天下茶屋 (福榮街)

营业中

休息中

咖喱飯有得揀唔辣我地叫左咖喱芝士豚肉飯同咖喱芝士吉列豬扒飯兩碟芝士都好多豚肉咖哩飯配搭唔錯，唔熱氣個吉列豬比係荃灣個間吉列豬專門店好食好多！炸得金黃，唔厚粉，肉實覺得新奇叫左杯生薑鮮奶抹茶好彩冇中伏，還可以唔係難飲鮮奶抹茶🍵似奶綠味而奶綠又夾到薑味呢間係一間好平民既餐廳食完去行街

今日收工見冇野做就黎左深水埗搵野食。途經福榮街見呢間鋪裝修新淨,價錢合理,於是就試下新野。菜式選擇都相當多,我就叫左個餐廳推介既燒芝士咖喱吉列豬排飯。當咖喱飯上擡個陣仲係熱騰騰,而芝士係主要集中係中間,咖喱汁就舖係周圍,汁同芝士份量唔算多,所以食落去有些少淡。豬排份量十足,炸得都相當厚實,飯量都相當足,食完會有種好飽好滿足既感覺!

上次咁岩去黃金買完電腦零件，就係附近行下睇下有咩食，之後發現左呢間咖哩，烏冬專門店，咁橫掂我都唔知呢題有咩食，就決定試下呢間新野。一去到已經比佢個飲品menu吸引住，最後決定叫左個抺搽豆腐($18)，因為平時係出面未試過呢種，想試下佢個豆腐究竟係咩回事。杯野一黎到，就發現原來豆腐個意思係杯抺搽個底度有d豆腐花咁，飲落滑嘟嘟咁，好似平時飲d涼粉冰咁，係多左份豆味，而且抺搽個味道都幾濃郁配埋個豆腐花真係唔錯，下次經過都會再買黎飲。另外，叫左個咖哩炸雞飯，但分數橇對上無飲品咁高分，因為隻咖哩都係普通個種日本咖哩，初初諗住見佢係咖哩專門店，點知最後都係無咩驚喜，反而個炸雞就炸得幾香口，熱辣辣咁，而且份量都唔小，所以呢個都拉番小小分。

今日得閒帶埋老婆出嚟食嘢 ， 本來食旁邊馬德里，但眼見呢間舖頭 咖哩好似好好味所以決定入嚟食， 本身我老婆懷孕擔心唔食得乳酪，啲職員都好耐心解答，決定可以唔洗加冰🤣， 唯獨是點咗個咖哩吉列豬扒飯實在太辣 最後要求畀個另外一個咖哩我哋，職員都好有禮貌 整體嚟講算十分唔錯， 會有下一次機會再食。

琴日夜晚經過深水埗， 見到呢間天下茶屋餐牌好似幾吸引， 而且價錢唔貴， 於是就入嚟一試。張落餐紙都好精緻，好日系啊， 滿滿的少女心啊😂最後叫咗一個唐揚雞球咖哩飯、 一個火炙帆立貝湯烏冬，同一杯寒天袖子烏龍茶。唐揚雞球咖哩飯， 揀咗激辛， 係有啲辣嘅， 但就真係未至於激， 應該話係唔係幾夠激😂但咖哩汁都算濃郁，味道都唔錯， 雞球嘅份量就唔太多， 但都算ok嘅，都幾香口，但就有啲似係翻炸嘅。火炙帆立貝湯烏冬， 有四種湯底可以揀， 而且唔係普通嗰啲湯底， 都幾特別， 喺黑松露忌廉湯同明太子忌廉湯之間糾結咗好耐， 最後勝出嘅佳麗係明太子忌廉湯， 個湯一嚟到就睇落好吸引咁， 忍唔住即刻想飲一啖。 點講好呢， 好似就唔係好明太子， 反而唔知點解有種似係蕃茄薯仔湯嘅味道， 雖然唔係好明太子， 但我自己覺得都幾好飲嘅， 而且個湯好濃稠， 唔係平時稀溜溜嗰啲湯水，濃稠既湯會令人想飲完再飲。 火炙帆立貝都有五六粒， 而且都算幾大隻，味道正正常常咁。呢杯寒天袖子烏龍茶， 雖然唔算好大杯， 但都算幾足料， 入面有好多(蒟蒻?)，唔太肯定， 同埋袖子皮， 應該係平時人哋用黎用袖子食得果種， 就咁飲上面嘅有支烏龍

見到呢個名，就會諗起大阪既天下茶屋站，唔知有冇關係呢嘻嘻，突然有一份既親切感，望下個menu又有幾多野食，雖然望落又好似唔太正宗既日式菜，但價錢好親民，深水埗勝在有呢類食店，成功幫助下我地呢d小市民。正因為樣樣野都好抵，我同朋友都叫左唔同既小食試下：汁煮茄子冷盤小食，煮得入味又開胃，一口接一口咁食，作為前菜幾好。三味芝士燒玉子可能有過高期望，但都不過不失，玉子又厚又甜，食完都有少少飽，最好2－3人share. 單骨雞翼炸得好香口，有少少辣，估唔到o係日本餐廳都有得食，其實好食過大型m字頭的脆香雞翼，值得一試！溫泉蛋鹽燒豬肉丼入正題，呢個真係我推介之選，65hkd，份量一望就知好多，豬肉蓋滿成個飯面，燒得好香，鹽味岩岩好，唔會太咸；加上溫泉蛋同少少蔥花調味，真係好滿足！一個飯加幾個小食，再加2杯特飲，價錢都好合理親民，又可以食唔同菜式，呢種食店真係值得支持！

在深水埗做完嘢已經2點多，太肚餓了，隨便搵間望落似樣的食肆，想舒舒服服的休息吓！餐牌選擇不算很多，午餐來説也ok，我揀了吉列咖哩豬排飯（$58-）連熱蜂蜜烏龍茶。蜂蜜烏龍茶先上，飲落不是「我杯茶」，完全是烏龍茶加了蜜糖，甜甜地之外，茶味與蜜糖味不算很夾。咖哩豬排飯的豬排排列整齊，外觀不錯（註：圖片是筆者心急想食而弄散了🤪）。豬排炸粉很薄，咬落鬆脆，肉亦厚身，亦有少少juicy，好味。👍🏻👍🏻👍🏻 咖啡汁味道亦香，不辣。只可惜咖哩汁是凍的，在冬天，完全不合格。另外，汁的薯仔及紅蘿蔔太少。它只要在這兩方面做好，評分絶對可以有70分以上。

臨夜晚純粹想隨便找間餐廳平平地填飽個肚算。走到門店前，店員都是用地道廣東話招客人，以為只是一般茶記出些扮日系的飯菜，只見價錢6，70元左右。一出場就是明太子湯底的烏冬，其湯料足足淹沒所有材料 ，且好香好滑，沒味精成份，可以直接飲，但好飽好高卡路里🤦。其大蝦好有誠意，腳全部剪掉，也切了少少開口，方便客人可以只用叉和筷子就可以拆殼，且蝦肉烤焗得又香又帶點點燶燶味，非常可口。 建議再加配隻溫泉蛋，沾上烏冬來吃。至於丼就非常失色，鰻魚和飯底也欠缺醬汁，吃之無味，小薯唯有只靠味付三珍來送飯😫😫😫，唉

陪大肚婆同事作最後定期檢查後喺附近醫醫肚, 大肚婆話唔餓得! 佢食吉列豬扒湯烏冬 (明太子忌廉湯底) $66 ~ 無明太子味的忌廉湯, 白色味道淡淡的, 薄薄的豬扒, 炸粉有點厚, 烏冬尚算彈牙…完! 我食溫泉蛋烤汁牛肉丼 $65 ~ 溫泉蛋係唔流心無蛋味, 牛肉份量多, 唔嚡口不過無味, 成碗飯都無乜味道! 最難飲係杯香桃鮮果乳酸, 好似一杯冰水加幾滴乳酸咁….難飲到極致! 環境光鮮乾淨, 不過價錢又唔係平, 坐位又唔舒服, 食物出品就一般啦! 飲品真 超級差! 

最近宵夜時段都同🙎🏻‍♂️起深水埗一帶遊走今日決定試下依間日系既茶屋吾知有無人同我一樣，中意望下餐廳既風格/裝飾？裡面既吊燈就吸引到我既注意力⚠️令我諗起日本既夏日祭😂😂😂<幻想力豐富的我>風格都係以簡單清新既木系為主。雖然地方吾大但勝在舒服👍🏻餐廳吾會有餐牌❌你只需要用枱上面既落單紙落單就可以。落單紙非常簡單易明雙面設計，第一版係主食，第二版係小食+飲品。而且價錢一啲都吾算貴，可能深水埗太多美食。如果定價太高就會流失客源。所以都係以親民價做生意。睇完成張紙，最後我地簡左依幾款食物同飲品。⚠️飲品温馨提示:改配料係免費🆓但加配料(小丸/寒天/紅豆/豆腐/爆珠)就要+$4,中意飲奶蓋既朋友仔可以加$8有個沖繩海鹽奶蓋。但記得飲品係有熱有凍👈🏻熱飲係加吾到奶蓋的！過開深水埗既朋友仔可以試下依間食物-咖哩飯/丼/烏冬/小吃/飲品都性價比高。環境-舒服簡單，當你離開餐廳後會覺得又反回現實的感覺。📌天下茶屋 (深水埗)🗺地址 : 深水埗福榮街118號地舖

今晚經過呢間店鋪，睇見裝修唔錯，就入來試下。點知中伏！呢個鰻魚飯賣相可以，但喺味道很一般。炒雜菜太鹹，而且用咗娃娃菜，唔爽口，唔好食！呢個飯落單之後差唔多半個鐘先來。而且阿嬸服務態度勁惡劣！掛著同其他食客傾計，就用及其敷衍的態度回我：「來緊嘅啦！來緊嘅啦！」然後繼續同其他食客傾計，都無去催下！真係未見過服務咁惡劣嘅侍應！最好上咗來D炸雞喺凍嘅！而且咖哩很一般！芝士唔得！炸雞更加唔得！總之因為阿嬸嘅惡劣態度毀咗美好嘅一餐！

平時帶媽咪出街都係食D平平地又有特色既野,今次係深水埗食就係貪平,呢間茶屋絶對有驚喜好可愛的日式裝潢溫泉蛋鹽燒豚肉丼溫泉蛋完全流心,又有蛋黃香味,蛋黃味香濃幻滑豬肉好JUICY ,份量都多,飯係用日本米,好有口感三味芝士燒玉子三種口味原味、明太子同黑松露芝士有些許流心效果單骨雞翼雞翼外層的炸得酥脆鬆化內裡的雞肉嫩滑寒天蜂蜜爆珠烏龍茶 (必點)---$14有寒天同爆珠,多重口感重點係又平又好味,份量又多抹茶有抺茶的茶香又不太甜,十分好飲

配薯條嘅黑松露醬都俾得幾多!圖係照燒雞扒飯 $50食物足料, 餐廳裝修幾清新, 又齊配套希望佢唔會因為人多咗而減少份量啦...同埋出餐飲可以爽手啲... 我地跟咗好多次

懶得影相， 中午去店舖環境唔錯舒適仲播住日文歌， 叫咗個咖哩飯，叫咗個湯烏冬。咖哩似即食咖哩個味，烏冬配明太子湯底味道同罐頭湯相似，野飲好淡， 好無誠意， 成餐只有薯條最好食 ， 沒下次

這間日本嘢專門食日式咖哩飯和湯烏冬，價錢親民，食物選擇也太多了！害我這個有選擇困難症嘅人，一坐低就花咗好耐時間選擇😅沖繩海鹽奶蓋烏龍茶 (HK$22) 加寒天 (+HK$4) 這個飲品配搭是絕配👍🏻，沖繩海鹽奶蓋好好味，烏龍茶茶底香濃不淡，寒天軟硬適中，好Q口感，好飲😋牛肉明太子忌廉湯烏冬(HK$60) 加隻温泉蛋 (+HK$9)溫泉蛋，提提店員之後先送上，不過蛋真的香滑好味😋。湯烏冬上面鋪了好多片好味的牛肉，烏冬的麵質彈牙軟滑。不過個明太子忌廉湯就奇怪一啲，沒有明太子嘅鹹香味，但我食到薯蓉嘅味道，薯味重呀，好奇怪🥴單骨雞翼 (HK$26/5隻)炸得金黃酥脆，肉質鮮嫩多汁，一點也不油膩，正👍🏻