大良八記 (已結業)

當晚諗住食完飯，買芝麻糊做外賣，點知入到呢間鋪，d staff 好似唔願郁咁，懶懶閒咁，等佐一陣先去做，唉，點知食落仲差過即食芝麻糊，極難食，服務又差，一定不會再幫襯!!

同2個朋友係旺角街市食完雞粥之後, 就搵甜品食喇本來想過黎義順食DAN奶, 點知已經關了門 (晚上約11時)所以, 我地食義順隔離呢間 - 大良八記.大良八記 在近這幾年 在全港九開了很多分店.可是, 它的招牌菜DAN奶的競爭太大了, 面對著 義順和澳牛 這兩個強大的對手, 大良八記實在站不著腳. 它的周邊甜品小吃也不夠特色. 味道也不太討好. 這從網上的食評已可見一斑.無計啦. 人總有時候要係無得選擇的情況下作出選擇. 芝麻胡 (cold) $12 芝麻胡夠杰身! 可惜味道偏甜. 芝麻味不夠香濃.所以感覺就像在吃黑色的糖槳.. 很嘔心吧? 海帶綠豆沙 $10 hot雖然餐牌上寫的是海帶綠豆沙, 但卻有不少大大條粗粗的香草.其實我試過食好多香草綠豆沙都會有香草係碗糖水入面,但係我未見過咁粗壯既香草出現係綠豆沙入面!佢粗壯到我咬都咬唔難 我建議佢要篩選比較幼身或者腍身既香草會比較易入口.除左嚇人的香草外, 味道和質感方面都不錯!雪中花 $18 cold雪中花這個甜品並非金滿堂獨有的.大良八記也有!各有各的特色.金滿堂的雪中花是涼粉,豆腐花,紅豆蓉和雪糕,再加上椰奶做base.而大良八

食完飯再食糖水, 哩度附近都冇咩揀. 又唔想食冰凍野. 所以都係黎左大良八記, 都係第二次黎哩個品牌既鋪頭.望住個餐牌唔知食咩. 見到佢有d 幾新穎既甜品. 但睇完d 料再睇價錢就覺得唔值.所以最後每人一碗熱芝麻糊算, 話晒都招牌, 試下冇壞.望落去都幾杰身. 應該ok食落就唔太滑. 食到有一點點既粉狀. 比我既印象就係"即沖芝麻糊".而且個人認為味道過甜.完全食唔出係磨出黎既芝麻糊黎.可能真係鋪怕出名豬怕肥. 好多鋪頭做起左個名就係時候要"呃鬼食豆腐"

琴晚食完飯心思思想食甜品...但榴槤又吾係當造都沒咩興趣但朋友聊我食燉蛋,,食完飯口痕痕就一於同佢望下本身想去太子個間甜品哥哥..但行過去又嫌遠眼見有間大良八記就入左去試喇!!-_-'坐低我就嗌左燉蛋個fd嗌左燉奶好快就黎到.但我嗌凍燉蛋佢就比左熱既我食完面頭個啖就好失望...同綠林三記價錢一樣但質素差甘遠既成碗只係得8成凝固...底個到仲有d水- -';蛋味吾重,得個面係凝固但一畢開左就係散同吾散之間甘既形態,口感似食布丁我之前都食過北角個間都沒甘差既至於朋友個燉奶都出事了!吾夠滑同吾係好重既奶味..但總好過我既燉蛋吧!

同老婆行過太子,見到風靡一時既大良八記,估唔到會係太子出現,見個胃仲有少少位,就入去填滿去囉,環境唔太差,算幾闊落,坐滿人都唔覺得迫,現在既大良八記多左好多新派甜品,冇左以前既守舊感覺,兩個人點左杏仁奶凍,香蕉船,西瓜汁,我老婆話奶凍冇奶味,可能係杏仁味重,個隻香蕉船.....條蕉生生地...又冇朱古力雪糕(佢話賣哂),係杯西瓜汁係好飲,我諗大良八記都係中式糖水會比較可靠!

10年1月9日（星期六）傍晚，是日我倆也放假，晚上女友要去學琴，我陪她去。我見有時間，就和女友坐巴士過海，豈料星期六下午也遇上大塞車，花了差不多個半小時才到達，令原以為還有空吃甜品的女友大失所望。我們甫下車，我立刻帶女友去最近的便利店，希望找個“即食”的心太軟給女友“止咳”，但事與願違，去到便利店又恰巧沒有心太軟，令女友空歡喜一場，還要她帶著失望的心情去上堂。待女友去上堂後，我就立刻去找糖水鋪，等到女友差不多落堂時，就去買完女友是日想吃的湯丸給她，以作補償。可能是時間尚早的關係，我在等候外賣時，見到負責甜品的阿姐收到單後，才開始煮熱薑湯，然後落湯丸煮，所以這碗外賣湯丸要等上差不多十分鐘才可以取，幸好女友還未下堂。當女友落堂後見到這碗外賣湯丸，立時笑面重現，然後我們也不顧一切的走到最近的商場，在商場內“立食”。薑湯尚算夠熱，不過湯丸還有點硬，可能煮的時間還不夠，芝麻餡味道夠濃。可能女友太想吃糖水了，就這樣五粒湯丸很快就被我們“解決”了。

出面d甜品鋪越開越多~但係間間都差唔多~而價錢都差唔多~大良八記價錢算中等~品質都不過不失啦~以為佢中式糖水出色d呀~反而雪花冰都ok喎~一行4人去食啦~叫左燉奶~芝麻糊~木瓜燉雪耳同藍莓雪花冰~燉奶好夠奶味~唔算太甜~木瓜燉雪耳我嫌淡左少少~可以甜番d就好喇~藍莓雪花冰我以為會好藥水味啦~但又唔係喎~出奇有藥水味之餘仲好好味喎~不過食完咁大碟一定會由個心到凍番出黎呀芝麻糊就真係麻麻喇~之前去灣仔食果間好好味~但旺角呢間真係...仲差過d即食用水+粉開出黎果d呀~too bad~

門口有個大牌, 見到10蚊一碗渣咋, 8蚊一碗綠豆沙, 入到去, 叫埋, 真係!等我問緊佢要一碗渣咋時, 老細問我要熱定凍, 我說凍, 佢話, 要凍?!好似好懷疑咁, 我就話要凍...佢就問多次: 真係凍?我唔知係唔係比佢凶到, 就改口話要熱喇, 佢又問過: 要熱? 真係要熱?哈哈哈~ 原來佢係怕我著咁多衫都要食凍, 怕我冷親! 哈哈哈~ 真細心朋友再叫了一碗涼粉芒果凍, 22蚊, 都幾大碗咖...而渣咋綠豆沙味道都好好味, 清晒!!!

大良八記的的糖水一向出名,除了一般糖水外,老闆也很細心為食客設計不同的食物,雖然未曾一一試過,也忘記食物名稱,但觀乎店舖內的相片已夠吸引.我試了新出的迷你芭菲雪糕,除左個樣靚外,裏面雪糕都好好味,size不太大也不太細,啱晒我呢一種想食凍品,又怕食左會肥0既人啦!店舖有圓檯同卡位,適合少人及大夥兒去幫襯,一路食甜品.一路傾下計,不錯吧!每星期,店舖門外還有特價甜品推介,值得一試再試!

又點阿爸去買糖水，今次唔洗特登搭車去，行去就得喇。今次食傳統糖水，買了糖不甩、麥米粥、綠豆沙、杏仁糊。全部屬中下質素。綠豆沙甜到無人有。唔通真係叫糖水就要勁落糖咩！甜到好似d糖唔洗錢咁。除咗甜就咩味都無，沒有綠豆和臭草的香味。麥米粥又係甜到漏。仲要稀liu liu, 完全唔綿。麥米也未煲得夠火候，都無爆花，仲好硬。杏仁糊一貫特色啦！甜甜甜！唔夠"糊"，又係好稀。杏仁淡如無，完全唔知食緊咩。糖不甩算最出色了！唔會好係糖水咁甜。稔中帶煙韌，一口一粒，size 剛好。面頭的花生碎亦充足，每粒糖不甩都能沾上。

各分店糊類價錢如下：旺角西洋菜南街~$12上海街~$13旺角通菜街、尖沙咀堪富利士道~$14各分店麻蓉湯圓價錢如下，加湯圓每次最少2粒，我見到是白色袋的，不知是什麼品牌，湯圓屬厚皮，但都幾滑架，內餡有黑、黃粒，估計內餡是芝麻花生吧旺角西洋菜南街~每粒$2.5：雖算是最新之分店，但d湯圓真的不行，煲到淋到扁咁濟，完全無晒咬口，仲要唔知點解無咩味旺角上海街、通菜街~每粒$3：上海街的湯圓最掂，夠完整有嚼勁，此店雖舊，但經已經番新，雖加左價，但仍是最保持水準之店

~^~^~今日補完習過左黎大良8記。因為好耐無黎啦~~所以黎一黎。。裝修得幾好喎。。坐得好舒服。。但無咩人~~~發覺佢有左d甜品喎。。。有牙擦酥同卡啦酥~~個名係咪好得意呢？？？我就叫左牙擦酥~~~講下佢係咩黎啦。。佢係有個酥皮啦。。入面咩黎？有d凍ge燉蛋上面有d生果。再淋上少少朱古力醬。。d酥皮脆卜卜又幾好味喎。。。牙擦酥= $18卡啦酥=15下次要試下卡啦酥先得。。。因為佢做緊特價。買任何糖水可以+$2=糖不甩2粒~~好快黎到。。即係話d糖不甩係整定架啦@@可能浸得耐得滯d糖不甩有種入口浸浸地ge感覺@@但都ok ge@@

星期五放學之後，同個fd出番太子食糖水。有海記又有八記，但海記無咩人，好似無咩保證，於是就揀咗八記。要了芒果水晶。第一次食"水晶"，落單時問一問阿姐，佢話係海藻粉開嘅健康食品。講到咁健康，就即管一試。落單後不久就送上。好冰凍啊！芒果接近茸嘅質地，淋pat pat，仲好超甜添！唔知係咪用糖水浸過。至於水晶呢，係全透明，質地好淋、唔彈、唔煙韌，好似用好多水開嘅jelly一樣。但其實幾係my cup of tea，因為我鍾意呢個質感，唔洗點咬。但加了好多糖水，好甜。整體黎計我覺得唔錯，食完仲可以傾吓偈，唔多人。