大門拉麵 (屯門市廣場1期)

营业中

休息中

屯門Aeon超市成日行，但真係最近先留意到呢間拉麵店，見都好多人排隊食，就幫襯試下🌟特制大門拉麵 $78係商場食拉麵竟然唔使過百，但原來係因為得一小塊叉燒，有3大塊紫菜、小小筍乾同一隻原隻糖心蛋，湯算濃味但麵唔掛湯，豬骨湯底好清淡，麵係粗麵偏硬，有咬口🌟咖喱混麵 $68咖喱偏辣，同特制拉麵既餸一樣，唯一分別係變左生蛋，口味偏濃，有啲似日版日清既咖哩杯麵，好食🌟日式炸雞$35即炸熱辣辣，炸雞金黃色，咬落皮脆而肉汁豐富

7:00到到都超多人，難得見到呢度未有人排隊，之前下午食過都唔錯，原來都要等位等咗大約10分鐘左右，今次想試吓佢哋嘅拉麵，見到佢推介大門拉麵嚟到嘅時候碗麵只有1塊叉燒，就冇其他嘢啦啲餸真係比較少，好似變咗食淨麵咁碗麵嘅麵質口感都幾好，湯底略略濃味，略嫌有少少鹹，食完會有啲口渴大致上都唔錯，如果叉燒可以多一塊或者多少少其他嘢食整體感覺會好啲，如果唔係就唔太抵佢哋啲夥計服務態度都幾好，上菜速度都好快，整體感覺滿意，下次可以再嚟

路過見倒個名幾得意，而且店鋪景觀開陽對住座山⛰️幾舒適，姑且一試。點左最貴既濃厚魚介叉燒拉麵🍜(期間限定)都只係＄8x左右，其他更平既選擇有＄5x， 都幾抵食窩。湯底好濃好食，特別在於佢用粗身拉麵(似沾麵既麵)，但掛湯能力唔錯，亦更有咬口

終於唔洗出城，係屯門都有沾麵食啦。係Aeon隔離嘅大門拉麵，週末基本上都係排長龍，趁住平日少人排隊，當然要試試我期待已久嘅沾麵！🍜大門叉燒沾麵麵嘅粗度、煙韌度唔錯，掛到湯；湯底好濃魚介味，好味！但稍嫌湯唔夠熱，天冷下食一陣就涼晒⋯叉燒有兩大塊，因為炙燒過所以特別香，而且肥瘦均勻👍🏻好食嘅叉燒就係要有脂肪先香，依點好少香港拉麵店做到，有驚喜！不過當然都有混入「淨肉」嘅叉燒😂個人黎講，以$85食到依個水準嘅沾麵係合格，份量同味道都不過不失。而且menu選擇亦唔少，下次有機會再試埋其他拉麵同油麵😋

最近天氣變得越來越凍，自然想食有湯嘅面！於是經過呢一間拉麵店，見到外面嘅餐牌，覺得好吸引，於是就入去試啦！因為得我一個人食，所以俾咗我坐吧枱，睇到廚房點樣整，感覺幾特別。我一個人叫咗三樣嘢，一個拉麵，一個薯餅小食，同埋烏龍茶！🍜大門拉麵 $62呢個拉麵只係$62我覺得都幾抵，佢嘅面唔係好幼身、亦都唔係好軟，係我鍾意食嘅粗同比較有咬口嘅質地，湯方面，比較濃，唔係好稀嘅湯，幾重味，我覺得幾香，同外面嗰啲有少少分別，唔知係咪個個都鍾意呢種感覺！我覺得蔥好好食，因為我好鍾意食蔥，蔥同湯非常之夾！叉燒都幾厚，但非常軟，都入我味！推薦！🥔忌廉薯餅 $18我原本好期待的，但個樣同我想像中差好遠，我以為會係厚，但比較平，好似可樂餅咁，但佢一條嘢咁。不過都幾好食，夠熱，夠多忌廉，裡面好creamy，但冇咩薯仔味，食唔到薯仔粒，可能打碎了，不過味道ok。我覺得佢比嘅豬排汁有少少藥水味，不過可以落檯面擺嘅蛋黃醬，好肥好正！😍

這次我試了店名的「大門拉麵」，朋友則試了「大門沾麵（Tsukemen)」，未吃前還不清楚兩者的分別。原來沾麵是拉麵的變奏，是將拉麵和湯分開奉上的吃法，因為不直接喝湯的關係，會熬得比一般拉麵湯底濃郁，難怪比拉麵貴$10。吃飽麵後不想浪費，還可以叫店員加入魚湯，稀釋後把剩下的湯喝光光。想不到沾麵又是另一番風味，出乎預料地好吃喔。

推薦平價拉麵：大門拉麵🍜/作為屯門友 約親朋友食飯都離不開去屯門市廣場有一次同朋友食飯 又想食拉麵又唔想食咁貴 (月尾荷包縮水)朋友就帶左我去食啦🤩/店舖內裝修充滿日本風格已餐廳的主要以拉麵和沾麵為主仲有啲和風料理同埋飯 選擇都幾多/(5⭐️為滿分)大門拉麵 $55 ⭐️⭐️⭐️試咗佢最主打嘅大門拉麵好鍾意佢嘅麵質 係好Q彈既口感而且麵一上枱 真係好香 湯底好香濃 唔辣嘅 麵入面有塊腩肉腩肉軟身又好有舊肥膏 好食🤣但食耐左 就覺得個湯底幾鹹🤭要狂飲水先得🤣但係覺得 以$55既價錢依碗大門拉麵其實都好足料 麵好多湯底其實香濃 只係有少少鹹叫杯野飲可能會岩岩好👍🏻

今日星期三...aeon有優惠的日子shopping 完畢就在附近食個便飯(晚餐)就在超市門口對出發現了呢間日式餐廳未食過，眼見排隊人數4位(心想應該唔會中伏呢)侍應姐姐問我幾位，回答後等了一陣安排了我坐在bar枱打開menu，選擇唔算多，有油麵沾麵拉麵和定食最後我選擇了『叉燒炒飯拼煎餃子定食』order了不夠2分鐘就上枱了...而且飯不夠熱，所以我懷疑係之前炒多了/炒定等其他客人點雖然有點不爽，但味道都好食的不太油膩，而且叉燒份量都足夠....只是飯的份量比較少食到一半時，餃子上枱了，是即叫即煎的，原因是很熱一客有3隻，味道不錯，外脆而裡面多肉汁，配搭埋日本白醋仲正~總括而言：不錯，價錢公道

第一次寫食評 不吐不快平時成日見呢間野大排長龍今晩8點幾經過 見無人 即管入去試下我唔係食家 只係用一般食客身分去評價大門特製拉麵 - 呢碗味道還可以 湯未係好熱 但尚可接受 不過$75一碗拉面 得一塊叉燒 值唔值真係見人見智 不過我明 行內都係咁 成舊水一碗拉麵一塊叉燒 好正常 但有時我都會唸 一塊叉燒其實值咩錢？我老公點左沾麵 - 一黎到 食第一啖 佢話 個湯唔熱！ 呢類麵食 拉麵又好 沾麵又好 最不能接受 就係個湯唔熱 所以點解去日本食拉麵 人地會連個碗都拎去烚一烚先上麵 就係要保持熱既温度 個湯一唔熱 食落口會好油 好漿 好難食 我忍唔住叫左個帶眼鏡既侍應哥哥 問佢 個湯點解唔熱 佢竟然答我 係呀 我地係暖湯 我即刻吞左啖氣 算 知道繼續講都係曬氣日式煎餃子 - 4個字 —> 好鬼難食佢既做法 係烚熟左 (仲要烚到淋晒，入面既豬肉又散又多肥肉) 然後就求鬼其煎一煎其中一面就上菜 最後 埋完單 我都係忍唔住 同果個帶眼鏡侍應哥哥講 你呢度既野食真係好唔ok 我逐樣同佢講個原因 然後佢既回應係 —> 呆，然後 「哦！」真係救命 點解會有咁無心煮野嘅餐廳 咁差態度既員

近排menu轉左期間限定既新菜式，比佢個期間限定既元祖蝦湯底系列吸引左，所以特登約埋朋友一齊去試下！蝦湯都有幾種口味揀，掙扎左好耐最後決定一試佢既醬油蝦濃湯拉麵！以新鮮甜蝦頭熬製既湯底，果然名不虛傳，未食已經聞到淡淡既香蝦味。食拉麵最緊要就係個湯底，所以第一啖緊係試左個湯先！湯底非常濃郁鮮甜，再拌以煎香左既櫻花蝦同紫菜碎，口感同味道既層次更豐富！麵質亦剛剛好，不軟不硬，吸收哂湯底既精華好入味。而最令人驚喜既係溏心蛋！蛋黃近乎流心既質感，味道甜甜，再加埋個濃郁既湯底，出奇地夾！整體黎講真係幾好食，尤其係鍾意食蝦既人真係要一試。另外仲叫每次去日本餐廳一定會叫既左芝士年糕。由於即叫即整，所以上枱時仲係熱辣辣！外表白雪雪，望落去好似燒棉花糖咁，表面烘成金黃色，裡面軟棉棉。食落去口感都幾煙韌，仲有少少拉芝添！

大門拉麵可以話係食過咁多間拉麵入面略為冇咁出色嘅拉麵店🙂即使食佢既推介個湯底 雖然系好濃 但系就食落比較油膩可能我expect既豬骨湯濃而清 加上佢其他配料都系普普通通 味蛋亦如圖睇到既咁 過熟而影響口感🥚唯一可取既系佢既拉麵煮得好硬身 純熟人既喜好 如果喜歡林身既拉麵 就要出聲叫煮耐小小😆

剛剛去食大門拉麵，我個人覺得係最平同最好食既沾麵，我就叫左碗大門沾麵。佢d麵唔會太硬同太軟，剛剛好，不過d麵唔夠多，食完唔算好飽。而個沾麵湯底味道唔錯，佢d調味料都好足夠，我再加左一匙蒜蓉同沙律醬落去，味道又再提升，係好夠味。最後我選擇飲埋碗湯佢，好正呀！至於店舖坐位都唔算太多，有幾次下午經過，都有好多人排隊。不過我有機會下次都會再黎，因為個價錢同味道都吸引。

突然很想吃拉麵，於是朋友帶我來到大門拉麵一睹滋味。店舖的位置不太顯眼，在AEON超市的一個角落，很容易被忽略掉，平時經常路過也不太為意。平日晚上雖然要排隊，但等了約十分鐘便可入座，不算很久。因為真的很餓，所以又叫了一整枱的食物大門叉燒沾麵拉麵是粗麵，軟硬適中，有幾分彈牙，一大碗吃得很飽。至於湯方面，很濃郁，配菜有叉燒、甘荀、紫菜和大蔥。叉燒兩塊都很大塊喔！但湯底略嫌過咸。不過麵條掛上湯汁真的十分美味！拉麵吃完後，可以叫店員加點木魚湯在沾麵汁裡，然後一口氣喝光光，加了木魚湯的沾麵汁變得很鮮甜呢有驚喜啊！我和朋友都分別加了味玉和溫泉蛋，有蛋的拉麵才稱得上是拉麵！煎餃子不要看它賣相普通，畢竟人不可貌相，食物也一樣。餃子皮薄多汁，每隻都脹卜卜好足料喔～忌廉薯餅推介因為有薯仔和忌廉，很容易濟，所以建議兩個人一起share啊～ 薯餅炸得剛剛好，忌廉也很creamy，入口即溶的感覺好幸福呢玉子燒這個玉子燒我覺得略為普通，是咸的玉子燒，沒有太大驚喜。小總結，這間拉麵店朋友真的沒有介紹錯，是會再次光顧的一家拉麵店喔

平時屯市就行得多，但都無留意呢間餐廳，因為佢嘅位置唔太起眼，係喺Aeon超市果層嘅一間小店。今次係第一次幫襯呢間餐廳，感覺唔錯，以後又多一個選擇既然叫大門拉麵，緊係要試佢嘅拉麵啦，我叫左大門特製拉麵唔算話真係超超超好食，但咁嘅價錢唔洗加一算係咁，流心蛋又好食 再叫左個餃子（無影相），正常水準發揮，唔係特別出色，但係個皮煎得脆嘅，都唔錯總結黎講，係屯市用餐嘅一個好選擇，唔貴，餐廳細細地但環境ok，有啲日本嘅味道

今日下午老公話想食拉面，揀左呢間平時都幾多人排隊既"大門拉面"第一印象就係佢既價錢都幾相宜，$55就有一碗拉面，係香港黎講呢個價錢算好抵。雖然睇落呢度既招牌係油面夠沾面，但我都係想食d 熱同有湯既野，所以同老公一樣都揀左最classic 既.. 🍜大門拉面 $55佢既拉面係沾面個種粗d 同彈牙d 既面，岩晒中意食煙um 野既我。不過佢既湯底真係無乜味，我要加左d pepper 同埋辣麻油先覺得有味小小。㕚燒都係一般反，不過個溏心蛋做得唔錯，如果黎到記得加$12 要個蛋。