影片
开饭介绍
室內裝飾保留舊式西餐廳的風格，別具情調，菜式以扒類為主。
继续阅读
营业时间
星期一至日: 11:30 - 00:40
以上资料只供参考，请与餐厅确认详情
招牌菜
星期六晚上八點左右, 我們一家四口, 入到這間食扒餐. 其中一個因食了下午茶,還未餓, 所以我們叫咗三份餐. 點知個阿叔落單時, 話你們四人叫得三份, 另一個要收返$20. 或者叫野食, 現在出面餐廳幾時變成咁架. 我們叫咗三個餐, 每份都一百蚊架, 又唔平, 最慘係唔好食. 以為好過隔離花園餐廳, 點知盡衰過大家樂的鐵板餐.我們點了個羊架, 他冇問我們幾成熟, 算啦,茶餐廳都冇問. 但整到過火.跟住個海鮮餐, 樣樣都加咗粉走油, 分唔出每樣係咩.最後個牛扒餐, 諗住好D啦, 點知又係食唔到, 過晒火.另外一個無奈叫咗西多士, 薄到呢.間野要收加一, 但一D服務都冇, 水都要叫他拎先俾.事後諗諗下, 其實他冇係MENU寫清楚, 他違反咗商品說明條例. 冇下次
继续阅读
考完試後肚子空空的 也沒氣力去shopping還是先去吃一頓飽飽的晚餐再出發吧第尾牛扒和花園餐廳都是港式扒房友人對第尾牛扒情有獨鐘 就決定去第尾由於時間尚早 不用等位就獲安排入座這裡的服務算不錯 會主動提供椅子讓客人放東西點餐後 不消五分鐘食物就陸續送上餐包和花園餐廳的一模一樣 都是嘉頓麵包出品麵包熱騰騰的 不會太乾 作為前菜很不錯忌廉湯應該是有罐頭湯煮的 而且好像煮得不夠時候湯裡面還有一塊塊沒溶開的湯塊先送上了鐵皮肉眼牛扒 熱騰騰的不斷冒煙醬汁在鐵板上滾了很久 證明鐵板熱度十足牛扒很大塊 不過質素卻頗為參差牛肉的筋比較多 很難切開 咀嚼亦有難度這是因為set dinner較便宜的原故嗎還是說其實較貴的menu上的牛扒也是這種貨色其他薯菜之類的就是一般的水準最後牛扒雖然很大塊 能吃的部位卻不多煙三文魚沙律其實就是沙律上鋪上幾塊煙三文魚煙三文魚的味道稍為鹹了點 不適合愛清淡的人士另外港式餐廳都愛為沙律加上很多很多沙律醬本來是想吃清淡一點的 卻被這滿滿的沙律醬倒了胃口每一粒生果都被沙律醬包圍著 不如乾脆直接吃沙律醬本來想吃light dinner 最後卻汲取了過多的卡路里 真是罪過唯有shopping時多逛幾個商場幾條街消脂
继续阅读
港式扒房,都幾老字號下.成日都會去旺角間鐘都會走入去食.佢地出名係快,當然待應自事過高會搞到落錯單又成.有時呢d都係港式之一.好唔好... 見人見意啦!!!食物方面如果對比返茶餐廳佢地d扒當然好好多.同級港式扒房可叫頭十位入. (只代表子亮仔個人評論)今次叫肉眼扒,羅送湯.羅送湯: 其實只係合格同有味唔可叫好好.肉眼扒: 分量夠加上一點佢地係用雜菜架空左件扒,令件扒唔會係您未食完都over cook晒.肉眼扒都有牛味都夠'林' . 我多數叫5成or 3成不過都有d根...
继续阅读
行街行到10點，本來諗住凍凍地去打下邊爐，點知小肥羊成百幾蚊/位，所以就揀左平D既牛扒，一入到去，waiter 都好快咁安排位置俾我同男友，但叫完野食之後，等左半個鐘都仲未有得食，眼見D人都已經食完，自己都仲未有得食，問：我地叫左野食，但好耐都未黎...答：你地叫左D咩?當聽到佢咁講都心知不妙，但我地都係重覆咁話左俾佢聽，又等，等多15分鐘，先有得食...食物既味道同質素都好一般，根本就唔值得等咁耐….肉眼牛扒：勁多根，每食一口都有渣…好多醃肉粉味，唔好食牛柳餐：D肉質好D，無咩根，但都係唔好食當我地食完之後，就問佢有無甜品，佢就拎左2個雪糕過黎，但係個雪糕有D雪味，好淡味…結賬要170元，早知去食金鳳都好過佢。
继续阅读
琴日終於去左試下..叫左個5成熟牛扒同1個雞皇飯!2個都係一SET包餐湯,餐包,飲品同雪糕!聽落幾吸引...不過伙計態度真係好差!好似一班地盤佬咁,講野又快又惡!好似成班客得罪佢地咁!個餐紅湯好辣個餐包好硬!飲品又淡又多冰!個雞皇飯都OK好味..因為佢個飯係炒底,D飯好軟身,但好油!個鐵板5成熟牛扒真係好唔掂!個鐵板一D都唔傳熱,所以果塊扒好快就涷哂!涷左唔緊要,唔好話咬問題係涷到切都切唔開!點食?仲係諗緊食唔食之制,個伙計一粒聲都無出就掟左杯雪糕埋黎!仲無得簡味道!雪糕會溶嫁MA佢咁樣姐係趕我走姐!
继续阅读