大熊貓餐廳 (已結業)

I would not expect high quality of foods can be found in the Ocean Park, but this Panda theme restaurant which is situated close to the real Panda’s house in the Ocean Park, had given me a good experience. I randomly bumped into it, and surprisingly saw it served the steamer baskets of ‘Panda Bun’, which looked quite interesting to meInside the ‘Panda Bun’, it’s actually the creamy custard ingredient. I didn’t expect it would taste so nice that it’s just cooked and very hot! Also, it’s not extre

個VIEW都幾好喎~係PANDA CAFE果度既側邊位, 可以望到出面既天空/樹/卡通人物行來行去, 可能因為附近有佢地既休息室啦.幾靚~!就係依度,時不時都有卡通人物路過...入面室內景有D PANDA相既牆.***叫左2杯特飲: LYCHEE特飲(藍色果杯) 同 柑桔檸檬(另外果杯)睇相都清楚見到真係有柑桔同檸檬.係我朋友飲既, 所以唔清楚味道.***我果杯LYCHEE野,幾好味..好有LYCHEE既香味.味道方面, 好甜好甜...D白色球既野,好似係真LYCHEE成杯都係好得意,好靚~

玩完高峄，係時候搭返吊車落山，又係下午茶時間，又睇下本coupon有咩優惠，大熊貓餐廳有下午茶買一送一，就入去休息充電。一個下午茶餐，＄８８有燒味雙拼＋１杯汽水＋１杯ＨＤ雪糕。買一送一，所以＄８８可以有２份。坦白講，如果不是買一送一，價錢真是頗貴，因為份量很少的。現在價錢減半，感覺還可以。我坐在對著有熊貓和播放著熊貓節目的電視，小朋友很開心。喜歡熊貓的，可以到此休息，也是一個好地方。但我還是覺得以熊貓做主題，其實熊貓裝飾增添多一點會更加好。

尋日女朋友牛一, 特地去到海洋公園玩, 慶祝佢廿五歲生辰我地從正門入口入場, 所以先去了熊貓館睇熊貓, 正好睇完之後係一點鐘, 便順道在大熊貓餐廳食午飯, 未入去前, 見門口的poster食物相都好吸引, 而且以東南亞菜色做招徠, 應該都會唔錯的一入到去, 侍應就叫我地自己揀位坐, 雖然間餐廳睇落好似係有service的, 但原來係foodcourt形式, 有點意料之外, 不過無所謂啦但係入到去揀食物的地方, 發覺大鑊! 價錢超貴, 又唔多選擇, 好似個香茅豬扒湯檬, 居然要成九十八蚊一碗, 結果都係食一碟八十八蚊的义雞飯便算, 雖然有杯hagaan daz 送, 但都覺唔平..價錢都唔係最主要的問題, 最唔掂係碟飯完全唔好食, 雞肉好鞋, 無雞味, 似乎係用雪雞整, 义燒都係油膏同肉分得好開, 瘦的部份好瘦, 肥的部份就好油, 真係一件唔好食的"半肥瘦"作為遊客景點, 食物都做得唔好, 咁點可以俾個好印象外國人呢, 雖然兩隻熊貓同幾隻小水獺真係好可愛

今年又如往年, 生日唔駛錢入場, 請日假都抵, 查實係唔想生日仲番工見班八婆. . . . 今年仲帶埋有Annual pass 既姨甥女. . .同有老人免費優惠既媽咪來. . . . 一行3人係售票處13號窗換門票. . .避開售票人龍. . .唔駛3分鐘已經入到場. . . 一入場...探了小熊貓後, 便是醫肚既時間. . . 這裡是自助形式, 叫完野食..去收銀比錢.... 燒味雙併飯 ($88送迷你裝Haagen Dazs 雪糕) x 2 煎餃拼煎包 (約$30) x 1 蝦餃 (約$30) x 1 出面都要成十幾廿蚊...如果我無記錯價錢...相對是抵的...味道唔也對辦. . . 叉燒飽 (約$30) x 1 珍珠奶茶 x 1 (約$30) (一般) 涼粉紅豆冰 x 1 (約$35) (超正!) 因為有生日優惠, 有8折. 埋單$26x. . . 食物ok, 飯很大碟, 3個女仔食兩碟已經很夠. .點心也唔錯. . .只是煎包..很怪味. . .食了一個....放棄了另一個. . .整體比吊車站那間灣景餐廳好好多, 加上呢間無咩人. . .唔駛咁擠迫. .

三月中旬．有雨 跟大人物吃的一餐，食物及位置已經事先安排好，全程只用專心吃就可以，在此先說聲謝謝。 先來的是特飲，青檸疏打清新好喝，還有得refill的，不錯。點心是用竹籠裝上了蝦餃燒賣各一件。蝦餃皮立立的，一夾就爛。內裡的蝦反而大隻又爽口。燒賣相當之真才實料，也是多蝦多肉，看官喜不喜歡這個版本的燒賣了。牛柳用上節瓜及冬菇，和上蠔油去炆的。吃起來很稔滑，吃真一點，是過份稔滑，調味是做得好的。蒜蓉西蘭花看似簡單，但做得夠味又維持青綠，其實不簡單。椒鹽豬扒味道不算很足，豬扒是厚厚的，很夠份量，吃了兩小件，已飽了幾成。紅油抄手是推介食物來的，除了雲吞，反而我覺得個麻辣汁做得幾好吃。最後的是炒飯，炒得乾身，幾香的。 甜品兩味，豆腐花很出色，豆味香，據聞是用上了加拿大黃豆去自家製的，跟坊間的用上大陸黃豆不同。鮮雜果賣相很好，也都清甜好吃，就算飽，也清了碟。 再一次多謝大人物的招待。

去了海洋公園遊玩一天，行到肚餓，見到熊貓館附近有間餐廳，門面不錯，走了入去吃個午餐順便休息涼涼冷氣。因為平日關係，遊人不多，餐廳以中菜為主，有燒味、點心及拉麵，雖然款式不多，但足以吃飽。和同事二人點了一客雞鴨飯、一客煎餃拼煎包share，每人一支凍飲。此處吃飯預了不便宜，一客雞鴨飯售$65，沒辦法，旅遊點嘛，幸好持年票有九折，不錯優惠！雞鴨飯味道不差，不算是一般行貨，頗好味。煎餃拼煎包有驚喜，很熱辣及脆口，餡料亦足，很好味。

話說今次去海馬公園, 係因為有張信用卡送的免費入場券, 加上W記超市有得七折買入場券, 加上好想探下盈盈樂樂下, 就去左海洋公園一日遊喇 今次選了大熊貓餐廳, 主要是因為距離亞洲動物天地好近, 加上報紙雜誌又介紹, 於是就安排好行程, 中午時分去到這間餐廳一試大熊貓餐廳, 主要是提供中式快餐, 有燒味飯, 點心, 湯飯麵等等, 選擇唔算多, 質素同另一個主題樂園比較, 我覺得好似老鼠樂園好食D, 但以海馬公園眾多餐廳比較, 這間算是質素較高的一間, 可能係因為新開的關係吧.... 至於價錢就唔好要求太高, 始終係獨市, 點貴都要硬食至於綠州者, 就係大熱天時有得在冷氣開放地方的歎番餐, 去過海洋公園都知道, 價錢"合理"而又有冷氣的餐廳, 真係唔多呀

這天去海洋公園玩，行完亞洲動物館剛巧係食晏時候，見順路就入去呢間餐廳試下。餐廳環境採用中式設計，古色幽雅，檯凳全是木製的，坐得不太舒適。食物方面有多國菜式選擇，但種類較少，可能新開關係吧。是日點選以下食物：蝦餃、叉燒飽、菜肉飽、煎餃&生煎飽 ~~點心整體味道拍得住出面酒樓同上海飯店既水準；日式叉燒拉麵 ~~不過不失也較普通；堂煎牛柳粒飯 ~~即時煎煮，牛柳粒煎得外脆內軟又入味，好味道；章魚雞粒煲仔飯 ~~好入味又有飯焦，雞肉腍滑又多，飯既軟硬度也適中。 總括而言食物味道好但價錢略貴，但以主題樂園餐廳計算還是ok的。