天丼

营业中

休息中

菜式選擇唔多，天婦羅炸得都ok但食到後半part就覺得好油膩好滯唔想食，成舊水個飯冇配菜又冇飲品，有d唔係好值，最大問題係冬天佢都可以熱到焗爐咁，食完出汗拿拿聲埋單走人

此店已是第二次幫襯, 新開業時食過覺得唔錯, 今次翻兜再去試下, 可惜失望而回 食物 : 鰻魚丼飯 $98 ~以這個價錢, 鰻魚質數好普通, 飯量很少, 食完都唔係好飽 巨星天丼 $89 ~ 有虎蝦/帆立貝/魷魚/蟹柳/紫菜/本菇/四季豆, 種類有很多, 價錢唔算好貴, 但天婦羅不是新鮮炸出來, 應是返炸過, 外皮有D淋, 不夠香酥, 比較失望 環境 : 日式木系裝修, 舒服乾淨 服務 : 職員有禮貌 費用 : $205 (含10%服務費)

我叫咗個好似係$45蚊嘅套餐，埋單連服務費$49蚊🤔 套餐入面有：* **櫻花蝦濃湯拉麵🍜:** 嘩！個湯底真係好濃郁呀！飲落去好暖胃🥰，櫻花蝦嘅鮮味好突出🦐！麵條都煮得啱啱好，彈牙爽口，唔會腍，唔會硬！👍…但係！份量真係少到一個點呀！😱 我講笑都唔敢咁講！😂 真係正常人一口就食晒嗰種細碗！ 食完拉麵仲係好肚餓！🤰 呢個係唯一嘅缺點！😭 以呢個份量計，$49蚊個套餐，性價比真係唔算高！🙅🏻‍♀️* **七味雞翅🍗:** 外皮脆卜卜，雞肉嫩滑juicy，七味粉嘅辣味同香味恰到好處🌶️，食落去好惹味😋！* **章魚燒🐙:** 熱辣辣🔥，個皮脆脆地，入面嘅章魚粒都幾大舊，口感好好！總括嚟講，呢個套餐除咗拉麵份量少到離譜之外，其他嘢都幾好食！但係拉麵係套餐嘅重點嚟架嘛！😭 如果拉麵份量正常啲，性價比就會高好多！👍 環境都幾乾淨企理！📍 天丼てんや Tempura Tendon Tenya📍將軍澳坑口重華路8號東港城2樓216號舖________________

餐廳唔算起眼，唔打唔撞街街下街見到有開食天丼價錢又唔算貴，就入去試下。除咗有個大陸口音女侍應答問題問非所答之外😂環境、食物都唔錯👍🏻叫咗2個set巨星天丼黑虎蝦，帆立貝、魷魚，蟹柳 紫菜，本菇，四季豆華味雞天丼華味鳥雞肉2塊，華味鳥雞寶，蓮藕，四季豆，溫泉日本蛋除咗雞肉同雞寶有d失望之外，其他都幾好食👍🏻炸粉好薄好乾身唔會滴晒油，材料都幾新鮮，本來仲想加埋甜品，但份量都幾足夠，好飽😂下次會再嚟食

由一鋪已經食，最近啲餸越來越細件，今日件蓮藕正頭薄過紙。我情願佢加吓價好過。唔好菜類都縮皮丫。炸蝦比開頭都係細隻左，明白唧。其他白飯，冷面嗰啲就正常，無話好左差左。

我一向都幾鍾意食天婦羅嗰日朝頭早上網撳撳下睇下有咩嘢食就發現新都城有間專係食日本天婦羅嘅店舖好似呢間嘢都幾出名所以我就去睇下係咪真係咁好食喺佢一開門口我就企咗喺出面排隊啦好彩都排隊排得早因為我入咗去之後好快就full咗之後就一路好多人喺度排隊入到去之後見到貌似有好多唔同款式揀但其實佢哋啲樣同內容都好似所以我就揀咗最簡單嗰隻但其實都已經好好食佢啲天婦羅都幾大隻嘅唔會話炸到好乾外面脆得嚟裏面都可以保持到適當嘅水分跟住點返佢嗰隻醬料都幾夾雖然佢都有外賣但我個人覺得一定係堂食趁熱食等佢啱啱整好吹卜卜嘅時候先係食天婦羅最好嘅時候有機會都可以再去食不過可能要睇時間如果唔係就好多人排隊啦

喺將軍澳返咗2年工都冇諗過食呢間野，今日見佢唔使等位，懵查查衝咗入去，咁就賴嘢，豬軟骨拉麵，麵底好似即食麵，中式豬軟骨，跟條豆角，以為喺茶記食緊辛辣麵仲要限時45分鐘，人頭最低消費$80, 那裡來的勇氣！

將軍澳呢間天丼天婦羅飯都開咗一段時間，終於有機會同幾個朋友嚟晚餐店員服務都幾好介紹我哋點樣落單我叫咗個巨星天丼（黑虎蝦、青森帆立貝、魷魚、蟹柳、紫葉、本菇、四季豆都真係配搭款式好多）天婦羅炸得恰到好處皮脆唔會太厚粉漿，亦都唔會食到太油膩朋友叫咗個拉麵晚餐，佢話湯底濃郁味道都OK有一定水準👍🏻👍🏻

其實將軍澳專食天婦羅店嘅舖頭真係唔多。得知這間天丼開咗喺東港城，第一次來嘗試午餐。因為見佢平時夜晚經常要排隊，所以都冇選擇食，難得今日食午餐冇咩人？唔使排隊就可以入去。叫了一個天婦羅凍烏冬定食，價錢大約$90左右。先講烏冬，烏冬入口非常彈牙，而且少少涼涼地，很開胃。另外天婦羅方便，份量都算多，大約都有七至八舊，天婦羅一定是即叫即炸，上枱時非常新鮮熱辣辣。天婦羅非常香脆，吃得出入面的食材非常新鮮，食材包括蟹，蝦，枝豆，魚，南瓜，蓮藕等等。總結而言，唔怪得知呢間咁多人排隊，因為真係有質素嘅天婦羅餐廳👍🏼👍🏼👍🏼

最近去坑口食天丼，試咗佢哋嘅巨星天丼，真係cp值高。首先，天婦羅飯嘅主角：黑虎蝦、帆立貝、魷魚同蟹柳。呢啲海鮮材料炸得香脆，外脆內嫩。黑虎蝦肉質鮮嫩有彈性，帆立貝甜味十足，魷魚有啲嚼勁，而蟹柳鮮美多汁。每一口食落去，都能夠品嚐到呢啲海鮮嘅鮮甜風味。除咗海鮮，紫菜、本菇同四季豆嘅加入令天婦羅飯更加豐富口感同層次。紫菜帶嚟脆脆嘅口感，本菇散發出香氣，而四季豆則帶嚟清爽嘅蔬菜口感。呢啲配菜同海鮮嘅結合，令呢道菜更加豐富多元。

住將軍澳嘅我一有一野開張都會試，雖然你今天丼已經開咗一段日子，就係驚個仔又排隊，所以遲啲先試🤣🤣今日星期日你食個午飯排咗一陣隊就有得入座我哋一行四人叫咗四款唔同嘅丼飯，但你多一啲驚喜都冇😝仲感覺好多粉漿，所以我只係淨係影咗自己一碗，諗住味道應該唔會太差啦但真係一啲驚喜都冇肉質唔好汁冇汁，粉漿比較厚，同埋唔夠脆，所以我哋快快脆食完都走人😫😫個天婦羅飯中間唔知點解有一劈白色嘅醬汁，一啲都唔好味，可能我唔識欣賞，原本我真係好鍾意食炸天婦羅，希望下次嚟嘅時候佢可以有所改善

留意咗呢間好耐，終於有機會食。叫咗呢個餐，覺得性價比高啲，因為如果係配烏冬嘅話要加十幾$20 ，比較唔抵。瞓啦都好足，有蟹柳，有蝦，有四季豆，有茄子。即叫即制，所以天婦羅都好新鮮，脆卜卜，唔會淋晒。Pei買特製嘅醬汁，成碗飯容乜易食晒。

今日去到天丼試咗佢哋嘅炸蝦天婦羅同冷蕎麥麵，真係好滿意！炸蝦天婦羅外皮香脆，蝦肉鮮嫩多汁，每一口咬落去都好滿足。炸得啱啱好，唔會太油膩，食落一啖又一啖，真係停唔到口。蝦嘅份量都好足夠，飽足感十足。冷蕎麥麵清爽可口，麵條彈牙好滑口，配上醬汁同埋蔬菜，口感非常協調。麵味道淡而不乏風味，非常適合夏天食。特別係炸蝦天婦羅同冷蕎麥麵一齊食，味道更加平衡，令人回味無窮。天丼的價格相對平實，餐點份量適中，物超所值。店內環境舒適，服務員態度友善，令用餐體驗更加愉快。

天丼的天婦羅真是令人驚艷！味道非常可口，而且炸得恰到好處，一點也不油膩。每一塊天婦羅都炸得金黃酥脆，配合入味的天婦羅汁，吃起來口感非常棒！而且天婦羅汁也非常入味，每一口都能品味到豐富的風味。他們的廚師真是炸天才！這家餐廳的服務質量真是一流，服務員非常周到，定時添茶，讓我們感到被照顧得無微不至。他們的專業態度和友善笑容讓整個用餐體驗更加愉快。即使他們收取一點服務費，我也覺得非常值得。餐廳的環境也很舒適，氛圍愉悅，值得推薦！

食過好多次《天丼》，但每次都係外賣返屋企食，難得經過東港城，當然唔好錯過食熱辣辣天婦羅嘅機會啦，最重點係星期六中午一點半竟然無人排隊。🥢海老滑蛋丼 $79 ⭐️⭐️⭐️⭐️現場食除咗可以食到熱辣辣兼彈牙嘅蝦天婦羅外，仲可以食到香滑嘅蛋，半熟蛋+洋蔥+白飯真係勁好味，外賣係唔會食到架。🥢天婦羅蕎麥麵(冷麵) $88 ⭐️⭐️⭐️⭐️最多人叫係冷麵，但唔明點解冷麵嘅天婦羅無得選擇，獨沽一味係蝦+蟹柳+茄子+蓮藕+四季豆，不過樣樣都好味，食極都唔會厭。🥢菠蘿天婦羅配雪糕 $22 ⭐️⭐️⭐️⭐️竟然黐張甜品menu响枱面誘惑我！菠蘿天婦羅係估唔到嘅好味，重點係要加上面半溶嘅雲尼拿雪糕一齊食，味道同口感都唔錯幾特別，不過下次要飛走我至憎嘅肉桂粉。二人共消費：$207