天丼てんや

营业中

休息中

淺草海老天丼 ＄81(黑虎蝦3隻• 茄子•紫菜•四委豆)～好大隻虎蝦🦐🦐 炸到金黃色🤤好脆🤤巨星天丼＄85(黑虎蝦 •本菇•魷魚•帆立貝•蟹柳•四妥豆 •紫菜)~ 呢款就多d款色俾我試晒 仲有我最愛既帆立貝單叫：福岡明太子魚餅 🐟$28 廣島蠔🦪天婦羅 $32蒲燒鰻魚天婦羅 $36～D粉好薄, 唔會食到成口粉, 炸得好脆🥰又夠熱! D蠔又無炸到入面乾晒「勁力推介 💖」#天丼 📍青衣青敬路33號青衣城地下G02號舖_______________________#天丼 #青衣美食 #日本菜🇯🇵 #日本菜🍣 #香港美食 #食好西 #食食食 #japanesefood #japanfood #japan #tastegood #findgoodfood #lovefood

淺草海老天丼 $78虎蝦3隻、四季豆2條、茄子、紫菜天婦羅全部都係即叫即炸，所以都要等一陣㗎～外層炸粉好薄好脆，入面又唔會炸得太乾，而且唔會油膩！蝦幾大隻，肉質彈牙夠鮮甜，重點係有三隻咁多哈哈哈🦐🦐🦐紫菜包住炸粉炸咗一半，呢半好脆好好食👍🏻🤪四季豆唔似炸過，保留到本身食材有嘅味道華味鳥天丼 $72雞肉、雞肉丸、蓮藕、四季豆2條、溫泉蛋雞肉肉質鮮嫩多汁，食落一啲都唔漏口蓮藕有驚喜，爽口清甜！隻蛋嘅蛋黃好大粒，蛋汁撈埋啲飯食一流天婦羅汁係靈魂，甜甜地，撈埋啲飯一齊食真係絕配！麵豉湯好夠熱，入面有豆腐粒同海帶等材料，但係就偏鹹咗少少🤏天丼 (青衣)青衣青敬路33號青衣城地下G02號舖

叫左個85蚊的set 有穴子，一隻蝦，菇，蟹柳同一片茄子，蝦係炸得ok, 不過個蝦尾隻殼比較硬。味道ok ，炸得夠脆，但無麻油香，但炸蟹柳真係麻麻地好味份量，足夠飽，可以叫少飯，因為炸物無咩味，所以要落醬油整體ok, 服務ok等侯時間：我約十二點半到門口，等左三十分鐘左右

呢間天丼平時一定排長龍，所以每次放返到青衣城都係叫外賣返屋企食，不過就算買到返屋企食，個天婦羅都一樣鬆脆，今日放假晏晝見唔使排隊，即刻入去試個堂食，我叫左個人氣熱賣既豚骨白湯天婦羅烏冬，天婦羅即叫即炸，所以要等一陣，天婦羅有兩條四季豆，一件茄子，一件蓮藕，一件蟹柳同主角兩隻大既炸蝦天婦羅，烏冬用咗稻庭烏冬，爽滑彈牙，豚骨白湯有濃濃嘅麻油味，呢間天丼開左一段時間，水準依舊好味，食飯既記得落個靈魂醬汁。

第一次食呢間連鎖天婦羅店，竟然有驚喜！全部天婦羅都好夠味，特別值得一提嘅係魷魚🦑同埋本菇🍄，魷魚大件又夠淋，另外本菇加左天婦羅粉原來效果好特別。帆立貝同黑虎蝦都好唔錯，連飯都好好食，總值整體感覺唔錯，下次想食天婦羅都會再訪！.First time at this chained tempura spot and it totally exceeded our expectations! The cuttlefish and mushrooms tempura were our favourites! The cuttlefish was super soft and fresh and the mushrooms were surprisingly good with the tempura batter! The prawns and scallops were delicious too. Will definitely revisit when I am craving tempura!.🍤穴子海老天丼 HKD 85🍤巨星天丼 HKD 82

我說：滿足到我的兩個天丼，是指兩個也很好味，它的蟹柳外面炸到脆卜卜，內面又有軟林林的蟹柳，這一條蟹柳，很有蟹柳的味道很入味。我吃那一個巨星天丼，有一塊白色的魷魚，他已經幫你切片，魷魚入面滑脫脫，像一塊魚片。 這條炸蝦，很平常不是很特別，還有這個紫菜，炸了一半紫菜配飯，很好吃！❤飯軟綿綿紫菜又脆卜卜夾埋來，很特別。一還有我媽媽的這個天丼也不錯👌，我媽媽的天丼叫做穴子天丼，穴子天丼裏有茄子🍆，我很喜歡吃這個茄子，因為它有一點甜，它的味道很特別，不像一個平常有普通的茄子，它的味道10分特別又很好吃。😋環境：🌕🌕🌕🌖精緻：🌕🌕🌕🌕🌖服務：🌕🌕🌕🌕🌗好吃：🌕🌕🌕🌕🌗舒服：🌕🌕🌕🌕🌖

呢間天婦羅飯，原來同元朗YOHO個間係一樣，有飯/麵餐選擇🖐🏻 麵類有烏冬/素麵/蕎麥麵～仲要全部$100樓下😭 質素高！宇宙的味道！🍚個人推介食飯的配搭😋珍珠米撈秘製豉油很讚，少食飯的我都食哂！🍄本菇咬菇好似肉的口感，🦑唔爽馬馬地！🍤天婦羅海老大大隻，有手掌咁長，係虎蝦！❤️‍🔥全部熱辣辣上菜，仲有麵豉湯送，大滿足！🍱 圖一：淺草海老天丼 （$78）虎蝦x3、紫菜、四季豆、茄子🍆🍱 圖二：巨星天丼（$82）虎蝦、帆立貝、本菇、紫菜、四季豆、魷魚🦑

聽人講天丼每日都好多人排隊，有日平日好好彩經過青衣城見到佢無咩人終於可以去試下啦 ! 一個人食，叫左一份天婦羅蕎麥麵，野食黎到見到佢地既擺盤好靚，同模型還原度都幾高😹 有一刻錯覺回到日本既感覺～蘿蔔蓉好開胃，佢地既wasabi配秘製sauce同蕎麥麵好夾，食完真係有refresh 既效果🤩最後試埋天婦羅 ! 一咬落去就覺得同出面日式餐廳好唔同，佢地既炸皮好薄，但好酥脆，入面仲保留到蝦同蔬菜既juicy🤤唔洗排隊絕對值得一試👍🏻

天丼係日本既分店真係多不勝數，近幾年更加將業務擴展到亞洲唔同地方，香港亦都已經開設左3間分店了，今次我就黎到青衣店我都知道每間分店指定動作就係玩排隊，所以我揀左食晚市最早時段，真係可以直入穴子海老天丼有黑虎蝦、穴子、蟹柳、紫菜、本菇、菇子 & 四季豆，好豐富呀，新鮮炸起熱辣辣的，個漿粉唔厚又鬆脆，隔油都做得唔錯，唔會食到成口油，再蘸埋佢既靈魂醬汁，真係幾好食天婦羅蕎麥麵黑虎蝦2隻、蟹柳、茄子、蓮藕 & 四季豆，天婦羅始終都係炸物，其實都幾熱氣，配凍既蕎麥麵感覺上可以降降溫，減左個油膩感天婦羅真的不錯，價錢又平易近人，性價比高，我覺得就算要排一陣隊都值得既

去完迪士尼必食❣️位於青衣的天婦羅店！每次夜晚去都排哂長隊😳.天婦羅烏冬（醬油湯)👍👍👍👍👍非常有驚喜😬呢間鋪選用稻庭烏冬，扁身但不失韌度。醬油湯底非常開胃而且有一粒粒柚子，令成個湯底香氣昇華😍天婦羅即叫即炸，外衣非常脆，虎蝦天婦羅仲要勁大隻，呢個必點！.天婦羅蕎麥麵👍👍👍👍朋友嗌咗冷麵但食完烏冬之後覺得烏冬比較好食😂天婦羅都係同一碟.華味鳥天丼👍👍👍個人覺得醬汁不夠，自己比較重口味所以狂加豉油😂但係雞肉天婦羅肉質鮮嫩但就比起烏冬冇乜驚喜🥺.價錢: ~ $80-100 pp性價比： 🌝🌝🌝🌝回頭率：🌝🌝🌝🌝🌝

今日係青衣行完山後去青衣城覓食，去親青衣通常都會去幫襯天丼，因為係香港得三間分店，較少機會會食到，係我猶豫緊食唔食熱氣野之制，俾我見到有期間限定既青森天丼，所以冒住食完會喉嚨痛既危險都要去試下。人龍吾算好長，排大約半小時就入到去，坐低就立刻叫左個青森天丼試試，青森天丼包括有刺身級帆立貝、熟帆立貝、黑虎蝦、長芋、金菇、大葉配沖海老和紫菜。刺身級帆立貝超大隻、厚身，口感十足，熟帆立貝也不逞多讓，火喉剛好，容易入口。長芋初初醒不起是什麼，咬一口就知道是鮮淮山吧！黑虎蝦夠晒大隻，皮衣薄脆，咬落啖啖蝦肉。金菇炸得超脆，感覺就像食薯片的一樣。沖海老甜甜地，要黎撈由青森米煮成既飯，真係一流！再配埋用特選堅魚片熬煮而成既靈魂之醬汁, 簡直食到停吾到口呀！

巨星天丼：大大隻蝦，帆立貝，魷魚，蟹柳，本菇，四季豆，紫菜，見到咁大碗已經好滿足，炸物唔熱氣，唔流，飯用日本珍珠米所以好香大大粒，好味。華味鳥天丼：麻麻天婦羅蕎麥冷麵：麵好好食，汁調味得好好，又大碟，正，推介。八爪魚天婦羅：店主推介，好大條，好食😋

🌍天丼 (青衣)餐廳人氣旺盛 好多人排隊去食 一於就去食啦 食物主打食天婦羅 真係唔錯 最精華係佢地既靈魂之醬汁 日本醬油廠超過150年歷史 特製鰹魚熬成 天婦羅加幾滴醬汁 真好好味 下次再食先上天丼 華味烏天丼有6件炸物 分別係蔬菜同海鮮類 兩者都唔錯 用到既炸粉夠薄而脆 特別係西季豆炸物 入面保留西季豆鮮味同汁 另外華味烏天丼係蔬菜同雞肉炸物 雞肉係雞胸肉 肉質彈牙同嫩滑茶蒸碗即叫即蒸要等15分鐘左右，器皿蒸碗好精緻，一打開熱辣辣香噴噴既蛋香味，鋪上有飛魚子同蟹都好靚，食落蒸蛋好滑好香，好似豆腐花咁滑！💵消費：168✨環境：7/10 🙋🏻‍♀️推介：7.9/10📍青衣青敬路33號青衣城地下G02號舖

今日凍凍地行青衣城，晚上大約七點多，見到條龍有10個人左右，其實嗰刻只想搵碗熱食，麵好飯好，總之要䁔一向我都懶排隊，尤其肚餓又凍諗住去隔離間羅宋湯專門店食碗熱湯麵，點知溫度Lo被拒入內，太差嘅服務令我不禁去天丼排一排隊，雖然見到好多人都點冷麵，但我一來想熱食一來想試少人選擇嘅食品，結果選咗個白湯蕎麥麵，又出奇地好食天婦羅差不多基本食材都齊，粉又唔算厚，點埋佢百年歷史傑作嘅醬油。一個飯餐一個麵餐再加一個炸蘋果雪糕，加一埋單都係2百頭員工服務態度不錯👍都算係錯有錯著，搵到美食

黎到青衣城，突然想食日本野，走左黎依間排隊，大概半個鐘左右入得去。。。由於lunch time, 唔食想d太飽既野，叫左個天婦羅蕎麥麵依間既天婦羅都幾好味！依個天婦羅組合有幾款，分別有黑虎蝦、四季豆、茄子及蓮藕，每件既炸粉好薄又炸到金黃色，食落好香脆呢！而蕎麥麵揀了冷麵，麵既質感👍，不會太軟軟或太硬，仲配埋冷麵汁及芥末，好清爽@@另外，叫左個炸蝦丼飯🍤🍤飯量偏少，可能唸住d炸物太膩，不過食下食下都好夠飽🤣