大盛日本料理

营业中

休息中

今日天氣寒冷，決定去大盛暖暖胃，點了一份泡菜湯牛肉窩，價格為69元。湯底味道偏鹹，泡菜味不算突出，整體來說比較普通。配菜方面，蔬菜種類算多，但份量偏少，感覺有點不夠滿足。湯內只有一小塊豆腐和少量芋絲，略嫌單薄。牛肉方面，只有幾片肥牛，而且肥瘦比例不太理想，肉質也一般。唯一值得讚賞的是，飯的分量足夠，而且附送一杯熱飲，在寒冷天氣下確實暖胃。總體而言，這份泡菜湯牛肉窩性價比不高。雖然價格不算貴，但牛肉和配菜的份量都太少，未能滿足食慾。味道方面也只屬中等，偏鹹的湯底並非人人受落。如果追求份量十足、味道濃郁的泡菜湯牛肉窩，大盛可能並非理想之選。建議餐廳可以考慮增加牛肉和配菜的份量，或調整湯底的味道，以提升整體的用餐體驗。下次可能會考慮嘗試其他餐廳或菜式。

返完教會信恩堂崇拜🤩，團契一大班人食晏，小朋友👧🏻坐卡位都安全，但冇小朋友👧🏻餐具🍴。叫咗溫泉♨️蛋厚切五花腩丼（$80）配熱咖啡☕️，仲有豬軟骨拉麵🍜（$68）配忌廉，加小食鹽🧂燒多春魚兩條（$18），姊妹👧🏻叫牛肉鍋烏冬（$75）加炸餃子🥟兩隻（$14）配熱檸水。厚切五花腩丼肥豬肉正，有肥膏啱我，有汁撈珍珠米皓皓食，熱啡苦要落糖，多春魚d春皓皓食。埋單張單一個星期內幫襯可按金額💰最多9折，埋單可簽卡。

扺食，性價比高！以前呢度剩係得食日本菜，但係而家佢哋有一半嘅座位變咗係食潮州嘢嘅，餐廳地方本身都大，所以都仲有好多位俾你揀。好鍾意食佢哋嗰日本set lunch，當然以呢個價錢絕對唔會要求好高嘅質素，但真係覺得性價比高。Set lunch 包5件自選壽司，都有好多選擇。另外再包3件指定卷物，我嗰日食嘅就係軟殼蟹。除此之外，仲提供麵豉湯、蒸蛋、湯烏冬，免費餐飲，凍飲都唔使加一蚊👍🏻仲要冇加一，此外江湖傳聞如果比錢時，提供證明自己係銀行職員，可有額外九折👏🏻。

餐廳啲嘢食都其實幾平喎，你諗吓條三文魚壽司啲三文魚又長又厚非常之正，跟住個蟹粥又係啦，啲蟹係原隻上嘅同埋用咗好耐嘅時間去咬咗啲粥，啲粥就非常之綿，同埋蟹粥嘅蟹裏面真係有肉㗎喎，然後蟹粥上面仲有啲三文魚子添，食落非常之暖胃啊，喺食咗咁多刺身同埋生冷嘢之後，飲返碗暖笠笠嘅粥非常之正，然後啲侍應又非常之熱情同埋友善，不過呢最特別嘅地方係佢仲有串燒，啲串燒都非常之足料，仲好大嚿添，我覺得一定要食嘅，除咗呢個蟹粥之外，仲要一定食嘅係池魚仔啊，池魚仔本身都唔平，佢原條上只不過$198 ，鍾意嘅一定要試吓。

崇拜🤩後一行16人食大盛，分咗兩張枱，有位，卡位方便小朋友👧🏻，QR code落單，第一☝️次見豬🐽頸肉炒烏冬（$79），叫嚟試下，配熱咖啡☕️，屋企人叫咗豬頸肉拉面🍜（$68）配忌廉汽水🥤，仲叫咗湯烏冬（$44）。豬🐽頸肉炒烏冬份量ok，但兩樣都唔入味，味道👅一般，下次叫返壽喜燒算，咖啡☕️偏苦。不用加一，可電子支付，留單有折

Lunch同同事去，叫左壽喜燒鍋定食，可以要牛肉/豚肉，仲跟白飯，最後揀左豚肉。一黎到見到好大鍋，成鍋都係菜同肉，上面仲有隻生雞蛋。第一啖試佢個湯底，唔太濃仲甜甜地，好好味。啲肉又夠嫩，將雞蛋同湯用黎撈飯好惹味。配埋冷/熱飲都係$69.

觀塘大盛的自選壽司餐今日我來到觀塘的日本餐廳大盛，點了一份自選壽司餐🍣對於壽司，我一直抱著相當高的期待，但這次的經歷讓我有些失望。壽司的飯似乎放進了雪櫃，口感偏乾，外層的米粒也變得硬硬的，完全失去了那種新鮮和彈牙的感覺。對於一家專注於日本料理的餐廳來說，這樣的壽司水準實在難以令人滿意。不過，除了壽司之外，其他的菜品卻表現得相當不錯。茶碗蒸😋是我今天的亮點，滑嫩的口感和豐富的味道讓我感受到日本料理的精緻。每一口都充滿了鮮味。至於烏冬，則是煮得恰到好處，麵條的彈性和湯底的鮮香相得益彰。總的來說，雖然壽司的表現讓我略感失望，但其他菜品的優秀表現仍然讓我對大盛有一定的好感。如果下次再來，或許可以嘗試其他的主菜，期待能有更好的用餐體驗。希望他們能改善壽司飯的品質🙂

Lunch time呢間都等幾耐位多數都要搭枱 lunch都幾多選擇有定食, 拉麵, 壽司, 鍋物等唔使加一 每個餐都有茶碗蒸, 麵豉湯同飲品凍飲都唔使加錢 都幾抵食👍🏼自選壽司定食 ($74)有3件每日卷物 個日星期五去就係加州卷加州卷飯比較多同實淨 會飽😂另外可以自選5件壽司 揀左三文魚, 鯛魚, 帶子葱吞拿魚蓉軍艦同埋辣味三文魚軍艦🍣壽司又唔會好細件 都算新鮮 幾好食另外仲有個細烏冬 正常 唔係煙個d成個set真係好豐富 間唔中想食日本野就可以食佢😎

返完崇拜🤩團契食飯去大盛，新裝修得番一半位，所以要早去先有位，但為咗坐卡位都唔可以同大家坐一齊，我地一家人🧑‍🧑‍🧒‍🧒坐開。冇小朋友餐具。QR code落單，叫咗牛壽喜燒配飯（$69），好大兜，有埋生蛋，好滿足😌，餐飲點凍飲🥤都唔洗加錢，叫咗凍啡少冰多奶，唔錯👍🏻小朋友食烏冬同拉面

嚟咗觀塘咁耐，第一次發現呢間餐廳，仲要係朋友親自帶過嚟。佢推介一定要食呢個自選壽司套餐，壽司款式多，可以任揀五件壽司，收件卷物，仲有一個手打湯烏冬、茶碗蒸、一碗麵豉湯。真係幾抵食，望落去都好吸引，好有食慾。

我本身係附近返工，同事介紹去食話堂食都有折咁試吓啦，首先我哋坐係最入面corner 位叫人都比較困難而且lunch 時間都比較忙咁我哋用qr code點野食，餐飲拎咗幾次嚟都唔啱，之後個同事叫咗套餐個蒸蛋要等黎咗主食，好啦，我哋差唔多食完個蒸蛋先黎，跟住收銀嗰個就帶埋張單俾我哋，咁我同佢講我地係某某員工麻煩比返個折扣，嗰個人態度極差又話要點餐之前要同我哋講又無告示，咁我咪話qr code落單仲要同你哋講？你地好忙舉晒手都冇人理，佢就話我哋係咁㗎啦，竟然咁麻煩點解仲要搞折扣？香港飲食業沒落多得你。

返完教會一大班弟兄姊妹搵食，原本諗住飲茶🫖或丼丼屋，最後小朋友👧🏻話想食大盛就去咗大盛。職員👩‍💼安排我哋坐一角，咁啱又另一班弟兄姊妹喺度，成20個人一齊坐，原來仲有另外兩個坐另一邊，好似變咗教會飯堂咁，不過BB車就要摺起放角落，唔係好方便。QR code落單，叫咗午餐🍱壽喜燒，可㨂豬🐷或牛🐮跟白飯🍚，我揀咗牛肉🐮加錢$6轉拉面🍜，跟餐普通凍熱飲🥤免費🆓，揀咗凍鴛鴦多奶走冰，好似抵d。上菜時牛壽喜燒一大兜，有隻生蛋🥚喺入面，面🍜就另上，自己倒落個壽喜鍋度，食落彈牙，牛就不過不失，凍鴛鴦都唔錯👍🏻。一班人吹水都唔算太嘈，憑單下次再幫襯有優惠，最多扣上一次張單既10%

教會信恩堂主日崇拜🤩後速食觀塘工廈大盛，但大門🚪唔係向街，要觀塘道入去工廈再轉彎⤴️先搵到大門，教會mark咗角落17個位，有BB櫈，QR code落單，牛肉壽喜燒拉面🍜（$75）、吉烈炸蝦🍤2隻（$14）、熱咖啡☕️、豬🐽軟骨拉麵🍜（$68）、榴連炸彈2隻（$18）、凍檸茶、淨豬骨湯烏冬（$44）。壽喜燒有生蛋喺中間，食之前攪拌咗，不過不失，加拉麵🍜唔錯👍🏻，炸蝦🍤都ok，熱🔥咖啡☕️偏苦。

實在難食到一個地步，魚生又唔新鮮，蝦又腥，串燒一係就成塊都係肥油，一係就柴到好似食緊牛筋，所有野都好求其，除左飲品唔知仲有咩可以食，坐多一秒都覺得嬲😡完全冇以前既質素，成間鋪頭得4張檯生意。生意差係有原因既

一家人訂左間房食飯，入內發現房間冷氣開得好凍，加上冷氣安裝得比較低，風流一直大風吹住四邊既家人；詢問職員可否調高個溫度及降低風量，但職員語帶恐嚇表示為中央冷氣，set 溫度及風量會連同大廳都會影響到…但明明是一部獨立安裝既（四面出風）三菱牌吊頂天花冷氣機(證明此房不是中央冷氣）；根本一個冷氣機搖控就處理到……整個晚餐，就算食物質素係好好，但坐四邊既家人都直吹住個頭嚟食飯，好唔舒服，好頭痛！翌日有3位家人同告病倒！食餐飯換來3個病假，幾L無奈！