大肚Dum

营业中

休息中

本身約朋友去食屏山入面既小町拉麵店，點知去到大排長龍，又肚餓，就唔等啦試下隔黎呢間小店餐廳。店面好細，店得3張枱，門口有1張，食物種類唔多但都多元化，有意粉有咖哩有台式肉燥。我地分別叫左個卡邦尼蛋黃汁意粉同松露忌廉雜菌意粉，再加個小食拼盤，落單時侍應都有提下意粉要等一等，應該係即煮，品質應該唔太差，飲品另叫，12蚊1杯。先黎個小食拼盤，有波波腸4粒，炸餃子炸春卷仔各3件同好多薯條，全部新鮮炸起，香脆可口。意粉到啦，其實都唔係等左好耐，15分鐘唔夠，意粉煮得較硬身，唔係一般茶餐廳果種，似cafe果種，松露味偏淡，唔係好食得出，汁底做得幾好，50蚊黎講算係ok，另外果份卡邦尼都差唔多。整體食物質素算是唔錯，價錢都好合理，係位置比較偏僻，同埋有時會聞到1陣陣臭臭地味，唔知係咪因為對面係公廁關係，相對環境上會差少少。

8號風球冇外賣送，唯有外賣自取， 勝在有七折。有落單到自取大約15分鐘就可以攞得，包裝都非常整齊同輕便。一共叫咗三個主食， 第一個係咖喱吉列豬扒飯，我自己幾喜歡這個咖喱，因為不辣， 我覺得有少少似日式咖喱，入邊仲有薯仔，咖喱同吉列豬扒係分開上的。吉列豬扒外皮都保持得香脆。第二個就是台式肉操煎雞扒飯，肉操是另外一個小盒上，味道很好，而且份量都很多，拌飯很適合。雞扒雖然看上來顏色不太美觀，但係醃料很入味，外皮雖然是煎過，但口感不脆。 肉操和雞扒拌飯，配合得不錯。第三個是肉醬意粉，芝士粉和蕃茄醬的味道比較重，醬汁都足夠蓋過所有意粉， 清香而不肥膩， 不過不失，算是不錯。另外我們還叫了一個小食就是雞翼三隻，雞翼味道香濃而且Juicy,香草味和醃製的醬料很配合還有香濃的芝麻味。不過在碗底看見很多油，建議餐廳應該隔一隔油才入盒，不過味道是很不錯。