大豐澳門餐廳

营业中

休息中

第一次黎食星期四午餐 價錢好似都比附近餐廳貴d,可能因為咁就少人d坐得舒服d湯冇蓮藕唔算太味精湯忌廉湯好“”傑“”試左1淡可以88雪菜肉絲有d濕味道ok試左1淡xo豬扒出前一丁個麵炒到～係好靚。靚嘍真係。咬落去淡淡油豬扒冇乜味，可能個麵太油都食唔到d乜味雖然我都知冇咩健康成份架啦公仔麵。但油到咁要68蚊仲等我滿心歡喜好期待個菊花蜜好糖份夠曬重話佢唔係好重菊花蜜味都係既。但又冇清香個種。。。簡單d黎講唔係我預期咁好飲，仲叫咩澳門菊花蜜？我飲開就有菊花的清香蜜糖的味道係潤。佢個d可能即沖菊花蜜掛？所以係咁嘍～總結如果想坐好d唔洗等係100分但我應該唔會再黎啦哈哈88

獨自食一入即有位，不用等侯，店員招呼得很快，很有效率被帶領至餐廳最深處沒有什麼裝修的地方，搭枱是必然的，剛巧坐在一部吹風機旁，用餐的地點不幸左方一直吹風機聽著機器運作。 (這是晚市的菜單，我是吃午市的) 要了其中一個招牌菜式：澳門蔥油雞飯：飯量連雞是夠飽的，份量很多，油量也頗多，但如果蔥油味更濃一點就更好。好立克的味夠濃，可以細品；注意到其他獨食的食客是點西式快餐，然後手機撈飯，下個可以一試。不收八達通，要注意⚠️

🍴沙嗲牛肉通粉 $40 (6.5/10)牛肉都大塊有口感，有沙嗲嘅香濃鹹鹹哋，通粉都係偏大粒有比較偏腍，食到最後勁鹹，扣咗少少分😂蒜蓉多士香脆，有蒜蓉味，炒蛋火腿正常。☕️奶茶都幾重茶味味帶少少澀，OK。推薦指數 : 6.5/10正常茶記質素，唔伏

星期六上午去九龍灣工業區，平時食開的新澳茶餐廳執咗。見到隔離工業大廈大大個招牌「大豐澳門冰室」，就近去試吓。餐廳要在工業大廈行入去，大大個指示牌。星期六上午，沒有什麼客人，最有特色係掛滿萬國旗。見到還可以order早餐，馬上叫咗先。菠蘿油配牛奶麥皮 $37麥皮大大碗，沒有什麼味道。兩個小菠蘿包，裏面夾住大大嚿牛油🧈；但牛油應該是植物牛油，牛油味並不突出。沙嗲牛肉通粉 $40沙嗲牛肉頗多，味道偏甜；份量也充足。香煎豬扒早餐 $42豬扒又乾又硬，唔好食，有啲偏貴。茶餐廳，當然最重要是杯奶茶，奶茶茶味濃郁，奶味比較淡。早餐感覺普普通通，可能連鎖快餐店還要好一些，比較好的是地方闊落，又有大電視。

朋友同我係好鍾意食海鮮，所以今日黎個海鮮晚餐🍽️：.嗰個炸鮑魚真係太鹹，我好快飲曬我杯凍檸檬茶🙈不過鮑魚炸得幾脆口，質地上係唔韌的～🐠魚肉好厚肉，裡面啲骨唔會好碎。我最鍾意就係炒蟶子同埋扇貝‼️炒蟶子惹味之餘，仍然保留到蟶子原本嘅香，軟硬度適中👍🏻，幾鍾意配白飯一齊食🍚。扇貝永遠最好食嘅地方就係有粉絲同蒜，撈埋啲油一齊食係幾好食🤤。西蘭花唔會好鹹 只係帶有淡淡嘅調味，質地上係比較硬，但可接受👌🏻🥦.Overall嘢食惹味十足，啲小炒好適合重口味人士，同埋見到Menu都有好多type嘅嘢食 好似幾唔錯～

為了看韓星的演唱會特別從台灣飛過來，就在九龍國際會展中心附近旅館住，本來擔心沒宵夜吃，結果這家開到半夜！然後姐姐服務員人超好！雖然中文不好很努力幫我們點餐。很感動耶！而且梅菜肉餅實在太好吃了！現蒸！所以等很久，但餐點上來吃一口就覺得超級超級好吃！

叫咗芥末萵筍絲牛柳粒 呢個組合第一次食 都幾夾!牛柳粒醃過味道啱啱好 萵筍絲唔會過熟口感不錯👍🏻酸菜涼瓜炒牛肉亦都好出色 酸嘅味道調校得啱啱好 苦瓜亦都好靚 牛肉好大片好厚身好滑 苦瓜同牛肉嘅份量係成正比👍🏻正

上星期喺MegaBox睇完戲，已經九點幾，MegaBox入面啲餐廳都閂晒門或者已經last order 左。所以我哋就諗住行返去淘大個邊睇吓有咩食，路途中見到呢間茶餐廳嘅燈牌，仲見到有我鍾意食嘅沙嗲牛麵🤓就比佢吸引咗，決定去試一試啦。🐮沙嗲濃湯肥牛稻庭烏冬 $70個麵上到枱嚇親我😂超大碗同超多肥牛。沙嗲湯濃郁，帶微辣，烏冬煮得啱啱好，唔會好淋，個麵仲有啲芽菜做配菜，令個麵健康咗少少👍🏻牛肉係打邊爐嘅肥牛，同平時沙嗲牛肉麵嘅牛肉唔同，呢個肉味濃啲凍檸茶味道都正常🍹

📍 大豐澳門餐廳 (九龍灣)九龍灣宏開道13號景發工業中心地下7-8號舖好耐未食過煲仔飯，今晚決定同朋友喺九龍灣睇吓邊度有，咁啱俾我搵到呢一間新開餐廳。🍚北菇滑雞 小$75好好彩帶咗個細煲仔飯，因為細個份量都好大！煲仔飯整得好好味，最緊要係市區入邊，而家真係見少買少。 🥦西蘭花炒帶子$118帶子大約有7-8隻，相對其他茶記真係做唔到依個效果。咁樣嘅份量又真係唔覺得貴。🦪🦪蠔仔肉碎泡飯（一窩）$98我諗大約6-7個人份量，蠔仔又多又大隻，仲要肥美，最緊要係入味。一個字 「正」呀喂！🔔總結：食物分量大，地理位置方便，空間感十足，最緊要係坐得舒服。地點⭐️⭐️⭐️⭐️味道⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️（5星為最高分）

加班到好肚餓，便到了附近一間茶餐廳醫肚，呢間大豐澳門餐廳都算新開，三個月左右？平時都會同同事黎食晏，但晚餐就第一次幫襯。晚市小菜唔少選擇，諗緊叫雞好定蒸魚好，兩樣都想食，不過諗諗下又怕出街食嘅魚有魚鱗😅我呢個人食魚都幾麻煩㗎。🐓薑蔥霸王雞（半隻）嘩嘩～比想像中大碟好多，半隻有咁多咩😱一見到已經覺得會食唔晒，哈哈…雞件肉質紮實有口感，雞皮下脂肪不多，入口很滑。上面放左薑絲、蔥花、蔥頭、芫茜、辣椒等，再加上豉油，真係超好下飯，唔覺唔覺就食晒啲飯，正呀😍🍚白飯碗飯超大碗㗎，仲熱辣辣添。🥣湯&🥤餐飲個餐仲有例湯送，是晚係紅青蘿蔔湯。餐飲叫了🍋凍檸茶走甜，大大杯又夠凍，正😋食唔晒啲雞添，食小菜都係要多個人share開心啲😝埋單百幾蚊，茶餐廳唔使加一抵食～原來呢度開到零晨三點，咁以後開夜有野食啦🥰

呢日放工之後同男朋友去咗九龍灣呢間隱世茶餐廳食dinner，呢度嘅地方好大，可以容納到好多人。打開餐牌，見到啲嘢食真係好吸引，晚市有多款唔同既鑊氣小菜可以選擇，價錢亦都唔貴。今次點咗蜜椒金薯牛柳粒，牛柳加上黑椒同蜜糖一齊炒到好香，甜甜地又帶點辣，層次豐富！另外仲有好健康既清炒萵筍蝦球，萵筍新鮮爽脆，配埋彈牙嘅蝦球，正！最後就係呢個黎茶餐廳必食既枝竹火腩煲，夠哂地道，呢個煲份量好足，夠哂飽啊！小菜仲跟埋飯同例湯，好豐富！

位於景發工業大廈地下既「大豐澳門餐廳」✨，食物款式多元化，時令煲仔飯🍚、各款中式小菜等等，價錢大眾化，而且小菜夠曬鑊氣，前日放工食晚餐，價錢仲包埋湯🫕、白飯、飲品🥤，抵食又好味😋。惹味酸菜魚🐟 $92份量十足既酸菜魚鍋，魚肉嫩滑，配搭豆腐卜、芽菜等配料，微辣開胃又好味。馬拉盞牛肉炒時蔬🥬 $92馬拉盞炒菜特別香口帶咸香，菜心新鮮爽口，牛肉有層次又夠滑。金沙白飯魚 $92金黃香脆既白飯魚，外皮香脆唔油膩，白飯魚嫩滑，再加上咸蛋黃醬汁，非常好味👍🏻。

唔想煮飯打算出去食飯，係附近揾左間茶記，新開業，價錢都ok。位於工廈，面積比其他茶記大，座位自然闊落D蠔仔肉碎泡飯蠔仔雖然細細粒，但粒粒都脹卜卜，幾鮮甜，仲有埋肉碎，湯底清甜，落左冬菜、蔥花同芫荽，令湯飯更香更好食😆加$7升級大杯凍飲，凍奶茶茶底夠晒濃！沙嗲金菇肥牛煲晚市套餐有埋白飯、湯、飲品，沙嗲味超濃郁，肥牛都有兩款，而且幾有牛味，送飯一流🤤金沙鮮魷加左咸蛋黃嘅鮮魷呈黃金色澤，鮮魷好爽口，雖然邪惡但耐唔耐食下又無咩所謂，好惹味😋

這家工廈餐廳不算易找，在景發工業中心走進去，還要跟着招牌指示轉左轉右， 才到達大豐澳門餐廳那充滿各國旗幟的門口環境就像是普通工廈內的茶餐廳，不過地下相當乾淨服務水平正常食物這裏的餐牌選擇甚多， 竟然有我最愛的金沙蝦球 （大）$118 當然要點金沙蝦球的蝦肉相當彈牙，外皮薄脆， 而且鹹蛋黃的分量充足！鹹香非常濃郁！這個菜式超下飯！推介配套餐（+$38 ）會有白飯，湯，跟飲品北菇蒸雞飯$90這個原本已經是套餐，有跟飯雞肉份量甚多，入口稔軟入味，雞塊有腿有胸有背，同樣下飯得很，味道很不錯湯方面原來可以配西湯， 蘑菇忌廉湯相當飽肚， 同樣不錯

九龍灣工業區少見煲仔飯茶記，小炒幾有鑊氣大大碟👍🏼.✅冬天限定煲仔飯即叫即製，每日18:30後先有得食✅有分大/細煲仔飯，人少都一樣食到✅ 用瓦煲生煮成飯份外風味，仲有飯焦👍🏼✅除左煲仔飯幾欣賞啲小菜，尤其金沙白飯魚，香脆可口，蛋黃味極濃，粉漿唔厚，勁欣賞✅煲仔飯好足料，啲餸蓋滿成個飯✅超級多座位，晚飯時間好鬆動.❌裝修簡單，唔係食裝修❌選擇太多，建議可以整張推介菜單❌唔好去廁所.🍴Order左既菜式：豉味排骨煲仔飯 $75加潤腸$15 金銀蛋浸油麥菜$82金沙白飯魚$92