大盛日本料理

营业中

休息中

禁錯制Post唔到都要打多次星期五同一大班朋友嚟食 叫咗刺身拼盤 生蠔 壽司 卷物 炸物 燒物刺身 又厚 勁靚丫生蠔 勁大隻 又平 正 都係好靚係等咗耐 同有啲沙壽司 三文魚又長 曼魚 又熱又厚 正 係壽司飯味差小小卷物 三文魚腩卷 無得頂 炸物 真係正 又熱又脆 特別個天婦羅蝦燒物 個牛舌 同雞軟骨好乾但整體ok 又抵食 服務態度勁好 星期日帶女朋友再去 我頂丫 以為去錯地方叫返同一個刺身拼盤 竟然肉酸到相都唔想影生蠔 暖嘅 個卷 未夾已經散開 我最期待個天婦羅蝦仲要又淋又凍真係唔會再去 質素咁參差

一直喜歡大盛的鍋物定食，價錢相當實惠，今天朋友試了壽司定食，就中伏了。**泡菜鍋牛肉定食($69)濃郁香辣的泡菜湯，配上蔬菜和牛肉，份量非常多，配搭白飯非常惹味。另外可以加$6 轉烏冬或拉麵，同樣好吃。**壽司定食($72)定食包括壽司任選五件、是日卷物三件、茶碗蒸、手打湯烏冬及麵豉湯。整體味道真是一般，麵豉湯亦很淡。雖然壽司的質量和味道一般，但以這個價錢也確實不能要求太多。但我以後應該只會吃它的鍋物

由以前愛店久不久就黎食，今日再食差到冇一樣野滿意。今次入場見到改左餐牌，價錢冇之前咁抵食見到有個套餐咁就揀左。上餐次序係 茶碗蒸 （刺身+金龍卷）鍋 壽司 炒飯1.茶碗蒸比較正常材料都夠2.刺身同金龍卷 我一叫就上到枱都心知不妙應該係整好左所以即上，刺身已經開始暖，個蝦卷就好硬唔好食3.然後個鍋佢係味噌雞鍋，個湯落味噌唔夠好淡，然後入面比左隻雞髀但如圖中已煮老哂好鞋.4.壽司壽司冇大問題，係三文魚，以前係好長一條 唔知係餐原因所以縮左定點5.最後個炒飯味道正常但鰻魚少腥飲品方面；叫左個白桃乳酸，好淡冇味環境方面 ；應該新裝修都幾好坐，音樂差 轉哂做流行歌曲唔岩日式餐廳服務：差 個炒飯我食哂個幾樣野都未比我，最後漏單但道歉都冇分數30/100基本上我唔會再下次 希望餐廳睇到會改

又到左我最愛的附近日本餐廳叫了壽司餐加左價變$72算啦而家百物騰貴係咁架啦星期六都勁多人之前唔係愈黎愈旺遲下使唔使排隊先食到。。。但呢個價呢個質素又方便我是愛店無誤

壽喜燒豚肉鍋😢因為我屋企人係唔食牛肉，點知叫豚肉比左個牛肉，打算叫waiter換左佢但無人理😣結果變左湯撈飯😖午市自選壽司餐😡野食黎到果陣望落好似幾好咁🤨，第一啖就食左佢個茶碗蒸，勁酸🤢絕對唔係冬菇酸味或者落太多味林既酸味🤮即刻吐返哂出黎😪之後食個壽司 不過不失 正常既最後食個烏冬，超級難食，好似車仔麵用清水煮完但又未淋哂既口感😧另外我地加左兩個小食，一個係炸蝦🍤一個係八爪魚🐙。點知又比錯野食，炸蝦變左炸蠔，麻煩左waiter 佢叫佢換過，點知態度極差!!!好似欠左佢咁🫠返到屋企就不停痾😥總括嚟講 唔會再幫襯！

2023年2月19日星期日夜晚9點到觀塘大盛，本來想行多兩條街去前面再遠少少既日式餐廳，誤打誤撞入左大盛，成間寫字樓飯堂甘已經吾多舒服叫左二人前，加個蟹粥二人前包括1. 沙律2. 刺身八片3. 卷物4. 雞肉鍋5. 茶碗蒸加既蟹粥總體食物質素只係擺得落口，吾可以有評分，因為佢做吾到餐廳應有既評分既下限，真係無咩好講，兩個字「茶記」，魚生吾新鮮蟹粥，都吾知係咩嚟，完全無心機煮，有無攪錯蟹粥你擺啲蟹柳魚子係面做咩鬼野？番到屋企戈晚我個肚完全消化吾到，一直脹到天光，天光就嘔，之後一直柯到我的起心肝寫食評，依加係2023年2月21早上十一點我已經柯第三次，岩先係屎坑滾番上左牀，如果再行入去我就天誅地滅

難得今日早放工 ，出去搵fd食晚飯 ，本來都唔想出到觀塘咁遠 不過又想順便參觀下個fd既studio 就出左去觀塘 本來想試下另一間台灣嘢食 但怕個份量太少 食唔飽 就試下個fd 推介既日本嘢啦 ， 入到去，哇 ，原來好多位窩 完全唔使等位 仲有得揀位 哈哈。就揀個靚卡位坐低就開始order， 叫左一個set既海鮮湯烏冬 吉列炸蠔 三文魚壽司 油咁魚壽司 秋葵炒野菜 埋單278連加一 評價：味道不過不失 份量足 價錢合理 我比3星半啦（5星滿分）

因為喺觀塘返工，再加上冇咩人等位，就去咗呢一間度試吓，個位置都算有少少偏僻，一開始搵咗一陣路。同同事一齊order咗一個最抵嘅餐壽司套餐🍣🍱美味指數：👅👅👅套餐包括有八件壽司（自選五件壽司+指定三件壽司）、一碗麵豉湯、細烏冬、茶碗蒸一個餐有晒咁多嘢食，真係滿足晒咩都想試吓嘅人🤭 而且五件自選壽司有好多選擇，每件都唔同都得，可以咩都試吓我個人最鍾意就係茶碗蒸，以我一個女仔來講，份量係啱啱好夠食。整體味道中等，但係性價比極高‼️ 價錢唔貴，$80都唔使，如果喺出邊食呢一個餐，一定要超過$100以上嫁！呢間CP值好高

招牌一人前$158有蟹籽沙律刺身壽司拼盤唐揚雞粒主菜可揀食飯定拉麵野飲就跟汽水一罐一個人食係好豐富好有儀式感重點係個餐已齊前菜主菜小食唔使自己頭痕諗點配搭懶人又想認真啲食對自己好啲可試

之前係觀塘返工嘅時候都間唔中會幫襯呢間，覺得質素中規中矩，算係抵食之選。不過今次再嚟就覺得退步咗😮‍💨🍽二人前 套餐($388)呢個套餐份量嚟講真係幾抵食。但整體食物質素真係麻麻，好幾款熱食上枱時溫度都唔夠～刺身拼盤(各二切)刺身幾厚切，比較有驚喜係佢有兩片深海池魚，鮮甜魚味都好濃。茶碗蒸味道其實唔錯，有濃郁嘅木魚味，亦蒸得幾滑溜～ 可惜佢上枱時已完全唔熱😣野菜甜薯沙律沙律菜底加甜薯、青瓜、蛋、蟹籽等配料，正常野～壽司拼盤(8件)魚生片比較薄，但勝在白身魚、貝類、火炙各樣壽司都齊晒。二人分食都啱啱好👍🏻 壽司飯我覺得幾好食，但就大舊咗啲。金龍卷(4件)呢個金龍卷食落幾滿足，天婦羅蝦用赤蝦做，所以好大條😆 味噌雞肉鍋呢個鍋就少許令人失望，味噌湯底食落冇乜特別。雞肉部分佢用咗雞髀，但肉質唔滑食落都少少乾😣日式炒烏冬主食二選一，另一款係鰻魚炒飯。認真我係期望佢係日式醬油味道嘅，但最後呢碟係茶餐廳Style嘅黑椒肥牛炒烏冬😑跟餐甜品係兩球雲呢拿雪糕，冇特別。🍽燒雞腎2串($28) 燒牛舌芯2串($48)雞腎本身較細粒，再開半做串燒真係好細粒，所以上枱都好快就凍。燒牛舌比較好味，調味用黑椒鹽食落

平時行過見依間工廈入面既日本餐廳好多人食 所以我地搵左一日lunch過黎試下先 佢餐牌都超多選擇 我地都諗左好耐食咩好 最後同同事一日叫一個set 再share 😚首先就係壽司定食 ($68)🍣 壽司自選5件我地分別叫左吞拿壽司魚 鰻魚壽司 帶子壽司 我覺得係正常發揮 cp值黎講就好ok 🍣 是日卷物3件都幾多料 有d驚喜✌🏻🍳 茶碗蒸蛋都幾滑 🥰🍜 手打湯烏冬細細碗 味道正常👌🍲 麵豉湯冇咩特別🤣另一樣就係黑松露滑蛋雞扒飯 ($69) ✨超級surprise 因為冇諗過咁好食 黑松露味好濃 超多拉絲芝士 雞扒份量亦好多 全部mix埋撈飯真係好正 完全抵食 推介 👍🏻

🍱超抵食午市日式定食 $68 免加一🍣 壽司自選5件有海膽蝦食，不過唔係好食到海膽架，都係有啲海膽味嘅蝦～希靈魚好爽😄芥末八爪魚🐙🍣 是日卷物3件有青瓜、燒肉，都幾飽肚🍳 茶碗蒸一般質素，不過呢個價錢算係咁🍜 手打湯烏冬細細碗，份量剛剛好🍲 麵豉湯熱騰騰仲包埋凍熱飲品🍹🍹叫了杯凍檸茶呢間餐廳顧名思義大盛～ 野食大大份食足十年了，方便（觀塘站巴士站隔離）大份夾抵食👍🏻 多位，座位寬敞食物選擇多～😋😋

光顧了十多年，仍然有質素有睇頭，價格也是非常親民但，希望大家要明白，現在社會做生意是困難的。着數時段要留意所點的不同食品就有不同價錢，如果要得到某一種優惠，就可能損失另一種優惠了。舖頭是有會員制度的，點餐通知店員，請教如何使用最好的優惠吧。揾啲外表似資深職員問吓吧歷久常新的壽司，就係差不多有十吋長的三文魚和鰻魚壽司吧。用來影吓相都幾開心呀！我要分開三次，才可以慢慢享受它。溫馨提示：觀塘店座位寬敞，坐得舒服啲。

今日天氣又凍又落雨，搞到完全唔想起身返工，捱過左返工既路程仲要捱過lunch time去餐廳既路程🤦🏻‍♀️真係邊行邊震，係呢個甘寒冷既天氣緊係要食返啲熱野暖下身啦，立即諗起去大盛到食鍋物，呢個餐廳每個星期都會食一次，原因係佢食物質素唔錯價錢合理同憑單一星期內再去食係有九折優惠😂.壽喜燒定食 $64壽喜燒湯底偏甜夠味，入面有大量白菜娃娃菜，少少豆腐金菇同一舊芋絲，牛肉份量適中不過就有少少煮得太老，無乜牛肉味，湯底配飯食都唔錯.叉燒拉麵 $63拉麵有溏心蛋，粟米同木耳，味道中規中矩，麵質尚算彈牙，不過叉燒偏咸同偏腍。

天氣涼左，lunch 想食返D熱野。Openrice 外賣見到大盛啲鍋物有折，咁就叫黎暖下。本來叫左個泡菜牛肉鍋，但返到去見到變咗豚肉，可以太多外賣，忙中有錯，我都啱食，咁就費事去換，照食。50幾蚊一大鍋，又有金菇，芋絲，泡菜，同埋都幾多肉，算好抵食，味道都唔錯。