大蕃薯

营业中

休息中

我今日同友人專登去聯向墟去掃術搵美食。聯和墟確實係一個保留着香港特色嘅地方，美食多籮籮，又平又好食。大蕃薯係我其中一間推介比大家👍🏻呢間西餐廳裝修不錯，鋪面算大，佢既特色就係好多菜色，無論主菜定係甜品定係主菜飲品都加入左番薯！😃真係又有心思又有營養！今次去到去下午茶時間就叫咗兩件蛋糕黎試！先來左杯番薯奶茶奶茶唔單止有蕃薯味 仲飲到蕃薯絲 味道唔會太甜 夠香！薑汁甘薯批夠哂薑，加試甘薯既清甜，正！最後再試埋呢件咁多材料既蛋糕，面頭鋪左d胚芽同埋蘋果，蘋果嘅味道類似蘋果批入邊嘅蘋果，有肉桂粉既味道，配合芝士蛋糕又幾夾喎！中間夾住薯薯，整體口感不錯又唔會太「溜」! 餅底夠薄，我鍾意😂下次要試埋正餐先🤤

下午茶時間想食西多，所以就去大蕃薯試下個蕃薯西多喇。佢嘅西多係平時西多一倍厚，中間夾左一層甜甜地嘅蕃薯泥。食落都ok嘅，有蕃薯味，不過會溜過普通西多。另外仲試左蕃薯奶茶，冇乜蕃薯味，下次唔會再加錢飲lu.

週末放假更要約下Friend去食下午茶，約了整年無見的聯和墟之友聚下，她要想食西多士，我就想起大蕃薯西多士，因為我曾經行過大蕃薯門前見到餐牌有西多士中間夾蕃薯，所以我就決帶她試一下。我地點以下午茶餐1. 蕃薯西多士蕃薯奶茶（另+$15）-我覺得加$15 有d貴2.澳門牛肉湯通粉-湯底濃郁3.鹹豬手鮮茄湯麵-配天麵幾有特色，茄湯底都足夠味道總括來說食了3款食物都有好水準員工服務都好友善，他們話原來週末先有早餐食，下次再會去試下個早餐先。

今天的我，真是傻咗，同兩個朋友在聯和墟盪了一整天，連一日三餐都在這裏解決。雖然之前個下午茶不甚理想，我們三人決定在五點半前，去吃多次下午茶，決定到大蕃薯一試。我們在店鋪前擾擾攘攘，事頭婆走出來招呼我們，她態度親切友善，招待我們入座。估佢唔到，我初以為內裏會是簡單的裝修，但一入去，覺得頗有情調，播著懷舊的英文歌，枱桌和椅子是以木為主。內裏座位不多，大概二十個。望上牆壁，都是以用手寫的粉筆字餐牌，好有感覺。我當然叫了其主打的蕃薯奶茶和蕃薯西多士!😋 嘩!杯蕃薯奶茶有茶味，亦有蕃薯味，經事頭婆講述，蕃薯是加落奶茶一齊打，所以蕃薯和奶茶能互相融合，無得彈!👍而個蕃薯西多士，麵包是店鋪親自製造，西多士中間夾雜著厚厚的蕃薯蓉，加上牛油和糖漿，yummy! 無懈可擊! 喜愛蕃薯的一定鍾意。我朋友叫了豬手天使麵和牛肉通粉。兩樣都是以蕃茄為湯汁，味道香濃，毫不遜色。其實，這間店鋪星期六及日有早餐供應，而夜晚亦有西餐的晚市，安格斯牛排配青口，等式飯加甜品，都只是二百多元，幾抵食。下一次，我們必定會再來試試其晚餐。

本身想食隔離間群記但無開 見呢間大蕃薯有咁多人報道就入黎試下...點知超級伏😬...食左個羅勒汁白酒沙蜆天使麵..成餅野..又碎濕濕...唯一好係多蜆...隨餐附送既甜品完全唔知係咩黎..我本身個人食咩都唔鍾意點醬..但佢又成pat係個甜品上面..一啲都唔美觀唔吸引..我冇食..朋友話肉桂粉味太濃..好難食(呢位朋友平時乜都食)😧另外有人叫左午餐9號極品牛肉湯麵..一樣好極品..麵底竟然係天使麵?!呢位平時唔會浪費食物既朋友一樣食唔晒碗麵..anyway, service是ok的，但我係黎食野唔係黎享受個service的....

黎到大蕃薯當然想試食蕃薯產品，不過主食類配蕃薯只有焗飯，不過焗飯，飯底太乾身，感覺汁飯分離，有點失望。 反而佢既蜆肉手打天使麵好有驚喜，超級creamy 同好味，忍唔住想一個人食晒。 不過蜆肉有點不夠新鮮無咩味道，但個麵真係好入味，超好食。 不得不提佢個湯都係一讚，稠身又好味 ，好濃，入口滑，讓人一試難忘。 麵包就差左小小 唔夠熱也不夠脆。黎大蕃薯想試多點蕃薯產品，不過變化同配搭太小令人有點失望 。 期望間店可以做好原有產品亦多想新菜式。

等了半年，終於食到大蕃薯啦！這間雖然是西餐，但價格合理，而且味道也不錯。煎雞排伴甘薯蘋果沙律這個雞排很軟很滑，好似用了蜜糖來烤。至於沙律有入口即溶的薯仔，脆脆的蘋果，同沙律醬很配合，不會太甜太流。蕃薯西多士這個不愧是每個人都推薦的食物，厚厚的兩塊多士，外脆內軟，薯蓉夾心，加上甜甜的蜜糖，真的十分十分好味！！(p.s 西多士本身已經夠甜，大家可以按自己喜好加蜜糖。)除了食物外，環境結構也很好，有西式餐廳的氣氛，但也不失平民化的氣氛。當然，這間還有好多蕃薯食品都很好味，大家也不妨試試。

蕃薯控餐廳-哩間餐廳一直係司令to eat list入面😗，但真心太遠所以一直都冇機會試到。今次難得去附近，點都要去會一會佢啦，成間餐廳既菜式都以蕃薯做主打，簡簡單單試左幾款甜食😗。-蕃薯西多士($32)上枱已經夠氣勢，估唔到切開中間有非常厚既蕃薯蓉，配埋牛油同糖漿，其實都幾飽肚，最好就同朋友仔share啦😂。-蕃薯奶茶($15)原本期望幾高，可惜味道唔夠，奶茶本身唔係太甜，裡面有蕃薯粒，不過整體唔太夾🤔。-胚芽蘋果甘薯芝士餅($32)做得幾出色喎，食落好厚實，芝士味好濃，咬落仲有蘋果同蕃薯粒，出奇地好食😍。

突然好想食脆豬手但是中午時間好少有地方有決定黎大蕃薯博一博Well果然午餐餐牌係冇弱弱問收銀會唔會有好彩佢話可以收晚餐價即整同埋要等半個鍾正阿，貴d就貴d最緊要有得食我們叫住個意粉食住先果然半個鍾內，有得食豬手滿足皮脆肉嫩份量足味道入味帶有咸香

今晚我們喺粉嶺聯和街食完招牌鷄飯之後，行過聯昌街見到有間喺門外貼咗多張藝員都有嚟食過嘅「大蕃薯」應該出品都幾好，所以我們就買咗他們嘅招牌推介有9吋厚嘅傳統蘋果批外賣自取返屋企食！本來我們充滿著期待嘅心情，點知一食落就覺得味道唔係想像中咁好，因批皮嘅質感係極之腍身，一啲都唔酥脆，感覺好似食緊未焗熟嘅批皮咁，至於中間嘅蘋果肉餡料雖然好足料豐富，但就因玉桂嘅味道過度濃郁，所以就祇係食到玉桂味，而食唔到蘋果原本嘅香甜味，而且唔係門外貼著嘅報紙話有9吋咁高，所以真係令我們覺得好失望呀！

If you don't mind the "down to earth" decor, and "rustic" ambience of the venue, and simply focus on the food, I think the place it's truly great value for money. A good size, good quality, crispy pork knuckle with soup and slice of baguette goes for $158. AMAZING freshly ground coffee just an additional $8, and a selection of home made dessert for additional $15. Street parking is also abundant in the neighbourhood. Worth the drive out as a weekend "getaway". And yes they serve beer also.

今日又行完山。　Lunch過黎聯和墟搵食。　開住個openrice係咁搵，　見到呢間門口好多藝人推介。　兼評語都唔差就入左黎。坐底就叫午餐。　其實佢午餐款式都幾多。　除左有一般雞，　豬外重有豬手。　不過為怕太heavy都係選擇無咩伏的吉列豬扒蛋飯。飲＄４８首先個餐係飯就飯不能轉意粉。吉列豬扒睇得出係即炸,  唔算油兼好脆。 呢個唔差的. 朋友話好大陣美極味. 不過是日我味覺有點問題, 又唔太覺. 餐湯有紅同白湯選擇. 朋友要紅湯話超咸... 而於白湯相反超淡. 飲落去同平日的白湯(忌廉湯)有點唔同. 佢飲落去好滑, 究竟係用左奶整定係太水? 而且無咩材料, 只有粟米. 粟米食落去亦有渣... 都係第一次...呢杯檸水要讚. 因為唔苦澀. 唔需要落糖. 檸檬算新鮮.最後朋友見到門口放左一堆批. 都想試下佢地的甜品. 叫左個薑汁甘薯批.$26 點知... 個批好凍, 除左頭一啖有微暖之外. 跟住全是凍的. 食落去係有薑味. 不過口感像加左薑汁的蕃薯. 入口溶晒. 個批做到咩形狀都係假. 完全似食緊原隻蕃薯咁.  無牙都食到. 欠缺左少少口感. 

假日與朋友到大番薯午餐，1點半到步不用等位就可以入坐。大番薯的番薯批朋友吃過推介可以去試一下，今次專程來試的番薯批味道似番薯糖水加薑汁，口感不錯!主食方面，同行友人點了8號豬扒餐及7號的芝士焗飯，份量比較大都吃不完整個飯。我點了番茄咸豬手湯麵，湯底有淡淡的番茄味，豬手方面味道都是比較清，口感比較軟身。飲品方面，我和友人都點了熱菜蜜，飲左一口已經覺得超級甜好似飲緊糖水咁，所以冇再飲落去。假日lunch $50內有埋野飲真係幾抵食，坐又吳會太迫，有機會會再來試其他甜品。

20170314(星期二)--是日到大蕃薯吃下午茶餐，時間約5時多，店內有數位客人，但座位也可任擇。下午茶供應至5:30PM一個人，點了咸豬手鮮茄湯麵配奶茶($38)，湯麵很快便上桌，但是餐牌說好了的湯麵，竟然變了米粉，我也接受不換了，幸好米粉吸收了鮮茄湯底的味道，非常搭配; 幾件豬手份量足，炆得夠腍，鮮茄湯酸酸甜甜的，令到豬手入口完全沒有了油膩感，令人開胃，我把整碗米粉連湯吃光了。奶茶--本想轉喝蕃薯奶茶，但又不想糖份太高，只點了普通奶茶，茶味香濃，合格。埋單:$38(沒有加一服務費)，食物味道合格，餐廳環境不大，也有點小店格局，此店賣點是蕃薯食品，相約了家人下次光顧。

今日睇完早場同朋友去食晏啦，因為大蕃薯都幾出名，但身為粉嶺人都未食過，所以見冇咩人就去試下啦，入到去叫左兩個午餐同一件薑汁蕃薯撻兩個餐都送湯，我地都叫左白湯，個湯好似飲緊水，淡到好似平時係屋企煮一罐忌廉湯溝左10罐水咁😡😡😡好難飲呢個豬手飯又係難食😤😤😤$4x d肉好難食呢個豬柳天使面都係好難食 $5x d肉煮過頭嘩，最難食係呢個，薑汁蕃薯撻 $26 好難食，好難食，好難食，重要既野要講3次🤢🤢🤢🤢個撻入面係有蕃薯粒，但一d蕃薯味都冇，本身冇諗住叫，但見檯檯都叫，就叫黎試最後兩個人食左$130，呢d食物呢個價錢真係唔值，如果去四眼仔，兩個人$30左右都食到飽飽，真係早知食返格離群記，我自係屋企煮都好味過呢間野，之後出到門口竟然有一條隊，重點係落緊雨，大蕃薯真係值得落住雨排隊食？我真係諗唔明總括黎講呢間野食一次都嫌多，好後悔入左去食