大角咀麥太甜品

营业中

休息中

大半年前亞仔學golf路過買左芒果班㦸和榴槤糯米糍。榴槤糯米糍係一試難忘，皮薄涵多，榴槤肉好香又足料。從此同老公話下次去呢個商場一定要再買，今日老公去開商場買左2粒，質素仍然保持到，真係好味！所以要留言支持！

這家甜品店在奧海城一起商場已經開了很多年，旁邊的商鋪換了又換，但它卻一直都在。這裏的甜品出品一直保持著水準，我最喜歡的就是黑芝麻勾杏仁。濃郁的黑芝麻里兌上香甜的杏仁，即滋補又好吃！超喜歡這家店，希望一直能開下去！

之前經過話員工退修日無開, 琴日試下再過去碰下運氣, 好多我喜歡的🐽🐽裝飾, 感覺好可愛好童真, 位置唔係太多, 知道是社企, 當然也支持一下, 今日揀左雜果涼粉, 涼粉可能加左糖水, 食落有D甜, 如果糖水可以比客人自己加, 我諗會更好, 生果有西瓜芒果哈蜜瓜奇異果,🍉🥭🥝🍈 佢哋用左木的餐具盛載🥢, 感覺幾特別, 如果下次再來, 或者試下佢d中式熱糖水😋

這家甜品店在奧海城一期開了很多年，店面不大，但糖水確很好吃。最喜歡黑芝麻糊，大大的一碗，不是很甜，但很香滑。腐竹薏米加蛋也很好吃。每次嘴饞的時候就會過來過下癮呢

一直鍾意mcdull，之前知道有這間甜品店後一直都想嚟試吓（主要想探下mcdull & mcmug)。今日終於嚟探佢哋。。。間店門口有兩隻大公仔，店內周圍都有mcdull和mcmug公仔做裝飾。裝牌是傳統的甜品糖水，豆腐花、西米露、芝麻糊，腰果露、合桃糊、芋圓、湯圓，各式各樣都有。試左芝麻湯圓配芋圓，味道吾錯。芋圓中有芋頭味，竟然仲有芋頭粒。此店仲要係社企，依家又有啲學生係度實習。收入扣除開支會捐出去，咁有意義要支持下。

呢間位於奧海城1期嘅甜品鋪其實已經開左好耐，可以話真係J小編細細個就已經係到。不過聽過有街坊講其實就算開左咁耐都未食過，因為佢唔算係一個超起眼嘅位置。雖然係咁，但坐坐下都幾多人，坐低定外賣都有~又夠大碗材料好足，最重要價錢親民，真係超抵呀！！🙌🏻麥太不論價錢定質素都係中上或以上。除左中式甜品之外，佢哋都有提供少量嘅西式甜品嫁。希望大家都多多支持社企，為更多弱勢社群造就更多就業機會😉

在2022年聖誕節，平安夜當日，我跟兩位好姊妹，一起租住天水圍嘉湖海逸酒店 Christmas staycation！其中一位好姊妹好客氣，送上購自奧海城 <大角咀麥太甜品> 出品的雪花酥！ 多謝她的心意！這間甜品店對我來說絕不陌生，記得4年前，跟那位貪心自私的前度男友來幫襯，當我請他食什麼都好，他總喜歡選擇最貴的美食！其實！我都懷疑究竟他對那些較貴的美食有冇興趣或者是否啱自己口味呢？當時，我請他來這裡食甜品，之所以，我覺得這裡的甜品唔抵食！大家可看看 2019/1/6 我的食評雪花酥一盒8粒，以可愛精緻的動物圖案獨立包裝！成份：棉花糖、奶粉、杏仁、蔓越莓、南瓜籽仁、芒果乾 、牛油、餅乾、鹽。雪花酥入口帶鬆化，夾雜堅果及果乾，增添口感！反而，媽咪覺得跟鳥結糖有點相似！

途經奧海城，見到一間甜品店，比舖面嘅麥嘜、麥兜同屎撈人公仔吸引住（00後係應該唔識嘅，麥兜係我嘅同年回憶...）, 舖名都係叫麥太甜品，我仲以為麥太只識整「紙包雞」同「雞包紙」Tim, 原來仲識整甜品Wor~ 企咗陣打卡，店員禮貌介紹，佢哋係一間幫婦女就業嘅社企，咁有誠意，當然要比一次機會，支持吓嘅 一口氣叫咗2款甜品外賣，第一個係$32嘅芒果班戟，d芒果超大塊，仲堅甜Tim, 而個皮又唔硬，食得落好新鮮，呢個下次可以再叫。 第二款係$32嘅熱合桃露，合桃露夠熱係基本，食得出唔係多多牌開粉沖，係真材實料嘅。如果可以再加多d焗過嘅合桃碎，增加口感就更正喇！

雜果涼粉生果係新鮮切出嚟嘅份量正常有芒果 西瓜 哈密瓜 同埋 木瓜椰汁紫米露味道正常餐廳係以麥兜做主題嘅周圍都可以見到麥兜同佢啲朋友嘅公仔連牆上邊嘅裝飾 佈置都係架支持吓社企啦👍🏼

可愛主題甜品店🐷呢間舖頭成間都係有麥兜嘅公仔主題，有佢嘅裝飾公仔貼紙等等！！非常可愛🥰如果係fans嘅話一定好鍾意😗❤️🙏🏻原味芝士蛋糕 $26芝士蛋糕質素幾好，芝士味濃郁！口感都偏實淨，餅底唔算好厚😲不過都整得幾好食😋配合芝士蛋糕嘅話冇咁到滯 都算大件 幾唔錯👍🏻👍🏻芒果黑珍珠 $37呢度甜品好大，黑珍珠比嘅份量真係非常多🤣滿滿的！黑珍珠住得幾軟 口感非常好！芒果都好大嚿仲有唔少添！！而且非常甜唔會酸 非常唔錯😆總括嚟講呢間舖頭都幾值得食下糖水 不過位置就比較少 但店員都非常有禮貌唔錯！

嘩嘩嘩好多麥兜啊行完街好攰就諗住坐一陣咁啱就見到一間充滿麥兜公仔嘅甜品舖今日就嗌咗兩樣嘢西瓜汁同埋雜果水晶珠水晶珠入口爽口好特別好清新西瓜仲要好甜真係係一個休息好去處❤️

今日嚟到海港城一期去食糖水,大角咀麥太甜品既甜品店是以幫助婦女就業為使命社企!好有意義呀!然後我地就叫左三份好美味既糖水我地一齊食!分別係雜果西米露,焦糖燉蛋同埋朱古力慕絲!雜果西米露清熱解渴,又飽肚...西米露係低卡食品啱晒愛keep fit嘅媽媽啦!焦糖燉蛋單看擺設就覺得‘sweet’,脆脆焦糖不會令人覺得太甜膩!味道剛剛好!朱古力慕絲既朱古力頗濃,蛋糕大大件,質感緊致厚實!口感豐富,好有滿足感!為咗支持婦女就業,我哋仲買咗兩盒聖誕曲奇返屋企!呢兩盒曲奇除咗可以食之外佢仲包埋一支色彩繽紛嘅顏色筆有的食之餘,小朋友又可以又顏色,有得玩有得食...真係好開心呀!聖誕節優惠30/11前預訂或買聖誕曲奇禮盒,$80/盒,有15片曲奇（原價$100）!

今日同哥仔早咗食晚餐，食完野都唔係好飽，所以就去咗食糖水😋。大角咀嘅呢間麥太甜品，喺大角咀奧海城一期，地方唔難搵。周圍有好多麥兜公仔陪你食嘢。地方都算乾淨同舒服，傾偈一流。糖水舖又係社企，又有麥兜主題都係第一次去。佢哋既幫助婦女就業，又推廣本地動畫，都值得支持下。平時我哋去糖水舖都係食西式甜品居多，但係今日心血來潮，就叫咗兩個中式甜品加湯丸-自家製麥太腰果露 配芝麻湯丸自家製麥太芝麻糊 配花生湯丸店員都好細心，問我哋需唔需要湯丸另上。以為主角係芝麻糊或者腰果露，原來竟然係湯丸跑出😋湯圓咬落都好煙韌，食落有濃郁嘅花生香。可惜我哋只係叫咗兩粒，真係好想食埋哥仔嗰份😝芝麻湯圓都好好味，有炒香嘅芝麻味，不錯不錯。如果我再嚟嘅話，應該會叫淨花生湯圓😂喺我哋食嘅時候，我見到都有人買淨湯圓外賣。可能呢區啲人都知道湯丸好食。臨走之前，比我發現Like 社交平台 仲有麥兜貼紙送。店員姐姐仲送多咗一個俾我。哈，小朋友黎嘅話應該會好開心😃

之前外賣試過榴槤班戟榴槤肉拔絲☺️榴槤味濃正到不得了今次堂食就試下:芒果班戟皮薄餡靚👍大大舊芒果🥰啲cream唔會過多，唔會太少，啱啱好甜到入心絕對唔係芒果碎物超所值👍正😳

今日放假同朋友一齊去奧海城行下街，行到攰就打算搵個地方坐下，傾吓偈咁。。咁岩見到一期商場有間甜品店，就打算去望下坐下。去到好得意，成間鋪係麥兜佈置嘅，有好多精品放係櫃，仲有收銀位有公仔，連牆身都係麥兜故事，鐘意麥兜嘅你一定要去睇下打下卡😂同個姨姨傾計先知，原來呢間係社企店，幫助一啲婦女青少年就業嘅，甜品都係佢地用心去整。鐘意麥兜或者經過行下想食個糖水可以去支持一下😬餐牌選擇都好多㗎。。川貝無花果燉雪梨🍐哇，好甜好潤！重點係原個雪梨，而且係原個中間起左個芯，好得意。個雪梨食落都好甜喎，糖水係清甜，好飲，岩哂秋天咁乾燥嘅天氣。。雜果水晶珠水晶珠同西米好似，但兩者唔一樣，水晶珠用海澡粉做㗎，粒粒爽口彈牙！雜果有西瓜🍉芒果🥭哈密瓜🍈奇異果🥝。。見住店員拎出嚟新鮮切，好甜好滿足！店員話like 社交平台可以有麥兜貼紙送，貼紙原來係好耐好耐之前Ok嘅貼紙，絕版啦，估唔到呢間店儲左好多，應該老闆係麥兜fans😂😂呢間小店真係幾有人情味😎