大門橫丁 (厚福街)

营业中

休息中

黑蒜油湯豬軟骨手打烏冬湯底好咸，好似平時食出前一丁嗰隻黑蒜油豬骨湯味， 味精感非常重。佢配料都幾多，有兩嚿日式魚蛋，有糖心蛋，粟米仲有兩嚿青豆添。非常可惜嘅係， 佢嘅豬軟骨唔係豬軟骨，係豬硬骨。。。 真係好失望呀！ 我記得一年前呢食過嘅時候個豬軟骨係軟骨嚟㗎，啫喱狀，入口即溶個隻！ 講真如果唔係嘅話就唔好拎出嚟賣。。沙嗲湯牛肉手打烏冬都係好鹹，正常沙嗲湯咁嘅味，牛肉都係嗰啲打邊爐嘅質素。整體感覺好一般，環境非常迫，仲有啲污糟㖭。雖然佢呢個價錢係尖沙咀嚟講唔算貴， 但係質素真係可以做番好少少。

同友人行尖沙咀，無揾定食邊間，所以去厚福街逛下，我地都唔想食米飯，所以就決定入去大門橫丁，因為講到明係主打串燒同手打烏冬！入去先知環境好狹窄，無咩空間。。。講下野食啦:特色燒茄子，好多蒜，少少香辣，唔錯！串燒牛舌，好厚切，略嫌咸左少少，但口感好正！荔枝豬腩肉卷，好清新，好甜，最啱食哂所有野之後食！燒雞皮蝦，超級推介，脆卜卜嘅外皮夾蝦肉，好好味呀！ 將雞皮代替蝦殼，絕對係懶人之選！燒三文魚鰭，加埋檸檬汁，啖啖油香，好味道！三重芝士焗野菜，可自選2款菜，友人揀左蘆筍同秀珍菇，比想像中細碟，不過真係好芝！橫丁沙嗲湯手打烏冬，有牛肉拼豬軟骨，個湯真係一流，好香花生味，d烏冬亦好煙韌彈牙！幾乎飲哂d湯！脆脆鱈魚片蟹子沙律手卷，友人極力推介，成個咬落去就係清新嘅味道！今日d單好似有d混亂，有幾枱客(包括我地)都漏單，職員唔算好有禮貌，不過食物質素好就無所謂啦！

菜式：鮮蟹肉蕃茄濃湯手打烏冬 $84【蕃茄湯偏酸，有連蟹肉食有淡淡海鮮味，但與蕃茄湯不太相襯】極上牛肉手打烏冬配魚介湯 $80【魚介湯香濃，但牛肉質素尚可接受，牛味較淡，略嫌粗糙，整體來說性價比中等】蒜香燒北海道元貝 $44【外脆內軟， 裙邊烤得香脆，肉質結實而不過韌，蒜香濃郁但不會over，全晚之最】整體來就，不過不失，但手打烏冬來說並沒有很出色，有待改善，但是可以一試。回頭率：🐒🐒🐒（滿分5隻）

行去尖沙咀厚福街要搵嘅食簡直好易，我就鍾意揀依間大門橫丁，晏晝真係超抵食。只需 $59 就有串燒丼可以任選 四串 抵食 仲有飲品兩個人 交換食 有8款呀🤣串燒有好多種選擇，豬牛羊魚菜咩都有齊只可惜冇牛舌但整體來講，全部都好好食😋😋鹽燒豬腩肉最好食第二係海鮮菇牛肉卷第三係汁燒雞肉我一碗白飯，同埋半隻糖心蛋😝😝對於一啲鍾意食串燒嘅人來講，簡直係有好多選擇。晏晝都要等成15至20分鐘先有位，位置唔算好多，但都坐得幾舒適。

本身一心諗住嚟食烏冬，點知見到lunch限定嘅串丼，幾特別，而且見隔離枱嘅串燒賣相都唔錯就嗌咗。佢啲串燒有四款系列：鹽燒、韓醬燒、汁燒、辛辣燒🍢因為見個丼得四串，驚份量好少同撈唔到飯，就試匀各系列嘅肉🥩每串都有三舊～鹽燒豬腩串👍🏻👍🏻👍🏻👍🏻👍🏻燒得啱啱好，肉質鮮嫩唔韌，食落有陣陣鹽味，但又唔鹹，好想encore🤤！韓醬燒豬腩串👍🏻👍🏻👍🏻👍🏻用平時嘅韓式醬醃製，甜甜地，同豬腩肉好夾，推薦！😍汁燒金菇肥牛卷👍🏻👍🏻👍🏻個卷好大舊，卷咗好多金菇，不過肥牛有啲燒到乾乾地，三大舊會略嫌有啲濟，同人share會好啲～☺️辛辣燒豬腩串👍🏻👍🏻👍🏻因為四串都食唔岀邊串辣，用排除法揀岀淨返嗰串😂第一啖食落似鰻魚汁，有啲似燒汁嘅味，雖然食唔岀咩汁，不過啲肉好好味😋佢有秘制辣汁同日式和風汁比你撈飯，我揀咗秘制辣汁，都真係有啲辣，不過好惹味，亦係值得推薦！飲品：柑桔蜜🍹係溝到好淡嘅柑桔檸檬🍋飲品：巨峰提子活性乳酸系列🍇淡淡地嘅提子乳酸味，普普通通同行友人嗌咗西班牙豚肉自家製地獄濃湯烏冬，我試咗幾啖湯，覺得唔係地獄級嘅辣，但感覺似飲緊辣油，偏油膩🙈

平時食一串串燒要$20到$30，lunch time 串燒飯 $62 可以滿足到口癮。隔離枱狂食串燒，要串燒不要飯，絕對可以濫用午餐的價錢食好嘢。味道不錯的而且串燒款式多，送凍熱飲品，不過製作需時如果趕時間就食烏冬啦。#大門橫丁

之前係同男朋友一齊食宵夜既愛店, 大牌餐牌款式好多, 啲相張張都影得好好食, 烏冬同串燒都係而度既主打, 估唔到午市更抵食, 同比起晚市少人啲。自家製鮮蕃茄濃湯烏冬 (西班牙豚肉) $60我每次必叫, 蕃茄味濃, 調味剛剛好, 食完係唔會(確)口個種, 而且因為濃湯, 所以掛湯力強, 烏冬似係手打烏冬, 微煙韧, 口感唔錯, 豚肉就不過不失, 4片左右, 厚薄適中, 唔老。串燒丼飯 (選4種, 日式和風汁) $59鹽燒特級牛舌 (+5), 韓醬燒蒜芯豬腩卷, 汁燒北海道元貝 (4粒, +5), 汁燒金菇牛肉卷好好食, 一上台都幾震撼, 啲串燒逼爆個碗, 和風汁同丼飯幾夾, 唔會死咸, 另外都會有一小碗放側邊, 方便去點串燒, 貼心位, 但白飯就份量唔多, 女仔食就岩岩好, 男仔食就應該唔夠。1.鹽燒特級牛舌 (+5), 男朋友最愛, 一串三粒, 牛舌偏厚, 燒得岩岩好, 有彈性亦都保持到肉汁, 配上鹽燒, 簡單又好味。2.韓醬燒蒜芯豬腩卷, 而款都好食, 出色在於蒜芯, 脆口好新鮮, 配埋豬腩卷既油脂, 會想再encore3.汁燒北海道元貝 (4粒, +5), 普通, 同出面一般燒肉

和朋友經過入去食午餐，我叫咗辛辣番茄湯烏冬配埋叉燒～味道好好～蕃茄湯很濃郁，不過就不太辣。另外配埋嘢飲～都只係$59另外還叫了串燒，都好好食😋我好鍾意食😋😋😋

雖然厚福街有好多嘢食，但每次都只係會諗起大門橫丁👍🏻 因為呢度嘅手打烏冬真心又平又出色！和風燒鳥手打烏冬 配沙嗲湯底🥘 💰82 (好味道:💛💛💛💛 )燒鳥=燒雞，呢款烏冬係一個好朋友超級推薦我😆 上次佢叫完，分咗兩件燒雞俾我食，真係驚艷到我！！所以我今次嚟都會叫返，店員見我唔食得辣，就推介沙嗲湯底，會比較惹味🤤 燒雞唔似其他餐廳咁用煎嘅方法，而係燒出嚟，雞皮位卜卜脆，識落仲有陣炭燒香味🤩注意返：因為大門橫丁嘅燒雞係真係要時間燒出嚟，所以會比其他烏冬等耐少少。和風炒牛肉溫泉蛋撈手打烏冬 🍲💰78 (好味道:💛💛💛💛)第一次試撈烏冬，夏天咁熱，如果頂唔順食熱辣辣嘅湯底，可以叫下撈烏冬試吓😉 一上枱已經聞到好大陣和風味~ 即係類似壽喜燒嗰陣甜甜地嘅味，相信小朋友都會好鍾意！將中間嘅溫泉蛋撈勻，你買旁邊嘅洋蔥一啖食落口，又甜又有蛋味👍🏻 有驚喜！人均消費: 💰88環境:💛💛💛💛服務:💛💛💛💛推薦:💛💛💛💛💛

They having different dishes and combinations for undo, a bit hard to choose for me. And i wanna appreciate the service here, so good!Cause the waitress helped us to change a bigger table when she saw someone left yaya thank you so nicee haa, the first table is too crowded for us laaaTried homemade undo with pork cartilage and homemade tomatoes soup, such a really good choice, the taste is perfect with right sweetness, and strong tomatoes flavor, i love the soup so much, and i like pork cartilag

串燒係令人又愛又恨的食物。愛是因為任何食物拮左落竹籤度，味道和趣味都會被提升。恨是佢會好似愛情之箭咁，令你和燒肉緊緊地黏在一起，情難自控，甚至愈食愈多！📍串燒😈丼飯午餐4串串燒，半份溏心蛋，大大碗紫菜飯和1杯飲品。串燒的選擇算多，喜歡的基本都有。我和友人點了：肥牛金菇卷、牛舌、護心丸、雞軟骨丸、雞肉串、牛肉串、翠玉瓜等。醬汁選擇亦多，個人喜歡最簡單的鹽燒，不過辛辣燒和韓醬都得意，可以試吓。雖然冇太驚艷，但呢個價錢，CP值算好高，行過路過可試喲❤️

無得去日本🇯🇵旅行🧳好彩香港有好多居酒屋🏮比到大家旅行的感覺！今次介紹一間好食的居酒屋，🤣本人去過兩次ga啦！今日試下個lunch 先🤩☑️自家製鮮蕃茄濃湯西班牙豚肉手打烏冬（$60）手打烏冬依然出色，烏冬粗幼不一！但係真係十分彈牙，而且無酸味，手打烏冬加分！🙈而番茄真係鮮番茄！稍酸食過黑蒜味就覺得出色好多🤩🤩🤩☑️吉列炸蠔（$18）第二次食吉列炸蠔，依然好出色，新鮮炸起，蠔🦪都算新鮮，配埋個芝士醬好夾，必叫小食😍

早在幾年前曾試過他們的手打烏冬可能期望太高失望更大當時沒打算再嘗試這次是朋友介紹說他們的串燒不錯而且不用排隊我們便給予他再一次機會4串串燒+半個糖心蛋及飲品有三款醬汁選擇$62 一個套餐當中有些串燒需要加錢才能加配例如鰻魚就加$5鰻魚串彈牙，牛舌串的味道如燒臘店的牛舌，蒜心豬肉串的豬肉比較薄，但不膩，金菇牛肉串較多金菇整體味道不算太咸，如果不夠味也配有醬汁是一碗很飽肚的午餐唯一不足是飲品飲品毫無誠意是用一些濃縮汁加水開出來的真的喝不下建議增添一些茶飲在套餐內供客人選擇

尖沙咀厚福街呢間🔥串燒烏冬🍜專門店都開咗好耐，友人話想食🤤烏冬，就入去試吓佢！呢個係溫泉蛋🥚沙律🥗手打烏冬🍜，沙律菜🥬🍅幾爽幾新鮮🤩。烏冬🍜撈埋溫泉蛋🥚同佢個沙律醬汁🤤一齊食好滑好開胃👍！秘製🐖豬軟骨手打烏冬🍜入面嘅豬軟骨好𣺉😋好入味而且份量唔細，烏冬爽滑幾好味！呢個係😍岩鹽串燒雞皮蘆筍，雞皮燒🔥到好香脆唔油膩，捲埋啲露筍一齊食好夾😋。總體來講食物🤤不過不失，簡單而😋美味，價錢💰合理，有機會會再試下佢其他嘢食。

收九點 朋友話不如食啲嘢 咁食咩？⋯近近地食個「大門橫丁」～好耐冇食啦！ 🥗和風鴨胸沙律和風鴨胸沙律 朋友想食胡麻醬 但係嚟到就變咗類似燒汁咁嘅嘢 不知道 可能係本身就係燒汁 雞胸份量都算幾多嘅 菜都脆脆地正常🌟沙嗲豬軟骨烏冬之前都係食開呢個 但今次食呢唔知係咪口味唔同咗 覺得啲豬軟骨有啲柴柴地 都可以嘅⋯咁個沙嗲湯底依然好濃郁好正 ～烏冬份量都夠🐙炸墨魚咀 炸墨魚咀新鮮炸起好香、好脆、好正🤩不過略嫌有啲啲咸 送啤酒就啱囉～份量都幾多 朋友唔多食 我自己一個食🥸