大滿喜日本料理 (已結業)

中午时份想食得平D又可以坐耐D, 系旺角真系唔多选择。咁啱比我见到呢间大满喜就入去试下。平时多数食自助餐，今次试下散叫睇下质素如何。叫左个$68 午餐, 有寿司加牛肉乌冬，本身都冇咩期望，餐厅人手唔多, 想落单都等左好耐 , 而家呢个时势，作为食客真心要体谅下。原来而家午餐仲包任食自助吧, 有多款酒任饮, 仲有清酒，啱哂D 酒鬼(如果下午唔驶番工真系好, 可以大饮特饮)。另外有多款小食例如: 咖哩鱼蛋，牛腩罗白，炸物，前菜(沙律吧)，甜品，饮品又系任饮(coffee, green tea), 纸包饮品等等，多不胜数。以$68价钱食到咁多野, 除左一个"抵"字..我真系形容唔到..