大班麵包西餅

营业中

休息中

去今次到大班唔買包包買蛋卷!買左一盒黑芝麻長蛋卷同咖喱/紫菜/肉鬆鳳凰卷。黑芝麻長蛋卷($9.9/六條):一盒六條,三條普通蛋卷,香脆但無乜特別, 三條黑芝麻蛋卷,好正好好味,比奇華既黑芝麻蛋卷香好多好多,一食就覺得好芝麻,好夠味,可惜只係三條,太少喇!強烈推介黑芝麻蛋卷!咖喱/紫菜/紫菜肉鬆鳳凰卷($9.9/六件):有三款味道,分別係咖喱、紫菜、紫菜肉鬆,每款兩件,不過事實上呢三款都幾overlap…先講咖喱,嘩!一開已成陣咖喱味,一食我就覺得好辣,連個外皮都係深黃色,內裡係好辣既肉鬆,如果熱氣時食一定好唔掂!至於紫菜,其實基本上係咖喱紫菜肉鬆,因為裡面有肉鬆,而且又有咖喱味,唯一最大分別/特色係加左塊細紫菜包住。中我最鍾意紫菜肉鬆,佢最普通但又最好味,食過d咁既咖喱味真係怕怕,都係歸於平淡好些!

琴日食左大班既黑芝麻肉鬆包,真係好唔掂!!黑芝麻味道唔出又唔及人地好味不特止,包又硬,又唔香,肉鬆仲離譜,簡直係難食!見到d肉鬆橙BB已經好怪,食落味道仲怪,唔知係個包既味定肉鬆既味定兩者夾埋既味,搞到好似酸酸咁…我因為而夾硬食埋佢,點知食完好想嘔,好後悔!以後一定食!!!

我係0係mk mtr station出面果間買雪山紅豆推價$5,都幾大個,脆皮面+一d紅豆包都幾軟,入面重有d紅豆,太甜且唔稔。個脆皮係幾脆但好乾好熱氣,我一食完喉嚨痛。$5係底,但遲下唔係呢個價,就唔值囉+,actually個包幾似美心0既墨西哥紅豆包分別在於紅豆粒(大班)同紅豆沙(美心)服務唔多好,因等左好耐個cashier都唔埋黎收$

今晚返學前系度買左個煙肉pizza$10,size就相當大,大約系4本memo pad併埋,但一咬落去,似食緊空氣,另外睇落上面d蘑菇煙肉料好似好多,但食落先發覺原來系茄醬多,食完好似無咩野落過肚.有點被騙感覺!

呢度出的大大個的包包好正，尤其係啱啱出爐的時候。今次見果醬菠蘿包熱辣辣，就買左黎食。個包好大，但係實在太好味，停唔到口，成個俾我食哂！好飽呀！

見到大班有新出品,叫xx紅茶蛋糕(唔記得xx係乜),係一個大size既蛋糕,本來無期望,點知食落彶發現味道比想像中好好多,真係有好香既紅茶味,而且蛋糕好軟身,又唔油膩,食到我唔捨得停,紅茶味既蛋糕好特別,的確幾少有,我覺得好好味,我會再試,兼且推介俾大家。

琴日去大班,終於有我前日買唔到既法式梳乎里芝士蛋糕喇!又係一大件長方形,味道可以話係唔覺有芝士味,有都只係好少好少,味道似普通蛋糕,唔太特別,最差係個蛋糕面既啡色皮,好硬又無味道!紙包蛋糕個皮好好多囉!質感雖然有少少濕同軟,但係都無梳乎里既感覺。我既食評同一些牛奶所講既好唔同,唔知會唔會係間間大班有分別?不過,我呢次就覺得唔抵囉!另外,我都食左佢既英式鬆餅同家庭裝穀麥粟米包。前者只係提子士干,但係做唔到外脆內軟,外皮厚而硬,心頗實,又易散,質感偏向蛋糕,唔係好既scone !穀麥粟米包都係幾硬下,面頭有好一粒粒,可能係穀卦?無乜味道,粟米係包心,但係只得好少, 又係唔太好味之作!

見到一些牛奶既食評,所以專登去大班買,點知只係有意大利芝士黃金磚,而法式梳乎里芝士蛋糕竟然賣晒!咁搶手?定係貨太少?唯有試住一樣先…同一些牛奶講既唔係幾同,只係有好少好少既芝士味,芝士味根本俾蛋味掩蓋,而朱古力味更加少,感覺上只係食緊一個頗為普通既蛋糕咁,令人失望…

前兩日買既個果撻,虎皮芝士餅同埋兩個栗子撻.食落口發覺果撻d 撻皮同埋cream d 味怪怪地,但又唔係變壞;虎皮芝士餅基本上一d 芝士味都冇,d 芝士似cream多d !栗子撻就一般貨色.大班做既咁多年西餅都冇進步,真係.....差!!

話說我係28號買左個日式豆腐蛋白蛋糕,$9一個,當日有一些係29號到期,有一些係30號到期,我當然選後者。琴日食既時候(琴日係30號),一食,咦?味道怪怪地既,同上次好大分別喎!仲有點酸既?一看,見到蛋糕有一分有黑點,原來係發左霉!我即刻將蛋糕吐出,白白浪費左食物同金錢!激死人!在此奉勸各位食家,如果下次買呢款蛋糕,就要快些食, 如果唔係,好易變壞!小心小心!

十字包~$5 each我係係大圍火車站果間買既,十個難食,個包好似有天拿水味咁,d texture都唔係十字包黎既~?係有個十字係上面咋嘛~!搵笨既~,~

日式豆腐蛋白蛋糕係大班既新出品,包裝幾靚,但係貴左d,$9一件,四四方方,非常鬆軟,食落甜甜地,蛋味唔重,但係亦無乜豆腐既味道,可以話味道好淡好清,只係食到甜味,其實$9 就唔太抵,只係算可以,唔算好好食個種,不過應該健康d卦?

黑芝麻吐司:大大舊,幾鬆軟,包乞有一層層既黑芝麻醬,味道甜甜地,外面又有一粒粒黑芝麻,醬份量遉適中,同包配合得恰到好處,連包底都唔太硬,食完唔會滯,幾好!杧果果醬吐司:好差!個包本身無問題,而類似菠蘿個類既包面亦好吸引,但係個所謂杧果果醬就好難食,甜而無味,一d杧果味都無,而且幾難食,影響左成個包既水準!

憑贈卷換領個裝麵包一個（價值$4.5 ~ $5）。選了這個麵包。說穿了，不就是「菠蘿雞尾包」？！菠蘿皮作得頗佳，惜雞尾餡（椰絲）偏硬，！

用恆生CARD BUY 冰皮都要$138 , 依然係綾豆蓉最正!分店太少!