大門橫丁 (厚福街)

营业中

休息中

小朋友固然鐘意食日本嘢，平日佢一定話要食壽司，但去得多都悶，魚生丼怕佢食唔哂啲飯，食拉麵又覺得好單調。搵到呢度有手打烏冬，有燒物好開心😃咩都有咁，梗有一款啱食。我哋先嚟個蟹肉湯烏冬，大大碗好多烏冬麵條，啖啖蟹肉，湯底好夠味，濃濃蕃茄蟹湯酸酸甜甜，阿寶好鐘意。牛油雜菇，好香喔，仲好爽口彈牙芥末八爪魚🐙，超濃芝士，我就好鐘意，小朋友覺得有點辣。推介：燒三文魚頭豆腐雜菜沙律🥗，意想唔到好大碟，真抵食

又再次幫襯大門橫丁因為都係俾佢嘅串燒吸引！串燒種類非常之多，有蔬菜、豬、牛、海鮮、甚至羊架，分別由二十幾至四十幾蚊不等，唔同時期有一啲特色同埋特價嘅串燒。燒年糕夠特別好味最抵食都係北海道元貝，性價比高！今次就幫襯左芥末沙律味同埋汁燒，燒豬腩肉好味，燒牛肋肉都係非常香口，每一種串燒都做得好好。燒年糕夠特別好味！明太子蛋卷串，甜味同鮮味都有！特別推介燒原隻魷魚筒，燒汁好味，魷魚筒外皮香脆，Q彈！鹽燒三文魚頭都係水準之上食物係用心製作嘅餐廳，雖然價錢比較貴咗少少，但係真係好好味！

辛辣魚介湯牛肉手打烏冬 $80以為會好辣點知我覺得完全唔辣魚介湯味都幾濃郁 用料都好足 牛肉略嫌有少少硬 溏心蛋超好食 重有枝豆蔥同鳴門卷 成件事望落冇咁dry😋 睇尖沙咀用咁嘅價錢食到一半手打烏冬真係好抵

難得疫情開始緩和, 黎到happy friday 當然要同朋友出來聚一聚傾下計啦, 香港地度度都多人, 最好都係相約旺區, 今晚就約左朋友去尖沙咀嘅大門橫丁, 平常呢條街都係行去尖東嘅時候先經過,但得兩個女仔胃口好少所以就決定叫串燒啦環境方式因為餐廳比較少卡位而且檯都係以一字直排開, 所以私密度唔高嘅, 因為疫情關係所以都開隔一下,都坐得自在嘅韓醬燒牛小排牛小排本身已經口感好軟綿而且肉味好出, 而小排入面有油脂燒熔後咬落去感覺非常滿足, 再加上韓醬比日式燒汁更重味道, 所以成串都好濃味, 用來配啤酒係幾好嘅選擇胡麻軟殼蟹沙律手打烏冬呢樣作為唯一嘅主食, 絕對係非常正確, 首先軟殼蟹嘅分量十足, 睇相都見到隻蟹成個碗面咁大, 炸衣好薄而且炸得酥脆, 帶少少鹹味而又有蟹肉, 一定要食左隻蟹先之後先再倒胡麻醬落去烏冬度撈, 胡麻醬份量多而且濃度剛好容易拌勻, 所以所有烏冬都會沾上胡麻醬, 烏冬本身比較軟所以掛汁效果一流, 生菜本身亦都好夾個醬, 所以整體味道係唔錯嘅, 調醬濃淡嘅要記一功燒魷魚筒咁岩叫嘅魷魚筒觸鬚比較短, 但筒身都比較長而且肉厚, 加上燒汁掛上後用炭火燒所以別有風味, 因為新

之前同朋友到大門橫丁食野，叫左個魚介湯雞柳手打烏冬同紐西蘭大蜆烏冬，兩個烏冬整體味道算唔錯，不過雞柳烏冬上面D青豆是生生地咁放落去，個人口味上我唔太岩食，但只代表我個人口味，唔係佢特別有問題。不過，個大蜆烏冬既大蜆真係好大，大約像三個五蚊硬幣加埋，賣相一流食味唔錯。再加上佢既手打烏冬的確好滑，水準之上，可以再光顧。

我去同同事食宵夜，叫個野蓮豬腩卷。我認為 係小食類入面最好食， 因為嗰啲嘢蓮真係好脆， 有少少似韭菜， 搭咬落去又係軟熟啲同埋鮮嫩啲。 另外嗌咗烤菠蘿， 嗌咗兩個烏冬， 嗌咗啲餃子， 最重要捱咗兩壺熱清酒。 個熱清酒係幾新鮮， 暖暖地， 冇咁寒涼， 一啖一啖飲上心頭， 同朋友傾下傾下計咁飲， 係開心係舒服嘅。 不過個價錢食下食下都幾貴， 唔經唔覺埋單都每人 成接近200蚊。

每次想食烏冬既時候，偶然都會想起大門橫丁，除咗佢呢間啲烏冬全部都係用石頭窩上都冇咩印象仲有边間喔!每次吃，都會點蕃茄湯底既烏冬，熱辣辣，又酸酸地確實係幾開胃，同呢到有好多款小食可以餸杯啤酒，簡直係平民之選2個人點咗勁多小吃，炸炸炸，全部都係炸個帶子好食，啖啖肉，佢話每日限定 1日得25只，我地叫果時仲有5只甘熱氣既環境緊係叫杯鬼佬涼茶，清下熱氣，而朋友点了杯柚子洒整體來說，平民價錢，低食又好食，偶然都會來吃的

與友人來到尖沙咀搵食，本想去一下厚福街幾間黃店，但真係大排長龍，再加上落雨，便來到這間店。我地被編排入座卡位，但其實行入去枱與枱之間的路好窄，雖然只係兩三步，好唔容易先至行到入去，好彩卡位是舒適的！今日天氣又落雨又熱，唔太想食一碗熱辣辣嘅嘢，所以揀左呢碗撈烏冬。其實我從未食過撈烏冬㗎！呢碗比我感覺幾好，唔係熱辣辣又唔會凍冰冰，太凍嘅食物我唔太喜歡。佢個韓式炒牛肉，我覺得好好味，個醬好香好野味，又唔會太辣，點到即止，而牛肉都好嫩滑，撈埋個溫泉蛋再令烏冬更出色！下次我要試佢個芝士烏冬😋😋

一上到黎賣相都不過不失，份量正常偏少，男人就咁食應該唔會太飽，女仕門就應該岩岩好。牛肉口感正正常常，無乜特別。湯汁黎講，真係有辣同麻，唔係話辣但無料到果啲，我覺得有譚仔既小辣咁上下，但佢個汁太重口味，蓋過曬其他食材既味，令成碗野都係得個辣字，呢到扣分。重點係烏冬真係幾正，口感彈牙，我覺得最正係佢個烏冬！如果轉其他無咁重口味既汁應該幾正！會再翻撻試佢其他既配搭！

路過, 趁未到午飯時間, 唔駛排隊, 快手食個午餐吧! 燒牛舌好好好好食, 又厚又軟, 無筋, 味道唔騷之餘份量又多, 午餐都絶不欺場, 讚! 咖喱就普普通通啦, 唔甜唔辣, 份量都多, 米飯軟硬度剛好! 同事食烏冬, 豬軟骨烏冬! 同樣哋, 豬軟骨份量頗多, 大大件夠淋身, 瘦肉部份唔會好嚡口, 豬骨湯底有點油, 烏冬尚算爽口彈牙, 唔係平價烏冬, 不錯! 

今日收左工同個兄弟去食晚飯，去試下好耐都冇食過既大門橫丁去到大門橫丁一定要食佢嘅烏冬所以我哋都叫咗一個配搭炸蠔之後再叫咗個牛油焗金菇，榴槤炸彈，墨魚咀，牛舌，甜番薯首先呢度個烏冬個湯底做得幾好，沙嗲味夠濃，烏冬係用讚岐烏冬，咬落去好彈牙，炸蠔炸粉唔係太多，所以蠔肉都幾大隻，幾好食墨魚咀冇諗過會咁大舊，雖然係炸，但墨魚咀都仲係幾脆口，所以兩個人食係一定夠牛舌中規中矩，榴槤炸彈應該係即叫即整，因為我一啖咬落去嘅時候，入邊嘅榴槤醬爆咗出泥，仲係熱辣辣牛油焗金菇我覺得係呢間鋪頭最抵食嘅一樣野，因為分量十足，而且我用咗大量嘅蒜頭，好入味呢一間都係一間食飯飲酒既好地方

最近因為工作關係..都在尖沙咀工作🤣決定試哂厚福街食店🥳中午時段來到⛩大門橫丁門面掛滿紅燈籠.十分有特式.套餐價錢都十分平宜.大約💰58連飲品👍🏻🍤忌廉蟹肉餅 💰16這個抵食.忌廉滿滿.蟹肉雖然不多.但這價錢能吃列熱熱的忌廉餅很抵得👍🏻🍛直火燒咖哩吉列炸蝦丼💰58有4隻炸蝦.剛炸好.炸粉不會太老或厚.飯得份量很多.很飽肚.咖哩是用日或咖哩.咖哩有紅羅白和薯仔🍛這一點很加分👍🏻🍛直火燒咖哩吉列豬扒丼💰58這豬扒的炸粉完全分離😥豬扒淡而無味...豬扒是很大份的.但不太推薦😥

以前食lunch成日嚟呢到食烏冬，簡直係lunch首選，自從疫情之後，成公司唔係帶飯就三文治，怕咗出去，忍無可忍，星期六同家人出嚟透氣，行吓行吓突然好想食，唔理咁多，衝咗入去食完先諗，狂風掃落葉叫咗蕃茄湯日本叉燒烏冬、魚介湯炸豬扒烏冬，全部都係食開嘅，一入口啲感覺返晒嚟，燒魷魚呀、炸雞軟骨呀、串燒雞皮蝦點會唔叫，作為一個膽固醇追隨者，講真，味道沒得輸，但始終怕人多，所以食完立即鬆人。

當年政府澳門都home office嘅時候，我都決定所有staff都一齊home office, 但係我自己依然會出嚟見客，而家就係尖沙咀，未夠鐘嘅時候又唔想周街行，咁樣坐低食一個快lunch，行過見到有間大門橫丁，以前有養魚嘅時候，成日會落去金魚街，所以會成日食，而家見到就好啱我胃口，叫咗一個咖喱厚切牛舌，牛舌每一塊切到好似午餐肉咁厚，咬落有彈性，唔會有羶味，再食一啖飯，日本甜咖喱香濃惹味，入面加咗蘋果帶出點點鮮甜味道，另外仲要讚下杯桂花蜜，飲出一種fresh air

今晚去咗試食佢嘅雞泡魚乾、冇雞味又冇魚味、失敗、烏東、失敗、講到天下無敵、成舊水個烏東冇吔驚喜同對面良友快餐差不多！失敗！至於串燒方面雖然款式多但似炸囉、冇肉汁、似食平價肉乾噤、失敗中嘅失敗、仲要等位！講真試過真係好普通囉、坐得又迫唔舒服、D客又嘈、品樓覆習、仲要扮黃店、見到班差佬高層同應該係老闆嘅人喺度講野大大聲又D伙記、真討厭！藍店嚟講佢都算最旺、但又冇聽過佢被裝修、都算猛料、唯一可取係店員服務好、EQ高、飯市多人冇黑面仍有求必應！