大澳小食

营业中

休息中

復活節假期🐣和朋友到大澳一日遊，尋找當地著名美食😋。還以為通關後的首個長假期人人都會外遊，沒想到大澳依舊水泄不通，人氣食店全部都大排長龍，回程時等巴士/船的人數過千，雖然巴士源源不絕地疏導人潮，但也足足等了一小時才上到車。出發前做了點research✍️，知道最有名的是「大澳餅店」的沙翁，不過我對炸物沒有興趣，這天的必食清單有「大澳華記香脆雞蛋仔」和棚屋cafe (「蘇廬」或「大澳榕樹頭」其中一間)，但最終這天都無緣光顧。沿吉慶街向前走，發現這間「大澳小食」很多人圍觀，又湊熱鬧買來試試。在鐵板上加入蛋漿製成薄薄一層餅皮，配上各式豐富的材料，即叫即製的香妃卷🌯($35)一拿到手非常燙手。充滿蛋香的餅皮內撒滿蔥花、菜甫、芝麻、葵花籽等，加上秘製醬汁，咸甜交雜十分惹味，再加上脆卜卜的薄脆，口感更有層次。論手工、食物質素、價錢，絕對物超所值，大大的一份我們四人每人分一份來吃份量剛好😋。🧇大澳小食📍大澳吉慶街70號✿ 味道 ♥ ♥ ♥ ♥ ♥ ♥ ♥ ♥ ♥ ♡

大澳公公婆婆自製😍嘅香妃卷，即叫即整嘅卷餅撒滿哂香蔥，芝麻同葵花籽，加埋秘製梅子香嘅醬汁，有脆卜卜嘅薄脆，加十蚊有埋烤雞或者豬肉，肉唔會太肥，又唔會乾到痴哂牙咁，半個卷嘅份量已經係一個當當漢堡咁。香妃卷$35＋$10（有烤雞肉／烤豬肉）CP值 🌝🌝🌝🌝🌝 (一個卷餅兩個人share先食得哂㗎）愉快值 🌝🌝🌝🌝🌝 (公公婆婆好nice😊）方便值 🌝🌝🌚🌚🌚 (去大澳嘅巴士搖到起飛）

香妃卷：行完山六點左右，即刻去買，唔知佢係咪就來收爐，但又整比我食。入面有菜脯、蔥、薄脆，仲有種獨特香料味。睇住伯伯一手一腳整，仲已經好細心分咗兩份比我哋。熱辣辣入面口感咬到薄脆會脆脆地油糍：正要比錢之際，老闆娘送咗個油糍，入面有蘿蔔絲、蝦皮、菜脯。外面仲係暖暖地少少脆，唔係放到涼晒，見到咬開咗入面既餡超足料。以依家嘅標準可能油糍呢樣嘢會有少少膩，但係好傳統嘅味道真係買少見少，值得一試。

去大澳梗係要食街頭小食之前聽過朋友介紹所以專登慕名而黎試下特色嘅蛋餅 😋🌯香妃卷即叫即整👨‍🍳 熱辣辣香噴噴等待嘅過程大概5分鐘左右令我未食都已經好期待，流晒口水🤤外皮充滿蛋香🍳入面加入蔥花、菜甫、芝麻、甜䊢等香料因為個人口味關係所以走咗芫荽食落咸甜交雜 十分惹味加埋脆卜卜嘅薄脆 有特別嘅口感當日食左lunch 再去買香妃卷。接左一袋之後即刻影相打卡點知比伯伯叫返轉頭👴🏻原來一袋只係一半，仲有另外一半。超級大份，性價比極高最後食到要捧住個肚走🫄🏻

新年假搵咗日入大澳玩😝～掃街真係好正！當日去到已經3點幾（因為真係超多人，唔怪得上年中秋大澳停辦水鄉花燈節🏮，個個都湧入嚟打卡，居民返唔到屋企呢😂）🫓香妃卷：$35 （加肉+$10）又係遠望已經長長人龍，即叫即煎，入面有大量菜脯、蔥花、芫荽、芝麻、脆片，再淋上醬汁！因為我哋唔係好肚餓，所以就無加豬肉。之後店員會問我哋分成幾多細份入袋，方便大家share食！立即入袋，可能水蒸氣搞到個皮會淋曬，痴住個紙袋🙈，同埋食落有啲䶢，不過難得嚟到大澳，係值得一試既小食！

❇️ 香妃卷—大澳小食— 舖頭位置喺冬甩舖後少少.大推👍🏼👍🏼👍🏼👍🏼👍🏼$35+$10肉建議大家要加豬肉，佢個豬好香口，好似之前用炭燒過咁樣，係成個餅嘅精髓.出面好脆口，係即叫即整，等5分鐘就拎得我買完之後見到開始要排隊，咁就大約要等10至15分鐘先有得拎.拎既時候要小心，因為真係好熱好熱🔥雖然老闆已經有提醒我哋好熱，但係當你唔小心直接放咗喺手簡直好似入咗火爐咁樣😂所以大家拎嘅時候記得係拎側面，而唔係放喺隻手上面.入面仲有好多料👍🏼勁多蔥，雞蛋等等$35係有兩包，要兩個人以上先食到

📍大澳小食 💣油糍 (2/10) $15💣同店嘅香妃卷大排長龍，呢個唔洗排。有大量嘅粉包住蘿蔔、菜圃、蔥拎去炸，油脂炸彈嚟🤣對我嚟講係我唔食嘅餸頭餸尾，浪費quota, 真係唔識欣賞🤣🤣🤣📌大澳吉慶街70號

🇭🇰大澳小食·香妃卷$30之後呢個都係上次食唔到既 佢呢個真係超級大份 食完係即刻打爆左我地個胃 應該要4個人分先岩岩好🤣🤣佢呢個係即叫即整既 係有啲似中式既pancake咁 中間好多蔥花 菜脯 同埋 芝麻 佢中間仲有超多炸脆片 所以口感幾豐富😌不過我自己覺得佢真係太飽肚啦 所以雖然幾特別 但係食落負擔真係幾重🤭🤭·📍大澳吉慶街70號

之前一向申請自駕遊，平日揸車🚗入去，平日好多鋪頭都冇開，香妃卷平日有時都有開，但都係不定時。今次星期日去，排緊隊食隔離嘅沙翁，於是過嚟買返件試下，整餅姨姨好好人，佢份餅都幾大件，有個人叫咗三件，佢都預先提醒人哋，我哋好大份架，你哋好多人啊？驚佢買多咗食唔晒👍🏻👍🏻我哋因為等着食莎翁，所以買咗一份叫佢切開四份俾小朋友食住先，佢都好好切開分開袋入俾我哋即叫即整，灑滿左香蔥及菜譜仲有勁多芝麻，加埋秘製醬汁，同平時送粥嘅炸脆卜卜，捲埋一齊食，咬落口好有口感，餡料豐富，滿滿蔥香，仲食到好似感覺自然味道，小朋友都話我好味😋

自從幾年前食過香妃卷之後一試難忘之後都好想搵機會再食不過星期六日又唔想同人迫大嶼山平日有時行完山落到大澳已經天黑鋪頭都閂左門難得今日六點左右落到去佢仲開住門 老細見我地望望下 仲問我地要咩即刻嗌番個黎回味下—————————————————香妃卷（$30）粉漿烤到外邊香脆 中間軟熟配左葱 芫荽 蛋加上芝麻既香 菜脯既爽 蛋散既脆同埋最尾淋左啲醬 食落就似係海鮮醬咁有鹹有甜 香脆軟冧但食落好夾————————朋友第一次食佢話覺得好奇怪 的確 佢既味道口感係好複雜但我就係鐘意每啖咬落去都會有唔同既感覺再黎既話我都係會再食佢同埋佢大大份 夠比兩個人share食 抵食

黎到大澳一定要黎嘗試香港傳統美食：超足料香妃卷香妃卷係由一位老伯伯努力所經營每一個香妃卷都係伯伯辛辛苦苦親手整的當日入到去，係等待既過程中同伯伯閒談下得知，因為年紀老邁伯伯都打算會於不久既將來會結業意味着香妃卷可能會係不久將來會失傳因此，呼籲黎大澳一定要黎嘗試一下！每一個香妃卷都係即叫即整熱辣辣！好野味😋😋香妃卷係係鐵板上用蛋漿製成薄薄一層餅皮之後再加入好多豐富既材料包括：蔥花、菜脯、芫荽、芝麻，以及一大片脆片最後會淋上醬汁，再卷起食用～論手工、食物質素、價錢絕對係物超所值呀！

見好多人都推介呢間香妃卷，入到大澳一定要試下。去到門口，本來老闆已經收爐，都肯特登開返個爐幫我整一份，非常唔好意思之餘真係好多謝老闆，等我唔揀山長水遠入到黎都試唔到。好彩老闆肯開爐整一份俾我，因為真係好好好好味。香妃卷入面有蛋，葱，芫荽，菜圃，有塊脆卜卜薄脆，加左十蚊肉，成個香妃卷爆晒涵，十分抵食。老闆特登提醒我小心熱要拎住個紙袋角，因為剛整起真係十分辣手。

香港少有賣的油糍，見到有賣當然要一試內餡是韭菜，蘿蔔，菜甫溫度適中，唔會熱到辣口食落覺得偏鹹同膩另外見到街市個邊都有間賣油糍，大家可以試下兩間有無分別間野仲有賣煎釀三寶，炸魚仔，香妃卷（因爲太大份，所以無買）

油糍這種兒時小食，現在已很少見到，除了農曆年初一至三僅三天有小販售賣，聽說流浮山也可找到。我沒選這裡出名的香妃卷，買一個油糍馬上食。 $12一個，外面炸得脆卜卜，裡面滿是蘿蔔絲、韮菜及蝦皮。 調味很夾，美味，推薦！

在大澳掃街的一天，走到了這間賣香妃卷的店前，見到好多人圍觀，好奇心下我們又買了一件試試香妃卷 | $30叔叔會先問要不要加肉，加肉要+$10。叔叔先推好蛋餅皮，加雞蛋、葱、甜菜莆、蛋散、秘製香料汁，又會問要不要加芫荽。整好後可以同叔叔講切幾多分，見到前面有人切5份，分開袋裝，不過切得太多份，饀料會太碎。我們分了四份。香妃卷有好濃郁的香料醬味及九層塔的味道，又有好香芝麻味，醬料的鹹味與甜菜莆互相中和好特別，一定要試試