天仁茗茶 (上水中心)

营业中

休息中

87折經openrice購買天仁茗茶coupon, 就可以兌換價值30蚊飲品一杯、方便又容易使用、仲可以即買即用、隨時買杯野飲奬勵下自己。今次係第二次用呢款coupon, 揀左杯秋冬推介桂花金萱冰茶、淡淡桂花香味配合金萱茶、值得一試。温馨提示：其中一啲舖唔用得coupon

我剛才點了杯番石榴檸檬綠茶，然後飲2口，就有無窮的子，咬唔難咁進入我嘴內。依杯飲品，實在太古怪，我問職員佢話係咁...究竟係咪真架？出品無覺得有問題咩？點解唔隔咗啲子去，等客人容易飲用？唔吞得，真唔明....

呢間廢水店每次經過都俾佢地雪糕吸引，今日終於要來試試口味就有3種口味，本來想食綠茶味，不過店員話只係等番913，咁就試913！（其實脫店裡只有一台機，極度懷疑每天都只有一種口🙈）913茶味濃，軟綿綿易入口！可能因為太軟？形狀跟圖片不一樣未食拎上手已經失望性價比：⭐️⭐️⭐️ 5星滿分 $28來說偏貴 不值得總結 有好大改善空間，茶味做到好足，雪糕質地要改進下天仁茗茶 (上水)上水智昌路3號上水中心2樓2211號舖

係我最鍾意飲嘅香芋鮮奶綠加珍珠正到…….「…，🤪🤪🤪🤪🤪⋯⋯最近去咗第二間公司幫手飲到🥸🤩🥳⋯⋯我天仁茗茶係我最鍾意嘅手搖店😉⋯⋯香濃嘅芋頭味

天仁茗茶以前都幾受香港人歡迎茶味濃 奶味重 飲品嘅款式種類都多元化有一樣係佢哋引以為傲嘅係佢哋嘅珍珠係用蜂蜜浸過珍珠鮮奶6913鮮奶茶仲有黑糖珍珠鮮奶茶 以前成日去問有黑糖未因為煮黑糖珍珠要時間所以通常要晏晝一兩點先有而家沖出尼 真係冇以前咁好飲😩😩😫😫

同個囡去完行市買餸，經上水中心商場返屋企，當經過天仁茗茶的時候，心郁郁想飲返杯飲野，再加上阿囡話好口渴，咁嘅情況之下，無理由唔買返杯嘢飲下我今次就揀咗飲冬瓜茶，少甜，熱既.....好彩時間仲係好早，無甘觸人排隊買飛，等既時間都唔算好耐，大約10分鐘左右就有得飲，唔知關唔關我飲熱飲事呢！ 可能係無咩人同我一樣中意飲熱野，所以今次就甘快....今次嘅甜度啱啱好，適合大人同小朋友飲，既可消暑由解渴，阿囡都好鍾意飲，仲同我爭黎飲.... 下次可以試下涷既冬瓜茶先

由於天氣炎熱，喺街度行一陣都已經流曬汗， 於是乎就走入商場打算飲非常出名嘅天仁茗茶。去到門口，已經見到一大班人企喺度排隊等緊，相當熱門。 由於屋企人咁啱叫到，我就順便買埋佢哋嗰份拎返屋企飲。913茶王 七分甜少冰 $18價格同普通奶茶店差唔多，但係質量就相當高，茶味十分獨特。 睇返網上介紹，原來913茶王用嘅茶葉非一般坊間會用嘅茶葉， 係半發酵嘅烏龍茶， 難怪咁特別，味道香濃，回甘綿長，十分推薦!!另外我仲叫咗珍珠奶綠， 係熱門飲品之一。 當中最特別嘅係天仁茗茶嘅珍珠， 同一般嘅珍珠唔同，佢加咗蜂蜜落去，提升咗整體味道，值得試下!

有事北上上水一趟，首次踏足上水中心知道天仁茗茶做緊用匯豐信用卡找數買一送一優惠梗要去幫襯吓星期六下午都幾多人當中超過一半用匯豐優惠明明自己唔飲奶同奶精不過為了優惠（買一送一要同款）同顧及同行友人感受今次破例點了冰珍珠奶茶（3分糖，少冰）我知道用匯豐優惠要飲品同款但我唔知原來甜度同冰塊都要一樣（因為我本身想一杯3分糖，另一杯0糖，但店員話唔得）到最後都點了冰珍珠奶茶、3分糖、少冰$21/2杯抵到冇朋友由於好多人用匯豐優惠店員工作量可謂double，做到冇停手我同朋友去附間銀行櫃員機，之後先返來拿嘢飲點知過了籌號，但我地2杯都沒有出現在櫃面 (可能其他人拿了......）我手拿收據問店員: 點解個number過咗但我都唔見我2杯嘢飲？店員看看櫃面已弄好的飲品，確認真係冇我number嗰2杯都有即刻幫我地整返天仁茗茶，質素正常珍珠是好𡁻的，但黑糖味不突出

睇住呢間天仁茗茶喺上水開，我諗我大大話話都飲咗50杯，最愛都係黑糖珍珠奶茶，茶味真係好足，而且佢嘅黑糖可以揀多甜定少甜，啱晒我呢啲想飲又怕肥嘅女人，而且佢啲珍珠唔會「林啤啤」，非常煙韌，所以飲極都唔厭，老實講咁多間珍珠奶茶，真係佢最好飲

食完米線好想飲返杯珍珠奶茶，就去左最愛既天仁茗茶買返杯自從誠品書店進軍香港，天仁茗茶就愈開愈多分店係香港! 好易就會搵到一間我今次叫左一杯珍珠奶茶 (少冰) - $20茶味濃郁，加上佢係用明治鮮奶，而唔係坊間一般用既奶粉，所以奶味好重天仁茗茶既珍珠係以蜂蜜浸煮半個鐘，食落好香蜂蜜味，而且非常煙韌!!! 好好食!依家好多茶飲店都差唔多賣成30幾40蚊一杯，佢$20就有一杯珍珠奶茶，仲要係好好飲，性價比真係好高!!!

上水中心呢間天仁，一開嘅時候，都好好生意，長期打蛇餅。初初開嘅時候，都有排隊買過黎飲，我多數都買珍珠奶茶/913奶茶加珍珠。當時味道係唔錯嘅，都會想一買再買。但到近排再去飲嘅時候，已經唔洗再排隊，咁我又貪得意口痕買杯913珍珠奶茶飲，真係難飲到不得了，簡直嬲到想講粗口，浪費曬我啲錢！茶冇茶味！已經叫左茶濃，都淡到水咁，啲珍珠都算勉強ok，飲左兩啖唔對路，叫佢地重新沖過杯換俾我！但都係一樣，已經俾過兩次機會！唔會再有第三次！

香港越來越多台式飲品店，每家都有自己招牌野去吸引大眾去，但好飲大家先會再買，天仁茗茶好岩我，最初飲，最常飲的是913茶王，有時唔想飲甜野，出到街食完飯飲杯茶就最正，因為佢夠甘香，所以好好味，如果買佢地既茶葉我會推薦313~佢比913味道更甘甜，用少少茶葉可以沖泡多次，味道超好！最正就係帶茶葉去飲茶，同屋企人，朋友邊食邊嘆靚茶，個個大讚，真係飲多過食！今日又經過天仁見到出左一星期左右既913黑糖珍珠鮮奶茶，沒有抱太大期望，只見新產品岩飲就試下，下午茶時間好多人買，等左10幾分鐘，拎上手上凍下暖，奶茶整熱左好香，再加返冰，攪一攪飲得！黑糖珍珠超級煙韌，滑口～而且真係有黑糖味，奶味香濃，由於奶多過茶飲到一半己經好飽，下次飲要少奶多茶！