大統領

营业中

休息中

坐落於聯和墟嘅呢間日式小店不乏街坊大眾嘅支持，我都拉埋同區朋友嚟捧過幾次場，今次更加邀請埋跨區朋友嚟添！但唔知係咪生意開始好，又有媒體報道嘅關係下，繁忙時段坐位比較緊張，職員想收走未食完嘅碟，頭一次都可以理解「真係以為客人已經食完」，但估唔到之後仲明言因為出面有人等緊，暗示要我哋走…😨聽到呢句真係好愕然，我以為自己食緊快餐店？望望時間，由座低點餐到啱啱食完都未夠一個鐘…😱三個字：好失望😭。講返食物本身，刺身丼依舊出色，好新鮮而且賣相非常吸引。但熟食方面比較遜色，清酒煮青口食落唔爽口，仲有啲鞋口，味道過甜。可能因為上菜速度太快，當我同友人啱啱先開始食刺身丼，煎餃同青口都前後十分鐘內到，煎餃放多一陣都唔會話走晒味，但青口侵住湯放耐咗就…你明啦。雖然食物同環境唔錯，但就有一種趕客嘅感覺真係好討厭😡。離開嘅時候店員再一次講唔好意思，但又唔知點解要補多句「因為有人出面等緊位」，本身熄咗火又撻返着🤯！呢個係咩理由？如果想翻枱率高啲，點解唔限時？朋友山長水遠特登入嚟食，個心過意唔去囉😵。睇住佢變質，心痛多啲🤧。

我去既時候係晏就都幾多工作既人同學生食我叫咗個刺身定食同海鮮丼佢個定食係包咗湯沙津同水果個刺身定食我意想不到既佢刺身件件都厚切加大件同埋算新鮮，仲包咗個飯/烏冬所以係正既火灸海鮮丼就一般但有帶子三文腩海鰻同我最愛既海膽價錢上晏就唔收加一都算唔太貴既最後我仲加咗日本豆腐雪糕都係好普通成餐我最滿意個刺身定食

#在粉嶺很難找到日式餐廳不妨試試環境：也是小店來著 裝修像日本的感覺食物：我本來想叫鰻魚飯 但鰻魚賣完了想了很久 叫了和牛定食（$9x)用鐵板上菜 可以一直都保持溫溫的和牛很嫰滑 味道也不錯👍🏻（可能在這區沒有其他選擇了）定食包括湯 刺身 水果 一個人吃都很夠*另外一提那裡的海膽也很新鮮不喜歡吃的我覺得沒有腥臭味 驚喜的吃到鮮味環境🏡：7.5/10食物質素🍽：7.5/10價錢💸：6/10推薦指數✨：7.5/10 希望粉嶺多點有水準的日式餐廳🙏🏻🙏🏻🙏🏻

聽同事講話公司附近開左間新的日本餐廳，今日lunch 就來試下，雖然舖面唔係好大，但裝修都舒適。我就叫左個燒汁牛脷便當，套餐有埋麵鼔湯、前菜同水果，份量好足。個飯的燒汁好味唔會太咸，牛脷煎得唔會太幹。菜式的選擇種類都多，下次會再來。

一行三人前往晚膳，叫了壽司10件，天婦羅，和牛套餐，燒生蠔，燒牛脷，燒雞軟骨以及一個蔥吞拿魚壽司。壽司普通，某些魚有根，希靈魚質感似塑膠！不知道是不是切得不夠好；天婦羅的炸粉太厚了；和牛套餐的日本米太乾身及硬；燒生蠔不夠新鮮，我們三隻還食剩一隻不敢吃！其他不過不失。希望店主改進一下，因為聯和墟太多食肆，$200一個人頭選擇還是很多的。

幫襯過食過三次，店內裝修都好靚，好日式，鋪面就細左d，不過員工服務態度都好好，好有笑容，會自動自覺添水，只係晚市可能太忙成日都吾記得比餐具同添水刺身好新鮮，海膽好好食價錢方面，預左食日本菜起碼一個餐$100-200左右，所以價錢都可以接受吾算貴，另外，近排新推岀嘅生蠔好大隻，但味道就一般，店主話生蠔吾係成日有貨，就算有貨都吾多，所以都好睇有無緣食啊我住附近，鐘意食日本菜，如果日後水準繼續咁好就一定會再來食

前幾日朋友話上網見到有介紹呢間位於聯和墟新開既日式小店，於是我地就訂左枱黎試下系咪真系甘好食當日六點左右我地已經到左，入面都幾多人。坐底就睇餐牌叫野食選擇正常，吾算話特別好多。由於我地三個人，所以都正常地叫左三個餐。我地叫左兩個No.8，話系季節限定賣相不錯，但你話系咪好吸引同非常新鮮又未到呢個水平。一碗$198，系聯和墟黎講都算高價格另外就叫左呢個set餐，正正常常總括而言，我覺得水準正常未去到勁好，聯和墟黎講真系算貴。我可以用呢個價錢出去食更好既埋單差不多＄600不過對於鍾意食日本嘢又住附近嘅人不妨可以一試，如果住得好遠嘅我就唔建議山長水遠入嚟食啦

聯和墟新開了這家日式小店還未來試，今次約了朋友共四人來這晚飯就選了這間。8點來到因為星期天所以要等位，店內位置不多，但大約等候了15-20分鐘有位。店內空間不大，但坐下都舒適。我們點了兩碗叉燒拉麵、手握壽司十貫、炸雞軟骨、牛舌串燒、牛仔骨、餃子小食。兩碗拉麵很失望因為不熱，只可以說是暖的，叉燒及麵質不過不失。下次不會再叫麵食。壽司真心不錯，用料新鮮，賣相都相當吸引。小食的雞軟骨及牛舌都不錯。但牛仔骨在點餐紙上寫了有四件（剛好我們四人每人一件）送來的只有三件，跟店員說了才補回，有點兒那個⋯⋯會支持小店，下次再來試定食。

即興同友人行到聯和墟覓食，發現呢間門面幾得意嘅日式小店。裏面有高枱（似bar枱咁高），亦有普通枱。為咗想望住廚師做嘢嘅情況，我地決定坐高枱，仲有個好處就係有勾勾可以掛袋。朋友叫咗個三色丼，我就要個鰻魚飯，仲嗌咗一份炸雞軟骨。咁冇理由唔嗌下酒飲？見menu冇就問下，原來真係冇酒賣😮但佢地話可以去便利店買過嚟飲😳友人二話不說就去買asahi番嚟 服務人員仲幫我地雪凍佢陣間後上添🤗而d嘢都好快上枱，三色丼賣相好吸引😳大大件刺身而且都好鮮甜；而我個鰻魚飯都唔輸蝕 好大件啊😍 d汁就另上 自己中意落幾多就幾多。炸雞軟骨，冇得輸！我地叫店員拎番啤酒，店員即問要唔要杯上 好窩心...有幸仲見到廚師放喺櫃面上大魚（用冰敷住）拎去切！應該有人點omasake😳 店內柔和黃燈、貼滿懷舊風poster，店員親切嘅態度..總括而言，感覺就好似去咗日本咁呀！嗯，又一餐。

再次到訪小店，由於是平日，只有兩張桌有客人，直入坐下……浦燒鳗魚丼($98)，有前菜<中華沙律>、麵豉湯和水果<西瓜>。鳗魚丼份量適中，質素和味道一般，但總算飽肚。北海道丼($148)，同樣配上前菜、湯和水果。魚生有帶子、北海道蟹肉、三文魚、海膽和三文魚籽配飯。魚生好新鲜，份量充足，三文魚籽鮮味濃郁，厚切三文魚，口感豐富。另外再叫了上次吃過的和牛定食，質素仍然保持，見後來幾個客人也叫了，覺得是比較受歡迎的選擇。個人認為小店食品選擇不多，晚餐價格亦偏貴，食物質素只屬一般，但在日食選擇少的聯和墟，所以仍有捧場客。

今晚，同朋友去粉嶺參加分享會，去前我地有個小飯聚，朋友係粉嶺地頭，所以就帶我地去試間新開無耐ge日本料理一到埗，門面睇落好有日本特色，跟住入到去見到各樣餐具、裝修，甚至餐牌都覺得唔錯，吸引到我，加上朋友都話食過覺得幾新鮮之後，我地就叫左幾樣食物，其實有好多樣野都好想試架有沙律漢堡、鍋物、小食，各樣都做得好平均，最特別可能係個壽司，餐牌寫到師父自選壽司，同埋第一次聽到十六貫依個詞彙，好新潮！整體都覺得唔錯，坐得都好舒服！

佢開左咁耐終於有機會試佢。今日同先生試左佢既十六貫，鰻魚丼，甜蝦刺身同油甘魚刺身。首先，佢地既鰻魚丼，先生話一般，冇驚喜而個汁又唔平時既鰻魚汁。先生話有啲照燒雞汁味😂第二，佢既刺身好普通，啲蝦有啲細隻。最後，佢既十六貫好普通，我覺得個蟹子壽司啲蟹子有啲奇怪既味道，不過我照吞無誤，嗰個好似芥辣八爪魚壽司既壽司，完全唔夠辣，好一般。之後埋單總共食左$450左右連加一，我覺得整體質素好麻麻，如果佢定價低返少少會好啲😝

聯和墟新開日食餐廳《大统領》，店子小小，裝修懷舊，晚餐有七款“丼”餐($98-198），兩款師傅發板壽司餐，四款料理定食，多款小食……今次我們要了板煎和牛定食($98)，定食有和牛、2片三文鱼刺身、麵豉湯、水果和沙律。和牛肉軟入味，味道可口，但整體分量略為細小，不夠豐富。三文魚濃湯豚肉鍋，分量大材料豐富，但整個鍋味道較淡，我們要自行加鹽調味才吃。豬軟骨拉麵味道一般，只為合格出品。小食方面，選了煎餃子(5隻)和芝士年糕，兩款都不錯，尤其芝士年糕熱辣辣，軟糯糯，好吃！！！總括而言，大统領在比較缺少日本餐廳的聯和墟是可以一試的。

成日夜晚出去食都食到悶見到聯和墟開左間新既日本野 即刻去試試先！門面是咁的裝修非常日式 都幾靚舖頭唔算大 不過都坐得幾舒服仲有一排高枱高凳餐具都好日式好cute haha諗左陣就嗌左板煎和牛粒定食 ($98)個和牛上枱個陣仲有炸炸聲好夠熱d牛唔會太老喎 都煮得幾林 不過好似無咩牛味咁🐮🐮個飯煮得硬左少少同唔太夠熱師父發板-手握壽司十貫 ($128)d壽司唔夠凍 不過手握方法好正宗飯同魚生比例岩岩好唔會好似出面一大舊飯黎擠飽你個胃三款入面我最鍾意呢份刺壽御膳 ($128)：壽司5貫+刺身2點+胡麻烏冬好豐富 係性價比最高既一份壽司都係一樣問題 食落暖暖地怪怪地如果凍d會更好！刺身抵讚係非常厚切三文魚好厚肉好肥美帶子新鮮 切咁厚一啖食落口真係好幸福胡麻烏冬都好好味 唔係平時圓碌碌個種烏冬 食落帶口感 同個芝麻醬撈埋好正新開feel到老板都好熱情招呼係北區黎講 價格都定得幾高 講真未覺得好值呢個價錢但feel到係有心做既 好過一般既多少少係呢頭想食日本菜都可以一戰Lunch同dinner menu唔同 大家可以參考下btw逢星期三休息 唔好摸門釘

今晚同35知己黎食晚飯，坐咗係高枱，可能個手袋比較大，坐上高櫈只剩番2/5，美女們唔好帶大手袋啦！見倒裝修，好時尚既日本風！餐具又別緻又靚，入貨果個好有taste!餐牌選擇多，又會有海藻同西瓜做配菜，一個set都係大概$80，超值！我地重叫咗好多side dish: 炸雞粒，炸芝士，海膽凍豆腐等，都唔錯。我地多人，所以試既款式都多，有魚生飯，饅魚飯，燒羊架餐，壽司餐等，大家都全清，好滿足。最開心係店鋪既員工都好有禮貌，又笑容滿面，值得再去！