大班麵包西餅

营业中

休息中

唔明點解叫吐司,只係一個大包,包餡卻係蛋糕,最好食既反而係包同蛋糕之間既草莓果醬!算唔算「妹仔大過主人婆」?

個日係中環放左工，想買個雞批食，於是就行左去中環戲院里間大班買，咁又剩返一個，於是買左返屋企食。點知食落完全無雞批應有味道，而且仲好難食，唔知似咩味，簡直係難以形容。

呢個包既料係放係包面而唔係在包心,蟹柳同芝士都唔係話少,包都算軟,不過芝士味唔夠香濃,咁就扣左d分喇!

楓糖年輪方包新出既時候, 我都試過, 不過唔係呢間店買既,但我唔覺好甜, 少少甜咁啦, d 楓糖味好普通,似mcdonald 熱香餅個d糖漿, 我冇食到隻手「立黐黐」喎, 因為d 楓糖唔係好多!!唔通而家唔同左?? 不過, 我覺得$18, 唔抵囉, 而且包裝得咁靚, 但又唔係送禮, 只係自己食!!雲石朱古力方包我就未食過啦!!

同上次我食既雲石朱古力方包同一系列,一樣價,錢一樣包裝,都係好似送咁,亦係一袋六片,size比一般方包大。叫「年輪」係因為方包上既紋好似樹既年輪,個d其實係楓糖(maple syrup),一片有好多楓糖,所以好甜,而且食到我隻手「立黐黐」。味道係甜,但係唔特別,我淨係覺得食完好滯,唔係咁鍾意…雲石朱古力方包好d!

一袋六件,包裝十分得體,因用袋袋住之後,仲放入一個靚靚紙袋裡面,好似送禮咁。方包個樣都幾吸引,因為有一圈圈啡色既朱古力旋風,而且size比一般方包大,味道ok,甜甜地,但係朱古力味唔濃,包非常軟熟,一d都唔硬;如果同心既朱古力提子包比較,我覺得大班好味d。不過貴好多...

奶油綠豆蓉包- 一心諗住佢既冰x月餅既綠豆蓉好好食, 哩個一定唔錯, 一如我所料, d豆蓉真係好食, 就係月餅果隻, 至於點解佢話有奶油我就食唔出了~好可惜, 佢個包身做得好dry又硬..."哂"料~楓糖danmark包- 原來比起楓糖x紋包, 少好多楓糖ga~為左食楓糖而買哩種包既朋友, 唔好買哩隻呀~^^哩度門口咪有個sales counter既...有個阿嬸做sales ga ma~佢呢...比我既感覺好似求人買佢d包, 唔買佢就會好慘好可憐咁...

尋日買完大快活經過見到大班有大大個麥包吐司, $6一個, 諗起屋企無晒面包, 就買返個黎"看門口".今朝搣左舊試下. 出奇地, 仲幾軟身. 不過唔知係咪標榜健康, 所以完全唔甜, 都係搽jam好味d.

見倒佢sell低脂,營養高,就食啦~老實講,我唔係好信有幾低脂~哈哈!個人可能唔太like哩隻syrup, 覺得有d怪, 個包好軟,肯定又係用左唔少油...唔多健康...個feel好似麵包浸糖漿食~因為有好多糖漿~鍾意食maple syrup既朋友一定好like~不過$5.5一細個真係幾貴下

今朝食左佢個楓糖皇冠包做早餐, $9一個,用個靚靚紙袋裝住.食落覺得同伊藤家o既辮子大楓糖差唔多味,唔錯!

我都中過招,買過五蚊三粒既綠茶波波,真係好鬼難食,完全唔係麻糬嗰種質感,好怪,難食到食左一啖就成包掉左!反而佢新出左一系列楓樹糖漿包就唔錯,可能我一向幾喜歡maple syrup,買過一個唔知咩丹麥楓樹糖漿包都幾好味不過general嚟講大班啲包都唔係幾掂...

基本上我好小機會買大班d野食，因為我屋企同公司附近都無佢分店，之前睇過幾個食評話呢度有英式鬆餅，路過咪特登入去買黎試下，除左買英式鬆餅($3.5)仲買左迷你麻薯佢有3隻味芝士，綠茶，芝麻($5/3個)，個英式鬆餅都ok既，size幾大個，係硬左d，個d迷你麻薯，真係好難食，我之前食過A1既麻薯，好食過佢幾十倍呀!