大良八記 (已結業)

又点阿爸去买糖水，今次唔洗特登搭车去，行去就得喇。今次食传统糖水，买了糖不甩、麦米粥、绿豆沙、杏仁糊。全部属中下质素。绿豆沙甜到无人有。唔通真系叫糖水就要劲落糖咩！甜到好似d糖唔洗钱咁。除咗甜就咩味都无，没有绿豆和臭草的香味。麦米粥又系甜到漏。仲要稀liu liu, 完全唔绵。麦米也未煲得够火候，都无爆花，仲好硬。杏仁糊一贯特色啦！甜甜甜！唔够"糊"，又系好稀。杏仁淡如无，完全唔知食紧咩。糖不甩算最出色了！唔会好系糖水咁甜。稔中带烟韧，一口一粒，size 刚好。面头的花生碎亦充足，每粒糖不甩都能沾上。