大記攦粉糕點專門店

营业中

休息中

之前食過幾次...都幾好食...最欣賞係佢既配菜，羅白絲、菜絲、豆角絲等等。有咬口，而且炒得香！配菜就成位左佢係我心目中既靈魂...攦粉就好似好粗既米線咁，都幾好食架，好有米味！擺粉係一個盆仔入面食，好得意。相反我今日既餸，真係一個敗筆。魚腐，一入口好似拿拿地，唔係好sure，咁當時我又食緊攦粉飲緊湯唔係好覺咁。。。但食到最後兩粒時，真係拿到要吐返出黎...唔知係咪炸粉唔熟又或是落錯左野。。。食左個四粒真係令我驚左成日。。。

上次黎賣晒芝麻砵仔糕，今次終於有機會試，可能凍左，芝麻砵仔糕初初咬落去有d實，口感屬於比較煙韌，不過芝麻味算香，而且最鐘意佢唔太甜，食落又幾好食，蒸返熱應該會不錯，不過個人比較鐘意上環砵仔王果類口感軟身d嘅砵仔糕。獨立包裝糕點20蚊4件，買左紅豆、綠豆、眉豆同芝麻。芝麻糕都係坤記好食好多，不過呢間都唔差，其他幾款之中，最鐘意綠豆，同樣唔太甜，鐘意呢間嘅質感蘿蔔粿堂食可煎，味道不錯另外攦粉同炸蝦卷 同樣出色

其實我唔識讀個字。。。哈哈哈所以落單都淨係嗌餸名就算我都從來冇聽過職員或客人讀個字出黎。。。好搞笑。。。攦粉我覺得係粗版米線上枱時用木桶裝住食過咁多次只有今日煮耐左個粉今次偏林嗜辣既我反而次次都係度嗌清湯食過扎肉，都係咁啦不過今次第一次嗌炸蝦卷可能係即炸既關係啦，等既時間耐少少炸蝦卷其實好OK，炸得好金黃色不過佢個泰式辣醬我就唔覺得好match咩餸都好，最好味就係麵入面既炒好既配菜有蘿蔔絲，豆絲，菜等等咸咸地好開胃今次坐對面個食客仲request加配菜原來可以？等我下次又試下先另外佢仲有糕點同樽裝糖水賣試過綠豆沙好好多豆好難用飲管飲用飲管食就真

聽朋友推薦來試下，結果一入來坐低點嘢食，叫人落單，無人理，老板見到都唔理晤應，仲要是店內無咩客人的情況下，印象上就扣哂分，當時就冇哂食欲。最後D嘢食就仲ok。下次再來太子附近食嘢的話，揀到無得揀之下先會考慮尼間啦

好好食~個清湯底配埋D菜一齊食係甜甜地ga!同埋無味精, 食完都唔會覺得口渴。個豬排好香~又唔乾~入口外脆內軟~好正下次會再去食~服務都好好~會問下我覺得好唔好食咁樣.價錢就算好平, 30~35蚊碗份量係一個女仔食都覺得好飽la門口仲有糕點賣, 南瓜忌廉糕清清地, 口感好creamy黑芝麻糕好香芝麻味糕點唔太甜~like~但$5得2啖仔, 貴左d la

早前朋友分享太子有間老店食粉, 形容好似米線又唔係米線, 叫攦粉, 咁特別當然要去試試鮮炸墨魚卷攦粉 $35湯底有得揀清湯/沙嗲/麻辣/酸辣墨魚卷有6件, 外層脆內層墨魚滑好彈牙, 不過有D油到主角攦粉, 果然比米線粗少少, 口感認真爽滑柔韌, 朋友果然無介紹錯, 湯底係清湯比較淡, 但攦粉上有大量配菜, 紫菜/ 木耳絲/ 紅蘿蔔絲同豆類, 豆類好爽口配菜不另收費, 特別之處採用木桶, 好有特色另外呢到出名糕點, 下次經過試埋糕點先

熱到汗流夾背，第一時間要些清涼飲品降降溫為先！無糖粟米鬚水（$8）～ 原汁原味，完全沒有添加人造物料，炎炎夏日喝上一口；份外清爽。冬瓜花薏米水（$8）～ 清清甜甜，也是消暑妙品。炸墨魚卷併孖寶香蔥闊條麵（$43）～ 單是闊條麵的配菜已相當豐富了，內有紅蘿蔔絲、豆角絲、紫菜、豬肉絲、香芹、酸菜、木耳、佛手瓜、蔥粒等，麵質煙韌滑溜；墨魚卷、炸魚腐及炸魚片頭，俱是味道單薄，還幸墨魚卷外皮酥脆，與魚片頭的肉質尚算彈牙；配以甜酸醬也還算可口。冬菇腩肉香蔥闊條麵（$39）～ 老婆説冬菇加腩肉的組合應該不會差到哪裏去，試了兩口果然不錯，冬菇味香、軟淋入味，腩肉不會過肥；一啖下去，吃到肥瘦相連的好滋味！鬆化眉豆糕 ～ 眉豆味特出，㣲甜，軟硬度適中，真材實料，值得推介。清熱綠豆糕 ～ 帶有淡淡的綠豆清香，如若加入海帶或香草；不知味道是否更為出色呢？最近太多人的食評出現問題，為表示支持及配合（不想誤殺良民，又白費自己一番心血），特上載收條，以示清白。

呢排愛上追CCTVB嘅舊劇“皆大歡喜”，今日睇嗰集咁啱講陳彥行因為一啲原因唔食馬豆糕，但佢提起就好想食，食晚餐嗰時，順便行去賣糕點嘅舖頭，買返屋企同家人一齊嘆！$5一件，細細件薄薄地，買左三件，諗住做飯後小甜品。食完飯，諗住開開心心甜品時間到，點知用手攞糕點出嚟時，以為攞舊磚頭出嚟，硬得得的，所謂馬豆糕，馬豆要尋找，椰汁味怪怪的，我諗放得太耐所致。芋頭西米糕，完全冇芋頭味不特止，連平價嘅西米都難搵到，即係一件蒸熟左加糖嘅麵粉，至於芝麻糕仲怪，芝麻味當然欠奉，奉送嘅就係怪怪嘅類似地拖水味，同媽媽兩個人食，媽媽本來係唔係唔喜歡浪費食物嘅人，但她都話：不如攞去掉左佢……

由於在附近食晚飯，便順便睇下有甚麼糕點買。可能太夜，茶棵及砵仔糕已售罄，只剩下雪櫃內的糕點。每件五元，獨立包裝，好衛生。基本上所有糕點好煙靭及彈口。芋頭糕，有粒粒芋頭，好有咬口馬蹄糕，有粒粒馬蹄，好爽，正。芝麻糕，外型似凉粉，較馬蹄糕及芋頭糕軟身，好有芝麻味。

上一次黎已經有差唔多2年,味道還是好吃,湯底有清湯,酸辣及麻辣,我點左份炸墨魚灑粉,小酸辣,其實都幾辣,灑粉口感係幾特別,再配合佢的自家炒菜好有風味,而炸墨魚炸得剛剛好金黃色,食物質素都算不錯,唯一的差就係錢亂計亂收,印象分扣晒。我點碗炸墨魚粉,張單寫左我$38,後來問番落單阿姐,笑笑口這寫錯,更正番$35。收錢果時我話要加多支薏米冬瓜水,我都冇為意咁就收左共$47,到我上左車諗番先諗起點解收左我飲野$12,明明同我差唔多時間落單有2枱都係話加同一款飲品都係話加多$8就有。好唔老實嘅食店有幾好食都扣哂分。

已經光顧過數次的大記攦粉，每次都會點炸墨魚卷攦粉，大記的炸物真的十分好吃，外皮酥脆而且很薄，墨魚肉很腍，配上甜酸醬很惹味。至於攦粉，其實我到現在也不知道什麼是攦粉，感覺它好像烏冬而比較幼及軟身。攦粉的湯底很清淡，本身沒有太多味道，不過配上很多素菜令整體味道很豐富。加HKD8 點了涷桂花茶，味道不太甜但充滿淡淡的桂花香，不錯啊！很喜歡這種地道的小店，值得推薦！

大記係太子都幾出名，店外擺左好多特色糕點，有砵仔糕，桂花糕等等，我都好想試下啊！除左糕點之外，緊係要食招牌攦粉喇！攦粉？無錯，香港應該得大記先食到攦粉，好似米線甘，但粗啲，好似烏冬甘粗，好彈牙，好咬口，口感攦粉很百搭，有得多餸可以揀，今次我揀了酸辣湯，切雞。味道不錯，$35已經非常抵食。每碗攦粉都會有啲素菜，個人都幾喜歡，條條都食哂朋友吃豬扒，有點乾，味道還好，相比下切雞好食啲炸雲吞不是蝦，有點失望

因為朋友介紹，知道大記灑粉。不過未真正去過，都唔知灑粉是什麼東東。是日經過花園街，想醫下肚，一於行去太子揾大記。大記係太子警署過2條街，都唔太難揾，但因為去到都7點，有啲熱賣糕品已經售罄。我點了三寶丸灑粉同埋3款糕。老闆推介椰汁糕，南瓜糕，雪耳同埋香芋西米糕。先講灑粉，個湯頭好清甜，佢唔似一般清湯咁奶白色，近少許透明，但有肉香。份量用小木桶上，都頗大，啲丸同埋粉多到就黎跌出黎咁。至於灑粉，好滑嘟嘟，無烏冬咁硬，但有米線的軟度，有點似狗仔粉，充滿米香。至於糕品就較為失色，除了南瓜糕較有南瓜味，糕身較軟棉外，其他都好普通，而且偏硬。你可以話佢唔太甜係優點，但出面比佢好的，大有糕在。老闆好親力親為，笑口常開，同街坊有講有笑。大記會encore佢嘅粉，但糕就唔會啦。

聽講呢度d攦粉好味道, 於是帶埋男朋友去試試, 咁就中伏！ 先試個湯底, 一飲就知道係味精！原來廚房放咗幾技家樂牌高湯和李錦記沙爹醬和麻辣醬, 成個湯底都係味精！ 再試下d所謂攦粉, 其實只係粗d嘅米線, 完全冇乜特別可言。 我和男朋友只係食咗一半, 就忍唔住要走人, 以後打死都唔會再去！大家千祈唔好俾d"𧬆稿評語"呃咗！

同朋友去太子，途經發覺有間店舖出名賣糕點，從來對特色糕點、茶果有興趣嘅我又點會放過一試嘅機會 原來有不少名人推介過，光顧過 在此我找到了一款好味，有特色，但在坊間少有得賣嘅茶果，俗稱「雞屎滕」既植物製成既茶果茶果食落煙韌，有咬口，仲要係少甜製法，乎合現在的健康之道，所以唔會太甜，料足，所以食落好香，裏面係無餡，外型沒什麼特別，係傳統嘅茶果咁 售價並不貴，12蚊3件 店舖嘅人仲好好，為免我買回去壓到變形，仲額外俾盒我裝