿牛油，賣相非常吸引~放喺<<柯Day壁佛士>>($79) 嗰執都幾好食! 微溫!但放喺火腿上面嗰兩塊就完全唔掂喇~個底濕晒!!! 喺晒火腿嗰d水呀大佬😑茶記ADB唻講…咪就係茶記嘅炒滑蛋😏咪就係茶記嘅熱狗腸😏咪就係茶記嘅煎雞扒😏咪就係茶記嘅煎煙肉😏同埋超市買番唻炸嘅嗰d急凍薯餅!!!.整體唻講算係咁啦~當然有好多改善空間!包括…服務態度🫡好彩我今次去係直入唔使排隊😌

睇戲前嚟食啲野醫下肚先叫左個黑牛黑麵餐，姐係沙嗲牛肉麵啦，佢既牛肉係用鮮牛，咬落去有啲咬口，個沙嗲汁好濃味，仲有花生粒，食落去你會感受到唔係就咁牛肉加沙嗲汁，佢係真係醃肉醃得好入味，每一舊牛肉咬嘅時候都係索晒啲汁嘅味道，配埋米粉啱啱好夠味好好食。另外嗰餐仲有丹麥多士同埋火腿煎蛋，好多餐廳都係配牛油多士丹麥多士係要加錢，呢度就本身就係丹麥多士，丹麥多士好好食，好香。茶記一定要嗌嘅茶走，佢嚟到嘅時候見到有煉奶，就知道杯嘢唔會太難飲，攪勻佢之後飲過茶底係香，佢係濃唔係苦澀，加埋煉奶令到佢成件事升華左好滑另外都仲嗌咗個蜜汁炸雞翼配薯條，佢雞翼仲有好多汁，有預先醃所以有味，但係呢佢係有啲辣，如果唔食得辣嘅人就要小心

三個人入去食，由於其中一位唔係幾肚餓就咁叫咗杯凍飲， 跟住佢d職員講每人最低消費叫一個餐。話曬新年期間......好......我算期間有人要去廁所，問佢借鎖匙竟然要求放低一百蚊按金...... 我都算最後一點真係無法接受，竟然茶記都有限時，每張枱用餐時間唔可以超過一小時， 我爭啲以為自己去咗食放題添， 當時餐廳都唔爆，外面亦冇人等位。佢啲職員仲成日企喺側邊望下我地食淨幾多，好似幫我地計時咁，感覺極差，感覺極差，感覺極差。食物唔覺得特別出色，價錢喺茶記係偏貴，今次係我最後一次幫襯，就算有人請我都唔會再去。

現實識我嘅人都知我三餐入面最鍾意食早餐🌞，所以香港有常餐就滿足到我晏晝同夜晚都可以食到早餐嘅食物🤣。~ 鮮牛肉米粉配丹麥多士、火腿炒蛋($58)朋友一直都話呢間嘅常餐湯底好正，難得經過又未閂門就即刻入咗去試🤪。其實10次有九次常餐我都係叫沙嗲牛肉😂，因為咁樣會先保證到個湯底實夠味😗。不過今次見朋友咁講就叫咗個鮮牛肉米粉🤓試吓佢個湯底。食落去又真係唔錯😎，係幾濃味嘅雞湯味👍🏻。而且難得個多士係丹麥多士🤩，加埋滿滿嘅牛油真係好邪惡又好正🤤。不過唯一有啲遺憾嘅就係個炒蛋有啲凍凍地唔夠熱🥹。~熱奶茶

本來今日經開九龍灣諗住之前去開銅鑼灣都好好，服務態度好，食物質素👍🏻，但今次去了九龍灣呢間，我的結論真係唔會有下次，服務態度真係差到極，食物都算還可以，叫了2個下午茶餐，個腸仔蛋餐肉飯都可以，但是腸仔就太咸，另一個乾炒牛河，牛肉軟熟，但可能係茶餐，河粉好零碎，同埋唔熱，價錢合理，但服務態度非常惡劣，今次去完睇來都唔會再去。完回味指數………服務態度👎🏻👎🏻👎🏻👎🏻👎🏻價錢合理

話說早排去某活動經開九龍灣，當然要支持一下大渣哥，當日唔算多人，仲有好多空位，被安排入坐後坐咗4人位，咁好啦幾個袋放咗喺隔離張椅子到，點知有2位宮客人被安排到我隔離，變相我要攞起個袋攬住食，當日隨身物品太多食得唔係幾舒服，唔明個經理點安排，仲同我哋講唔可以放嘢喺到，因為要比客人坐，如果係爆場多人無所謂，但明明周圍都有位，我真係諗極都唔明不過食物係有質素嘅，要中讚個乾炒牛河，份量好大碟之餘仲好食，河粉炒到油香濕潤但有微微乾身，食落好煙韌有啲彈牙，上色都夠均勻，而牛肉都好嫩腍，整體好美味

最愛港式茶餐廳！常餐、奶茶是基本。沙嗲牛肉麵的牛肉非常足料！沙嗲醬也是我喜歡的那一種，非常濃郁!另外我們也點了奶醬多！ 奶醬真的很多！最簡單的東西就是最好吃的！會令人掛住的味道❤️

一直都想試大渣哥茶記，見今日去開九龍灣就去咗食佢嘅常餐。比起一般茶記的確貴啲，但如果同附近嗰間敏華比就平唔少，當然食物質素亦較高。見塊豬扒好大塊，但無刀所以想用隻叉同匙羹搬去隻碟切，點知太重跣手跌咗落地下。想趁無人執返，仲有啲灰諗緊得返兩隻太陽蛋同碗米粉，點知原來咁啱有位叫Yoyo嘅姐姐見到，佢俾咗一疊紙巾我清理，仲提出換塊豬扒俾我。我當下拒絕咗佢嘅好意因為明明係我自己唔小心，佢完全無需要去entertain我但係佢堅持換俾我，令到我唔洗食得咁頹。佢見我好狼狽，未開口就去攞返把刀俾我，服務非常主動，態度亦好好。食物質素固然重要，但人情味難得一遇。多謝你，Yoyo。第時再去九龍灣，一定會再去渣哥。

今日心血來潮去九龍灣買嘢，未到食飯時間見有下午茶食再睇吓有咩食。本身諗住食個西多士餐牌都有，但係個名好特別叫做暴龍西多士。果然冇令人失望，暴龍西多士上面係放咗阿華田粉。賣相即刻加分咬落去嘅時候更加覺得味道襯到絕西多士裏面仲搽咗煉奶同埋花生醬配阿華田粉亦都好夾。呢個下午茶真係值得推介，絕對可以encore。之前淨係食個晏晝同夜晚嘅碟頭飯，味道係茶餐廳嘅中上，呢個西多士簡直係冠絕茶餐廳。下次經開九龍灣，都要再試吓先