大門橫丁 (厚福街)

营业中

休息中

食了大門橫丁很多年，一向都覺得食物同價錢都ok, 唔貴食物又ok, 今次去食有點失望，叫了個吉列豚肉蕃茄烏冬，個烏冬Ok 保持到水準，但個吉列豚肉就.....差到你唔想食，完全咬唔開，最好食返豬軟骨或燒鳥比較好. 講起塊吉列豚肉就生氣，有個扎馬尾長髪既女待應，送個熱烏冬上枱時，成塊布抹過我塊吉列豚肉，嘩，唔知佢係真唔知定假唔知，算，忍左佢，到佢收抬時又把成個蕃茄湯倒在我身上，條裙同個袋都係，我即時平勁大反應，仲要問我有無整到？唉.....可唔可以工作認真d，仲要見到我咁都即走，又無即時拎紙巾俾我！！我要怪既就怪自己，要去食大門橫丁，我可能前世同佢有仇！其實其他同事都好好，雖然價格都平，但都需要提升同事工作質素！為免客人食完一肚氣！

今天在尖沙咀脫毛後又和朋友來到厚福街吃東西，厚福街真的是尖沙咀的美食天堂呢！朋友被大門橫丁的餐牌吸引住，於是便決定試一試。大門橫丁主打石鍋烏冬，而且有很多湯底可以選擇，不喜歡吃烏冬也可以轉要拉麵啊！除了主食烏冬外，也有不少下酒小食一樣好滋味。今次我們又叫了一整桌的食物了，看到都覺得很滿足總共叫了五牒串燒再加兩碗烏冬，不過串燒一牒一串，所以份量不會太多，和朋友一起分享剛剛好，少吃多滋味呢～串燒重點推介 【芝士明太子醬元貝】芝士和元貝的味道很夾，遺憾的是如果可以再熱一點就好了，燒好的元貝邊應該都會變得脆脆的！主食方面，分別叫了兩碗芝士石鍋烏冬，我和朋友都真的很愛吃芝士唷😍【吉列豚肉芝士湯手打烏冬】【吉列蠔芝士湯手打烏冬】濃郁的芝士湯底很滿足，不過吃到最後會覺得很膩，但仍然很愛喝♥完全沒有失望啊！烏冬因為手打的關係，所以很彈牙有口感。吉列蠔和吉列豬豚雖然是炸物，但都不會很油膩很厚粉，感覺不錯呢～這間餐廳整體而言算是不錯的，唯一不足就是食物不夠熱，很多時候上枱都是溫溫的，多放一會兒就很快變涼了。但還是會再光顧的，下次想再試一試其他不同味道的湯底呢！蕃茄湯好像也很不錯的說🤩

看見店內很多人，又想吃串燒，所以入去試試。一行三人被安排坐卡位，幸好是卡位，因為枱與枱之間的距離很近。點了一碗冷烏冬、忌廉蟹肉餅，其他是不同的串燒。烏冬質感不錯，雞絲卻是有點乾和硬。忌廉蟹肉餅，滿口是炸鮮奶的味道，蟹肉就找不到。串燒方面，整體上很多油，尢其鴨舌，吃下去的感覺是炸的，不是燒出來。以食物質素來説，價錢有點過高。但服務人員態度很好。

今日午飯同事介紹去食烏冬，雖然唔近公司，就去一次試吓，就叫咗秘制豬軟骨烏冬蕃茄湯底，估唔到食咗一啖果然超好味😋豬軟骨好淋入味，湯底唔係普通蕃茄湯底，服務態度好，價錢合理，真係可以推介比朋友，真係直得再去，CP值高。

上次同朋友食左一次大門橫丁覺得幾好食 今次決定帶埋男朋友黎trytry🙆🏻‍♀️🙆🏻‍♀️東京鰹魚魚介湯既烏冬 湯底有少少辣 幾好食 個溏心蛋都相當出色🕺🏻🕺🏻🕺🏻🕺🏻下次會想加錢再嗌多粒蛋食😚😚😚仲嗌左個燒茄子食 有d香蔥同大量炸蒜 都幾惹味🥰🥰🥰🥰茄子咬落都幾juice 食完一舊又想再食另一舊🤤

佢D串燒真系唔錯咖 ，特別個燒牛舌，燒雞皮，雞定骨我每次必點，烏冬我就最愛燒烏黑蒜油烏冬，佢塊雞皮真烏每次都燒得甘好咖 ，每次都燒得好脆卜卜，不過每次都要等幾耐下，趕時間就唔好叫呢個燒鳥烏冬喇，另外沙嗲牛肉烏冬我都覺得好正咖，好濃厚既沙嗲湯底，牛肉系算有質素既肥牛黎，不過都幾味精咖，不過唔系成日食都okay既！呢間同旺角分店我都食過好多次喇，兩間水準都okay ga,其他分店我就無食過喇！價錢系講 佢都唔系平咖 不過我覺得好食就值得！重點我系掛住佢D牛舌 真系好香牛味 質感又好好🥰*佢D烏冬份量好小 大食既最好加底！

今晚同朋友仔嚟咗尖沙咀厚福街嘅大門橫丁試吓佢推介嘅石鍋烏冬😛雖然座位唔算好闊但係入邊環境都唔錯👍咁事不宜遲我哋首先每人就要左個石鍋烏冬我自己呢個係海鮮,加地獄湯😛首先配料嘅份量非常足夠入邊有蝦青口鳴門卷等等而且都OK新鮮配合埋石鍋好吸引佢嘅烏冬質地好彈牙又夠多價錢亦都非常平CP值高我哋額外要左小小壽司味道都唔錯三文魚都切得幾大件😙另外仲要埋鰻魚壽司鰻魚上面鋪左啲鰻魚汁甜甜地另外梗係唔少得要多個小食啦我哋要咗個炸雞軟骨一粒粒有咬口 正❤️

近幾年好多人都開始注意自己既身體健康情況，新鮮蕃茄湯底麵食開始流行，湯底酸酸甜甜，又有茄紅素對身體有益，我都開始愛上蕃茄湯烏冬，每次諗起蕃茄湯烏冬就會諗起大門橫丁。今晚同朋友再黎大門橫丁食蕃茄湯烏丁，各自點左蕃茄湯雞柳手打烏冬同蕃茄湯燒鳥手打烏冬，好喜歡個半隻糖心蛋。😋燒鳥即係燒雞，外皮炸到脆卜卜，而且係同烏冬分開上台，咁就唔會令外皮腍晒啦！另外叫左好香口既炸雞軟骨，分量都唔少。最後食埋榴槤炸彈當甜品，又係外面脆卜卜，裡面軟腍腍，味道香濃，但偏甜。

尖沙咀有間新商場開幕，位於星光大道旁的K11 Musea，過去參觀了新戲院看了齣戲，然後和女朋友在K11 Musea商場到處打卡後，就在尖沙咀四處亂逛。終於在厚福街找到了這間掛滿紅燈籠，有點古色古香的串燒店。時間尚早，只是6時40分左右，很多位置。我們點了極上牛肉烏冬，有很多湯底選擇，例如鮮番茄湯、地獄湯、魚介湯、辛辣魚介湯等，我就選擇了魚介湯，因為女朋友喜歡🥰。還有的是青瓜蟹籽沙律和芝士野菜（菜可以七選二：西蘭花、秀珍菇、海鮮菇、秋葵等，我就選擇了西蘭花配海鮮菇）。串燒方面，點了豬腩肉配韓式年糕、我喜歡吃的黑椒蜜糖雞翼和她喜歡的燒菠蘿。烏冬裡有很多牛肉，還有四季豆、兩片日本魚蛋片、半隻溏心蛋，魚介湯味道不錯。燒菠蘿比較甜，雞翼蜜糖味比較少。蟹籽沙律很好吃，蟹籽很多，青瓜絲很清新。芝士野菜，很喜歡的芝士味🐷豬腩肉年糕串，好像有點分體，不過味道尚可。點的份量很好，女朋友也吃飽了😆

平時多數食晚餐魚湯或猪骨湯，今日中午試下食黑毛猪地獄湯烏冬，辣到，好耐未食過甘辣，一路食一路出汗，今日自己一個食無叫到串燒，平時同朋友都好中意叫串燒食，中午食嘅好處，去到即刻有位，平時夜晚一定要等位咖

出嚟睇演唱會緊係要搵下好嘢食啦！不過得2條友，真係好難選擇冇目標咁四圍行，因為時間尚早，想搵啲坐得舒服啲⋯坐耐啲都唔怕比人眼望望呢間款式多，份量少可以樣樣都叫下，唔怕食唔哂浪費所以入去試下。果然唔錯⋯即叫即整！價錢合理燒三文魚好香，芝士西蘭花🥦好味，烏冬好足料軟殼蟹沙律略嫌沙律醬🥗少咗啲（本身鍾意食沙律醬）服務就正正常常啦⋯⋯整體真係算唔錯👍🏻不過真係好少出嚟🤣🤣所以唯有寫下食評⋯支持一下啦💪🏻

叫左豬軟骨烏冬 豬軟骨好唸好好食👍🏼👍🏼溏心蛋生熟程度剛好🥚蕃茄辛辣湯底唔錯🍅 唔係太辣🌶 唔太食得辣都可以試下食完飯食生日蛋糕唔洗收切餅費🎂 店員仲主動幫我地影相📷📷服務態度好好😙

是日星期六返office OT，同同事一點幾落去食lunch。呢間係佢之前來開 覺得好食。但我係第一次食 食完都覺得質素唔錯。而且lunch呢個價 係尖沙嘴區來講都算平～$58蚊包埋嘢飲 而且lunch免加一。同同事都不約而同地order咗豬軟骨 但湯底唔同。我order咗蕃茄湯 果然係超級濃郁 酸酸地好好味 豬軟骨同烏冬都好軟熟 好入味～唔知烏冬軟熟度有冇得揀🤔可能有人會比較鍾意食硬身少少嘅烏冬。之後會再去試下其他湯底同料理

一個人的午餐就簡簡單單,叫個蕃茄烏冬靜靜地Enjoy大門橫丁上菜速度幾快,烏冬質素不錯一。烏冬煙韌,蕃茄湯濃郁,豬軟骨煮得林,食物夠熱絕對係平平哋又好食既Lunch之選。兩點幾過咗最繁忙時間嘅lunch time,不得不提我最重視嘅服務態度,員工服務態度參差,有啲係ok既,亦有個別侍應比較hea,會跪喺卡位度玩手機,忽略左隔離舉手既食客。雖然呢度唔係高級食肆,但係基本服務態度都應該稍為留意一下,希望公司如果見到呢個情況,可以略為留意,以便質素提升。

午飯時間，好不容易先至喺厚福街搵到幾個座位同同事食晏。今次嚟到開咗好耐嘅大門橫丁，望住厚福街嘅食肆周不時都會改頭換面，唯獨呢間大門橫丁依然屹立不倒，相信必定係實力之選既然呢度係出名烏冬，今次自然就係叫佢嘅自選烏冬，有好幾款湯底可以選擇，例如沙嗲湯、番茄湯、鰹魚湯等等。我係番茄湯嘅忠實fans，所以今次就叫咗蕃茄湯豬軟骨烏冬蕃茄湯豬軟骨烏冬 $58可能由於繁忙時間，落單之後都等左差唔多三四個字先至上菜。盛住烏冬嘅器皿好得意，好似一個小小嘅鍋，啱啱落枱啲湯仲滾緊起緊泡泡，真係熱辣辣夠新鮮。先飲一啖蕃茄湯，番茄味好濃郁，味道唔會過鹹，飲完湯唔會太口渴。配菜有粟米粒、支豆、兩塊鳴門卷。而主菜豬軟骨都有三大舊，軟骨部位炆得特別淋，咬落充滿膠質！烏冬麵質比較軟，雖然唔係彈牙果種，不過就好滑溜，好索湯。跟餐仲有大大杯凍蜂蜜綠茶哩度唯一缺點係坐位比較逼，冇咁舒服，不過整體味道唔錯，價位亦合理。