大滿喜日本料理 (已結業)

第一次來這間店放題，感覺真的有點差。但掃Qr code 電子落單幾方便。不過除了炸生蠔，羊架比較好。刺身，鰻魚極細件，新鮮程度又欠奉。蜜糖雞翼都不錯，但以放題來說，可以食得入口就只有雞翼，炸生蠔，那就不用吃放題了，這間放題不會再來了!或者有其他食客會滿意吧，但我和家人都覺得很一般。如果追求質素，其實去元X 會好食好多，至少帶子都不會切到一開五件，當5件上菜😓😓😓。其實以前食放題質素都不錯，只是這間是標準以下吧！

表妹生日。由她選的放題。早早在網上訂位，不用等候，早到了也可入座。食材沒驚喜，上菜頗慢，時常漏單。還是喜歡用點餐紙或Pad下單，因我手機掃QR Code沒反應啊。或會因為燒鰻魚再來，但機會不大。

今天一行四人到這店食午市定食。這裡款式都不少，定食包前菜、沙律及湯，再有自選小食同甜品。因為疫情，勁勁優惠價，每個餐四十元都不用，邊度搵😱⋯⋯正因為☝🏻緣故，就去一次。但試過後，我未必會再去。首先，侍應態度一般，杯有漬，請更換，面口已不好。送餐只會放枱邊，即使枱中間大把位。總之服務態度一般。這不是重點，最緊要是食物。我們叫了兩款刺身丼，刺身份量不少，質素可接受，但飯略略酸了點。還有天婦羅定食，正常而矣，份量不少。最大問題是煎雞扒定食，那雞扒已切，像是只得半塊。味道不香，肉質硬，真感雪藏中之雪藏。上述定食可選配小食，我們點了串燒、卷物、炸蠔、雞翼。這些大致上都正常，味道不錯。最後，加$5，就可甜品雪米糍換成H字頭迷你雪糕，抵吖！總結而言，放題，我絕不會選擇這店，因食物質素不好，侍應態度不好的話，是大問題。

夜晚同班friend去食飯，食食下有隻曱甴係我地隔離爬過🤦🏻‍♂️🤢🦗之後職員過嚟只係抓走佢，冇作任何解釋，亦不作任何道歉，當冇事發生過😡食物質素好一般👎🏻價錢亦唔平，絕對唔會再幫襯❗️依家疫情之下嘅衛生情況都可以咁差❌唔知佢點清潔自己間舖頭。如果唔係要寫夠200個字先可以落comment，我絕對唔會晒時間係D咁樣嘅餐廳到🤦🏻‍♂️有圖有真相👇🏻👇🏻大家小心D😤😤😤

今日本身想去食壽司郎但因為太多人所以改去旺角諗住食放題，黎到旺角創興5樓點知無做中午放題，係我地諗緊食咩既時候，升降機上到8樓一開，當然係有人食完要走人啦，但我地就當左神既旨意要我地食呢到（大滿喜）一出嚟果時已經2點，放題last call係2點半所以店員推介我地食定食.本身定食價有湯，前菜，小食，飲品，甜品50蚊左右無加一落樓我都已經覺得好抵食，我地4個叫左4個餐最後埋單店員話多謝132蚊，我睇都無睇即刻話呢張單唔係我地既，可能太細聲佢聽唔到 我一拎起張單就見到每個餐減15蚊，原來張單真係我地，之後店員解釋返係抗疫價，超高正價比又好食去邊搵 無得輸 其實我地真正要多謝既唔係神，係果日食飽要走既人😂

之所以黎幫襯 係因為上一次覺得好食其實都黎過無數次 但今次係最差唔知係味因為疫情問題 好多野食都無我地食8點個轉 195蚊1位 食2個半鐘我地點嘅野食好多都無到熟食嘅譬如牛仔粒又唔熟 生嘅完全食唔到雞腎燶到苦羊架 太硬了最好味就係炒什菜刺身不在話下 有好多款都無飲品 一心諗住去飲清酒 點知無湯類 有碗仔翅同唔知咩豬骨湯服務差 因為隔離枱係一對老夫婦佢地唔識得用手機點餐 於是服務員 教佢地 教左都唔識 最後先拎點心紙俾佢地 好唔耐煩個隻款最後我地都已經食飽了 10點先黎番之前點嘅野 唔知係味佢地嘅策略 我地全程2個鐘 只有食刺身同飲啤酒 同炒什菜 其他燒物真係唔掂

「大~滿~喜　場~好~滿」係常識吧！不過一場武漢冠狀病毒肺炎來襲，一貫旺場既大滿喜都要祭出優惠救亡！正所謂「執輸行頭，慘過敗家！」，肥仔信梗係唔執輸，網上訂座，同死黨倫一齊去「化悲憤為食量」！死黨倫原本意見多多，想去貴夾唔飽既地方食，不過佢唔係囡囡要遷就，被我問候完就乖乖就位！我地食十二點第一場。靚仔店員好友善，爽快咁示意我地坐邊度。好耐冇黎，原來改左做手機掃描 QR 碼落單！咁未仲好，唔使驚被店員待慢！（劇透：冇漏單，上足！）我地兩條麻甩佬一邊聚舊，一邊喪食，不亦樂乎！由於我地都只係點返自己慣食既野，亦唔需要酒精飲品，所以大滿喜既菜牌夠哂我地揀！三個鐘任食任飲，我地坐到一半都投哂降啦！而家出街用膳優惠多多，又可以搶佔救市光環，身為讀者既你仲等咩？哈哈！！！

今日老公放假，出左旺角鬆下。食放題😗壽司飯細而且新鮮，刺身款多 甜鮮。另有多款串燒（我本人大愛牛舌）有日本蕃薯都好味 天富羅蝦好脆，拎上手重熱辣辣。必食炸榴蓮球 好好味！重有多款主食 炒飯，粥，拉面。重有牛肉窩添😋野飲多款汽水又有啤酒啦梅酒及盒裝飲品。唔少得雪糕豆腐花，雪糕試左奶茶味 好濃茶味 唔會好甜！另外膽粗粗試左海鹽味 好驚中伏，點知有意外驚喜👍🏻係少少咸味重有少少奶味 竟然比奶茶味重正🙌🏻

Cut咗好多嘢食，很多食品都估清，無法落單，帶子縮小左一半，比我半個月前食 食物差咗好多。我覺得想留住食客，質素好重要⋯⋯這次我之所以會你朋友去食，就係因為上次吃覺得質素唔錯。下次都唔會再去

係openrice訂座見到夜晚8點有優惠，岩哂我呢d唔想太早食飯既人🤤🤤$195加一服務費，係旺角呢個時段應該無邊間做到咁平🤑🤑出外靠朋友，叫野食梗係等朋友叫啦自助區雖然唔大，但五臟俱全。熱食區、甜品區及飲品區域分明，猶如進入了便利店五花八門揀唔落手🥴返到埋位話咁快就已經上左壽司及刺身等等，效率100%😻跟住就黎野食大轟炸，keep住係咁黎啦😍到最尾點少得食個甜品做結尾記得記得落埋杯haagen dazs雪糕，入座都會送一杯架😋P.S.: 仲有個甜品櫃仔，不過內裡唔太多款無影到（印象中類似放題都會有幾多揀，不過呢到得泡芙同布朗尼，但又幾好食🙈🙈）

1.食物上得慢 但味道可以 我主要都係叫熟食2.經openrice訂左午市放題話送雪糕 食到最後問職員先話無 得晚市先有 覺得被騙 你放個優惠吸引人去 去到又話無 咁無就唔好係openrice話有呢啲優惠 3.食到臨尾等埋單 我地坐卡位突然走左隻大曱甴出來 嚇到即刻彈起 隻曱甴繼續捐入啲”那”到 好恐怖係食肆見到曱甴 職員就咁講句唔好意思就算 覺得日式餐廳應該要注意衛生 我唔會預計覺得見到曱甴咁係隔離爬係正常見到有曱甴之後 我以後都唔會再去唔衛生好食都唔想食

漏單，上菜慢，服務態度差夜晚8點入座A22，8點零8分落單，野食40分鐘後仍然未到齊。之後又有2隻曱甴，告知店員之後獲換去C11坐，店員話食物可以重新再落過單，9點開始落單，落左3，4次都漏，羊𩣑叫左4次，1隻都冇嚟過，叫其他野食份量又一定會cut一半，谷鬼氣叫埋單，比完錢坐左15分鐘都未找錢，又係同staff講先過嚟找錢，一句唔好意思都冇。本身對呢間放題幾有好感，奈何佢咁樣嘅服務態度同上菜速度令人感到極度失望。冇下次，同一價錢仲有大把選擇。

食物遲遲唔黎，拖到你點唔到單，服務態度惡劣，趨單好似「矮」契細佬。作為一間放題食店，可以話冇效率，冇質素，冇服務，仲有人食純因為方便。叫10件就黎4件，叫5件就黎2件。咁樣做生意，你開個App叫人點餐托？你唔好直接跟人頭分配，唔洗賴係放題咁。夠鐘就趨人，點餐就扮睇唔到，應咗就扮唔記得，叫多兩次黑面，你咁惡，我點敢再趨你呀。野食選擇已經少，飲品全部高糖飲料，成間餐廳除咗諗點賺食客錢，好似完全冇諗點樣提升服務質素。希望老闆見到呢篇野好好反省，失一個客事少，但再咁落去只會流失客源。

前排見有訂座優惠，就去左尼間食，一去到，個樓面都好清楚gum同你講幾錢，食到幾點，幾點最後order。壞境好舒服，唔會好吵，而且我地一入座，d服務員就會即刻走過嚟同你講自助區系邊，點點餐。而且見到你個蝶開始污漕，就會過嚟收食物方面，的確系好唔錯，特別系牛舌同羊架，的確好有質素，另外我男朋友話佢最中意花之戀，尼間野ge花之戀好處系細細舊，可以一口吞，反正系自助，叫幾多舊都得。而且可以感覺到佢地d身材好新鮮，三文魚甜蝦等等都特別鮮甜。仲有我一定要講個牛鍋，雖然唔大蝶，但真系好好味，牛肉同豆腐都好嫩，令我地忍唔住叫多左幾次。總括嚟講，下次如果再有優惠，我一定會再去食 (●'◡'●)ﾉ♥

中午時份想食得平D又可以坐耐D, 係旺角真係唔多選擇。咁啱比我見到呢間大滿喜就入去試下。平時多數食自助餐，今次試下散叫睇下質素如何。叫左個$68 午餐, 有壽司加牛肉烏冬，本身都冇咩期望，餐廳人手唔多, 想落單都等左好耐 , 而家呢個時勢，作為食客真心要體諒下。原來而家午餐仲包任食自助吧, 有多款酒任飲, 仲有清酒，啱哂D 酒鬼(如果下午唔駛番工真係好, 可以大飲特飲)。另外有多款小食例如: 咖哩魚蛋，牛腩羅白，炸物，前菜(沙律吧)，甜品，飲品又係任飲(coffee, green tea), 紙包飲品等等，多不勝數。以$68價錢食到咁多野, 除左一個"抵"字..我真係形容唔到..